Samhitapadapatha 159.3

159.3

2
jana̍sya | go̱pāḥ | aja̍niṣṭa | jāgṛ̍viḥ | a̱gniḥ | su̱'dakṣa̍ḥ | su̱vi̱tāya̍
navya̍se || ghṛ̱ta'pra̍tīkaḥ | bṛ̱ha̱tā | di̱vi̱'spṛśā̍ | śu̱'mat | vi
bhā̱ti̱ | bha̱ra̱tebhya̍ḥ | śuci̍ḥ || ya̱jñasya̍ | ke̱tuṃ | pra̱tha̱maṃ | pu̱raḥ'hi̍taṃ
a̱gniṃ | nara̍ḥ | tri̱'sa̱dha̱sthe | saṃ | ī̱dhi̱re || iṃdre̍ṇa | de̱vaiḥ | sa̱'ratha̍ṃ
saḥ | ba̱rhiṣi̍ | sīda̍t | ni | hotā̍ | yaja̍thāya | su̱'kratu̍ḥ || asa̍m̐'mṛṣṭaḥ | jā̱ya̱se̱ | mā̱troḥ | śuci̍ḥ | ma̱ndraḥ | ka̱viḥ | ut | a̱ti̱ṣṭha̱ḥ
vi̱vasva̍taḥ || ghṛ̱tena̍ | tvā̱ | ava̍rdhayan | agne̍ | ā'hu̱ta | dhūmaḥ | te
ke̱tuḥ | a̱bha̱va̱t | di̱vi | śrita̍ḥ || a̱gniḥ | na̱ḥ | ya̱jñaṃ | upa̍ | ve̱tu̱
sā̱dhu'yā | a̱gniṃ | nara̍ḥ | vi | bhara̱ṃte̱ | gṛ̱he'gṛ̍he || a̱gniḥ | dū̱taḥ
a̱bha̱va̱t | ha̱vya̱'vāha̍naḥ | a̱gniṃ | vṛ̱ṇā̱nāḥ | vṛ̱ṇa̱te̱ | ka̱vi̱'kratu̍ṃ
tubhya̍ṃ | i̱daṃ | agne̍ | ma̱dhu̱mat'ta̍maṃ | varca̍ḥ | tubhya̍m̐ | ma̱nī̱ṣā | i̱yaṃ
a̱stu̱ | śaṃ | hṛ̱de || tvāṃ | gira̍ḥ | siṃdhū̍m̐'iva | a̱vanī̍ḥ | ma̱hīḥ | ā
pṛ̱ṇaṃti̱ | śava̍sā | va̱rdhaya̍m̐ti | ca̱ || tvāṃ | agne̍ | aṅgirasaḥ | guhā̍
hi̱taṃ | anu̍ | a̱vi̱ṃda̱n | śi̱śri̱yāṇaṃ | vanai̍'vane || saḥ | jā̱ya̱se̱
ma̱thyamā̍naḥ | saha̍ḥ | ma̱hat | tvāṃ | ā̱hu̱ḥ | sa̱hasa̍ḥ | pu̱traṃ
aṅgiraḥ