Pramāṇa · Search · About · API

Samhitapadapatha 2

Saṃhitāpadapāṭha 2

Language
Sanskrit

2.0

ā
tu̍ | ā | i̱ta̱ | ni | sī̱da̱ta̱ | indra̍ṃ | a̱bhi | pra | gā̱ya̱ta̱ | sakhā̍yaḥ
stome̍'vāhasaḥ || pu̱ru̱'ta̱maṃ | pu̱rū̱ṇāṃ | īśā̍naṃ | vāryā̍ṇāṃ | indra̍ṃ
some̍ | sacā̍ | su̱te || saḥ | gha̱ | na̱ḥ | yoge̍ | ā | bhu̱va̱t | saḥ
rā̱ye | saḥ | pura̍ṃ'dhyāṃ | gama̍t | vāje̍bhiḥ | ā | saḥ | na̱ḥ || yasya̍
sa̱ṃ'sthe | na | vṛ̱ṇvate̍ | harī̱iti̍ | sama̍t'su | śatra̍vaḥ

2.9

su̱ta̱'pā̱mne
su̱tāḥ | i̱me | śuca̍yaḥ | ya̱ṃti̱ | vī̱taye̍ | somā̍saḥ | dadhi̍'āśiraḥ

2.10

tvaṃ | su̱tasya̍ | pī̱taye̍ | sa̱dyaḥ | vṛ̱ddhaḥ | a̱jā̱ya̱thā̱ḥ | indra̍ | jyaiṣṭhyā̍ya
su̱kra̱to̱iti̍su'krato || ā | tvā̱ | vi̱śa̱ṃtu̱ | ā̱śava̍ḥ | somā̍saḥ | indra̱
gi̱rva̱ṇa̱ḥ | śaṃ | te̱ | sa̱ṃtu̱ | pra̱'ceta̍se || tvāṃ | stomā̍ḥ | a̱vī̱vṛ̱dha̱n
tvāṃ | u̱kthā | śa̱ta̱kra̱to̱iti̍śata'krato | tvāṃ | va̱rdha̱ṃtu̱ | na̱ḥ | gira̍ḥ
akṣi̍ta'ūtiḥ || sane̍t | i̱maṃ | vāja̍ṃ | indra̍ḥ | sa̱ha̱sriṇa̍ṃ | yasmi̍n
viśvā̍ni | pauṃsyā̍ || mā | na̱ḥ | marcā̍ḥ | a̱bhi | dru̱ha̱n | ta̱nūnā̍ṃ | indra̍
girvaṇaḥ | īśā̍naḥ | ya̱vaya̱ | va̱dhaṃ

2.11

yu̱jaṃti̍ | bra̱dhnaṃ | a̱ru̱ṣaṃ
cara̍ṃtaṃ | pari̍ | ta̱sthuṣa̍ḥ | roca̍ṃte | ro̱ca̱nā | di̱vi || yu̱ṃjaṃti̍ | a̱sya̱
kāmyā̍ | harī̱iti̍ | vi'pa̍kṣasā | rathe̍ | śoṇā̍ | dhṛ̱ṣṇūiti̍ | nṛ̱'vāha̍sā || ke̱tuṃ | kṛ̱ṇvan | a̱ke̱tave̍ | peśa̍ḥ | ma̱ryā̱ḥ | a̱pe̱śase̍ | saṃ
u̱ṣat'bhi̍ḥ | a̱jā̱ya̱thā̱ḥ || āt | aha̍ | sva̱dhāṃ | anu̍ | puna̍: | garbha̍'tvaṃ | ā̱'īrire | dadhā̍nāḥ | nāma̍ | ya̱jñiya̍ṃ || vī̱ḷu | ci̱t | ā̱ru̱jatnu̍'bhiḥ | guhā̍ | ci̱t | iṃdra̍ | vahni̍'bhiḥ | avi̍daḥ | usriyā̍:
anu̍

