Samhitapadapatha 354
Saṃhitāpadapāṭha 354
- Language
- Sanskrit
354.0
sūrya̍sya'iva
ra̱śmaya̍ḥ | dra̱va̱yi̱tnava̍ḥ | ma̱tsa̱rāsa̍ḥ | pra̱'supa̍ḥ | sā̱kaṃ | ī̱ra̱te̱ | tantu̍m
ta̱taṃ | pari̍ | sargā̍saḥ | ā̱śava̍ḥ | na | iṃdrā̍t | ṛ̱te | pa̱vate̱ | dhāma̍
kiṃ | ca̱na || sindho̍ḥ'iva | pra̱va̱ṇe | ni̱mne | ā̱śava̍ḥ | vṛṣa̍'cyutāḥ
madā̍saḥ | gā̱tuṃ | ā̱śa̱ta̱ | śaṃ | na̱ḥ | ni̱'ve̱śe | dvi̱'pade̍ | catu̍ḥ'pade | a̱sme iti̍ | vājā̍ḥ | soma̍ | tiṣṭha̍ntu | kṛ̱ṣṭaya̍ḥ || ā | na̱ḥ
pa̱va̱sva̱ | vasuma̍t | hira̍ṇya'vat | a̱śva̍'vat | go'ma̍t | yava̍'mat
su̱'vīrya̍m | yū̱yaṃ | hi | soma̍ | pi̱tara̍ḥ | mame̍ | sthana̍ | di̱vaḥ
mūrdhāna̍ḥ | pra̱'sthitā̍ḥ | vaya̍ḥ'kṛta̍ḥ || e̱te | somā̍ḥ | pa̱va̱mānā̍saḥ
iṃdra̍ṃ | rathā̍ḥ'iva | pra | ya̱yu̱ḥ | sā̱tiṃ | accha̍ | su̱tāḥ | pa̱vitra̍ṃ | ati̍
ya̱ṃti̱ | avya̍ṃ | hi̱tvī | va̱vriṃ | hari̍taḥ | vṛ̱ṣṭiṃ | accha̍ || iṃdreti̍
iṃdrā̍ya | bṛ̱ha̱te | pa̱va̱sva̱ | su̱'mṛ̱ḷī̱kaḥ | a̱nava̱dyaḥ | ri̱śādā̍ḥ | bhare̍
caṃdrāṇi̍ | gṛ̱ṇa̱te | vasū̍ni
354.23
22 || triḥ | a̱smai̱ | sa̱pta | dhe̱nava̍ḥ
du̱du̱hre | sa̱tyāṃ | ā̱'śira̍ṃ | pū̱rvye | vi̱'o̍mani | ca̱tvāri̍ | a̱nyā
bhuva̍nāni | niḥ'ni̱rje | cārū̍ṇi | ca̱kre̱ | yat | ṛ̱taiḥ | arva̍dhata
saḥ | bhi̱kṣamā̍ṇaḥ | a̱mṛta̍sya | cāru̍ṇaḥ | u̱bhe iti̍ | dyāvā̍ | kā̱vyena̍
vi | śa̱śrathe̱ | teji̍ṣṭhāḥ | a̱paḥ | maṃhanā̍ | pari̍ | vya̱ta̱ | yadi̍ | de̱vasya̍
śrava̍sā | sadma̍ | vi̱duḥ || te | a̱sya̱ | saṃtu̱ | ke̱tava̍ḥ | amṛ̍tyavaḥ
adā̍bhyāsaḥ | ja̱nuṣī̱iti̍ | u̱bheiti̍ | anu̍ | yebhi̍ḥ | nṝṇā | ca̱
de̱vyā̍ | ca̱ | pu̱na̱te | āt | it | rājā̍naṃ | mana̱nāḥ | agṛ̍bhṇata || saḥ
mṛ̱jyamā̍naḥ | da̱śabhi̍ḥ | su̱karma̍'bhiḥ | pra | ma̱dhyamā̍su | mā̱tṛṣu̍
pra'me | sacā̍ | vra̱tāni̍ | pā̱naḥ | a̱mṛta̍sya | cā̱ru̍ṇaḥ | u̱bheiti̍
nṛ̱'cakṣā̍ḥ | anu̍ | pa̱śya̱te̱ | vi̱śau̍ || saḥ | ma̱mṛ̱jā̱naḥ | iṃdri̱yāye̍
dhāyi̍se | ā | u̱bheiti̍ | a̱ṃtariti̍ | roda̍sī̱iti̍ | ha̱rṣa̱te̱ | hi̱taḥ
