Pramāṇa · Search · About · API

Samhitapadapatha 34

Saṃhitāpadapāṭha 34

Language
Sanskrit

34.0

tāḥ
a̱sya̱ | pṛ̱śan'yuva̍ḥ | soma̍ṃ | śrī̱ṇa̱ṃti̱ | pṛśna̍yaḥ || pri̱yāḥ | iṃdra̍sya
dhe̱nava̍ḥ | vajra̍m | hi̱nvanti̱ | sāya̍kaṃ

34.0-2

tāḥ | a̱sya̱ | nama̍sā
saha̍ḥ | sa̱pa̱ryanti̱ | pra'ce̍tasaḥ || vra̱tāni̍ | a̱sya̱ | sa̱ści̱re̱
pu̱rūṇi̍ | pū̱rva'ci̍ttaye

34.7

iṃdra̍ḥ | da̱dhīca̍ḥ | a̱stha'bhi̍ḥ
vṛ̱trāṇi̍ | apra̍ti'skṛtaḥ || ja̱ghāna̍ | na̱va̱tīḥ | nava̍ || i̱cchan
aśva̍sya | yat | śira̍ḥ | parva̍teṣu | apa̍'śritaṃ || tat | vi̱da̱t
śa̱rya̱ṇā'va̍ti || atra̍ | aha̍ | goḥ | a̱ma̱nvata̱ | nāma̍ | tvaṣṭu̍ḥ
apī̱cya̍m || i̱tthā | ca̱ṃdrama̍saḥ | gṛ̱he

34.8

kaḥ | a̱dya | yu̱kte
dhu̱ri | gāḥ | ṛ̱tasya̍ | śi̱mī̍'vataḥ | bhā̱mina̍ḥ | duḥ'hṛ̍ṇāyūn
ā̱san'ī̍ṣūn | hṛ̱tsu'asa̍ḥ | maya̍ḥ'bhūn | yaḥ | e̱ṣā̍ṃ | bhṛtya̍ṃ
ṛ̱ṇadha̍t | saḥ | jī̱vāt || kaḥ | ī̱ṣa̱te̱ | tu̱jyate̍ | kaḥ | bi̱bhā̱ya̱ | kaḥ
maṃsa̍te | saṃta̍ṃ | iṃdra̍ṃ | kaḥ | aṃti̍ || kaḥ | to̱kāya̍ | kaḥ
ibhā̍ya | u̱ta | rā̱ye | adhi̍ | bra̱va̱t | ta̱nvai̍ | kaḥ | janā̍ya || kaḥ
a̱gniṃ | ī̱ṭṭe | ha̱viṣā̍ | ghṛ̱tena̍ | srucā̍ | ya̱jā̱tai | ṛ̱tu'bhi̍ḥ
dhru̱vebhi̍ḥ || kasmai̍ | de̱vān | ā | va̱hā̱t | ā̱śu | homa̍ | kaḥ
maṃsa̍te | vī̱ti'ho̍traḥ | su̱'de̱vaḥ || tvaṃ | aṃga̍ | pra | śa̱ṃsi̱ṣa̱ḥ | de̱vaḥ
śavi̍ṣṭha | martyai̍ || na | tvat | anyaḥ | ma̱ghava̍n | a̱sti̱ | ma̱rḍitā
iṃdra̍ | bravī̍mi | te̱ | vaca̍ḥ || mā | te̱ | rādha̍ṃsi | mā | te̱
ū̱taya̍ḥ | va̱so̱iti̍ | a̱smān | ka̱dā | ca̱na | da̱bha̱n || viśvā̍ | ca̱
na̱ḥ | upa̍'mimīhi | mānu̍ṣa | vasū̍ni | ca̱rṣa̱ṇi'bhya̍ḥ | ā

