Samhitapadapatha 347
Saṃhitāpadapāṭha 347
- Language
- Sanskrit
347.0
pra | somā̍saḥ | su̱'ādhya̍ḥ
pava̍mānāsaḥ | akra̱muḥ | ra̱yiṃ | kṛ̱ṇvaṃti̍ | ceta̍naṃ || di̱vaḥ | pṛ̱thi̱vyāḥ
adhi̍ | bhavaṃ | iṃdo̱iti̍ | dyu̱mna̱'vardha̍naḥ | bhavaṃ | vājā̍nāṃ | pati̍ḥ
tubhya̍ṃ | vātā̍taḥ | a̱bhi̱'priya̍ḥ | tubhya̍ṃ | arṣaṃti | siṃdha̍vaḥ | soma̍
vardhaṃti | te̱ | maha̍ḥ
347.21
tubhya̍ṃ | gāva̍ḥ | ghṛ̱taṃ | paya̍ḥ | ba̱bhro̱iti̍
du̱du̱he̱ | akṣitaṃ | vaṣi̍ṣṭhe | adhi̍ | sāna̍vi || su̱'ā̱yudha̍sya | te̱
sa̱taḥ | bhuva̍nasya | pa̱te̱ | va̱yaṃ | iṃdo̱iti̍ | sa̱khi̱'tvaṃ | u̱śma̱si̱
347.22
pra | somā̍saḥ | madṛ̱'cyuta̍ḥ | śrava̍se | na̱ḥ | ma̱ghonā̍ṃ | su̱tāḥ
vi̱dathe̍ | akra̱muḥ || āt | ī̱ṃ | tri̱tasya̍ | yoṣaṇa̍ḥ | hari̍ṃ | hi̱nvaṃti̍
advi̍'bhiḥ | iṃdu̍ṃ | iṃdrā̍ya | pī̱taye̍ || āt | ī̱ | haṃsa̍ḥ | yathā̍
ga̱ṇaṃ | viśva̍sya | a̱vī̱va̱śa̱t | ma̱ti | atya̍ḥ | na | gobhi̍ḥ | a̱jya̱te̱
u̱me̱iti̍ | soma̱ | ava̍'cāka̍śat | mṛ̱gaḥ | na | ta̱ktaḥ | arṣa̍si
sīda̍n | ṛ̱tasya̍ | yoni̍ṃ | ā || abhi | gāva̍ḥ | a̱nū̱ṣa̱ta̱ | yoṣā̍
jā̱raṃ'i̍va | pra̱yaṃ | aga̍n | ājiṃ | yathā̍ | hi̱taṃ || a̱smeiti̍ | dhe̱hi̱
dyu̱'mat | yaśa̍ḥ | ma̱ghava̍t'bhyaḥ | ca̱ | mahya̍ṃ | ca̱ | sa̱niṃ | me̱dhāṃ
u̱ta | śrava̍ḥ
347.23
pra | somā̍saḥ | vi̱pa̍ḥ'cita̍ḥ | a̱pāṃ | na
yaṃti̍ | ū̱rmaya̍ḥ | vanā̍ni | ma̱hi̱ṣāḥ'i̍va || abhi | droṇā̍ni | ba̱bhrava̍ḥ
śu̱krāḥ | ṛ̱tasya̍ | dhā̱rayā̍ | vāja̍m | go'ma̍ntaṃ | a̱kṣara̱n || su̱tāḥ
indrā̍ya | vā̱yave̍ | varu̍ṇāya | ma̱rudbhya̍ḥ | somā̍ḥ | arṣa̍nti | viṣṇa̍ve
ti̱sraḥ | vāca̍ḥ | ut | ī̱ra̱te̱ | gāva̍ḥ | mi̱ma̱nti̱ | dhe̱nava̍ḥ | hari̍ḥ
e̱ti̱ | kani̍kradat || a̱bhi | brahmī̍ḥ | a̱nū̱ṣa̱ta̱ | yahvī̍ḥ | ṛ̱tasya̍
mā̱tara̍ḥ | ma̱rmṛ̱jyante̍ | di̱vaḥ | śiśu̍m || rāya̍ḥ | sa̱mu̱drān | ca̱tura̍ḥ
a̱smabhya̍ṃ | soma̍ | vi̱śvata̍ḥ | ā | pa̱va̱sva̱ | sa̱ha̱sriṇa̍ḥ
347.24
pra
su̱vā̱naḥ | dhāra̍yā | ta̱nā̍ | iṃdu̍ḥ | hi̱nvā̱naḥ | arṣa̍ti | ru̱jan | dṛ̱ḷhā
vi | oja̍sā || su̱taḥ | iṃdrā̍ya | vā̱yavai̍ | varu̍ṇāya | ma̱rudbhya̍ḥ
