Samhitapadapatha 358: atha tṛtīyodhyāyaḥ
Saṃhitāpadapāṭha 358
- Language
- Sanskrit
atha tṛtīyodhyāyaḥ
358.1
hariḥ oṃ || dhartā̍ | di̱vaḥ | pa̱vate̱ | kṛtvya̍ḥ | rasa̍ḥ | dakṣa̍ḥ
de̱vānā̍m | anu̍'mādyaḥ | nṛ'bhi̍ḥ | hari̍ḥ | mṛ̱jāna̍ḥ | atya̍ḥ | na
sattva̍'bhiḥ | vṛthā̍ | pājā̍ṃsi | kṛ̱ṇu̱te̱ | na̱dīṣu̍ | ā || śūra̍ḥ | na
dhatte̱ | āyu̍dhā | gabha̍styoḥ | sva1̱̍riti̍svaḥ | sisā̍san | rathira̍ḥ
go'i̍ṣṭiṣu | iṃdra̍sya | śuṣma̍m | ī̱raya̍n | a̱pa̱syu'bhi̍ḥ | iṃdu̍ḥ | hi̱nvāna̍ḥ
a̱jyate̱ | ma̱nī̱ṣi'bhi̍ḥ || iṃdra̍sya | soma̍ | pa̱va̍mānaḥ | ū̱rmiṇā̍
ta̱vi̱ṣyamā̍ṇaḥ | ja̱ṭhare̍ṣu | ā | vi̱śa̱ | pra | na̱ḥ | pi̱nva̱ | vi'dyut
abhrā̍'iva | roda̍sī̱iti̍ | dhiyā | na | vājā̍n | upa̍ | mā̱si̱ | śaśva̍taḥ
viśva̍sya | rājā̍ | pa̱vate̱ | sva̱ḥ'dṛśa̍ḥ | ṛ̱tasya̍ | dhī̱tiṃ | ṛ̱ṣi̱ṣāṭ
a̱vī̱va̱śa̱t | yaḥ | sūrya̍sya | a̱si̱reṇa̍ | mṛ̱jyate̍ | pi̱tā | ma̱tīnā̍ṃ
asama̍ṣṭa'kāvyaḥ || vṛṣā̍'iva | yū̱thā | pari̍ | kośa̍m | a̱rṣa̱si̱ | a̱pāṃ
upa̍'sthe | vṛ̱ṣa̱bhaḥ | kani̍kradat | saḥ | iṃdrā̍ya | pa̱va̱se̱ | ma̱tsa̱rin'ta̍maḥ | yathā̍ | jeṣā̍ma | saṃ'ithe̍ | tvā'ū̱taya̍ḥ
358.2
e̱ṣaḥ | pra
kośe̍ | madhu̍'mān | acikradat | iṃdra̍sya | vajra̍ḥ | vapu̍ṣaḥ | vapu̍ḥ'taraḥ | abhi | ī̱ | ṛ̱tasya̍ | su̱'dughā̍ḥ | ghṛ̱ta̱'ścuta̍ḥ | vā̱śrāḥ
arṣaṃti̱ | paya̍sā'iva | dhe̱nava̍ḥ || saḥ | pū̱rvyaḥ | pa̱vate̱ | yaṃ | di̱vaḥ
pari̍ | śye̱naḥ | ma̱thāya̍t | i̱ṣi̱taḥ | tiraḥ | raja̍ḥ | saḥ | madhva̍ḥ
ā | yu̱vu̱te̱ | vevi̍jānaḥ | it | kṛ̱śā̱noḥ | astu̍ḥ | mana̍sā | aha̍
vi̱bhyuṣā̍ || te | na̱ḥ | pūrvīsa̍ḥ | upa̍rāsaḥ | iṃda̍vaḥ | ma̱he | vājā̍ya
dhanva̍tu̱ | go'ma̍te | ī̱kṣeṇyā̍saḥ | a̱rhya̍ḥ | na | cāra̍vaḥ | brahma̍'brahma
ye | ju̱ju̱ṣuḥ | ha̱viḥ'ha̍viḥ || a̱yaṃ | na̱ḥ | vi̱dvān | va̱na̱va̱t | va̱nu̱ṣya̱taḥ
indu̍ḥ | sa̱trācā̍ | mana̍sā | pu̱ru̱'stu̱taḥ | ina̍sya | yaḥ | sada̍ne | garbha̍ḥ
ā'dadhe̍ | gavā̍m | u̱ru̱ṅgam | a̱bhi | arṣa̍ti | vra̱jaṃ || ca̱kriḥ | di̱vaḥ
pava̍te | kṛ̱ttya̍ḥ | rasa̍ṃḥ | ma̱hān | ada̍bdhaḥ | varu̍ṇaḥ | hu̱ruk | yate̍
asā̍vi | mi̱traḥ | vṛ̱jane̍ṣu | ya̱jñiya̍ḥ | atya̍ḥ | na | yūthe | vṛ̱ṣa̱'yuḥ
kanikradat
358.3