34.9

pra | ye | śu̱bhaṃte̍ | jana̍yaḥ | na | sa̱ptaya̍ḥ | yāma̍n | ru̱drasya̍
sū̱nava̍ḥ | su̱'daṃsa̍saḥ || roda̍sī̱iti̍ | hi | ma̱ruta̍ḥ | ca̱kri̱re
vṛ̱dhe | mada̍ṃti | vī̱rāḥ | vi̱dathe̍ṣu | ghṛṣva̍yaḥ || te | u̱kṣitāsa̍ḥ
ma̱hi̱māna̍ṃ | ā̱śa̱ta̱ | di̱vi | ru̱drāsa̍ḥ | adhi̍ | ca̱kri̱re̱ | sada̍ḥ
arca̍taḥ | a̱rkaṃ | ja̱naya̍ntaḥ | iṃdri̱yaṃ | adhi̍ | śriya̍ḥ | da̱dhi̱re̱
pṛśni̍'mātaraḥ || go'mā̍taraḥ | yat | śu̱bhaya̍ṃte | a̱ṃji'bhi̍ḥ | ta̱nūṣu̍
śu̱bhrāḥ | da̱dhi̱re | vi̱ru̱kmaṃta̍ḥ || bādha̍ṃte | viśva̍ṃ | a̱bhi̱'mā̱tina̍ṃ
apa̍ | vartmā̍ni | e̱ṣā̱ṃ | anu̍ | rī̱ya̱te̱ | ghṛ̱taṃ || vi | ye
bhrāja̍ṃte | su̱'ma̍khāsaḥ | ṛ̱ṣṭi'bhi̍ḥ | pra̱'cya̱vaya̍taḥ | acyu̍tā
ci̱t | oja̍sā || mana̍'juvaḥ | yat | ma̱ruta̍ḥ | rathe̍ṣu | ā
vṛṣa̍'vrātāsaḥ | pṛṣa̍tīḥ | ayu̍gdhvaṃ || pra | yat | rathe̍ṣu | pṛṣa̍tīḥ
ayu̍gdhvaṃ | vājeṃ | adri̍ṃ | ma̱ru̱ta̱ḥ | raṃhayaṃta̍ḥ || uta | a̱ru̱ṣasya̍
vi | sya̱ṃti̱ | dhārā̍ḥ | carma̍'iva | u̱d'bhi̍ḥ | vi | u̱ṃda̱ṃti̱
bhūmi̍ṃ || ā | va̱ḥ | va̱ha̱ṃtu̱ | sa̱ptaya̍ḥ | ra̱ghu̱'syada̍ḥ | ra̱ghu̱'patvāna̍ḥ
pra | ji̱gā̱ta̱ | bā̱hu'bhi̍ḥ || sīda̍ta | ā | ba̱rhiḥ | u̱ru | va̱ḥ
sada̍ḥ | kṛ̱taṃ | mā̱daya̍dhvaṃ | ma̱ru̱ta̱ḥ | madhva̍ḥ | aṃdha̍saḥ

34.10

te
avardhaṃta | sva'ta̍vasaḥ | ma̱hi̱'tva̱nā | ā | nāka̍ṃ | ta̱sthu̱ḥ | u̱ru
ca̱kri̱re̱ | sada̍ḥ | viṣṇa̍uḥ | yat | ha̱ | ā̱vat | vṛṣa̍ṇaṃ | mada̍'cyutaṃ
vaya̍ḥ | na | sīda̍n | adhi̍ | ba̱rhiṣi̍ | pri̱ye || śūrā̍ḥ'iva | it
yu̱yu̍dhayaḥ | na | ja̱gma̍yaḥ | śra̱va̱syava̍ḥ | na | pṛta̍nāsu | ye̱ti̱re̱
bhaya̍ṃte | viśvā̍ | bhuva̍nā | ma̱rut'bhya̍ḥ | rājā̍naḥ'iva | tve̱ṣa'sa̍ṃdṛśaḥ
nara̍ḥ || tvaṣṭā̍ | yat | vajra̍ṃ | su̱'kṛ̍taṃ | hi̱ra̱ṇyaya̍ṃ | sa̱hasra̍'bhṛṣṭiṃ
su̱'apā̍ḥ | ava̍rtayat || dhatte | iṃdra̍ḥ | narai̍ | apā̍ṃsi | karta̍ve
aha̍n | vṛ̱traṃ | niḥ | a̱pāṃ | aubja̱t | a̱rṇa̱vaṃ || ū̱rdhvaṃ | nu̱nu̱dre̱
ava̍taṃ | te | oja̍sā | dṛ̱dṛ̱hā̱ṇaṃ | ci̱t | bi̱bhi̱duḥ | vi | parva̍taṃ
dhamaṃta̍ḥ | vā̱ṇaṃ | ma̱ruta̍ḥ | su̱'dā̱nava̍ḥ | made̍ | soma̍sya | raṇyā̍ni
ca̱kri̱re̱ || ji̱hmaṃ | nu̱nu̱dre̱ | ava̍taṃ | tayau̍ | di̱śā | asi̍ṃcan | utsa̍ṃ
gota̍māya | tṛ̱ṣṇa̱'jeṃ || ā | ga̱cha̱ṃti̱ | ī̱ṃ | ava̍sā | ci̱tra'bhā̍navaḥ
kāma̍ṃ | vipra̍sya | ta̱rpayaṃta̍ | dhāma̍'bhiḥ || yā | va̱ḥ | śarma̍ | śa̱śa̱mā̱nāya̍
saṃti̍ | tri̱'dhātūni̍ | dā̱śuṣe̍ | yaccha̍ta̱ | adhi̍ || a̱smabhya̍m | tāni̍
ma̱ru̱ta̱ḥ | vi | ya̱ṃta̱ | ra̱yiṃ | na̱ḥ | dha̱tta̱ | vṛ̱ṣa̱ṇa̱ḥ | su̱'vīra̍m

