Pramāṇa · Search · About · API

Samhitapadapatha 173

Saṃhitāpadapāṭha 173

Language
Sanskrit

173.0

yu̱ṃgdhvam

173.20

yu̱gdhvam | rathe̍ṣu | rohi̍taḥ | yu̱ṃgdhvam | harī̱iti̍ | a̱jirā | dhu̱ri
voḷha̍ve | vahi̍ṣṭhā | dhu̱ri | voḷha̍ve | uta | syaḥ | vā̱jī | a̱ru̱ṣaḥ
tu̱vi̱'sva̱niḥ | i̱ha | sma̱ | dhā̱yi̱ | darśa̍taḥ | mā | va̱ḥ | yāmè̍ṣu
ma̱ru̱ta̱ḥ | ci̱raṃ | ka̱ra̱t | pra | taṃ | rathe̍ṣu | co̱da̱ta̱ | rathe̍ | nu | māru̍taṃ
va̱yaṃ | śra̱va̱syuṃ | ā | hu̱vā̱ma̱he̱ | ā | yasmi̍n | ta̱sthau | su̱'rathā̍ni
bibhra̍tī | sacā̍ | ma̱rut'su̍ | roda̍sī | taṃ | va̱ḥ | śardhe̍ | rathe̍'śubhaṃ
tveṣa̍ṃ | pa̱na̱syuṃ | ā | hu̱ve̱ | yasmi̍n | su̱'jā̍tā | su̱'bhagā̍ | ma̱hīyate̍ | sacā̍ | ma̱rut'su̍ | mī̱ḷhuṣī̍

173.21

ā | ru̱drāsa̍ḥ | iṃdra̍'vaṃtaḥ | sa̱'joṣā̍saḥ | hira̍ṇya'rathāḥ | su̱vi̱tāya̍ | ga̱ṃta̱na̱ | i̱yaṃ | va̱ḥ
a̱smat | prati̍ | ha̱rya̱te̱ | ma̱tiḥ | tṛ̱ṣṇa̱'jaiḥ | na | di̱vaḥ | utsa̍ḥ
u̱da̱nyave̍ | vāśī̍'maṃtaḥ | ṛ̱ṣṭi̱'maṃta̍ḥ | ma̱nī̱ṣiṇa̍ḥ | su̱'dhanvā̍naḥ
iṣu̍'maṃtaḥ | ni̱ṣa̱ṃgiṇa̍ḥ | su̱'aśvā̍ḥ | stha̱ | su̱'rathā̍ḥ | pṛśni̍'mātaraḥ | su̱'ā̱yu̱dhāḥ | ma̱ru̱ta̱ḥ | yā̱tha̱na̱ | śu̱bhaṃ | dhunu̱tha | dyāṃ
parva̍tān | dā̱śuṣe̍ | vasu̍ | ni | va̱ḥ | vanā̍ | ji̱ha̱te̱ | yāma̍naḥ
bhi̱yā | kopaya̍tha | pṛ̱thi̱vīṃ | pṛśni̍'mātaraḥ | śubhe | yat
u̱grāḥ | pṛṣa̍tīḥ | ayu̍gdhvaṃ | vāta̍'tviṣaḥ | ma̱ruta̍ḥ | vṛṣṭa̍'nirṇijaḥ
yamā̍ḥ'iva | su̱'sa̱ṃdṛśa̍ḥ | su̱'peśa̍saḥ | pi̱śaṃga̍'aśvāḥ | a̱ru̱ṇa'a̍śvāḥ
are̱pasa̍ḥ | pra̱'tva̍kṣasaḥ | ma̱hi̱nā | dyauḥ'i̍va | u̱rava̍ḥ | pu̱ru̱'dra̱psāḥ
a̱ṃji̱'maṃta̍ḥ | su̱'dāna̍vaḥ | tve̱ṣa'sa̍ṃdṛśaḥ | a̱na̱va̱bhra'rā̍dhasaḥ | su̱jā̱tāsa̍ḥ | ja̱nuṣā̍ | ru̱kma'va̍kṣasaḥ | di̱vaḥ | a̱rkāḥ | a̱mṛta̍ṃ | nāma̍
bhe̱ji̱re

173.22

ṛ̱ṣṭaya̍ḥ | va̱ḥ | ma̱ru̱ta̱ḥ | a̱ṃsayo̍ḥ | adhi̍ | saha̍ḥ
oja̍ḥ | bā̱hvoḥ | va̱ḥ | bala̍ṃ | hi̱taṃ | nṛ̱mṇā | śīrṣa'su̍ | āyu̍dhā
rathe̍ṣu | va̱ḥ | viśvā̍ | va̱ḥ | śrīḥ | adhi̍ | ta̱nūṣu̍ | pi̱pi̱śe̱ | go'ma̍t
aśva̍'vat | rathe̍'vat | su̱'vīra̍ṃ | caṃdra̍'vat | rādha̍ḥ | ma̱ru̱ta̱ḥ | da̱tta̱
na̱ḥ | pra̱'śa̍stiṃ | na̱ḥ | kṛ̱ṇu̱ta̱ | ru̱dri̱yā̱sa̱ḥ | bha̱kṣī̱ya̱ | va̱ḥ | ava̍saḥ
daivya̍sya | i̱ye | na̱ra̱ḥ | ma̱ru̱ta̱ḥ | mṛ̱ḷata̍ | na̱ḥ | tu̱vi̱'ma̱ghāsa̍ḥ | a̱mṛtā̍ḥ
ṛ̱ta̱'jñāḥ | sa̱tya̱'śruta̍ḥ | ka̱vaya̍ḥ | yu̱vā̍naḥ | bṛ̱hat'gi̍rayaḥ | bṛ̱hat
u̱kṣmamā̍ṇāḥ

Linked texts (2)