pra | rājā̍ | vāca̍m | ja̱naya̍n | a̱si̱sya̱da̱t | a̱paḥ
vasā̍naḥ | a̱bhi | gāḥ | i̱ya̱kṣati̱ | gṛ̱bhṇāti̍ | ri̱praṃ | a̱viḥ | a̱sya̱
ta̱nvā̍ | śu̱ddhaḥ | de̱vānā̍m | upa̍ | yā̱ti̱ | niḥ'kṛ̱taṃ || iṃdrā̍ya | soma̍
pari̍ | si̱cya̱se̱ | nṛ̱'bhi̍ḥ | nṛ̱'cakṣā̍ḥ | ū̱rmiḥ | ka̱viḥ | a̱jya̱se̱
vane̍ | pū̱rvīḥ | hi | te̱ | sru̱taya̍ḥ | saṃti̍ | yāta̍ve | sa̱hasra̍ṃ | aśvā̍ḥ
hara̍yaḥ | ca̱mu̱'sada̍ḥ || sa̱mu̱driyā̍ḥ | a̱psarasa̍ḥ | ma̱nī̱ṣiṇa̍m | āsī̍nāḥ
aṃtaḥ | a̱bhi | soma̍m | a̱kṣara̱n | tāḥ | ī̱m | hi̱nva̱ṃti̱ | ha̱rmyasya̍
sa̱kṣaṇi̍ | yāca̍te | su̱mnaṃ | pava̍mānaṃ | akṣi̍taṃ || go̱'jit | nṛ̱'jit
ratha̱'jit | hira̍ṇya̱'jit | sva̱ḥ'jit | a̱p'jit | pava̍te | sa̱ha̱sra̱'jit | yaṃ | de̱vāsa̍ḥ | ca̱kri̱re | pī̱taye̍ | mada̍ṃ | svādi̍ṣṭhaṃ | dra̱psaṃ
a̱ru̱ṇaṃ | ma̱ya̱ḥ'bhuva̍m || e̱tāni̍ | soma̍ | pava̍mānaḥ | a̱sma̱'yuḥ
sa̱tyāni̍ | kṛ̱ṇvan | dravi̍ṇāni | arṣa̍si | ja̱hi | śatru̍m | aṃti̍ke
dūra̱ke | vā̱ | yaḥ | u̱rvīm | ga̱vyūti̍m | abha̍yaṃ | ca̱ | na̱ḥ
kṛ̱dhi
358.4
accho̍dasaḥ | na̱ḥ | dhanva̍ṃtu | iṃda̍vaḥ | pra | su̱tvā̱nāsa̍ḥ
bṛ̱ha̱t'di̍veṣu | hara̍yaḥ | vi | ca̱ | naśa̍n | na̱ḥ | iṣa̍ḥ
arā̍tayaḥ | arya̍ḥ | naśa̍ṃta | sa̱ni̱ṣaṃta̍ | na̱ḥ | dhiya̍ḥ || pra | na̱ḥ
dhanva̍ṃtu | iṃda̍vaḥ | ma̱da̱'cyuta̍ḥ | dhanā̍ | vā̱ | yebhi̍ḥ | arva̍taḥ
ju̱nī̱māsi̍ | tiraḥ | martya̍sya | kasya̍ | cit | pari̍'hrutiṃ | va̱yaṃ | dhanā̍ni
vi̱śva̱dhā | bha̱re̱ma̱hi̱ || uta | svasyā̍ḥ | arā̍tyāḥ | ari̍ḥ | hi | saḥ
u̱ta | a̱nyasyā̍ḥ | arā̍tyāḥ | vṛka̍ḥ | hi | saḥ | dhanva̍n | na | tṛ̱ṣṇā̍
saṃ | a̱rī̱ta̱ | tān | a̱bhi | soma̍ | ja̱hi̱ | pava̍māna | du̱ḥ'ādhya̍ḥ
di̱vi | te̱ | nāmā̍ | pa̱ra̱maṃ | yaḥ | ā̱'da̱de | pṛ̱thi̱vyāḥ | te̱ | ru̱ru̱huḥ
sānavi | kṣipa̍ḥ | adra̍yaḥ | tvā̱ | vasa̍ti | goḥ | adhi̍ | tvaci̍
a̱p'su | tvā̱ | hastai̍ḥ | du̱du̱huḥ | ma̱nī̱ṣiṇa̍ḥ || eva̍ | te̱ | iṃdo̍ iti̍
su̱'bhva̍ṃ | su̱'peśa̍saṃ | rasa̍ | tu̱jaṃti̍ | pratha̱māḥ | a̱bhi̱'śriya̍ḥ | ni̱daṃ'nida̍ṃ | pa̱va̱mā̱na̱ | ni | tā̱ri̱ṣa̱ḥ | āvi̍ḥ | te̱ | śuṣma̍ḥ | bha̱va̱tu̱ | pri̱yaḥ
mada̍ḥ
358.5
soma̍sya | dhārā̍ | pa̱vate̱ | nṛ̱'cakṣa̍saḥ | ṛ̱tena̍ | de̱vān