34.11

ma̱ru̱ta̱ḥ | yasya̍ | hi | kṣaye̍ | pātha̍ | di̱vaḥ | vi̱'ma̱ha̱sa̱ḥ | saḥ
su̱'gopā̍tamaḥ | jana̍ḥ || ya̱jñaiḥ | vā̱ | ya̱jña'vā̍hasaḥ | vipra̍sya
vā̱ | ma̱tī̱nāṃ || ma̱ru̱ta̱ḥ | śṛ̱ṇuta̱ | hava̍ṃ || uta | vā̱ | yasya̍
vā̱jina̍ḥ | anu̍ | vipra̍ṃ | ata̍kṣata || saḥ | gaṃtā̍ | go'ma̍ti
vra̱je || asya̍ | vī̱rasya̍ | ba̱rhiṣi̍ | su̱taḥ | soma̍ḥ | di̱viṣṭi̍ṣu
u̱kthaṃ | mada̍ḥ | ca̱ | śa̱sya̱te || asya̍ | śroṣa̍ṃtu | ā | bhuva̍ḥ
viśvā̍ḥ | yaḥ | ca̱rṣa̱ṇīḥ | a̱bhi || sūra̍ṃ | cit | sa̱sṛ̱ṣīḥ
iṣa̍ḥ

34.12

pū̱rvībhi̍ḥ | hi | da̱dā̱śima̍ | śa̱rad'bhi̍ḥ | ma̱ru̱ta̱ḥ
va̱yaṃ || ava̍ḥ'bhiḥ | ca̱rṣa̱ṇī̱nāṃ || su̱'bhaga̍ḥ | saḥ | pra̱'ya̱jya̱va̱ḥ
ma̱ru̱ta̱ḥ | a̱stu̱ | martya̍ḥ || yasya̍ | prayā̍ṃsi | parṣa̍tha || śaśa̍mānasya̍
vā̱ | na̱ra̱ḥ | sveda̍sya | sa̱tya̱'śa̱va̱sa̱ḥ || vi̱d | kāma̍sya | vena̍taḥ
yū̱yaṃ | tat | sa̱tya̱'śa̱va̱sa̱ḥ | ā̱viḥ | kṛ̱ta̱ | ma̱hi̱'tvā̱nā
vi̱dhyata̍ | vi̱'dyutā̍ | rakṣa̍ḥ || gūha̍ta | guhya̍ṃ | tama̍ḥ | vi
yāta̱ | viśva̍ṃ | a̱triṇa̍ṃ || jyoti̍ḥ | kṛ̱ta̱ | yat | u̱śmasi̍

