Pramāṇa · Search · About · API

Samhitapadapatha 22

Saṃhitāpadapāṭha 22

Language
Sanskrit

22.1

hariḥ oṃ || a̱yaṃ | vā̱ṃ | ma̱dhu̍mat'tamaḥ | su̱taḥ | soma̍ḥ | ṛ̱tu̱'vṛ̱dhā || taṃ
a̱śvi̱nā̱ | piba̍taṃ | tiraḥ'a̍hnyaṃ | dha̱ttaṃ | ra̱tnāni̍ | dā̱śuṣe̍
tri̱'va̱ndhu̱reṇa̍ | tri̱''vṛtā̍ | su̱'pe̱śasā̍ | rathe̍na | ā | yā̱ta̱ṃ | a̱śvi̱nā̱
kaṇvā̍saḥ | vā̱ṃ | brahma̍ | kṛ̱ṇva̱ṃti̱ | a̱dhva̱re | teṣā̍ṃ | su | śṛ̱ṇu̱ta̱ṃ | hava̍ṃ
a̱śvi̱nā̱ | ma̱dhu̍mat'tamaṃ | pā̱taṃ | soma̍ṃ | ṛ̱tu̱'vṛ̱dhā̱ | atha̍ | a̱dya
da̱srā̱ | vasu̍ | bibhra̍tā | rathe̍ | dā̱śvāṃsa̍ṃ | upa̍ | ga̱ccha̱ta̱ṃ || tri̱'sa̱dha̱sthe
ba̱rhiṣi̍ | vi̱śva've̍dasā | madhvā̍ | ya̱jñaṃ | mi̱mi̱kṣataṃ || kaṇvā̍saḥ
vā̱ṃ | su̱ta'so̍māḥ | a̱bhi'dya̍vaḥ | yu̱vāṃ | hava̍nte | a̱śvi̱nā̱
yābhi̍ḥ | kaṇva̍ṃ | a̱bhi̱ṣṭi'bhi̍ḥ | pra | āva̍taṃ | yu̱vaṃ | a̱śvi̱nā̱
tābhi̍ḥ | su | a̱smān | ava̍taṃ | śu̱bha̱ḥ | pa̱tī̱iti̍

22.0

0
su̱'dāse̍

22.2

pṛ̱kṣaḥ | va̱ha̱ta̱ṃ | a̱śvi̱nā̱ | ra̱yiṃ | sa̱mu̱drāt
u̱ta | vā̱ | di̱vaḥ | pari̍ | a̱smeiti̍ | dha̱ttaṃ | pu̱ru̱'spṛha̍ṃ || yat
nā̱sa̱tyā̱ | pa̱rā̱'vati̍ | yat | vā̱ | sthaḥ | adhi̍ | tu̱rvaśe̍ || ata̍ḥ
rathe̍na | su̱'vṛtā̍ | na̱ḥ | ā | ga̱ta̱ṃ | sā̱kaṃ | sūrya̍sya | ra̱śmi'bhi̍ḥ
arvāṃcā̍ | vā̱ṃ | sa̱ptaya̍ḥ | a̱dhva̱ra̱'śriya̍ḥ | vaha̍ṃtu | sava̍nā | it
upa̍ || iṣa̍ṃ | pṛ̱caṃtau̍ | su̱'kṛte̍ || su̱'dāna̍ve | ā | ba̱rhiḥ
sīda̍taṃ | narā̍ | tene̍ | nā̱sa̱tyā̱ | ā | ga̱ta̱ṃ | rathe̍na | sūryai'tvacā
yena̍ | śaśva̍t | ū̱hathu̍ḥ | dā̱śuṣe̍ | vasu̍ | madhva̍ḥ | soma̍sya
pī̱taye̍ | u̱kthebhi̍ḥ | a̱rvāk | arva̍se | pu̱ru̱vasu̱riti̍puru'vasū | a̱rkaiḥ
ca̱ | ni | hva̱yā̱ma̱he̱ || śaśva̍t | kaṇvā̍nāṃ | sa̱dasi̍ | pri̱ye
hi | kaṃ | soma̍ṃ | pa̱pa̱thuḥ | a̱śvinā̱

