Samhitapadapatha 161

Saṃhitāpadapāṭha 161

Language: Sanskrit

161.0

ma̱nu̱ṣvat | tvā̱ | ni | dhī̱ma̱hi̱ | ma̱nu̱ṣvat | saṃ | i̱dhī̱ma̱hi̱ || agne̍ | ma̱nu̱'vat | aṅgi̍raḥ

tvaṃ | hi
mānu̍ṣe | jane̍ | agne̍ | su̱'prītaḥ | i̱dhyase̍ || sruca̍ḥ | tvā̱ | ya̍nti
ā̱nu̱ṣak | su̱'jā̍ta | sa̱rpiḥ'āsute || tvāṃ | viśve̍ | sa̱'joṣa̍saḥ
de̱vāsa̍ḥ | dū̱taṃ | a̱kra̱ta̱ || sa̱pa̱ryanta̍ḥ | tvā̱ | ka̱ve̱ | ya̱jñeṣu̍ | de̱vaṃ | ī̱ḷate̱
de̱vaṃ | va̱ḥ | de̱va̱'ya̱jyayā̍ | a̱gniṃ | ī̱ḷī̱ta̱ | martya̍ḥ || saṃ'i̍ddhaḥ | śukra
dī̱di̱hi̱ | ṛ̱tasya̍ | yoni̍ṃ | ā | a̱sada̍ḥ | sa̱sasya̍ | yoni̍ṃ | ā
a̱sada̍ḥ

161.14

pra | vi̱śva'sā̍man | atri̍'vat | asmai̍ | pā̱vaka̱'śociṣe || yaḥ | a̱dhva̱reṣu̍ | īḍya̍ḥ | hotā̍ | ma̍ndra̱'tama̍ḥ | vi̱śi || ni
a̱gniṃ | jā̱ta've̍dasaṃ | da̱dhā̱ta̱ | de̱vaṃ | ṛ̱tvija̍ṃ || pra | ya̱jñaḥ | e̱tu̱
ā̱nu̱ṣak | a̱dya | de̱va̱vya̍caḥ'tamaḥ || cikī̍tvit'manasaṃ | tvā̱ | de̱vaṃ
martā̍saḥ | ū̱taye̍ || vare̍ṇyasya | te̱ | ava̍saḥ | i̱yā̱nāḥ | a̱ma̱nma̱hi̱
agne̍ | ci̱ki̱ddhi | a̱sya | na̱ḥ | i̱daṃ | vaca̍ḥ | sa̱ha̱sya̱ || taṃ | tvā̱
su̱'śi̱pra̱ | da̱ṃ'pa̱te̱ | stomai̍ḥ | va̱rdha̱nti̱ | atra̍yaḥ | gīḥ'bhi̍ḥ | śu̱bha̱ṃti̱
atra̍yaḥ

161.15

agne̍ | saha̍taṃ | ā | bha̱ra̱ | dyu̱mnasya̍ | pra̱'sahā̍ | ra̱yiṃ
viśvā̍ḥ | yaḥ | ca̱rṣa̱ṇīḥ | a̱bhi | āsā̍ | vājai̍ṣu | sa̱saha̍t || taṃ
agne̍ | pṛ̱tnā̱'saha̍ṃ | ra̱yiṃ | sa̱ha̱sva̱ḥ | ā | bha̱ra̱ || tvaṃ | hi | sa̱tyaḥ
adbhu̍taḥ | dā̱tā | vāja̍sya | go'ma̍taḥ || viśve̍ | hi | tvā̱ | sa̱'joṣa̍saḥ | janā̍saḥ | vṛ̱kta'ba̍rhiṣaḥ || hotā̍raṃ | sa̱dma'su̍ | pri̱yaṃ | vyaṃti̍
vāryā̍ | pu̱ru | saḥ | hi | sma̱ | vi̱śva'ca̍rṣaṇiḥ | a̱bhi̱'mā̍ti | saha̍ḥ
da̱dhe || agne̍ | e̱ṣu | kṣaye̍ṣu | ā | re̱vat | na̱ḥ | śu̱kra̱ | dī̱di̱hi̱
dyu̱'mat | pā̱va̱ka̱ | dī̱di̱hi̱