hvate̱ | diva̍ḥ | pari̍ | bṛha̱spate̍ḥ | ra̱vathe̍na | vi | di̱dyu̱te̱ | sa̱mu̱drasa̍ḥ
na | sarva̍nāni | vi̱vyacu̍ḥ || yaṃ | tvā̱ | vā̱jin | a̱ghnyāḥ | abhi
anū̍ṣata | arya̍ḥ'hṛtaṃ | yoni̍ | ā | roha̍si | dyu̱'mān | ma̱ghonā̍ṃ
āyu̍ḥ | pra̱'tiran̍ | mahi̍ | śrava̍ḥ | iṃdrāya | soma̍ | pa̱vase̱ | vṛṣā̍
mada̍ḥ || ā | iṃdra̍sya | ku̱kṣā | pa̱vate̱ | ma̱din'ta̍maḥ | ūrjai | vasā̍naḥ
śrava̍se | su̱'maṃga̍laḥ | pra̱tyaṅ | saḥ | viśvā̍ | bhuva̍nā | a̱bhi | pa̱pra̱the̱
krīḷan̍ | hari̍ḥ | atya̍ḥ | syaṃda̍te | vṛṣā̍ || taṃ | tvā̱ | de̱vebhya̍ḥ
madhu̍mat'tamaṃ | nara̍ḥ | sa̱hasra̍'dhāraṃ | du̱hate̱ | daśa̍ | kṣipa̍ḥ | nṛ̱'bhi̍ḥ
soma̍ | pra̱'cyu̱taḥ | grāva̍'bhiḥ | su̱taḥ | viśvā̍n | de̱vān | ā
pavasva | sa̱ha̱sra̱'jit || taṃ | tvā̱ | ha̱stina̍ḥ | madhu̍'maṃtaṃ | adri̍'bhiḥ
du̱haṃti̍ | a̱p'su | vṛṣa̱bhaṃ | daśa̍ | kṣipa̍ḥ | iṃdra̍ṃ | soma̱ | mā̱da̱yan
daivya̍ṃ | jana̍ṃ | siṃdhu̍ḥ'iva | ū̱rmiḥ | pa̱va̱mā̱na̱ | a̱rṣa̱si̱
358.6
pra
soma̍sya | pa̱va̱māna̍sya | ū̱rmaya̍ḥ | iṃdra̍sya | ya̱ṃti̱ | ja̱ṭhara̍ṃ | su̱'peśa̍saḥ
da̱dhrā | yat | ī̱m | u̱t'nītā̍ḥ | ya̱śasā̍ | gavā̍ṃ | dā̱nāya̍ | śūra̍ṃ
u̱t'ama̍ṃdiṣuḥ | su̱tāḥ || accha̍ | hi | soma̍ḥ | ku̱la̱śaṃ | asi̍ṣyadat
atya̍ḥ | na | voḷhā̍ | ra̱ghu̱'vartaniḥ | vṛṣā̍ | atha̍ | de̱vānā̍ṃ | u̱bhaya̍sya
janma̍naḥ | vi̱dvān | a̱śno̱ti̱ | a̱mṛrta̍ḥ | i̱taḥ | ca̱ | yat || ā | na̱ḥ
soma̍ | pa̱va̱mā̱na̱ | ki̱ra̱ | vasu̍ | iṃdo̱ iti̍ | bharva | ma̱ghava̍ | rādha̍saḥ
ma̱haḥ | śikṣa̍ | vaya̍ḥ'dhraḥ | vasa̍ve | su̱ | ce̱tunā̍ | mā | na̱ḥ | gaya̍
ā̱re | a̱sa̱t | parā̍ | sica̍ḥ || ā | na̱ḥ | pū̱ṣā | pa̱va̱māna̍ḥ | su̱'rā̱taya̍ḥ | mi̱traḥ | ga̱ccha̱ṃtu̱ | varu̍ṇaḥ | sa̱'joṣa̍saḥ | bṛ̱haspati̍ḥ | ma̱ruta̍ḥ
vāyuḥ | aśvinā̍ | tvaṣṭā̍ | sa̱vi̱tā | su̱'ya̱mā | sara̍svatī || u̱bheiti̍
dyāvā̍pṛthi̱vīiti̍ | viśva̍m'inveiti̍viśva̍'inve | a̱rya̱mā | de̱vaḥ | adi̍tiḥ
vi̱'dhā̱tā | bhaga̍ḥ | nṛ̱'śaṃsa̍ḥ | u̱ru | a̱ntari̍kṣaṃ | viśve̍ | de̱vāḥ
pava̍mānaṃ | ju̱ṣa̱nta̱
358.7
asā̍vi | soma̍ḥ | a̱ru̱ṣaḥ | vṛṣā̍ | hari̍ḥ
rājā̍'iva | da̱smaḥ | a̱bhi | gāḥ | a̱ci̱kra̱da̱t | pu̱nā̱naḥ | vāra̍m | pari̍
e̱ti̱ | a̱vyaya̍ṃ | śye̱naḥ | na | yoni̍m | ghṛ̱ta̱'vanta̍ṃ | ā'sa̱dam̍ || ka̱viḥ