34.13

pra̱'tve̱kṣa̱sa̱ḥ | pra̱'tava̍saḥ | vi̱'ra̱pśina̍ḥ | anā̍natāḥ | a̱vi̱dhurā̍ḥ
ṛ̱jī̱ṣiṇa̍ḥ || juṣṭa̍tamāsaḥ | nṛ̱'ta̍māsaḥ | a̱ñji'bhi̍ḥ | vi
āna̱ñjre̱ | ke | ci̱t | u̱srāḥ'i̍va | stṛ̱'bhi̍ḥ || upa̍'hvareṣu̍
yat | aci̍dhvaṃ | ya̱yiṃ | vaya̍ḥ'iva | ma̱ru̱ta̱ḥ | kena̍ | ci̱t
pa̱thā || ścota̍nti | kośā̍ḥ | upa̍ | va̱ḥ | rathe̍ṣu | ā | ghṛ̱taṃ
u̱kṣa̱ta̱ | madhu̍'varṇaṃ | aca̍te || pra | e̱ṣā̱ṃ | ajme̍ṣu | vi̱thu̱rā'i̍va
reja̍te | bhūmi̍ḥ | yāma̍su | yat | ha̱ | yu̱ṃjate̍ | śubhe || te
krī̱ḷaya̍ḥ | dhu̱taya̍ḥ | bhrāja̍t'ṛṣṭayaḥ-| sva̱yaṃ | ma̱hi̱'tvaṃ | pa̱na̱ya̱ṃta̱
dhūtayaḥ || saḥ | hi | sva'vān | pṛṣa̍t'aśvaḥ | yu̱vā | ga̱ṇaḥ
a̱yā | īśā̍naḥ | tavi̍ṣībhiḥ | ā'vṛtaḥ || asi̍ | sa̱tyaḥ
ṛ̱ṇa'yāvā̍ | ane̱dyaḥ | a̱syāḥ | dhiyaḥ | pra'a̍vitā | artha̍ | vṛṣa̍
gaṇaḥ || pi̱tuḥ | pra̱tnasya̍ | janma̍nā | va̱dāmasi̍ | soma̍sya | ji̱hvā
pra | ji̱gā̱ti̱ | cakṣa̍sā || yat | ī̱m | indra̍ṃ | śamī̍ | ṛkva̍ṇaḥ
āśa̍ta | āt | it | nāmā̍ni | ya̱jñiyā̍ni | da̱dhi̱re || śri̱yase̍
kaṃ | bhānu'bhi̍ḥ | saṃ | mi̱mikṣare̱ | te | ra̱śmi'bhi̍ḥ | te | ṛrka'bhi̍ḥ
su'khā̱daya̍ḥ || te | vāśī̍'maṃtaḥ | i̱ṣmiṇa̍ḥ | abhī̍ravaḥ | vi̱dve
pri̱yasya̍ | māru̍tasya | dhāmna̍ḥ

34.14

ā | vi̱dyunma̍t'bhiḥ | ma̱ru̱ta̱ḥ
su'a̱rkaiḥ | rathe̍bhiḥ | yā̱ta̱ | ṛ̱ṣṭimat'bhi̍ḥ | aśva̍'parṇaiḥ || ā
va̱rṣiṣṭha̍yā | na̱ḥ | i̱ṣā | vaya̍ḥ | na | pa̱pta̱ta̱ | su̱'mā̱yāḥ || te
a̱ru̱ṇebhi̍ḥ | vara̍ṃ | ā | pi̱śaṃgai̍ḥ | śu̱bhe | kaṃ | yā̱ṃti̱ | ratha̱tūḥ'bhi̍ḥ
aśvai̍ḥ || na | ci̱traḥ | svadhi̍ti'vān | pa̱vyā | ratha̍sya
jaṃgha̍naṃta | bhūma̍ || śri̱ye | kaṃ | va̱ḥ | adhi̍ | ta̱nūṣu̍ | vāśī̍ḥ | me̱dhā
vanā̍ | na | kṛ̱ṇva̱ṃte̱ | ū̱rdhvā || yu̱ṣmabhya̍ṃ | kaṃ | ma̱ru̱ta̱ḥ | su̱'jā̱tāḥ
tu̱vi̱'dyu̱mnāsa̍ḥ | dha̱naya̍te | adri̍ || ahā̍ni | gṛ̱dhrāḥ | pari̍ | ā
va̱ḥ | ā | a̱gu̱ḥ | i̱māṃ | dhiya̍ṃ | vṛ̱kāryā̍ | ca̱ | de̱vī̍ || brahma̍
kṛ̱ṇvaṃta̍ḥ | gota̍māsaḥ | a̱rkaiḥ | ū̱rdhvaṃ | nu̱nu̱dre̱ | utsa̍'dhiṃ | piva̍dhyai
e̱tat | tyat | na | yoja̍naṃ | ace̍ti | sa̱khaḥ | ha̱ | yat | ma̱ru̱ta̱ḥ
gota̍maḥ | va̱ḥ || paśya̍n | hira̍ṇya'cakrān | aya̍ḥ'daṃṣṭrān | vi̱'dhāva̍taḥ
varāhūn̍ || e̱ṣā | syā | va̱ḥ | ma̱ru̱ta̱ḥ | a̱nu̱'bha̱rtrī | prati̍ | stobha̍ti
vā̱ghata̍ḥ | na | vāṇī̍ || asto̍bhayat | vṛthā̍ | ā̱sā̱ṃ | anu̍ | sva̱dhāṃ
gabha̍styoḥ