2.12

de̱va̱'yaṃta̍: | yathā̍ | ma̱tiṃ | acchā̍ | vi̱dat'vasuṃ | gira̍:
ma̱hāṃ | a̱nū̱ṣa̱ta̱ | śrutaṃ || iṃdre̍ṇa | saṃ | hi | dṛ̱kṣase̍ | saṃ'ja̱gmā̱naḥ
a̍bi̱bhyuṣā̍ | ma̱ṃdūiti̍ | sa̱māna̍'varcasā || a̱nava̱dyaiḥ | a̱bhi̱dyu'bhi̍ḥ
ma̱khaḥ | sa̍ha̱svat | a̱rca̱ti̱ | ga̱ṇaiḥ | iṃdra̍sya | kāmyai̍ḥ || ata̍ḥ | pari̍'jman | ā | ga̱hi̱ | di̱vaḥ | vā̱ | ro̱ca̱nāt | adhi̍ | saṃ | a̱smin
ṛ̱ja̱ṃte̱ | gira̍ḥ || i̱taḥ | vā̱ | sā̱tiṃ | ī̱ma̱he̱ | di̱vaḥ | vā̱ | pārthi̍vāt
adhi̍ | iṃdra̍ṃ | ma̱haḥ | vā̱ | raja̍saḥ

2.13

iṃdra̍ṃ | it | gā̱thina̍ḥ
bṛ̱hat | iṃdra̍ṃ | a̱rkebhi̍ḥ | a̱rkiṇa̍ḥ | iṃdra̍ṃ | vāṇī̍ḥ | a̱nū̱ṣa̱ta̱ | iṃdre̍
it | haryo̍ḥ | sacā̍ | saṃ'mi̍ślaḥ | ā | vaca̍ḥ'yujā̍ | iṃdra̍ḥ | va̱jrī
hira̱ṇyaya̍ḥ | iṃdra̍ḥ | dī̱rghāya̍ | cakṣa̍se | ā | sūryaiṃ | ro̱ha̱ya̱t | di̱vi | vi
gobhi̍ḥ | adri̍ṃ | ai̱ra̱ya̱t || iṃdre̍ | vāje̍ṣu | na̱ḥ | ava̍ | sa̱hasra̍'pradhaneṣu | ca̱
u̱graḥ | u̱grābhi̍ḥ | ū̱ti'bhi̍ḥ || iṃdra̍ṃ | va̱yaṃ | ma̱hā'dha̱ne | iṃdra̍ṃ | arbhe̍
ha̱vā̱ma̱he̱ | yuja̍ṃ | vṛ̱treṣu̍ | va̱jriṇa̍ṃ

2.14

saḥ | na̱ḥ | vṛṣa̍n | a̱muṃ
ca̱ruṃ | sa̱trā'dā̍van | apa̍ | vṛ̱dhi̱ | a̱smabhya̍ṃ | apra̍ti'skṛtaḥ || tuṃje̍'tuṃje | ye | ut'ta̍re | stomā̍ḥ | iṃdra̍sya | va̱jriṇa̍ḥ | na̍ | vi̱dhe̱
a̱sya̱ | su̱'stu̱tiṃ || vṛṣā̍ | yū̱thā'i̍va | vaṃsa̍gaḥ | kṛ̱ṣṭīḥ | i̱ya̱rti̱
oja̍sā | īśā̍naḥ | apra̍ti'skṛtaḥ || yaḥ | eka̍ḥ | ca̱rṣa̱ṇī̱nāṃ | vasū̍nāṃ
i̱ra̱jyati̍ | iṃdra̍ḥ | paṃca̍ | kṣi̱tī̱nāṃ || iṃdra̍ṃ | va̱ḥ | vi̱śvata̍ḥ | pari̍
havā̍mahe | jane̍bhyaḥ | a̱smāka̍ṃ | a̱stu̱ | keva̍laḥ

2.15

ā | iṃdra̍
sāna̱siṃ | ra̱yiṃ | sa̱'ji̱tvāna̍ṃ | sa̱dā̱'saha̍ṃ | varṣi̍ṣṭhaṃ | ū̱taye̍ | bha̱ra̱ || ni
yena̍ | mu̱ṣṭi̱'ha̱tyayā̍ | ni | vṛ̱trā | ru̱ṇadha call out:āmahai | tvā'ū̍tāsaḥ | ni | arva̍tā
iṃdra̍ | tvā'ū̍tāsaḥ | ā | va̱yaṃ | va̱jraṃ | gha̱nā | da̱dī̱ma̱hi̱ | jaye̍ma | saṃ
yu̱dhi | spṛdha̍ḥ || va̱yaṃ | śūrai̍bhiḥ | astu̍'bhiḥ | iṃdre̍ | tvayā̍ | yu̱jā | va̱yaṃ
sa̱sa̱hyāma̍ | pṛ̱ta̱nya̱taḥ || ma̱hān | iṃdra̍ḥ | pa̱raḥ | ca̱ | nu | ma̱hi̱'tvaṃ
a̱stu̱ | va̱jriṇe̍ | dyauḥ | na | pra̱thi̱nā | śava̍ḥ

Linked texts (5)