Samhitapadapatha 229.0

229.0

na | soma̍ḥ | indra̍ṃ | a̱su̱taḥ | ma̱mā̱da̱ | na | abra̍hmāṇaḥ
ma̱ghava̍ntaṃ | su̱tāsa̍ḥ || yat | ī̱ṃ | su̱'bādhe̍ | pi̱tara̍ṃ | na | pu̱trāḥ
sa̱māna'da̍kṣāḥ | ava̍se | hava̍ṃte | ca̱kāra̍ | tā | kṛ̱ṇvata̍ | nūna̍ṃ
a̱nyā | yāni̍ | bruva̍ti | ve̱dhasa̍ḥ | su̱teṣu̍ | janī̍'iva | pati̍ḥ | eka̍ḥ
sa̱māna̍ḥ | ni | ma̱mṛ̱je | pura̍ḥ | iṃdra̍ḥ | su | sarvā̍ḥ | e̱va | taṃ | ā̱hu̱ḥ
u̱ta | śṛ̱ṇve | iṃdra̍ḥ | eka̍ḥ | vi'bha̱ktā | ta̱raṇi̍ḥ | ma̱ghānā̍ṃ | mitha̍ḥ'tu̱raḥ | ū̱taya̍ḥ | yasya̍ | pū̱rvīḥ | a̱sme'iti̍ | bha̱drāṇi̍ | saśca̍ta
priyāṇi̍ | eva | vasi̍ṣṭhaḥ | iṃdra̍ṃ | ū̱taye̍ | nūn | nṝṇāṃ | vṛ̱ṣa̱bhaṃ
su̱te | gṛ̱ṇā̱ti̱ | sa̱ha̱sriṇa̍ḥ | upa̍ | na̱ḥ | mā̱hi̱ | vājā̍n