vṛṣā̍ | śuṣme̍ṇa | bā̱dhate̱ | vi | du̱ḥ'ma̱tīḥ | ā̱'ve̱vi̱śānaḥ | śarya̱hā'i̍va
śurudha̍ḥ
354.24
saḥ | mā̱tarā̍ | na | darśa̍śānaḥ | u̱sriya̍ḥ | nāna̍dat
e̱ti̱ | ma̱rutā̍'iva | sva̱naḥ | jā̱nan | ṛ̱taṃ | pra̱tha̱maṃ | yat | sva̍ḥ'nare̍ | pra'śa̍staye | kaṃ | a̱vṛ̱ṇī̱ta̱ | su̱kratu̍ḥ || ruva̍ti | bhī̱maḥ | vṛ̱ṣa̱bhaḥ
tviṣi̍yā | śṛṃge̱iti̍ | śiṃśā̍naḥ | ha̱riṇī̱iti̍ | vi̱'cakṣa̍ṇaḥ | ā
yoni̍ṃ | soma̍ḥ | su̱'kṛ̱taṃ | ni | sī̱da̱ti̱ | gavyayī̍ | tvak | bha̱va̱ti̱
niḥ'nij | a̱vyayī̍ || śuci̍ḥ | pu̱nā̱naḥ | ta̱nvai̍ | a̱repa̍sai | avye̍
hari̍ḥ | ni | adhā̍vi̱ṣṭa̱ | sānā̍vi | juṣṭa̍ḥ | mi̱trāya̍ | varu̍ṇāya
vā̱yave̍ | tri̱'dhātu̍ | madhu̍ | kri̱ya̱te̱ | su̱karma̍'bhiḥ || pave̍sva | soma̍
de̱va̱'vīta̍ye | vṛṣa̍ | iṃdra̍sya | hādi̍ | soma̍'dhānaṃ | ā | vi̱śa̱
pu̱rā | na̱ḥ | bā̱dhāt | du̱ḥ'itā̍ | ati̍ | pā̱ra̱ya̱ | kṣetra̱'vin | hi
diśa̍ḥ | āha̍ | vi̱'pṛccha̍te || hita̍ḥ | na | sapti̍ḥ | a̱bhi | vāja̍ṃ
arṣa̍ | iṃdra̍sya | iṃdo̱iti̍ | ja̱ṭhara̍ṃ | ā | pa̱va̱sva̱ | nā̱vā | na | siṃdha̍ṃ
ati̍ | parṣi̱ | vi̱dvān | śūra̍ḥ | na | yudhya̍n | arva̍ | na̱ḥ | nida̍ḥ
spṛ̱riti̍spṛḥ
354.25
ā | dakṣi̍ṇā | sṛ̱jyate̱ | śuṣmī | ā̱'sa̱da̍ṃ
veti̍ | druha̍ḥ | rakṣa̍saḥ | pā̱ti̱ | jāgṛ̍viḥ | hari̍ḥ | opa̱śaṃ | kṛ̱ṇu̱te̱
nabha̍ḥ | parya̍ḥ | upa̱'stire̍ | camvo̍ḥ | brahma̍ | ni̱'nirje || pra | kṛ̱ṣṭahā̍'iva | śuṣa̍ḥ | e̱ti̱ | ro̱ru̍vat | asu̍ryai | varṇa̍ṃ | ni | ri̱ṇī̱te̱ | a̱sya̱
taṃ | ja̱hā̱ti̱ | va̱vriṃ | pi̱tuḥ | e̱ti̱ | ni̱'kṛta̍ṃ | upa̱'prurta̍ṃ | kṛ̱ṇu̱te̱
niḥ'ni̍jaṃ | ta̱nā̍ || advi̍'bhiḥ | su̱taḥ | pa̱va̱te̱ | gabha̍styoḥ | vṛṣa̍'yate | nabha̍sā | vepa̍te | ma̱tī | saḥ | moda̍te | nasaṃte | sadha̍te
gi̱rā | ne̱nikte̍ | a̱p'su | yaja̍te | parī̍maṇi || pari̍ | śu̱kṣaṃ | saha̍saḥ
parva̍ta'vṛdhaṃ | madhva̍ḥ | si̱ñca̍ti̱ | ha̱rmyasya̍ | sa̱kṣaṇi̍ | ā | yasmi̍n
gāva̍ḥ | su̱huta̍'ada̍ḥ | ūdha̍ni | mū̱rdhan | śrī̱ṇa̱ṃti̱ | a̱griya̍ṃ | varī̍ma'bhiḥ || saṃ | ī̱miti̍ | ratha̍ṃ | na | bhu̱rijo̍ḥ | a̱hepa̱ta̱ | darśa̍ | svasā̍raḥ