ve̱dhasyā̍ | pari̍ | e̱ṣi̱ | mā̱hina̍m | atya̍ḥ | na | mṛ̱ṣṭaḥ | a̱bhi | vāja̍ṃ
arṣasi | apa̍'sedha̍n | du̱ḥ'hṛ̱tā | soma̍ | mṛ̱ḷa̱ya̱ | ghṛ̱taṃ | vasā̍naḥ
pari̍ | yā̱si̱ | ni̱'nirjam̍ || pa̱rjanya̍ḥ | pi̱tā | ma̱hi̱ṣasya̍ | pa̱rṇina̍ḥ
nābhā̍ | pṛ̱thi̱vyāḥ | gi̱riṣu̍ | kṣaya̍ṃ | da̱dhe̱ | svasā̍raḥ | āpa̍ḥ | a̱bhi
gāḥ | u̱ta | a̱sara̱n | saṃ | grāva̍'bhiḥ | na̱sa̱te̱ | vī̱te | a̱dhva̱re
jā̱yā'i̍va | patyau̍ | adhi̍ | śeva̍ | maṃha̍se | pra̱jāyā̍ḥ | garbha̍ṃ | śṛṇu̱hi
bravī̍mi | te̱ | aṃta̍ḥ | vā̱ṇīṣu̍ | pra | cara̱ | su | jī̱vase̍ | ani̍ndyaḥ
va̱jane̍ | soma̍ | jā̱gṛ̱hi || yathā̍ | pūrve̍bhyaḥ | śa̱ta̱'sāḥ | a̱mṛ̱dhraḥ
sa̱ha̱sra̱'sāḥ | pari̍'ayā̍ḥ | vāja̍ṃ | iṃdoiti̍ | e̱va | pava̍sva
su̱vi̱tāya̍ | navya̍se | tava̍ | vra̱taṃ | anu̍ | āpa̍ḥ | sa̱ca̱ṃte̱
358.8
pa̱vitra̍ṃ | te | vi̱'tata̍ṃ | brahma̍ṇaḥ | pa̱te̱ | pra̱'bhuḥ | gātrā̍ṇi | pari̍
e̱ṣi̱ | vi̱śvata̍ḥ | ata̍pta'tanūḥ | na | tat | āma̍ḥ | a̱śru̱te̱ | śṛ̱tāsa̍ḥ
it | vaha̍ntaḥ | tat | saṃ | ā̱śa̱ta̱ || tapo̍ḥ | pa̱vitra̍ṃ | vi̱'tata̍ṃ | di̱vaḥ
pa̱de | śoca̍ntaḥ | a̱sya̱ | taṃta̍vaḥ | vi | a̱sthi̱ra̱n | ava̍nti | a̱sya̱
pa̱vi̱tāra̍ṃ | ā̱śava̍ḥ | di̱vaḥ | pṛ̱ṣṭhaṃ | adhi̍ | tiṣṭha̍nti | ceta̍sā
arū̍rucat | u̱ṣasa̍ḥ | pṛśni̍ḥ | agri̍yaḥ | u̱kṣā | bi̱bharti̍ | bhuva̍nāni
pṛ̱ccha̱'yuḥ | mā̱yā'vi̍naḥ | ma̱mi̱re̱ | a̱sya̱ | mā̱yayā̍ | nṛ̱'cakṣa̍saḥ
pi̱tara̍ḥ | garbha̍ṃ | ā | da̱dhuḥ || gaṃdha̱rvaḥ | i̱tthā | pa̱daṃ | a̱sya̱ | rakṣa̍ti
pāti̍ | de̱vānā̍ṃ | jani̍māni | adbhu̍taḥ | gṛ̱bhṇāti̍ | ri̱puṃ | ni̱'dhrayā̍
ni̱dhā'pa̍tiḥ | su̱kṛt'ta̍maḥ | madhva̍ḥ | bha̱kṣaṃ | ā̱śa̱t || ha̱viḥ
haviṣmaḥ | marhi | sadhma̍ | daivya̍m | narbhaḥ | vasā̍naḥ | pari̍ | yā̱si̱
a̱dhva̱raṃ | rājā̍ | pa̱vitra̍'rathaḥ | vāja̍m̐ | ā | a̱ru̱ha̱t | sa̱hasra̍'bhṛṣṭiḥ
ja̱yasi̍ | śrava̍ḥ | bṛ̱hat
358.9
pava̍sva | de̱va'mā̍danaḥ | vi̱'ca̍rṣaṇiḥ
a̱psāḥ | indrā̍ya | varu̍ṇāya | vā̱yave̍ | kṛ̱dhi | na̱ḥ | a̱dya | va̱riva̍ḥ
sva̱sti̱'mat | u̱ru̱'kṣitau | gṛ̱ṇī̱hi̱ | daivya̍m | jana̍m || ā | yaḥ | ta̱sthau
bhuva̍nāni | ama̍rtyaḥ | viśvā̍ni | soma̍ḥ | pari̍ | tāni̍ | a̱rṣa̱ti̱
