Pramāṇa · Search · About · API

Samhitapadapatha 16

Saṃhitāpadapāṭha 16

Language
Sanskrit

16.1

prathamāṣṭake dvitīyodhyāyaḥ || || hariḥ oṃ
ā | i̱ta̱ | a̱ryāma | upa̍ | gavya̍ntaḥ | indra̍m | ka̱sārkaiḥ | su̱
pra'ma̍ti | va̱vṛ̱dhā̱ti̱ || anā̍mṛṇaḥ | ku̱vit | āt | a̱sya | rāya̍ḥ
gavā̍ṃ | keta̍ṃ | para̍ṃ | ā'va̍rjate | na̱ḥ || upa̍ | it | a̱haṃ | dha̱na̱'dāṃ
apra̍ti'itaṃ | juṣṭā̍ṃ | na | śye̱naḥ | va̱sa̱tiṃ | pa̱tā̱mi̱ || indra̍ṃ
na̱ma̱syan | upa̍'bheribhi̍ḥ | a̱rkaiḥ | yaḥ | sto̱tṛ'bhya̍ḥ | havya̍ḥ | asti̍ | yāma̍n
ni | sarvai̍'senaḥ | iṣu̍'dhīn | asa̱kta̱ | saṃ | arya̍ḥ | gāḥ | aja̍ti
ya̱sya̍ | vaṣṭi̍ || co̱ṣkūya̍māṇaḥ | indra̍ | bhūri̍ | vā̱maṃ | mā | pa̱ṇiḥ
bhūḥ | a̱smat | adhi̍ | pra'vṛ̍ddha || vadhī̍ḥ | hi | dasyu̍ṃ | dha̱nina̍ṃ
gha̱nena̍ | eka̍ḥ | cara̍n | upa̍'śā̱kebhi̍ḥ | indra̍ || dhano̍ḥ | adhi̍
vi̱ṣuṇa̍k | te̱ | vi | āya̱n | aya̍jvānaḥ | sa̱nakā̍ḥ | pra'īti̍ṃ | ī̱yu̱ḥ
parā̍ | cit | śī̱rṣā | va̱vṛ̱ju̱ḥ | te | indra̍ | aya̍jvānaḥ | ya̱jva̍'bhiḥ
spardha̍mānāḥ || pra | yat | di̱vaḥ | ha̱ri̱'va̱ḥ | sthāta̍ḥ | u̱gra | niḥ
avra̍tān | adha̱maḥ | roda̍syoḥ

16.2

ayu̍yutsan | a̱na̱va̱dyasya̍ | senā̍ṃ
ayā̍tayaṃta || kṣitaya̍ḥ | narva̍'gvāḥ || vṛṣa̍'yudhaḥ | na | va̱dhraya̍ḥ | niḥ'
a̱ṃṣṭhāḥ | pra̱vat'bhi̍ḥ | iṃdrā̍t | ca̱taya̍ṃtaḥ | ā̱ya̱n || tvaṃ | e̱tān
ruda̍taḥ | jakṣa̍taḥ | ca̱ | ayau̍dhayaḥ | raja̍saḥ | indra̍ | pā̱re || ava̍
ada̍haḥ | di̱vaḥ | ā | dasyu̍ṃ | u̱ccā | pra | stu̱nva̱taḥ | stu̱va̱taḥ | śaṃsa̍ṃ
āva̍ḥ || ca̱krā̱ṇāsa̍ḥ | pari̍'naha̍ṃ | pṛ̱thi̱vyāḥ | hira̍ṇyena | ma̱ṇinā̍
śuṃbha̍mānāḥ || na | hi̱nvā̱nāsa̍ḥ | ti̱ti̱ru̱ḥ | te | indra̍ṃ | pari̍ | spaśa̍ḥ
ada̍dhāt | sūrye̍ṇa || pari̍ | yat | indra̍ | roda̍sī̱iti̍ | u̱bheiti̍
abu̍bhojīḥ | ma̱hi̱nā | vi̱śvata̍ḥ | sī̍ṃ || ama̍nyamānān | a̱bhi
ma̱nyamā̍naiḥ | niḥ | brahmaṇa̍bhiḥ | adha̱maḥ | dasyu̍ṃ | indra̍ || na | ye
di̱vaḥ | pṛ̱thi̱vyāḥ | aṃta̍ṃ | ā̱puḥ | na | mā̱yābhi̍ḥ | dha̱na̱'dāṃ | pari̍'
abhū̍van || yuja̍ṃ | vajra̍ṃ | vṛṣa̍bhaḥ | ca̱kre̱ | indra̍ḥ | niḥ | jyoti̍ṣā
adhukṣat