adi̍teḥ | u̱pa̱'sthe̍ | ā | jigā̍t | upa̍ | ṛ̱yati̍ | goḥ | a̱pī̱cya̍ṃ
pa̱daṃ | yat | a̱sya̱ | ma̱tuthā̍ḥ | ajī̍janan
354.26
śye̱naḥ | na | yoni̍ṃ
sada̍naṃ | dhiyā̍ | kṛ̱taṃ | hira̍ṇyayaṃ | ā'sada̍t | de̱vaḥ | ā | ī̱ṣa̱ti̱ | ā
ī̱miti̍ | ri̱ṇa̱ṃti̱ | ba̱rhiṣi̍ | pri̱yaṃ | gi̱rā | aśva̍ḥ | na | de̱vān
ārpe | e̱ti̱ | ya̱jñiya̍ḥ || parā̍ | vi'a̍ktaḥ | a̱ru̱ṣaḥ | di̱vaḥ | ka̱viḥ
vṛṣā̍ | tri̱'pṛ̱ṣṭhaḥ | a̱na̱vi̱ṣṭa̱ | gāḥ | a̱bhi | sa̱hasra̍'nītiḥ | yati̍ḥ
parā̍'yati̍ḥ | re̱bhaḥ | na | pū̱rvīḥ | upa̍saḥ | vi | rā̱ja̱ti̱ || tveṣa̍ṃ
rū̱paṃ | kṛ̱ṇu̱te̱ | varṇa̍ḥ | a̱sya̱ | saḥ | yatra̍ | aśa̍yat | saṃ'kṛ̍tā
sedha̍ti | sridha̍ḥ | a̱psāḥ | yā̱ti̱ | sva̱dhayā̍ | daivya̍ṃ | jana̍ṃ | maṃ
su̱'stu̱tī | nasaṃte | saṃ | go'a̍grayā || u̱kṣā'i̍va | yūthā̍ | pari̍'yan
a̱rā̱vī̱t | adhi̍ | tviṣī̍ḥ | adhita | sūrya̍sya | di̱vyaḥ | su̱'pa̱rṇaḥ
ava̍ | ca̱kṣa̱ta̱ | kṣāṃ | soma̍ḥ | pari̍ | ṛ̱tunā̍ | pa̱śya̱te̱ | jāḥ
354.27
hari̍ṃ | mṛ̱ja̱ṃti̱ | a̱ru̱ṣaḥ | na | yu̱jya̱te̱ | saṃ | dhe̱nu'bhi̍ḥ | ka̱laśe̍
soma̍ḥ | a̱jya̱te̱ | ut | vāca̍ | ī̱raya̍ti̱ | hi̱nvate̍ | ma̱tī | pu̱ru̱'stu̱tasya̍ | kā̱ti̍ | ci̱t | pari̍'priyaḥ || sā̱kaṃ | vada̍ṃti | ba̱hava̍ḥ
manīṣiṇa̍ḥ | iṃdra̍sya | soma̍ṃ | ja̱ṭhare̍ | yat | ā'duhu̍ḥ | yadi̍
mṛ̱jaṃti̍ | su̱'gabha̍stayaḥ | nara̍ḥ | sa̱'nīḷā̍bhiḥ | daśa̍'bhiḥ | kā̱mya̍ṃ
madhu̍ || ara̍ṃmāṇaḥ | ati̍ | e̱ti̱ | gāḥ | a̱bhi | sūrya̍sya | pri̱yaṃ
du̱hi̱tuḥ | tira̍ḥ | ravai̍ | anu̍ | a̱smai̱ | joṣa̍ṃ | a̱bha̱ra̱t | vi̱naṃ'gusa̍ḥ
saṃ | dvayībhi̍ḥ | svasṛ̍'bhiḥ | kṣeti̱ | jā̱mi'bhi̍ḥ || nṛ'dhūta̍ḥ | advi̍'sutaḥ | ba̱rhiṣi̍ | priyaḥ | pati̍ḥ | gavā̍ṃ | pra̱'di̱va̍ḥ | iṃdu̍ḥ | śru̱tvirya̍ḥ
puraṃdhi̍'vān | ma̱nu̱ṣaḥ | ya̱jña̱'sādha̍naḥ | śuci̍ḥ | dhiyā | pa̱vate̱
soma̍ḥ | iṃdra̍ | te || ā | a̱prāḥ | kratū̍n | saṃ | a̱jaiḥ | a̱dhva̱re
ma̱tīḥ | veḥ | na | dru̱'sat | ca̱mvo̍ḥ | ā | śa̱sa̱da̱t | hari̍ḥ
354.28
a̱ṃśuṃ | du̱ha̱ṃti̱ | sta̱ṃnaya̍taṃ | akṣi̍taṃ | ka̱viṃ | ka̱vaya̍ḥ | a̱pasa̍ḥ
