Pramāṇa · Search · About · API

Samhitapadapatha 348

Saṃhitāpadapāṭha 348

Language
Sanskrit

348.1

a tha
saptamāṣṭake
prathamo'dhyāyaḥ
hariḥ oṃ || pra | na̱ḥ | iṃdo̱iti̍ | ma̱he | tane̍ | ū̱rmiṃ | na | bibhra̍t
arṣa̍si | a̱bhi | de̱vān | a̱yāsya̍ḥ || ma̱tī | ju̱ṣṭaḥ | dhi̱yā | hi̱taḥ
soma̍ḥ | hi̱nve̱ | pa̱rā̱'vati̍ | vipre̍sya | dhāra̍yā | ka̱viḥ || a̱yaṃ | de̱veṣu̍
jāgṛ̍viḥ | su̱taḥ | e̱ti̱ | pa̱vitra̍ | ā | soma̍ḥ | yā̱ti̱ | vi'ca̍rṣaṇiḥ
saḥ | na̱ḥ | pava̍sva | vā̱ja̱'yuḥ | ca̱krāṇa̍ḥ | cāru̍ | a̱dhva̱raṃ
ba̱rhiṣmā̍n | ā | vi̱vāsa̱ti̱ || sa | na̱ḥ | bhagā̍ya | vā̱yave̍ | vipre̍'vīra̍ḥ | sa̱dā̱'vṛdha̍ḥ | soma̍ḥ | de̱veṣu̍ | ā | ya̱ma̱t || saḥ | na̱ḥ | a̱dya
vasu̍ttaye | kratu̍'vit | gā̱tu̱vit'ta̍maḥ | vāje̍ | jeṣi̍ | śrava̍ḥ
bṛ̱hat

348.2

saḥ | pava̍sva | madā̍ya | kaṃ | nṛ̱'cakṣā̍ḥ | de̱va'vī̍taye
iṃdo̱iti̍ | iṃdrā̍ya | pī̱taye̍ || saḥ | na̱ḥ | arṣa̍ | a̱bhi | du̱ryaṃ | tvaṃ
iṃdrā̍ya | to̱śa̱se̱ | de̱vān | sakhi̍'bhyaḥ | ā | vara̍ṃ || u̱ta | tvāṃ
a̱ru̱ṇaṃ | va̱yaṃ | gobhi̍ḥ | aiñjma̍ḥ | madā̍ya | kaṃ | vi | na̱ḥ | rā̱ye | dura̍ḥ
vṛ̱dhi || ati̍ | ū̱hūti̍ | pa̱vitra̍ṃ | akra̍mīt | vā̱jī | dhura̍ṃ | na
yārma̍ni | iṃdu̍ḥ | de̱veṣu̍ | pa̱tya̱te̱ || saṃ | ī̱miti̍ | sakhā̍yaḥ | a̱sva̱ra̱n
vane̍ | krīḷa̍ntaṃ | ati̍'aviṃ | iṃdu̍ṃ | nāvā̍ḥ | a̱nū̱ṣa̱ta̱ || tayā̍ | pava̍sva
dhāra̍yā | yayā̍ | pī̱taḥ | vi̱'cakṣa̍se | iṃdo̱iti̍ | sto̱tre | su̱'vīrya̍ṃ

348.3

asṛ̍gran | de̱va'vī̍tave | atyā̍saḥ | kṛ̱tvyā̍ḥ'iva | kṣara̍ṃtaḥ | parva̍ta'vṛdheḥ || pari̍'kṛtāsaḥ | iṃda̍vaḥ | yoṣā̍'iva | pitrya̍ṃ'vatī | vāyuṃ
somā̍ḥ | asṛ̍kṣata || e̱te | somā̍saḥ | iṃda̍vaḥ | praya̍svaṃtaḥ | camū̱'sat
su̱tāḥ | iṃdra̍ṃ | va̱rdha̱ṃti̱ | karma̍'bhiḥ || ā | dhāva̱ta̱ | su̱'ha̱stya̍ḥ
śu̱krā | gṛ̱bhṇī̱ta̱ | ma̱ṃthinā̍ | gobhi̍ḥ | śrī̱ṇī̱ta̱ | ma̱tsara̍ṃ || saḥ | pa̱va̱sva̱
dha̱na̱ṃ'jaya̍ | pra̱'ya̱ṃtā | rādha̍saḥ | ma̱haḥ | a̱smabhya̍ṃ | soma̍ | gā̱tu̱'vit
e̱taṃ | mṛ̱ja̱ṃti̱ | ma̱rjya̍ṃ | pa̱va̱māna̍ṃ | daśa̍ | kṣipa̍ḥ | iṃdrā̍ya | ma̱tsara̍ṃ
mada̍ṃ