16.3

anu̍ | sva̱dhām | a̱kṣara̱n | āpa̍: | a̱sya̱ | a̱va̱rdhata
madhyai̍ | ā | nāvyā̍nām || sa̱dhrīcīne̍na | mana̍sā | taṃ | iṃdra̍: | oji̍ṣṭhena
hanma̍nā | aha̱n | a̱bhi | dyūn || ni | a̱vi̱dhya̱t | i̱lībi̍śasya
dṛ̱ḷhā | vi | śṛṃgiṇa̍ṃ | a̱bhi̱na̱t | śuṣṇa̍ṃ | iṃdra̍: || yāva̍t | tara̍:
ma̱ghava̱n | yāva̍t | oja̍: | vajre̍ṇa | śatru̍ṃ | a̱va̱dhī̱: | pṛ̱ta̱nyuṃ
a̱bhi | sidhma̍: | a̱jigā̍tu̱ | a̱sya̱ | śatrūn̍ | vi | ti̱gmena̍
vṛ̱ṣmaṇe̍ṇa | pura̍: | a̱bhe̱t || saṃ | vajre̍ṇa | a̱sṛ̱ja̱t | vṛ̱traṃ | iṃdra̍:
pra | svāṃ | ma̱tiṃ | a̱ti̱ra̱tu̱ | śaśa̍dānaḥ | ava̍: | kutsa̍ṃ | iṃdra̍
yasmi̍n | cāka̱n | pra | ā̱va̱: | yudhya̍ṃtaṃ | vṛ̱ṣa̱bhaṃ | daśa̍'dyuṃ
śapha̍'cyutaḥ | re̱ṇuḥ | nakṣa̍t | dyāṃ | ut | śvaitre̱yaḥ | nṛ'sahyā̍ya
ta̱sthau || ārva̍: | śama̍ṃ | vṛ̱ṣa̱bhaṃ | tu̱gryā̍su | kṣetra̍'jeṣe | ma̱ghava̱n
śvitrya̍ṃ | gāṃ | jyok | ci̱t | atra̍ | ta̱sthi'vāṃsa̍: | akra̱n
śatru'yatā̍ṃ | a̱dha̍rā | veda̍nā | a̱ka̱ritthaka̍:

16.4

triḥ | ci̱t
na̱: | a̱dya | bha̱va̱ta̱ṃ | na̱ve̱da̱sā̱ | vi'bhu̍: | vā̱ṃ | yāma̍: | u̱ta
rā̱tiḥ | a̱śvi̱nā || yu̱voḥ | hi | ya̱ṃtraṃ | hi̱myā'ī̍va | vāsa̍saḥ
a̱bhi'ā̱yaṃsenyā̍ | bha̱va̱ta̱ṃ | ma̱nī̱ṣi'bhi̍: || traya̍: | pa̱vaya̍: | madhu̍'vāhane | rathe̍ | soma̍sya | ve̱nāṃ | anu̍ | vi̱śve̍ | it | vi̱duḥ
traya̍: | skaṃbhāsa̍: | skabhi̍tāsa̍: | ā̱'rabhe̍ | triḥ | nakta̍ṃ | yā̱tha̱:
triḥ | ū̱ṃiti̍ | a̱śvi̱nā̱ | di̱vā̍ || sa̱māne̍ | aha̱n | triḥ
ava̍dya'gohanā | triḥ | a̱dya | ya̱jñaṃ | madhu̍nā | mi̱mi̱kṣa̱ta̱ṃ || triḥ
vāja̍'vatīḥ | iṣa̍: | a̱śvi̱nā̱ | yu̱vaṃ | do̱ṣāḥ | a̱smabhya̍ṃ | u̱ṣasa̍:
ca̱ | pi̱nva̱ta̱ṃ || triḥ | va̱rtiḥ | yā̱ta̱ṃ | triḥ | anu̍'vrate | jane̍
triḥ | su̱pra'a̱vye̍ | tre̱dhā'ī̍va | śi̱kṣa̱ta̱ṃ || triḥ | nādha̍ṃ | va̱ha̱ta̱ṃ
a̱śvi̱nā̱ | yu̱vaṃ | triḥ | pṛ̱kṣa̍ḥ | a̱smeiti̍ | a̱kṣarā̍'iva | pi̱nva̱ta̱ṃ
triḥ | na̱ḥ | ra̱yiṃ | va̱ha̱ta̱ṃ | a̱śvi̱nā̱ | yu̱vaṃ | triḥ | de̱va'tā̍tā
triḥ | u̱ta | a̱va̱ta̱ṃ | dhiya̍ḥ || triḥ | saubha̍ga'tvaṃ | triḥ | u̱ta | śravā̍ṃsi
na̱ḥ | tri̱'sthaṃ | vā̱ṃ | sūre̍ | du̱hi̱tā | ā | ruroha̍t | rathe̍ || triḥ
na̱ḥ | a̱śvi̱nā̱ | di̱vyāni̍ | bheṣa̱jā | triḥ | pārthi̍vāni | triḥ
ū̱ha̱ti̍ | da̱ttaṃ | a̱dbhyaḥ || omāna̍ṃ | śaṃ'yoḥ | mamaka̍āya | sūna̱ve
tri̱'dhātu̍ | śarma̍ | va̱ha̱ta̱ṃ | śubha̱ḥ | patī̱iti̍

16.5

0 || ya̱jatā̍
di̱ve'di̍ve | pari̍ | tri̱'dhātu̍ | pṛ̱thi̱vīṃ | a̱śā̱ya̱ta̱ṃ | ti̱sraḥ
nāsa̍tyā | ra̱thyā | pa̱rā'va̍taḥ | ā̱tmā'i̍va | vāta̍ḥ | svasa̍rāṇi
ga̱ccha̱taṃ || triḥ | a̱śvi̱nā̱ | sindhu̍'bhiḥ | sa̱ptamā̍tṛ'bhiḥ | traya̍ḥ
ā̱'hā̱vāḥ | tre̱dhā | ha̱viḥ | kṛtaṃ | ti̱sraḥ | pṛ̱thi̱vīḥ | u̱pari̍
pra̱vā | di̱vaḥ | nāka̍ṃ | ra̱kṣethe̱iti̍ | dyu'bhi̍ḥ | a̱ktu'bhi̍ḥ | hi̱taṃ
kvaṃ | trī | ca̱krā | tri̱'vṛta̍ḥ | rathe̍sya | kva̍ | traya̍ḥ | va̱ṃdhura̍ḥ | ye
sa̱'nī̍ḷāḥ || ka̱dā | yoga̍ḥ | vā̱jina̍ḥ | rāsa̍bhasya | yena̍ | ya̱jñaṃ
nāsa̍tyā | upa̱'yātha̍ḥ || ā | nā̱sa̱tyā̱ | ga̱ccha̱ta̱ṃ | hū̱yate̍ | ha̱viḥ
madhva̍ḥ | piba̍taṃ | ma̱dhu̱'peyai̍ḥ || a̱sa'bhi̍ḥ | yu̱voḥ | hi | pūrve̍ | sa̱vi̱tā
u̱ṣasa̍ḥ | rathe̍ | ṛ̱tāye̍ | ci̱traṃ | ghṛ̱ta'va̍ṃtaṃ | i̱ṣya̍ti || ā | nā̱sa̱tyā̱
tri̱'bhiḥ | e̱kā̱da̱śaiḥ | i̱ha | de̱vebhi̍ḥ | yā̱taṃ | ma̱dhu̱'peya̍ṃ | a̱śvi̱nā̱
pra | āyu̍ḥ | tā̱ri̱ṣṭa̱ṃ | niḥ | rapā̍ṃsi | mṛ̱kṣa̱taṃ | sedha̍taṃ | dveṣa̍ḥ | bha̱va̍taṃ
sa̱cā'bhuvā̍ | ā | na̱ḥ | a̱śvi̱nā̱ | tri̱'vṛtā̍ | rathe̍na | a̱rvāṃca̍ṃ | ra̱yiṃ
va̱ha̱taṃ | su̱'vīra̍ṃ || śṛ̱ṇvaṃtā̍ | vā̱ṃ | ava̍se | jo̱ha̱vī̱mi̱ | vṛ̱dhe | ca̱
na̱ḥ | bha̱va̱ta̱ṃ | vāja̍'sātau