22.3

saha | vā̱mena̍ | na̱ḥ
uṣa̍ḥ | vi | u̱ccha̱ | du̱hi̱taḥ | di̱va̱ḥ || saha | dyu̱mnena̍ | bṛ̱ha̱tā
vi̱bhā̱'va̱ri̱ | rā̱yā | de̱vi̱ | dā̱svatī̍ | aśva̍'vatī | go'ma̍tīḥ
viśva̍'suvida̍ḥ | bhūri̍ | cyava̍ta̱ | vasta̍ve || ut | ī̱raya̍ | prati̍
mā̱ | sū̱nṛtā̍ḥ | uṣa̍ḥ | coda̍ | rādha̍ḥ | ma̱ghonī̍ || uvāsa̍
u̱ṣāḥ | u̱cchāt | ca̱ | nu | de̱vī | jī̱rā | rathā̍nāṃ || ye
a̱syā̱ḥ | ā̱'cara̍ṇeṣu | da̱dhi̱re | sa̱mu̱dre | na | śrava̱syava̍ḥ | uṣa̍ḥ
ye | te̱ | pra | yāme̍ṣu | yu̱ñjate̍ | mana̍ḥ | dā̱nāya̍ | sū̱raya̍ḥ
atra̍ | aha̍ | tat | kaṇva̍ḥ | e̱ṣā̱ṃ | kaṇva̍'tamaḥ | nāma̍ | gṛ̱ṇā̱ti̱
nṝṇāṃ || ā | ghā̱ | yoṣā̍'iva | sū̱narī̍ | u̱ṣāḥ | yā̱ti̱ | pra̱'bhuñja̍tī
ca̱raya̍tī | vṛ̱ja̍naṃ | pa̱t'vat | ī̱yate̱ | ut | pā̱ta̱ya̱ti̱ | pa̱kṣiṇa̍ḥ

22.4

vi | yā | sṛ̱jati̍ | sama̍naṃ | vi | arthi̱na̍ḥ | pa̱daṃ | na | ve̱ti̱
oda̍tī || vaya̍ḥ | naki̍ḥ | te̱ | pa̱ttri'vā̍ṃsaḥ | ā̱sa̱te̱ | vi'u̍ṣṭau
vā̱ji̱nī̱'va̱ti̱ || e̱ṣā | a̱yu̱kta̱ | pa̱rā̱'vata̍ḥ | sūrya̍sya | u̱t'a̍yanāt
adhi̍ || śa̱taṃ | rathe̍bhiḥ | su̱'bhagā̍ | u̱ṣāḥ | i̱yaṃ | vi | yā̱ti̱
a̱bhi | mānu̍ṣān || viśva̍ṃ | a̱syā̱ḥ | nanāma̍ | cakṣa̍se | jaga̍t
jyoti̍ḥ | kṛ̱ṇo̱ti̱ | sū̱narī̍ || apa̍ | dveṣa̍ḥ | ma̱ghonī̍ | du̱hi̱tā
di̱vaḥ | u̱ṣāḥ | u̱ccha̱t | apa̍ | sridha̍ḥ || uṣa̍ḥ | ā | bhā̱hi̱
bhā̱nunā̍ | ca̱ndreṇa̍ | du̱hi̱ta̱ḥ | di̱va̱ḥ || ā̱'vaha̍ntī | bhūri̍ | a̱smabhya̍ṃ
saubha̍gaṃ | vi̱'u̱cchaṃtī̍ | di̱vi̍ṣṭiṣu || viśva̍sya | hi prā̱ṇana̍ṃ | jī̱vana̍ṃ
tveiti̍ | vi | yat | u̱cchasi̍ | sū̱nṛ̱ri̱ || sā | na̱ḥ | rathe̍na
bṛ̱ha̱tā | vi̱bhā̱'va̱ri̱ | śru̱dhi | ci̱tra̱'ma̱ghe̱ | hava̍ṃ