ma̱nī̱ṣiṇa̍ḥ | saṃ | ī̱miti̍ | gāva̍ḥ | ma̱taya̍ḥ | ya̱ṃti̱ | sa̱ṃ'yata̍ḥ
ṛ̱tasya̍ | yonā̍ | sada̍ne | puna̍'bhuva̍ḥ || nābhā̍ | pṛ̱thi̱vyāḥ | dha̱ru̱ṇaḥ
ma̱haḥ | di̱vaḥ | a̱pāṃ | ū̱rmau | siṃdhu̍ṣu | aṃtaḥ | u̱kṣita̍ḥ | iṃdra̍sya
vajra̍ḥ | vṛṣa̱bhaḥ | vi̱bhu'va̍suḥ | soma̍ḥ | hṛ̱de | pa̱vate̱ | cāru̍ | matsa̱raḥ
saḥ | tu | pa̱va̱sva̱ | pari̍ | pāthyi̍vaṃ | raja̍ḥ | sto̱tre | śikṣa̍n | ā'dhūnu̍vate | ca̱ | su̱kra̱to̱iti̍su'krato | mā | na̱ḥ | niḥ | bhāk | vasu̍naḥ
sadma̍'spṛśaḥ | rā̱rye | piśaṃga̍ṃ | bṛ̱hutaṃ | va̱sī̱ma̱hi̱ || ā | tu | na̱ḥ
iṃdo̱iti̍ | śa̱ta'dā̍tu | a̱śvya̍ṃ | sa̱hasra̍ṃ'dātu | pa̱śu̱'mat | hira̍ṇya'vat | upa̍ | mā̱sva̱ | bṛ̱ha̱tīḥ | re̱vatī̍ḥ | iṣa̍ḥ | adhi̍ | sto̱trasya̍
pa̱va̱mā̱na̱ | na̱ḥ | ga̱hi̱
354.29
arkai | dra̱psasya̍ | dhama̍taḥ | saṃ
a̱svara̱n | ṛ̱tasya̍ | yonā̍ | saṃ | ara̍ṃta | nā̱bhaya̍ḥ | trīn | saḥ
mūrddhaḥ | asu̍raḥ | cakre | ā'rabhe̍ | sa̱tyasya̍ | nāva̍ḥ | su̱'kṛtai̍
apī̍paran || samyak | sa̱myaṃca̍ḥ | ma̱hi̱ṣāḥ | a̱heṣa̍ta | siṃdho̍ḥ | ū̱rmau
adhi̍ | ve̱nāḥ | a̱vīvi̱pan | madho̍ḥ | dhārā̍bhiḥ | ja̱naya̍ṃtaḥ | arkai
it | pri̱yāṃ | iṃdra̍sya | ta̱nva̍ṃ | a̱vī̱vṛ̱dha̱n || pa̱vitra̍'vaṃtaḥ | pari̍ | vāca̍ṃ
ā̱sa̱te̱ | pi̱tā | e̱ṣā̱ṃ | pra̱tnaḥ | a̱bhi | ra̱kṣa̱ti̱ | vra̱taṃ | ma̱haḥ | sa̱mu̱draṃ
varu̍ṇaḥ | tiraḥ | da̱dhe̱ | dhīrā̍ḥ | it | śe̱kuḥ | dha̱ruṇe̍ṣu | ā'ra̱bha̍ṃ
sa̱hasra̍ṃ'dhāre | ava̍ | te | saṃ | a̱svara̱n | di̱vaḥ | nākai̍ | madhu̍'jihvāḥ
asa̍ścataḥ | asya̍ | spaśa̍ḥ | na | ni | mi̱ṣa̱ṃti̱ | bhūrṇyaḥ | pa̱de'pa̍de
pā̱śina̍ḥ | saṃti̍ | seta̍vaḥ || pi̱tuḥ | mā̱tuḥ | adhi̍ | ā | ye | saṃ'a̱svara̍n
ṛ̱cā | śoca̍ṃtaḥ | saṃ'daha̍ṃtaḥ | avra̍tān | iṃdra̍ṃ'dviṣṭāṃ | apa̍ | dhama̍ṃti
mā̱yayā̍ | tvaca̍m | asi̍knīm | bhūma̍naḥ | di̱vaḥ | pari̍
Linked texts (4)
- Metrically restored text (van Nooten & Holland) — Sanskrit
- Padapāṭha — Sanskrit
- Ṛgvedasaṃhitāpadapāṭha — Sanskrit
- Mantrarāmāyaṇa — Nīlakaṇṭha Dīkṣita 1600, Sanskrit