348.4

a̱yā | soma̍ḥ | su̱'kṛtyayā̍ | ma̱haḥ | cit | a̱bhi
ava̍rdhata | maṃdā̱naḥ | ut | vṛ̱ṣa̱'yate̍ || kṛ̱tāni̍ | it | a̱sya̱ | ka̱tva̍ḥ
ceta̍te | da̱syu̱'taha̍ṇā | ṛṇā | ca̱ | dhṛṣṇuḥ | ca̱ya̱te̱ || āt | soma̍ḥ
iṃdri̱yaḥ | rasa̍ḥ | vajra̍ḥ | sa̱hasra̍'sāḥ | bhu̱va̱t | u̱kthaṃ | yat | a̱sya̱
jāya̍te || sva̱yaṃ | ka̱viḥ | vi̱'dha̱rta̍ri | viprā̍ya | ratna̍ṃ | i̱cchati̍ | yadi̍
mṛ̱mṛ̱jyate̍ | dhiya̍ḥ || si̱sā̱saṃta̍ḥ | ra̱yī̱ṇāṃ | vāje̍ṣu | arva̍tā'iva
bhare̍ṣu | ji̱gyuṣa̍ḥ | a̱si̱

348.5

taṃ | tvā̱ | nṛ̱mṇāni̍ | bibhra̍taṃ
sa̱dha̱'stheṣu̍ | ma̱haḥ | di̱vaḥ | cāru̍ṃ | su̱'kṛtyayā̍ | ī̱mahe̱ || saṃvṛ̍kta'
dhṛṣṇuṃ | u̱kthya̍ṃ | ma̱hā'ma̍hi̱vrata̍ṃ | mada̍ṃ | śa̱taṃ | pura̍ḥ | ru̱rukṣāṇi̍ || ata̍ḥ
tvā̱ | ra̱yiṃ | a̱bhi | rājā̍na̍ṃ | su̱kra̱to̱'iti̍su'krato | di̱vaḥ | su̱'
pa̱rṇaḥ | a̱vya̱thiḥ | bha̱ra̱t || viśva̍smai | it | sva̍ḥ | dṛ̱śe | sā̱dhā̱raṇa̍ṃ
raja̍ḥ'tura̍ṃ | gopā̍ṃ | ṛ̱tasya̍ | viḥ | bha̱ra̱t || ardha̍ | hi̱nvā̱naḥ | i̱ndri̱yaṃ
jyāya̍ḥ | ma̱hi̱'tvaṃ | ā̱na̱śe̱ | a̱bhi̱ṣṭi̱'kṛt | vi̱'ca̍rṣaṇiḥ

348.6

pava̍sva | vṛ̱ṣṭiṃ | ā | su | na̱ḥ | a̱pāṃ | ū̱rmiṃ | di̱vaḥ | pari̍
aya̍kṣmāḥ | bṛ̱ha̱tīḥ | iṣa̍ḥ || tayā̍ | pa̱va̱sva̱ | dhā̱rayā̍ | yayā̍ | gāva̍ḥ | i̱ha
ā̱'gama̍n | janyā̍saḥ | upa̍ | na̱ḥ | gṛ̱haṃ || ghṛ̱taṃ | pa̱va̱sva̱ | dhā̱rayā̍
ya̱jñeṣu̍ | de̱va̱'vīta̍maḥ | a̱smabhya̍ṃ | vṛ̱ṣṭiṃ | ā | pa̱va̱ || saḥ | na̱ḥ
ū̱rje | vi | a̱vyaya̍ṃ | pa̱vitra̍ṃ | dhā̱va̱ | dhā̱rayā̍ | de̱vāsa̍ḥ | śṛ̱ṇvan
hi | kaṃ || pa̱va̱māna̍ḥ | a̱si̱ṣyada̱t | rakṣā̍ṃsi | apa̍'jaṃghnat | pra̱tna̱'
vat | roca̍yan | ru̱caḥ

Linked texts (5)