soma̍ḥ | arṣa̍ti | viṣṇa̍ve || vṛṣā̍ṇaṃ | vṛṣa̍'bhiḥ | yu̱taṃ | su̱nvanti̍
soma̍m | adri̍'bhiḥ | du̱haṃti̍ | śa̱kma̍nā | paya̍ḥ || bhuvaṃt | tri̱tasya̍
martya̍ḥ | bhuvaṃt | iṃdrā̍ya | matsa̱raḥ | saṃ | rū̱paiḥ | a̱jya̱te̱ | hari̍ḥ
a̱bhi | ī̱m | ṛ̱tasya̍ | vi̱ṣṭapa̍ṃ | du̱hu̱te | pṛśni̍'mātaraḥ | cāru̍
pri̱ya'ta̍maṃ | ha̱viḥ || saṃ | e̱na̱ṃ | ahu̍tāḥ | i̱māḥ | gira̍ḥ | arṣa̍nti
sa̱'śruta̍ḥ | dhe̱nūḥ | vā̱śraḥ | avī̍vaśat
347.25
ā | na̱ḥ | pa̱va̱sva̱
dhāra̍yā | pa̱va̍māna | ra̱yiṃ | pṛ̱thuṃ | yayā̍ | jyoti̍ḥ | vi̱dāsi̍ | na̱ḥ
iṃdo̱iti̍ | sa̱mu̱draṃ'ī̍ṃkhkhaya̱ | pava̍sva | vi̱śvaṃ'e̱jaya̱ | rāya̍ḥ | dha̱rtā | na̱ḥ
oja̍sā || tvayā̍ | vī̱reṇa̍ | vī̱ra̱'va̍ḥ | a̱bhi | syā̱ma̱ | pṛ̱ta̱nya̱taḥ | kṣara̍
na̱ḥ | a̱bhi | vārya̍m || pra | vāca̍ṃ | iṃdu̍ḥ | i̱ṣya̱ti̱ | sisā̍san | vā̱ja̱'sāḥ
ṛṣi̍ḥ | vrātā̍ | vi̱dvāna̍ḥ | āyu̍dhā || taṃ | gī̱'bhiḥ | vāca̍ṃ'īṃkhayaṃ
pu̱nā̱naṃ | vā̱sa̱yā̱ma̱si̱ | soma̍m | jana̍sya | go'pa̍tiṃ || vi̱śvaṃḥ | yasya̍
vra̱te | jana̍ḥ | dā̱dhāra̍ | dharma̍ṇaḥ | pate̍ḥ | pu̱nā̱nasya̍ | prabhu'va̍soḥ
347.26
asarji | rathya̍ḥ | yathā̍ | pa̱vitrai̍ | camvo̍ḥ | su̱taḥ | kāśma̍n | vā̱jī
ni | a̱kra̱mī̱t || saḥ | vahni̍ḥ | soma̍ | jā̱gṛ̱viḥ | pava̍sva | de̱va̱'vīḥ
ati̍ | a̱bhi | kośa̍ṃ | madhu̱'ścuta̍m || saḥ | na̱ḥ | jyotī̍ṃṣi | pu̱rvya
pava̍māna | vi | ro̱caya̱ | kratve̍ | dakṣāya | na̱ḥ | hi̱nu̱ || śu̱bhmā̱naḥ
ṛ̱tu̱yu'bhi̍ḥ | mṛ̱jyamā̍naḥ | gabha̍styoḥ | pava̍te | vāre̍ | a̱vyaye̍ || saḥ
viśvā̍ | dā̱śuṣe̍ | vasu̍ | soma̍ḥ | di̱vyāni̍ | pārthi̍vā | pava̍tāṃ | ā
a̱ṃtari̍kṣyā || ā | di̱vaḥ | pṛ̱ṣṭhaṃ | a̱śva̱'yuḥ | ga̱vya̱'yuḥ | soma̍
roha̱si̱ | vī̱ra̱'yuḥ | śava̍saḥ | pa̱te̱
347.27
saḥ | su̱taḥ | pī̱taye̍ | vṛṣā̍
soma̍ḥ | pa̱vitre̍ | a̱rṣa̱ti̱ | vi̱'ghnan | rakṣā̍m̐si | de̱va̱'yuḥ || saḥ
pa̱vitre̍ | vi̱'ca̱kṣaṇa̍ḥ | hari̍ḥ | a̱rṣa̱ti̱ | dha̱rṇa̱siḥ | a̱bhi | yoni̍ṃ
kani̍kradat || saḥ | vā̱jī | roca̱nā | di̱vaḥ | pava̍mānaḥ | vi
dhāva̱ti̱ | ra̱kṣa̱ḥ'hā | vāra̍ṃ | a̱vyaya̍ṃ || saḥ | tri̱tasya̍ | adhi̍
sāna̍vi | pava̍mānaḥ | a̱ro̱caya̱t | jā̱mi̱'bhi̍ḥ | sūrye̍ | sa̱ha || saḥ