34.15

ā | na̱ḥ | bha̱drāḥ | krata̍vaḥ | ya̱ṃtu | vi̱śvata̍ḥ
ada̍bdhāsaḥ | apa̍ri'itāsaḥ | u̱d'bhida̍ḥ || de̱vāḥ | na̱ḥ | yathā̍
sadā̍ | it | vṛ̱dhe | asa̱n | apra̍'āyuvaḥ | ra̱kṣi̱tāra̍ḥ | di̱ve'di̍ve
de̱vānā̍m | bha̱drā | su̱'ma̱tiḥ | ṛ̱ju̱'ya̱tām | de̱vānā̍m | rā̱tiḥ | a̱bhi
na̱ḥ | ni | va̱rtta̱tā̱m || de̱vānā̍m | sa̱khyam | upa̍ | se̱di̱ma | va̱yam | de̱vāḥ
na̱ḥ | āyu̍ḥ | pra | ti̱ra̱ntu̱ | jīvaseṃ || tān | pūrva̍yā | ni̱'vi̱dā
hūmahe̱ | va̱yaṃ | bhaga̍m | mi̱traṃ | adi̍tiṃ | dakṣa̍ṃ | a̱sridha̍m || a̱rya̱maṇa̍ṃ | varu̍ṇaṃ
soma̍m | a̱śvinā̍ | sara̍svatī | na̱ḥ | su̱'bhagā̍ | maya̍ḥ | ka̱ra̱t | tat
na̱ḥ | vāta̍ḥ | ma̱ya̱ḥ'bhu | vā̱tu̱ | bhe̱ṣa̱jaṃ | tat | mā̱tā | pṛ̱thi̱vī | tat
pi̱tā | dyauḥ || tat | grāvā̍ṇaḥ | so̱ma̱'suta̍ḥ | ma̱ya̱ḥ'bhuva̍ḥ | tat
a̱śvinā̍ | śṛ̱ṇu̱taṃ | dhiṣṇyā̍ | yu̱vaṃ || taṃ | īśā̍naṃ | jaga̍taḥ | ta̱sthuṣa̍ḥ
pati̍ṃ | dhi̱ya̱ṃ'ji̱nvaṃ | ava̍se | hū̱ma̱he̱ | va̱yaṃ || pū̱ṣā | na̱ḥ | yathā̍
veda̍sāṃ | asa̍t | vṛ̱dhe | ra̱kṣi̱tā | pā̱yuḥ | ada̍bdhaḥ | sva̱staye̍