kṛ̱ṇvan | saṃ'cyu̱taṃ | vi'cyu̱taṃ | a̱bhi̱'ṣṭaye̍ | iṃdu̍ḥ | si̱sakti̍ | u̱ṣasa̍ṃ
na | sūrya̍ḥ || ā | yaḥ | gobhi̍ḥ | sṛ̱jyate̍ | oṣa̍dhīṣu | ā | de̱vānā̍m̐
su̱mne | i̱ṣaya̍n | u̱pa̍'vasuḥ | ā | vi̱'dyutā̍ | pa̱vate̱ | dhāra̍yā | su̱taḥ
indra̍ṃ | soma̍ḥ | mā̱daya̍n | daivya̍m | jana̍m || e̱ṣaḥ | syaḥ | soma̍ḥ | pa̱vate̱
sa̱hasra̍'jit | hi̱nvā̱naḥ | vāca̍m | i̱ṣi̱rāṃ | u̱pa̱'vṛdha̍m | iṃdu̍ḥ | sa̱mu̱dram
ut | i̱ya̱rti̱ | vā̱yu'bhi̍ḥ | ā | indra̍sya | hārdi̍ | ka̱laśe̍ṣu | sīda̍ti
a̱bhi | tyaṃ | gāva̍ṃ | paya̍sā | paya̍ḥ'vṛdhai | soma̍m | śrī̱ṇa̱nti̱ | ma̱ti̱'bhi̍ḥ | sva̱ḥ'vida̍m | dha̱na̱ṃ'jaya̍ḥ | pa̱vate̱ | kṛtya̍ḥ | rasa̍ḥ | vipra̍ḥ
ka̱viḥ | kā̱vyena̍ | sva̍ḥ'canāḥ
358.10
indrā̍ya | soma̱ | su̱'su̱taḥ
pari̍ | sra̱va̱ | apa̍ | amī̍vā | bha̱va̱ntu̱ | rakṣa̍sā | sa̱ha | mā
te | rasa̍sya | matsata̍ | dva̱yā̱vina̍ḥ | dra̱vi̱ṇa̱svaṃta̍ḥ | i̱ha | sa̱ṃtu̱
iṃda̍vaḥ || a̱smān | sa̱'marye̍ | pa̱va̱mā̱na̱ | co̱daya̱ | dakṣa̍ḥ | de̱vānā̍m̐
asi̍ | hi | pri̱yaḥ | mada̍ḥ | ja̱hi | śatrūn̍ | a̱bhi | ā
bha̍dra̱nā'ya̱taḥ | piva̍ | indra̍ | soma̍ | ava̍ | na̱ḥ | mṛdha̍ḥ | ja̱hi
ada̍bdhaḥ | iṃdo̱ iti̍ | pa̱vase̱ | ma̱dind̍tamaḥ | ā̱tmā | indra̍sya
bhava̍si | dhā̱siḥ | u̱tta̱maḥ | a̱bhi | sva̱ra̱ṃti̱ | bṛ̱hava̍ḥ | ma̱nī̱ṣiṇa̍ḥ
rājā̍naṃ | a̱sya | bhuva̍nasya | nisa̱te || sa̱hasra̍'nīthaḥ | śa̱ta'dhā̍raḥ
adbhūta̍ḥ | indrā̍ya | iṃdu̍ḥ | pa̱vate̱ | kāvyai̍ | madhu̍ | jaya̍n | kṣetra̍ṃ | a̱bhi
arṣa̍ | jaya̍n | a̱paḥ | ū̱ruṃ | na̱ḥ | gā̱tuṃ | kṛ̱ṇu̱ | soma̍ | mīḍhvaḥ
ka̱nikra̍dat | ka̱laśe̍ | gobhi̍ḥ | a̱jyase̱ | vi | a̱vyaya̍ṃ | sa̱mayā̍
vāra̍ṃ | arṣa̍si | mṛ̱jyamā̍naḥ | atya̍ḥ | na | sāna̍siḥ | iṃdra̍sya
soma̍ | ja̱ṭhare̍ | saṃ | a̱kṣara̱riti̍ svā̱duḥ | pa̱va̱sva̱ | di̱vyāya̍ | janma̍ne
svā̱duḥ | iṃdrāya̍ | su̱havī̍tu̱'nāma̍ne | svā̱duḥ | mi̱trāya̍ | varu̍ṇāya
vā̱yave̍ | bṛha̱spata̍ye | madhu̍'mān | adā̍bhyaḥ
358.11
atya̍ṃ | mṛ̱ja̱ṃti̱
ka̱laśe̍ | daśa̍ | kṣipa̍ḥ | pra | viprā̍ṇāṃ | ma̱taya̍ḥ | vāca̍ḥ | ī̱ra̱te̱
pava̍mānāḥ | a̱bhi | arṣa̍ṃti | su̱'stutiṃ | ā | iṃdra̍ṃ | vi̱śa̱ṃti̱
ma̱di̱rāsa̍ḥ | iṃda̍vaḥ || pava̍mānaḥ | a̱bhi | arṣa̍ | su̱'vīrya̍ṃ | u̱rvī