vṛ̱tra̱'hā | vṛṣā̍ | su̱taḥ | va̱ri̱va̱ḥ'vit | adā̍bhyaḥ | soma̍ḥ | vāja̍ṃ'
iva | a̱sa̱ra̱t || saḥ | de̱vaḥ | ka̱vinā̍ | i̱ṣita̍ḥ | a̱bhi | droṇā̍ni
dhāva̱ti̱ | iṃdu̍ḥ | iṃdrā̍ya | maṃha̍nā
347.28
e̱ṣaḥ | ū̱rhati̍ | syaḥ
vṛṣā̍ | rathe̍ | a̱vya̍ḥ | vārai̍bhiḥ | a̱rṣa̱ti̱ | gaccha̍n | vāja̍ṃ | ma̱ha̱sriṇa̍ṃ
e̱taṃ | tri̱tasya̍ | yoṣa̍ṇaḥ | hari̍ṃ | hi̱nva̱ṃti̱ | adri̍'bhiḥ | iṃdu̍ṃ
iṃdrā̍ya | pī̱taye̍ || e̱taṃ | tyaṃ | ha̱rita̍ṃ | daśa̍ | mṛ̱jyaṃte̍ | a̱pa̱syuva̍ḥ
yābhi̍ḥ | madā̍ya | śuṃbha̍te || e̱ṣaḥ | syaḥ | mānu̍ṣīṣu | ā | śye̱naḥ
na | vi̱kṣu | sīda̍ti | gaccha̍n | jā̱raḥ | na | yo̱ṣita̍ṃ || e̱ṣaḥ | syaḥ
madya̍ḥ | rasa̍ḥ | ava̍ | ca̱ṣṭe | di̱vaḥ | śiśu̍ḥ | yaḥ | iṃdu̍ḥ | vāra̍ṃ
ā | a̱vi̱śa̱t || e̱ṣaḥ | syaḥ | pī̱taye̍ | su̱taḥ | hari̍ḥ | a̱rṣa̱ti̱
dha̱rṇa̱siḥ | kraṃda̍n | yoni̍ṃ | a̱bhi | pri̱yaṃ
347.29
ā̱śuḥ | arṣa
bṛha̱t'ma̍te | pari̍ | pri̱yeṇa̍ | dhāmnā̍ | yatra̍ | de̱vāḥ | iti̍ | abru̍van
pari̍'kṛ̱ṇvan | ami̍'kṛtaṃ | janā̍ya | yā̱taya̍n | iṣa̍ḥ | vṛṣṭi̍ṃ | di̱vaḥ
pari̍ | srava̱ || su̱taḥ | e̱ti̱ | pa̱vitre̍ | ā | tviṣi̍ṃ | dadhā̍naḥ | oja̍sā
vi̱'ca̱kṣaṇa̍ḥ | vi̱'ro̱caya̍n || a̱yaṃ | saḥ | yaḥ | di̱vaḥ | pari̍ | ra̱ghu̱'yāmā̍ | pa̱vitre̍ | ā | siṃdho̍ḥ | ū̱rmau | vi | a̱kṣara̍t || ā̱'vi̱vāsa̍n | pa̱rā̱'vata̍ḥ | atho̱iti̍ | a̱rvā̱'vata̍ḥ | su̱taḥ | iṃdrā̍ya
si̱cya̱te̱ | madhu̍ || saṃ'ī̍cīnāḥ | a̱nu̱ṣa̱ta̱ | hari̍ṃ | hi̱nva̱ṃti̱ | adri̍'bhiḥ || yonau̍ | ṛ̱tasya̍ | sīda̱ta̱
347.30
pu̱nānaḥ | a̱kra̱mī̱t | a̱bhi
viśvā̍: | mṛdha̍: | vi'ca̍rṣaṇiḥ | śuṃbha̍te | vipre̍ | dhī̱ti'bhi̍: || ā
yoni̍m | a̱ruṇa̍: | ru̱ha̱t | gama̍t | iṃdra̍m | vṛṣā̍ | su̱taḥ | dhru̱ve
sada̍si | sīda̱ti̱ || nu | na̱: | ra̱yiṃ | ma̱hāṃ | iṃdo̱iti̍ | a̱smabhya̍m
soma̍ | vi̱śvata̍: | ā | pa̱va̱sva̱ | sa̱ha̱sriṇa̍m || viśvā̍ | soma̍
pa̱va̱māna̱ | dyu̱mnāni̍ | iṃdo̱iti̍ | ā | bhara̱ | vi̱dāḥ | sa̱ha̱sriṇī̍:
iṣa̍: || saḥ | na̱ḥ | pu̱nānaḥ | ā | bhara̱ | ra̱yiṃ | stotre | su̱'vīrya̍m
ja̱ri̱tuḥ | va̱rdhaya̍ | gira̍: || pu̱nānaḥ | iṃdo̱iti̍ | ā | bhara̱ | soma̍