34.16

sva̱sti | na̱ḥ | indra̍ḥ | vṛ̱ddha'śra̍vāḥ | sva̱sti | na̱ḥ | pū̱ṣā | vi̱śva'vedā̍ḥ || sva̱sti | na̱ḥ | tā̱rkṣyaḥ | ari̍ṣṭa'nemiḥ | sva̱sti | na̱ḥ | bṛha̱spati̍ḥ
dadhā̱tu || pṛṣa̍t'aśvāḥ | ma̱ruta̍ḥ | pṛśni̍'mātaraḥ | śu̱bha̱ṃ'yāvā̍naḥ
vi̱datheṣu̍ | jagma̍yaḥ || a̱gni'ji̱hvāḥ | mana̍vaḥ | sūra̍'cakṣasaḥ | viśve̍
na̱ḥ | de̱vāḥ | ava̍sā | ā | ga̱ma̱n | i̱ha | bha̱draṃ | karṇe̍bhiḥ | śṛ̱ṇu̱yā̱ma̱
de̱vāḥ | bha̱draṃ | pa̱śye̱ma̱ | a̱kṣa'bhi̍ḥ | ya̱ja̱trāḥ || sthi̱raiḥ | aṃgai̍ḥ | tu̱ṣṭu̱vāṃsa̍ḥ | ta̱nūbhi̍ḥ | vi | a̱śe̱ma̱ | de̱va'hi̍taṃ | yat | āyu̍ḥ | śa̱taṃ | it
nu | śa̱rada̍ḥ | aṃti̍ | de̱vāḥ || yatra̍ | na̱ḥ | ca̱kra | ja̱rasa̍m | ta̱nūnā̍ṃ || pu̱trāsa̍ḥ
yatra̍ | pi̱tara̍ḥ | bhava̍ṃti | mā | na̱ḥ | ma̱dhyā | ri̱ri̱ṣa̱ta̱ | āyu̍ḥ | gaṃto̍ḥ
adi̍tiḥ | dyauḥ | adi̍tiḥ | a̱ṃtari̍kṣaṃ | adi̍tiḥ | mā̱tā | saḥ
pi̱tā | saḥ | pu̱traḥ || viśve̍ | de̱vāḥ | adi̍tiḥ | paṃca̍ | janā̍ḥ
adi̍tiḥ | jā̱taṃ | adi̍tiḥ | jarna̍'tvaṃ

34.17

ṛ̱ju̱'nī̱tī | na̱ḥ
varu̍ṇaḥ | mi̱traḥ | na̱ya̱tu̱ | vi̱dvān || a̱rya̱mā | de̱vaiḥ | sa̱'joṣā̍ḥ || te
hi | vasva̍ḥ | vasva̍vānāḥ | te | apra̍'mūrāḥ | maha̍ḥ'bhiḥ || vra̱tā
rakṣa̍nte | viśvāhā̍ || te | a̱smabhya̍m | śarma̍ | ya̱ṃsa̱n | a̱mṛtā̍ḥ
martyebhyaḥ || bādha̍mānāḥ | apa̍ | dviṣa̍ḥ || vi | na̱ḥ | patha̍ḥ | su̱vi̱tāya̍
ci̱yaṃtu̱ | iṃdra̍ḥ | ma̱ruta̍ḥ | pū̱ṣā | bhaga̍ḥ | vaṃdyā̍saḥ || u̱ta | na̱ḥ | dhiya̍ḥ
go'a̍grāḥ | pū̱ṣan | viṣṇo̱ iti̍ | e̱vaṃ'yāvaḥ || karta̍ | na̱ḥ | sva̱sti̱'mata̍ḥ

34.18

madhu̍ | vātā̍ḥ | ṛ̱tā̱'ya̱te | madhu̍ | kṣara̍ṃti | siṃdha̍vaḥ
mādhvī̍ḥ | na̱ḥ | saṃtu̱ | oṣa̍dhīḥ || madhu̍ | nakta̍m | u̱ta | u̱ṣasa̍ḥ
madhu̍'mat | pārthi̍vaṃ | raja̍ḥ || madhu̍ | dyauḥ | a̱stu̱ | na̱ḥ | pi̱tā
madhu̍'mān | na̱ḥ | vana̱spati̍ḥ | madhu̍'mān | a̱stu̱ | sūrya̍ḥ || mādhvī̍ḥ
gāva̍ḥ | bha̱vaṃtu̱ | na̱ḥ || śaṃ | na̱ḥ | mitraḥ | śaṃ | varu̍ṇaḥ | śaṃ | na̱ḥ
bha̱va̱tu̱ | a̱rya̱mā || śaṃ | na̱ḥ | iṃdra̍ḥ | bṛha̱spati̍ḥ | śaṃ | na̱ḥ | viṣṇūṃḥ
u̱ru̱'kramaḥ