gavyū̍tiṃ | ma̱hi | śarma̍ | su̱'pratha̍ḥ | māki̍ḥ | na̱ḥ | a̱sya̱ | pari̍'sṛtiḥ
ī̱śa̱ta̱ | iṃdo̱iti̍ | jaye̍ma | tvayā̍ | dhana̍ṃ'dhanaṃ || adhi̍ | dyāṃ | a̱sthā̱t
vṛṣa̱bhaḥ | vi̱'cakṣa̍ṇaḥ | arū̍rucat | vi | di̱vaḥ | roca̱nā | ka̱viḥ
rājā̍ | pa̱vitra̍ṃ | ati̍ | e̱ti̱ | ro̱ru̱vat | di̱vaḥ | pī̱yūṣa̍ṃ | du̱hate̱
nṛ̱'cakṣa̍saḥ || di̱vaḥ | nāke̍ | madhu̍'jihvāḥ | asa̍ścataḥ | ve̱nāḥ
duha̍ṃti | u̱kṣaṇa̍ṃ | gi̱ri̱'sthāṃ | a̱p'su | dra̱psaṃ | va̱vṛ̱dhā̱naṃ
sa̱mu̱dre | ā | siṃdho̍ḥ | ū̱rmau | madhu̍'maṃtaṃ | pa̱vitrai̍ | ā || nāke̍
su̱'pa̱rṇaṃ | upa̍'śikṣa̱dvāṃsa̍ṃ | gira̍ḥ | ve̱nānā̍ṃ | a̱kṛpa̍ta̱ | pū̱rvīḥ | śiśu̍ṃ
ri̱ha̱ṃti̱ | ma̱taya̍ḥ | pa̱ni̱pra̱taṃ | hira̱ṇyaya̍ṃ | śa̱kuna̍ṃ | kṣāma̍ṇi | sthāṃ
ū̱rdhvaḥ | ga̱ṃdha̱rvaḥ | adhi̍ | nāke̍ | a̱sthā̱t | viśvā̍ | rū̱pā | prati̍'cakṣā̍ṇaḥ | a̱sya̱ | bhānuḥ | śu̱kreṇa̍ | śo̱ciṣā̍ | vi | a̱dyau̱t | pra
arūrucat | roda̍sī̱iti̍ | mā̱tarā̍ | śuci̍ḥ
358.12
pra | te̱ | ā̱śava̍ḥ
pava̍māna | dhī̱'java̍ḥ | madā̍ḥ | arṣa̍ṃti | ra̱ghu̱jāḥ'i̍va | ma̱nā̍ | di̱vyāḥ
su̱'pa̱rṇāḥ | madhu̍'maṃtaḥ | iṃda̍vaḥ | mṛ̱din'ta̍māsaḥ | pari̍ | kośa̍ṃ
āsa̍te || pra | te̱ | madā̍saḥ | ma̱di̱rāsa̍ḥ | ā̱śava̍ḥ | asṛ̍kṣata
rathyā̍saḥ | yathā̍ | pṛthak | dhe̱nuḥ | na | va̱tsaṃ | paya̍sā | a̱bhi
va̱jriṇa̍ṃ | iṃdra̍ṃ | iṃda̍vaḥ | madhu̍'maṃtaḥ | ū̱rmaya̍ḥ || atya̍ḥ | na | hi̱yā̱naḥ
a̱bhi | vāja̍ṃ | arṣa̍ | sva̱ḥ'vit | kośa̍ṃ | di̱vaḥ | adri̍'mātaraṃ
vṛṣā̍ | pa̱vitrai̍ | adhi̍ | sānau̍ | a̱vyaye̍ | soma̍ḥ | pu̱nā̱naḥ | iṃdri̱yāya̍
dhāryase || pra | te | āśvinīḥ | pavamāna | dhī'juvaḥ | divyāḥ
asṛgran | paya̍sā | dha̱rī̱ma̱ṇi | pra | aṃtaḥ | ṛṣa̍yaḥ | sthavi̍rīḥ
asṛkṣata | ye | tvā̱ | mṛ̱jaṃti̍ | ṛṣi'sān | ve̱dhasa̍ḥ || viśvā̍
dhāmā̍ni | viśva'cakṣaḥ | ṛṣva̍saḥ | pra'bhoḥ | te | sataḥ | pari̍
yaṃti̱ | ke̱tava̍ḥ | vi'ā̱na̱śiḥ | pavase̱ | soma̍ | dharma̍'bhiḥ | pati̍ḥ
viśva̍sya | bhuva̍nasya | rājasi
358.13
ubha̱yata̍ḥ | pa̱va̱mānasya̍ | ra̱śmaya̍ḥ
dhru̱vasya̍ | sataḥ | pari̍ | ya̱ṃti̱ | ke̱tava̍ḥ | yadi̍ | pa̱vitre̍ | adhi̍
mṛ̱jyate̍ | hari̍ḥ | sa̱ttā | ni | yonau̍ | ka̱laśe̍ṣu | sīda̍ti || ya̱jñasya̍