16.6

hvayā̍mi | a̱gniṃ | pra̱tha̱maṃ | sva̱staye̍
hvayā̍mi | mi̱trāvaru̍ṇau | i̱ha | ava̍se || hvayā̍mi | rātrī̍ṃ | jaga̍taḥ
ni̱'veśa̍nīṃ | hvayā̍mi | de̱vaṃ | sa̱vi̱tāra̍ṃ | ū̱taye̍ || ā | kṛ̱ṣṇena̍
raja̍sā | varta̍mānaḥ | ni̱'ve̱śaya̍n | a̱mṛta̍ṃ | martya̍ṃ | ca || hira̍ṇyayena
sa̱dhitā̍ | rathe̍na | ā | de̱vaḥ | yā̱ti̱ | bhuva̍nāni | paśya̍n || yāti̍ | de̱vaḥ
pra̱'vatā̍ | yāti̍ | u̱dvatā̍ | yāti̍ | śu̱bhrābhyā̍m | ya̱ja̱taḥ | hari̍'bhyām || ā
de̱vaḥ | yā̱ti̱ | sa̱vi̱tā | parā̍'vataḥ | apa̍ | viśvā̍ | duḥ'kṛ̱tā | bādha̍mānaḥ
a̱bhi'vṛtam | kṛ̱śa̱naiḥ | vi̱śva'rū̍pam | hira̍ṇya'śamyam | ya̱ja̱taḥ | bṛ̱hanta̍m
ā | a̱sthā̱t | ratha̍m | sa̱vi̱tā | ci̱tra'bhā̍nuḥ | kṛ̱ṣṇā | rajā̍m̐si
tavi̍ṣīm | dadhā̍naḥ || vi | janān̍ | śyā̱vāḥ | śi̱ti̱'pāda̍ḥ | a̱khya̱n
ratha̍m | hira̍ṇya'praugam | vaha̍ntaḥ || śaśva̍t | viśa̍ḥ | sa̱vi̱tuḥ | daivya̍sya
upa̍'sthe | viśvā̍ | bhuva̍nāni | ta̱sthuḥ || tisra̍ḥ | dyāva̍ḥ | sa̱vi̱tuḥ | dvau
upa̍'sthā | ekā̍ | ya̱masya̍ | bhuva̍ne | vi̱rā̱ṣāṭ || āṇi̍m | na | ra̱thya̍m
a̱mṛtā̍ | adhi̍ | ta̱sthuḥ | i̱ha | bra̱vī̱tu̱ | yaḥ | ū̱ṃ iti̍ | tat | cike̍tat