dvi'ba̱rhasa̍ṃ | ra̱yiṃ | vṛṣa̍n | iṃdo̱iti̍ | na̱ḥ | u̱kthya̍m
347.31
pra | ye
gāva̍: | na | bhūrṇa̍yaḥ | tve̱ṣāḥ | ayā̍saḥ | akra̍muḥ | ghnaṃta̍: | kṛ̱ṣṇāṃ
apa̍ | tvaca̍ṃ || su̱vi̱tasya̍ | ma̱nāma̍he | ati̍ | setu̍ṃ | du̱'ā̱vya̍m
sa̱hāṃsa̍: | dasyu̍m | a̱vra̱taṃ || śṛ̱ṇve | vṛ̱ṣṭeḥ'i̍va | sva̱naḥ | pava̍mānasya
śu̱ṣmiṇa̍: | cara̍ṃti | vi̱'dyuta̍: | di̱vi || ā | pa̱va̱sva̱ | ma̱hī | iṣa̍:
go'ma̍t | iṃdo̱iti̍ | hira̍ṇya'vat | aśva̍'vat | vāja̍'vat | su̱taḥ
saḥ | pa̱va̱sva̱ | vi'ca̍rṣaṇe | ā | ma̱hīiti̍ | roda̍sīiti̍ | pṛ̱ṇa̱
u̱ṣāḥ | sūrya̍: | na | ra̱śmi'bhi̍: || pari̍ | na̱ḥ | śarma̍'yaṃtyā | dhāra̍yā
soma̍ | vi̱śvata̍: | sara̍ | ra̱sā'i̍va | vi̱ṣṭapa̍ṃ
347.32
ja̱naya̍n
ro̱ca̱nā | di̱vaḥ | ja̱naya̍n | a̱p'su | sūrya̍m | vasā̍naḥ | gāḥ | apa̍:
ha̱riḥ || e̱ṣaḥ | pra̱tnena̍ | manma̍nā | de̱vaḥ | de̱vebhya̍: | pari̍ | dhāra̍yā
pavate | su̱taḥ || vṛ̱dha̱ānārya̍ | tūrva̍ye | pava̍te | vāja̍'sātaye | somā̍:
sa̱hasra̍'pājasaḥ || duhā̍naḥ | pra̱tnaṃ | it | paya̍: | pa̱vitre̍ | pari̍
si̱cya̱te̱ | kraṃda̍n | de̱vān | a̱jī̱ja̱na̱t || a̱bhi | viśvā̍ni | vāryā̍
a̱bhi | de̱vān | ṛ̱ta̱'vṛdha̍: | soma̍: | pu̱nānaḥ | a̱rṣa̱ti̱ || go'ma̍t
na̱ḥ | soma̍ | vī̱ra'va̍t | aśva̍'vat | vāja̍'vat | su̱taḥ | pava̍sva
bṛ̱ha̱tīḥ | iṣa̍:
347.33
yaḥ | atya̍:'iva | mṛ̱jyate̍ | gobhi̍: | madā̍ya
ha̱rya̱taḥ | taṃ | gīḥ'bhi̍: | vā̱sa̱yā̱ma̱si̱ || taṃ | na̱ḥ | viśvā̍:
ava̱syuva̍ḥ | gira̍ḥ | śu̱bha̍ti̱ | pū̱rve'thā̍ | indu̍ | iṃdrā̍ya | pī̱taye̍
pu̱nānaḥ | yā̱ti̱ | harya̍taḥ | soma̍ḥ | gīḥ'bhiḥ | pari̍'kṛtaḥ
vipra̍sya | medhya̍'atitheḥ || pava̍māna | vi̱dāḥ | ra̱yiṃ | a̱smabhya̍ṃ | soma̱
su̱'śriya̍ṃ | iṃdo̱iti̍ | sa̱hasra̍'varcasaṃ || iṃdu̍ḥ | atya̍ḥ | na | vā̱ja̱'sṛt
kani̍kraṃti | pa̱vitre̍ | ā | yat | akṣā̍ḥ | ati̍ | de̱va̱'yuḥ || pava̍sva
vāja̍'sātaye | vipra̍sya | gṛ̱ṇa̱taḥ | vṛ̱dhe | soma̍ | rāsva̍ | su̱'vīrya̍ṃ
Linked texts (5)
- Śākala — Sanskrit
- Padapāṭha — Sanskrit
- Ṛgvedasaṃhitāpadapāṭha — Sanskrit
- Pāvamāna — Sanskrit
- Pavamāna — Sanskrit