ke̱tuḥ | pa̱vate̱ | su̱'a̱dhva̱raḥ | soma̍ḥ | de̱vānā̍m | upa̍ | yā̱ti̱ | ni̱ḥ'
kṛ̱taṃ | sa̱hasra̍'dhāraḥ | pari̍ | kośa̍m | arṣati | vṛṣā̍ | pa̱vitra̍m | ati̍
e̱ti̱ | ro̱ruva̍t || rājā̍ | sa̱mu̱draṃ | nadya̍ḥ | vi | gā̱ha̱te̱ | a̱pāṃ
ū̱rmiṃ | saca̍te | siṃdhuṣu | śritaḥ | adhi̍ | asthā̱t | sānu̍ | pa̱vamāna̍ḥ
avyaya̍ṃ | nābhā̍ | pṛ̱thi̱vyāḥ | va̱ruṇe̍ | ma̱haḥ | divaḥ || diva̍ḥ | na
sānu̍ | stanaya̍n | aci̍kradat | dyauḥ | ca̱ | yasya̍ | pṛ̱thi̱vī | ca̱
dharma̍'bhiḥ | iṃdra̍sya | sa̱khyaṃ | pa̱vate̱ | vi'a̍viṃdan | soma̍ḥ | pu̱nā̱naḥ
ka̱laśe̍ṣu | sīda̍ti || jyoti̍ḥ | ya̱jñasya̍ | pa̱vate̱ | madhu̍ | pri̱yaṃ | pitā̍
de̱vānā̍m | ja̱ni̱tā | vi̱bhu'va̍suḥ | dadhā̍ti | ratna̍ṃ | sva̱dhayo̍ḥ | a̱pīcya̍ṃ
ma̱din'ta̍maḥ | matsara̍ḥ | iṃdriya̍ḥ | rasa̍ḥ
358.14
abhi'kraṃda̍n
ka̱laśa̍ṃ | vā̱jī | arṣati | pati̍ḥ | divaḥ | śa̱ta'dhā̍raḥ | vi'ca̍kṣaṇaḥ
hari̍ḥ | mi̱trasya̍ | sada̍neṣu | sīda̍ti | ma̱rmṛ̱jā̱naḥ | arva̍'bhiḥ
siṃdhu̍'bhiḥ | vṛṣā̍ || agre̍ | siṃdhū̱nāṃ | pa̱vamāna̍ḥ | arṣati | agre̍ | vācaḥ
a̱griya̍ḥ | goṣu̍ | ga̱ccha̱ti̱ | agre̍ | vāja̍sya | bha̱ja̱te̱ | ma̱hā'dha̱naṃ
su̱'ā̱yudha̍ḥ | sotṛ̍'bhiḥ | pū̱yate̱ | vṛṣā̍ || a̱yaṃ | ma̱ta'vā̍n | śa̱kuna̍ḥ
yathā̍ | hi̱taḥ | adhye̍ | sa̱sāra̍ | pa̱vamāna̍ḥ | ū̱rmiṇā̍ | tave̍ | kratvā̍
roda̍sī̱ iti̍ | aṃtarā | ka̱viḥ | śuci̍ḥ | dhi̱yā | pa̱vate̱ | soma̍ḥ | iṃdra̍
te || drāpi̍ṃ | vasā̍naḥ | ya̱ja̱taḥ | di̱vi̱'spṛśa̍ṃ | a̱ṃta̱ri̱kṣa̱'prāḥ | bhuva̍neṣu
arṣe̍taḥ | sva̍ḥ | ja̱jñānaḥ | nabha̍sā | a̱bhi | a̱kra̱mī̱t | pra̱tnaṃ | a̱sya̱
pi̱tara̍ṃ | ā | vi̱vā̱sa̱ti̱ || saḥ | a̱sya̱ | vi̱śe | ma̱hi | śarma̍
yaccha̍ti | yaḥ | a̱sya̱ | dhāma̍ | pra̱tha̱maṃ | vi̱'āna̍śe | pa̱daṃ | yat
a̱sya̱ | pa̱ra̱me | vi̱'o̍mani | ata̍ḥ | viśvā̍ḥ | a̱bhi | saṃ | yā̱ti̱
sa̱ṃ'yata̍ḥ
358.15
proiti̍ | a̱yā̱sī̱t | iṃdu̍ḥ | iṃdra̍sya | ni̱'kṛta̍ṃ
sakhā̍ | sakhyu̍ḥ | na | pra | mi̱nā̱ti̱ | sa̱ṃ'gira̍ṃ | marya̍ḥ'iva | yu̱va̱ti̱'bhi̍ḥ
saṃ | a̱rṣa̱ti̱ | soma̍ḥ | ka̱laśe̍ | śa̱ta'yā̍mnā | pa̱thā || pra | va̱ḥ | dhi̱ye
ma̱ṃdru'yuva̍ḥ | vi̱pa̱nyuva̍ḥ | pa̱na̱syuva̍ḥ | sa̱ṃ'vatsa̍neṣu | a̱kra̱mu̱ḥ | soma̍ṃ