16.7

vi | su̱'pa̱rṇaḥ | a̱ntari̍kṣāṇi | a̱khya̱t | ga̱bhī̱ra've̍pāḥ
asu̍raḥ | su̱'nī̱thaḥ || ka̍ | i̱dānī̍m | sūrya̍ḥ | kaḥ | ci̱ke̱ta̱ | ka̱ta̱mām
dyām | ra̱śmiḥ | asya̍ | ā | ta̱tāna̍ || a̱ṣṭau | vi | a̱khya̱t
ka̱kubha̍ḥ | pṛ̱thi̱vyāḥ | trī | dhanva̍ | yoja̍nā | sa̱pta | sindhū̍n || hira̍ṇya'akṣaḥ | sa̱vi̱tā | de̱vaḥ | ā | a̱gā̱t | dadha̍t | ratnā̍ | dā̱śuṣe̍
vā̱ryā̍ṇi || hira̍ṇya'pāṇiḥ | sa̱vi̱tā | vi̱'carṣa̍ṇiḥ | u̱bheiti̍
dyāvā̍pṛthi̱vīiti̍ | a̱ntaḥ | ī̱ya̱te̱ || apa̍ | a̱mīvā̍m | bādha̍te | veti̍
sūrya̍m | a̱bhi | kṛ̱ṣṇena̍ | raja̍sā | dyām | ṛ̱ṇo̱ti̱ || hira̍ṇya'hastaḥ
asu̍raḥ | su̱'nī̱thaḥ | su̱'mṛ̱ḷī̱kaḥ | sva'vā̍n | yā̱tu̱ | a̱rvāṅ
apa̍'sedhan | rakṣa̍saḥ | yā̱tu̱'dhānāna̍ | asthā̍t | de̱vaḥ | prati̍'doṣa̍m
gṛṇā̱naḥ || ye | te | paṃthā̍ḥ | sa̱vi̱tariti̍ | pū̱rvyāsa̍ḥ | a̱re̱ṇava̍ḥ | su̱'kṛ̱tāḥ | a̱ntari̍kṣe || tebhi̍ḥ | na̱ḥ | a̱dya | pa̱thi'bhi̍ḥ | su̱'gebhi̍ḥ | rakṣa̍ | ca̱
na̱ḥ | adhi̍ | ca̱ | brū̱hi̱ | de̱va̱

16.8

pra | va̱ḥ | ya̱hvam | pu̱rū̱ṇām | vi̱śā̍m
de̱va̱'ya̱tīnā̍m || a̱gnim | su̱'u̱ktibhi̍ḥ | vaca̍ḥ'bhiḥ | ī̱ma̱he̱ | yam | sīm̍ | it
a̱nye | i̱ḷate || janā̍saḥ | a̱gniṃ | da̱dhi̱re̱ | sa̱ha̱ḥ'vṛdha̍ṃ | ha̱viṣma̍ntaḥ
vi̱dhema̱ | te || saḥ | tvaṃ | na̱ḥ | a̱dya | su̱'manā̍ḥ | i̱ha | a̱vi̱tā
bha̱va̱ | vāje̍ṣu | saṃtya̱ || pra | tvā̱ | dū̱taṃ | vṛ̱ṇī̱ma̱he̱ | hotā̍raṃ | vi̱śva've̍dasaṃ || ma̱haḥ | te̱ | sa̱taḥ | vi | ca̱ra̱ṃti̱ | a̱rcaya̍ḥ | di̱vi | spṛ̱śa̱ṃti̱
bhā̱nava̍ḥ || de̱vāsa̍ḥ | tvā̱ | varu̍ṇaḥ | mi̱traḥ | a̱rya̱mā | saṃ | dū̱taṃ
pra̱tnaṃ | ī̱ṃdha̱te̱ || viśva̍ṃ | saḥ | a̱gne̱ | ja̱ya̱ti̱ | tvayā̍ | dhana̍ṃ | yaḥ
te̱ | da̱dāśa̍ | martya̍ḥ || ma̱ṃdraḥ | hotā̍ | gṛ̱ha'pa̍tiḥ | a̱gne̱ | dū̱taḥ
vi̱śāṃ | a̱si̱ || tveiti̍ | viśvā̍ | sa̱'gaṃtā̍ni | vra̱tā | dhru̱vā
yāni̍ | de̱vāḥ | akṛ̍ṇvata

Linked texts (9)