22.5

uṣa̍ḥ
vājai̍ | hi | vaṃsva̍ | yaḥ | citra̍ḥ | mānuṣe | jane̍ || tena̍ | ā
vaha̍ | su̱'kṛta̍ḥ | a̱dhva̱ram | upa̍ | ye | tvā̱ | gṛ̱ṇanti̍
vahra̍yaḥ || viśvān̍ | de̱vān | ā | va̱ha̱ | soma̍'pītaye | a̱ntari̍kṣāt
uṣa̍ḥ | tvaṃ || sā | a̱smāsu̍ | dhā̱ḥ | go'ma̍t | aśva̍'vat | u̱kthya̍m
uṣa̍ḥ | vāja̍m | su̱'vīrya̍m || yasyā̍ḥ | ruśa̍ntaḥ | a̱rcaya̍ḥ | prati̍
bha̱drāḥ | adṛ̍kṣata || sā | na̱ḥ | ra̱yim | viśva̍'vāram | su̱'peśa̍saṃ
u̱ṣāḥ | da̱dā̱tu̱ | su̱gmya̍m | ye | cit | hi | tvāṃ | ṛṣa̍yaḥ
pūrve̍ | ū̱taye̍ | ju̱hū̱re | ava̍se | ma̱hi || sā | na̱ḥ | stomān̍
a̱bhi | gṛ̱ṇī̱hi̱ | rādha̍sā | uṣa̍ḥ | śu̱kreṇa̍ | śo̱ciṣā̍ || uṣa̍ḥ
yat | a̱dya | bha̱ānunā̍ | vi | dvārā̍ | ṛ̱ṇava̍ḥ | di̱vaḥ || pra | na̱ḥ
ya̱ccha̱tā̱t | a̱vṛ̱kam | pṛ̱thu | cha̱rdiḥ | pra | de̱vi̱ | go'ma̍tīḥ | iṣa̍ḥḥ
saṃ | na̱ḥ | rā̱yā | bṛ̱ha̱tā | viśva̍'pe̍śasā | mi̱mi̱kṣva | saṃ
iḷā̍bhiḥ | ā || saṃ | dyu̱mnena̍ | viśva̍'turā | uṣa̍ḥ | ma̱hi
saṃ | vājai̍ḥ | vā̱jinī̍'vati

22.6

uṣa̍ḥ | bha̱drebhi̍ḥ | ā | ga̱hi̱
di̱vaḥ | cit | ro̱ca̱nāt | adhi̍ || vaha̍ntu | a̱ru̱ṇa'psa̍vaḥ | upa̍
tvā̱ | somi̍naḥ | gṛ̱ham || su̱'peśa̍saṃ | su̱'khaṃ | ratha̍m | yaṃ | adhi̍'asthā̍ḥ
uṣa̍ḥ | tvaṃ || tena̍ | su̱'śrava̍saṃ | jana̍m | pra | ava̍ | a̱dya | du̱hi̱ta̱ḥ
di̱vaḥ || vaya̍ḥ | cit | te̱ | pa̱tta̱triṇa̍ḥ | dvi̱'pat | catu̍ḥ'pat | a̱rjuni̍
uṣa̍ḥ | pra | a̱ra̱n | ṛ̱tūnūn | anu̍ | di̱vaḥ | ante̍bhyaḥ | pari̍ || vi̱'ucchantī̍
hi | ra̱śmi'bhi̍ḥ | viśva̍m | ā̱'bhāsi̍ | ro̱ca̱nam || tāṃ | tvāṃ
uṣa̍ḥ | va̱su̱'yava̍ḥ | gīḥ'bhi̍ḥ | kaṇvā̍ḥ | a̱hū̱ṣa̱ta̱