161.16

agne̍ | tvaṃ | na̱ḥ | aṃta̍maḥ | uta
trā̱tā | śi̱vaḥ | bha̱va̱ | varū̍thyaḥ || vasu̍ḥ | a̱gniḥ | vasu̍'śravāḥ | accha̍
na̱kṣi̱ | dyu̱mat'ta̍mam | ra̱yiṃ | dā̱ḥ || saḥ | na̱ḥ | bo̱dhi̱ | śru̱dhi | hava̍m
ū̱ru̱ṣya | na̱ḥ | a̱gha̱'ya̱taḥ | sa̱masmā̍t || taṃ | tvā̱ | śoci̍ṣṭha
dī̱di̱'va̱ḥ | su̱mnāya̍ | nū̱naṃ | ī̱ma̱he̱ | sakhi̍'bhyaḥ

161.17

accha̍
va̱ḥ | a̱gniṃ | ava̍se | de̱vaṃ | gī̱rbhiḥ | saḥ | na̱ḥ | vasu̍ḥ
rāsa̍t | pu̱traḥ | ṛ̱ṣū̱ṇāṃ | ṛ̱ta'vā̍ | parṣa̍t | dviṣa̍ḥ || saḥ
hi | sa̱tyaḥ | yaṃ | pūrve̍ | ci̱t | de̱vāsa̍ḥ | ci̱t | yaṃ
ī̱dhi̱re || hotā̍raṃ | ma̱ṃdra'ji̍hvaṃ | i̱t | su̱dīti̍'bhiḥ | vi̱bhā'va̍suṃ
saḥ | na̱ḥ | dhī̱tī | vari̍ṣṭhayā | śreṣṭha̍yā | ca̱ | su̱'ma̱tyā || agne̍
rāyaḥ | di̱dī̱hi | na̱ḥ | su̱vṛ̱kti'bhi̍ḥ | vare̍ṇya || a̱gniḥ | de̱veṣu̍
rā̱ja̱ti̱ | a̱gniḥ | marte̍ṣu | ā̱'vi̱śan || a̱gniḥ | na̱ḥ | ha̱vya̱'vāha̍naḥ
a̱gniṃ | dhī̱bhiḥ | sa̱pa̱rya̱ta̱ || a̱gniḥ | tu̱vi̱śrava̍ḥ'tamaṃ | tu̱vi̱'brahmā̍ṇaṃ
u̱t'ta̱maṃ || a̱tūrta̍ṃ | śra̱vaya̱t'pa̍tiṃ | pu̱traṃ | da̱dā̱ti̱ | dā̱śuṣe̍

161.18

a̱gniḥ | da̱dā̱ti̱ | sat'pa̍tiṃ | sa̱sā̱haṃ | yaḥ | yu̱dhā | nṛ'bhi̍ḥ
a̱gniḥ | atya̍ṃ | ra̱ghu̱'syada̍ṃ | jetā̍raṃ | apa̍rā'jitaṃ | yat | vāhi̍ṣṭhaṃ
tat | a̱gnaye̍ | bṛ̱hat | a̱rca̱ | vi̱bhā̱va̱so̱iti̍vibhā'vaso || ma̱hi̱ṣī'
i̍va | tvat | ra̱yiḥ | tvat | vājā̍ḥ | ut | ī̱ra̱te || tava̍ṃ | dyu̱'maṃta̍ḥ
a̱rcaya̍ḥ | grāvā̍'iva | u̱cyate̱ | bṛ̱hat || u̱toiti̍ | te̱ | ta̱nya̱tuḥ
yathā̍ | svā̱naḥ | a̱rta̱ | tmanā̍ | di̱vaḥ || e̱va | a̱gniṃ | vasu̍'yavaḥ
sa̱ha̱sā̱naṃ | va̱vaṃdi̱ma || saḥ | na̱ḥ | viśvā̍ḥ | ati̍ | dviṣa̍ḥ | parṣa̍t
nā̱vā'i̍va | su̱'kratu̍ḥ

Linked texts (3)

Śākala — Sanskrit
Āśvalāyanasaṃhitā — Sanskrit
Ṛgvedānukramaṇī (Mādhava) — Veṅkaṭamādhava, Sanskrit