34.19

tvaṃ | soma̍ | pra | ci̱ki̱ta̱ḥ | ma̱nī̱ṣā | tvaṃ
raji̍ṣṭhaṃ | anu̍ | neṣi̱ | paṃthā̍m̐ || tava̍ | pra'nī̍tī | pi̱tara̍ḥ | na̱ḥ
iṃḍo̱ iti̍ | de̱veṣu̍ | ratna̍ṃ | a̱bha̱ja̱ṃta̱ | dhīrā̍ḥ || tvaṃ | soma̍ | kratu̍'bhiḥ
su̱'kratu̍ḥ | bhūḥ | tvaṃ | dakṣai̍ḥ | su̱'dakṣa̍ḥ | vi̱śva've̍dāḥ || tvaṃ | vṛṣā̍
vṛ̱ṣa̱'tvebhi̍ḥ | ma̱hi̱'tvā | dyu̱mnebhi̍ḥ | dyu̱mnī | a̱bhava̱ḥ | nṛ̱'cakṣā̍ḥ
rājña̍ḥ | nu | te̱ | varu̍ṇasya | vra̱tāni̍ | bṛ̱hat | ga̱bhīra̍ṃ | tava̍ | soma̍
dhāma̍ || śuci̍ḥ | tvaṃ | a̱si̱ | priya̍ḥ | na | mitraḥ | da̱kṣāyya̍ḥ
a̱rya̱mā'i̍va | a̱si̱ | soma̍ || yā | te̱ | dhāmā̍ni | di̱vi | yā
pṛ̱thi̱vyāṃ | yā | parva̍teṣu | oṣa̍dhīṣu | a̱p'su || tebhi̍ḥ | na̱ḥ | viśvai̍ḥ
su̱'manā̍ḥ | ahè̍ḷan | rājan | soma̍ | prati̍ | ha̱vyā | gṛ̱bhā̱ya̱ | tvaṃ
soma̍ | a̱si̱ | sa̱t'pati̍ḥ | tvaṃ | rājā̍ | u̱ta | vṛ̱tra̱'hā || tvaṃ
bha̱draḥ | a̱si̱ | kratu̍ḥ

34.20

tvaṃ | ca̱ | soma̍ | na̱ḥ | vaśa̍ḥ
jīvātu̍ṃ | na | ma̱rā̱ma̱he̱ || priya̍'stotraḥ | vana̱spati̍ḥ || tvaṃ | soma̍
ma̱he | bhaga̍ṃ | tvaṃ | yūne̍ | ṛ̱ta̱'ya̱te || dakṣa̍ṃ | da̱dhā̱si̱ | jī̱vase̍
tvaṃ | na̱ḥ | soma̍ | vi̱śvata̍ḥ | rakṣa̍ | rā̱jan | a̱gha̱'ya̱taḥ || na
ri̱ṣyet | tvā'va̍taḥ | sakhā̍ || soma̍ | yāḥ | te̱ | ma̱ya̱'bhuva̍ḥ
ū̱taya̍ḥ | saṃti̍ | dā̱śuṣe̍ || tābhi̍ḥ | na̱ḥ | a̱vi̱tā | bha̱va̱ || i̱maṃ
ya̱jñaṃ | i̱daṃ | vaca̍ḥ | jujuṣāṇa̍ḥ | upa̍'āga̍hi || soma̍ | tvaṃ | na̱ḥ
vṛ̱dhe | bha̱va̱

34.21

soma̍ | gī̱ḥ'bhiḥ | tvā̱ | va̱yaṃ | vṛ̱rdhayā̍maḥ
vaca̍ḥ'vidaṃḥ || su̱'mṛ̱ḷī̱kaḥ | na̱ḥ | ā | vi̱śa̱ || gaya̍'sphāna̍ḥ
a̱mī̱va̱'hā | va̱su̱'vit | pu̱ṣṭi̱'vardha̍naḥ || su̱'mitra̍ḥ | soma̍ | na̱ḥ
bha̱va̱ || soma̍ | ra̱dhi̱ | na̱ḥ | hṛ̱di | gāva̍ḥ | na | yava̍seṣu | ā
marya̍ḥ'iva | sve | okye̍ || yaḥ | soma̍ | sa̱khye | tava̍ | ra̱raṇa̍t
de̱va̱ | martya̍ḥ || taṃ | dakṣa̍ḥ | sa̱ca̱te̱ | ka̱viḥ || u̱ru̱ṣya | na̱ḥ | a̱bhi̱'śa̍steḥ | soma̍ | ni | pā̱hi̱ | a̍ṃhasaḥ || sakhā̍ | su̱'śeva̍ḥ | e̱dhi̱
na̱ḥ

Linked texts (5)