22.7

ut
ū̱rdhvati̍ | tyaṃ | jā̱ta've̍dasaṃ | de̱vaṃ | vaha̍nti | ke̱tava̍ḥ | dṛ̱śe
viśvā̍ya | sūrya̍m || apa̍ | tye | tā̱yava̍ḥ | ya̱thā̱ | nakṣa̍trā | ya̱nti̱
a̱ktu'bhi̍ḥ || sūryā̍ya | vi̱śva'ca̍kṣase || adṛ̍śran | a̱sya̱ | ke̱tava̍ḥ
vi | ra̱śmaya̍ḥ | janān | anu̍ || bhraja̍ntaḥ | a̱gnaya̍ḥ | yathā̍
ta̱raṇi̍ḥ | vi̱śva'da̍rśataḥ | jyoti̱'kṛt | asi | sūrya̍ || viśva̍m
ā | bhāsi̱ | roca̱naṃ || pratyaṅ | de̱vānā̍m | viśa̍ḥ | pratyaṅ
ut | eṣi̱ | mānu̍ṣān || pratyaṅ | viśva̍m | sva̍ḥ | dṛśe

22.8

yena̍ | pāvaka | cakṣa̍sā | bhura̱ṇyanta̍m | janān | anu̍ || tvaṃ
varuṇa | paśya̍si || vi | dyāṃ | e̱ṣi̱ | raja̍ḥ | pṛ̱thu | ahā̍ | mimā̍naḥ
aktu'bhi̍ḥ || paśyan | janmā̍ni | sūrya̍ || sapta | tvā̱ | ha̱rita̍ḥ
rathe̍ | vaha̍nti | deva̱ | sūrya̍ || śociḥ'kèśaṃ | vicakṣaṇa || ayu̍kta | sapta
śu̱ṃdhyuva̍ḥ | sūra̍ḥ | ratha̍sya | na̱ptya̍ḥ || tābhi̍ḥ | yā̱ti̱ | svayukti'bhiḥ
ut | va̱yaṃ | tama̍saḥ | pari̍ | jyoti̍ḥ | paśya̍ntaḥ | ut'ta̍ram
de̱vaṃ | de̱va'trā | sūrya̍m | aga̍nma | jyoti̍ḥ | ut'ta̱mam | ut'yan | a̱dya
mi̱tra̱'ma̱ha̱ḥ | ā'rohann | ut'ta̍rāṃ | diva̍m || hṛt'rogaṃ | mama̍
sūrya̍ | ha̱ri̱māṇa̍m | ca̱ | nā̱śa̱ya̱ || śuke̍ṣu | me̱ | ha̱ri̱māṇa̍m | ro̱pa̱ṇākā̍su
da̱dhma̱si̱ || atho̱iti̍ | hā̱ri̱dra̱veṣu̍ | me̱ | ha̱ri̱māṇa̍m | ni | da̱dhma̱si̱
ut | a̱gā̱t | a̱yaṃ | ā̱di̱tyaḥ | viśve̍na | saha̍sā | sa̱ha
dvi̱ṣanta̍m | mahya̍m | ra̱ndhayann | moiti̍ | a̱haṃ | dvi̱ṣate̍ | radha̍m

