Pramāṇa · Search · About · API

Samhitapadapatha 276

Saṃhitāpadapāṭha 276

Language
Sanskrit

276.0

īḷi̍ṣva | hi | pra̱tīvya̍m | yaja̍sva | jā̱ta've̍dasaṃ | ca̱riṣṇu'dhū̍ṃmaṃ
a̱gṛbhī̍ta'śociṣaṃ || dā̱māna̍ṃ | vi̱śva'ca̍rṣaṇe | a̱gniṃ | vi̱śva'ma̍naḥ
gi̱rā | uta | stu̱ṣe̱ | vi'spṛ̍dhasaḥ | rathā̍nāṃ || yeṣā̍ṃ | ā̱'vyādha̍ḥ
ṛ̱gmiya̍ḥ | iṣa̍ḥ | pṛkṣa̍ḥ | ca̱ | ni'gra̱bhe | u̱pa̱'vidā̍ | vahni̍ḥ | vi̱ndate̍
vasu̍

276.9

dī̱di̱yuṣa̍m | vi | a̱jara̍ṃ | tapu̍'jaṃbhasya | su̱'dyuta̍ḥ
ga̱ṇa'śri̍yaḥ || ut | ūm̐iti̍ | ti̱ṣṭha̱ | su̱'a̱dhva̱ra̱ | stavā̍naḥ | de̱vyā
kṛ̱pā | a̱bhi'khyā̍ | bhā̱sā | bṛ̱ha̱tā | śu̱śu̱kani̍ḥ

276.10

agne̍ | yā̱hi̱
su̱śasti'bhi̍ḥ | ha̱vyā | juhvā̍naḥ | ā̱nu̱ṣak | yathā̍ | dū̱taḥ | ba̱bhūrtha̍
ha̱vya̱'vāhana̍ḥ || a̱gniṃ | va̱ḥ | pu̱rvyaṃ | hu̱ve̱ | hotā̍raṃ | ca̱rṣa̱ṇī̱nāṃ | taṃ
a̱yā | vā̱cā | gṛ̱ṇe̱ | taṃ | ūm̐iti̍ | va̱ḥ | stu̱ṣe̱ || ya̱jñebhi̍ḥ | adru̍ta'kratuṃ
yaṃ | kṛ̱pā | sū̱daya̍nte | it | mi̱traṃ | na | jane̍ | su̱'dhi̍taṃ | ṛ̱ta'va̍ni
śruta'vā̍naṃ | ṛ̱ta'ya̍vaḥ | ya̱jñasya̍ | sā̱dha̍naṃ | gi̱rā | upo̱iti̍ | e̱na̱ṃ
ju̱ju̱ṣu̱ḥ | nama̍saḥ | pa̱de || accha̍ | na̱ḥ | aṃgeraḥ'tamaṃ | ya̱jñāsa̍ḥ | ya̱ṃtu̱
saṃ'ya̍taḥ | hotā̍ | yaḥ | asti̍ | vi̱kṣu | ā | yaśa̍ḥ'tamaḥ

276.11

agne̍ | tave̍ | tye | a̱jara̱ | iṃdhā̍nāsaḥ | bṛ̱hat | bhāḥ | aśvā̍ḥ'iva
vṛṣa̍ṇaḥ | ta̱vi̱ṣī'yava̍ḥ || saḥ | tvaṃ | na̱ḥ | ūrjā̍m | pa̱te̱ | ra̱yiṃ | rā̱sva̱
su̱'vīrya̍m | pra | a̱va̱ | na̱ḥ | toke | tana̍ye | sa̱mat'su̍ | ā | yat
vai | ū̱hate̍ | vi̱śpati̍ḥ | śitaḥ | su̱'prītaḥ | manu̍ṣaḥ | viśi̍
viśvā̍ | it | a̱gniḥ | prati̍ | rakṣā̍ṃsi | sedha̱ti̱ || śru̱ṣṭī | a̱gne̱
nava̍sya | me̱ | stoma̍sya | vī̱ra̱ | vi̱śpate̱ | ni | mā̱yina̍ḥ | tapu̍ṣā
rakṣasa̍ḥ | da̱ha̱ || na | tasya̍ | mā̱yayā̍ | ca̱na | ri̱paḥ | ī̱śī̱ta̱ | martya̍ḥ
yaḥ | a̱gnaye̍ | da̱dāśa̍ | ha̱vyadā̍ti'bhiḥ