22.9

a̱bhi | tyaṃ | meṣa̍ṃ | pu̱ru̱'hu̱taṃ | ṛ̱gmiya̍m | indra̍ṃ | gī̱r'bhiḥ
ma̱da̱ta̱ | vasva̍ḥ | a̱rṇa̱vaṃ | yasya̍ | dyāva̍ḥ | na | vi̱'cara̍nti
mā̱nu̍ṣā | bhuje | maṃhi̍ṣṭhaṃ | a̱bhi | vipra̍m | a̱rca̱ta̱ || a̱bhi | hrīṃ
ava̍nvan | su'a̱bhiṣṭi̍ | ū̱taya̍ḥ | a̱ntari̍kṣa̱'prāṃ | tavi̍ṣībhiḥ
ā̱'vṛta̍m || indra̍ṃ | dakṣā̍saḥ | ṛ̱bhava̍ḥ | ma̱da̱'cyuta̍m | śa̱ta'kra̍tuṃ | java̍nī
sūnṛtā̍ | ā | a̱hṛ̱t || tvaṃ | gotra̍ṃ | aṅgi̍raḥ'bhyaḥ | a̱vṛṇo̍ḥ | apa̍
ut | atra̍ye | śa̱ta'du̱reṣu̍ | gā̱tu'vit || sa̱tsena̍ | cit | vi'ma̱dārya̍
ava̍haḥ | vasu̍ | ā̱jau | adri̍ṃ | va̱va̱sānasya̍ | na̱rtayann || tvaṃ
a̱pāṃ | api̍'dhānā | a̱vṛṇoḥ | apa̍ | adhārayaḥ | parva̍te | dā̱nu̍'mat
vasu̍ || vṛ̱traṃ | yat | iṃdra̍ | śava̍sā | ava̍dhīḥ | ahi̍ṃ | āt
it | sūryaiṃ | di̱vi | ā | a̱ro̱ha̱ya̱ḥ | dṛśe || tvaṃ | mā̱yābhi̍ḥ
apa̍ | mā̱yina̍ḥ | adha̱ma̱ḥ | sva̱dhābhi̍ḥ | ye | adhi̍ | śu̱ptau
aju̍hvata || tvaṃ | pipro̍ḥ | nṛ̱'mana̍ḥ | pra | a̱ru̱ja̱ḥ | pura̍ḥ | pra
ṛ̱jiśvā̍naṃ | da̱syu̱'ha̱tyeṣu̍ | ā̱vitha̍

22.10

tvaṃ | kutsaiṃ | śuṣṇa̍'ha̱tyeṣu̍ | ā̱vitha̍ | ara̍ndhayaḥ | a̱tithi̱'gvāya̍ | śaṃbara̍ṃ || ma̱hāṃta̍ṃ
cit | arbuda̍ṃ | ni | kra̱mī̱ḥ | pa̱dā | sanā̱t | e̱va | da̱syu̱'ha̱tyāya̍ | ja̱jñi̱ṣe || tveiti̍ | viśvā̍ | tavi̍ṣī | sa̱dhya̍k | hi̱tā
tava̍ | rādha̍ḥ | soma̍'pīthāya̍ | ha̱rṣate || tava̍ | vajra̍ḥ | ci̱ki̱te̱
bā̱hvoḥ | hi̱taḥ | vṛśca̍ | śatro̍ḥ | apa̍ | viśvā̍ni | vṛṣṇyā̍ || vi
jā̱nī̱hi̱ | ā̱ryān | ye | ca̱ | dasya̍vaḥ | ba̱rhiṣma̍te | ra̱ṃdhaya̍
śāsa̍t | avra̍tān | śākī̍ | bha̱va | yaja̍mānasya | co̱di̱tā
viśvā̍ | it | tā | te̱ | sa̱dhra'māde̍ṣu | cā̱ka̱na̱ || anu̍vratāya
ra̱ṃdhaya̍n | apa̍'vratān | ā̱'bhūmi̍ḥ | iṃdra̍ḥ | śna̱thaya̍n | anā̍bhuvaḥ
vṛ̱ddhasya̍ | ci̱t | vardha̍taḥ | dyāṃ | ina̍kṣataḥ | stavā̍naḥ | va̱praḥ
vi | ja̱ghā̱na̱ | saṃ'diha̍ḥ || takṣa̍t | yat | te̱ | uśanā̍ | saha̍sā
saha̍ḥ | vi | roda̍sī̱iti̍ | ma̱hmanā̍ | bā̱dha̱te̱ | śava̍ḥ | ā
tvā̱ | vāta̍sya | nṛ̱'mana̍ḥ | ma̱na̱ḥ'yuja̍ḥ | ā | pū̱ryamā̍ṇaṃ | ava̍han
abhi | śrava̍ḥ

Linked texts (5)