276.12

vi'a̍śvaḥ | tvā̱
va̱su̱'vida̍ṃ | u̱kthya̍ḥ | a̱prī̱ṇā̱t | ṛṣi̍ḥ | ma̱haḥ | rā̱ye | taṃ | ū̱hate̍
tvā | saṃ | i̱dhī̱ma̱hi̱ || u̱śanā̍ | kāvya̍ḥ | tvā̱ | ni | hotā̍raṃ
a̱sā̱da̱ya̱t | ā̱'yāji̍ṃ | tvā̱ | mana̍ve | jā̱ta've̍dasaṃ || viśve̍ | hi
tvā̱ | sa̱'joṣa̍saḥ | de̱vāsa̍ḥ | dū̱taṃ | akra̍ta | śruṣṭī | de̱va̱ | pra̱tha̱maḥ
ya̱jñiya̍ḥ | bhu̱va̱ḥ || imaṃ | ghā̱ | vī̱raḥ | a̱mṛta̍ṃ | dū̱taṃ | kṛ̱ṇvī̱ta̱ | martya̍ḥ
pā̱va̱kaṃ | kṛ̱ṣṇa'va̍rtaniṃ | vi'hā̍yasaṃ || taṃ | hu̱ve̱ma̱ | ya̱ta'sruca̍ḥ | su̱'bhāsa̍ṃ | śu̱kra'śo̍ciṣaṃ | vi̱śāṃ | a̱gniṃ | a̱jara̍ṃ | pra̱tnaṃ | īḍya̍ṃ

276.13

yaḥ | a̱smai̱ | ha̱vyadā̍ti'bhiḥ | ā'hu̍tiṃ | marta̍ḥ | avidha̍t | bhūri̍
poṣa̍ṃ | saḥ | dha̱tte̱ | vī̱ra'va̍t | yaśa̍ḥ || pra̱tha̱maṃ | jā̱ta've̍dasaṃ | a̱gniṃ
ya̱jñeṣu̍ | pū̱rvyaṃ | prati̍ | sruk | e̱ti̱ | nama̍sā | ha̱viṣma̍tī | ā̱bhiḥ
vi̱dhe̱ma̱ | a̱gnaye̍ | jyeṣṭhā̍bhiḥ | vyaśva̍'vat | maṃhi̍ṣṭhābhiḥ | ma̱ti'bhi̍ḥ
śu̱kra'śo̍ciṣe || nūnaṃ | a̱rca̱ | vi̱'hā̍yase | stomai̍bhiḥ | sthūra̱yūpa̍'vat
ṛṣe̍ | vai̱ya̱śva̱ | da̱myā̍ya | a̱gnaye̍ || ati̍thiṃ | mānu̍ṣāṇāṃ | sū̱nuṃ
vana̱spatī̍nāṃ | viprā̍ḥ | a̱gniṃ | ava̍se | pra̱tnaṃ | ī̱ḷa̱te̱

276.14

maha̍ḥ
viśvā̍n | a̱bhi | sa̱taḥ | a̱bhi | ha̱vyāni̍ | mānu̍ṣā | a̱gne̱ | ni | sa̱tsi̱
nama̍sā | adhi̍ | ba̱rhiṣi̍ || vaṃsva̍ | na̱ḥ | vāryā̍ | puru | vaṃsva̍ | rā̱yaḥ
pu̱ru̱'spṛha̍ḥ | su̱'vīrya̍sya | pra̱jā'va̍taḥ | ya̱śasva̍taḥ || tvaṃ
va̱ro̱hate̍ | su̱'sāmne̍ | a̱gne̱ | janā̍ya | co̱daya̍ | sadā̍ | vaso̱ iti̍
rā̱tiṃ | yavi̍ṣṭha | śaśva̍te || tvaṃ | hi | su̱'pratū̍ḥ | asi̍ | tvaṃ
naḥ | go'matīḥ | iṣa̍ḥ | ma̱haḥ | rā̱yaḥ | sā̱tiṃ | agne̍ | apa̍
vṛ̱dhi̱ || agne̍ | tvaṃ | ya̱śāḥ | a̱si̱ | ā | mi̱trāvaru̍ṇā | va̱ha̱
śruta'rvā̍nā | saṃ'rājā̍ | pū̱ta'da̍kṣasā

Linked texts (4)