ma̱nī̱ṣāḥ | a̱bhi | a̱nū̱ṣa̱ta̱ | stubha̍ḥ | a̱bhi | dhe̱nava̍ḥ | paya̍sā | ī̱ṃ
a̱śi̱śra̱yu̱ḥ || ā | na̱ḥ | soma̱ | sa̱ṃ'yata̍ṃ | pi̱pyuṣī̍ṃ | iṣa̍ṃ | iṃdo̱iti̍
pava̍sva | pa̱va̱mā̱na̱ | a̱sridha̍ṃ | yā | na̱ḥ | doha̍te | triḥ | aha̍n
a̱sa̱ṃścuṣī̍ | kṣu̱'mat | vāja̍'vat | madhu̍'mat | su̱'vīrya̍ṃ || vṛṣā̍
ma̱tī̱nāṃ | pava̍te | vi̱'ca̱kṣa̱ṇaḥ | soma̍ḥ | ahna̍ḥ | pra̱'ta̱rī̱tā | u̱ṣasa̍ḥ
di̱vaḥ | krāṇā̍ | siṃdhū̍nāṃ | ka̱laśā̍n | a̱cī̱kḷ̱śat | iṃdra̍sya | hārdi̍
ā̱'viśa̍n | ma̱nī̱ṣi̱'bhi̍ḥ || ma̱nī̱ṣi̱'bhi̍ḥ | pa̱vate̱ | pṛ̱ṣṭhya̍ḥ | ka̱viḥ
nṛ̱'bhi̍ḥ | ya̱taḥ | pari̍ | kośā̍n | a̱ci̱kra̱da̱t | tri̱tasya̍ | nāma̍
ja̱naya̍n | madhu̍ | kṣara̍n | iṃdra̍sya | vā̱yoḥ | sa̱khyāya̍ | karta̍ve
358.16
a̱yaṃ | pu̱nā̱naḥ | u̱ṣasa̍ḥ | vi | ro̱caya̱t | a̱yaṃ | siṃdhu̍'bhyaḥ
a̱bha̱va̱t | ū̱m̐iti̍ | lo̱ka̱'kṛt | a̱yaṃ | triḥ | sa̱pta | du̱du̱hā̱naḥ
ā̱'śira̍ṃ | soma̍ḥ | hṛ̱de | pa̱vate̱ | cāru̍ | matsa̱raḥ || pava̍sva | soma̍
di̱vyeṣu̍ | dhāma̍'su | sṛ̱jā̱naḥ | iṃdo̱iti̍ | ka̱laśe̍ | pa̱vitre̍ | ā
sīda̍n | iṃdra̍sya | ja̱ṭhare̍ | kani̍kradat | nṛ̱'bhi̍ḥ | ya̱taḥ | sūrye̍ | ā
a̱ro̱ha̱ya̱t | di̱vi || advi̍'bhiḥ | su̱taḥ | pa̱vase̱ | pa̱vitre̍ | ā
iṃdo̱iti̍ | iṃdra̍sya | ja̱ṭhare̍ṣu | ā̱'viśa̍n | tvaṃ | nṛ̱'cakṣā̍ḥ | a̱bha̱va̱ḥ
vi̱'ca̱kṣa̱ṇa̱ | soma̍ | gotra̍ṃ | aṃgi̍raḥ'bhyaḥ | a̱vṛṇo̍ḥ | apa̍ || tvāṃ
soma̱ | pa̱vamā̍naṃ | su̱'ā̱dhya̍ḥ | anu̍ | viprā̍saḥ | a̱ma̱da̱n | a̱va̱syava̍ḥ
tvāṃ | su'pa̱rṇaḥ | ā | a̱bha̱ra̱t | diva̍ḥ | pari̍ | indo̱ iti̍ | viśvā̍bhiḥ
ma̱ti'bhi̍ḥ | pari̍'kṛtaṃ || avye̍ | pu̱nā̱naṃ | pari̍ | vāre̍ | ū̱rmiṇā̍
hari̍ṃ | nava̍ṃte | a̱bhi | sapta | dhe̱nava̍ḥ | a̱pāṃ | upa̱'sthe̍ | adhi̍
ā̱yave̍ḥ | ka̱viṃ | ṛ̱tasya̍ | yonā̍ | ma̱hi̱ṣāḥ | ahe̍ṣata
358.17
indu̍ḥ
pu̱nā̱naḥ | ati̍ | gā̱ha̱te̱ | mṛdha̍ḥ | viśvā̍ni | kṛ̱ṇvan | su̱'pathā̍ni
ya̱jyave̍ | gāḥ | kṛ̱ṇvā̱naḥ | niḥ'nija̍ṃ | haryya̍taḥ | ka̱viḥ | atya̍ḥ | na
krīḷa̍n | pari̍ | vāra̍ṃ | a̱rṣati̍ || asṛ̍grantaḥ | śa̱ta'dhā̍rāḥ | a̱bhi'śriya̍ḥ
hari̍ṃ | nṛ̱ṣa̍nte | arva̍ | tāḥ | uda̱nyuva̍ḥ | śriya̍ṃ | sṛ̱jaṃte̱ | pari̍
gobhi̍ḥ | ā'vṛta̍ṃ | tṛ̱tīye̍ | pṛ̱ṣṭhe | adhi̍ | roca̱ne | diva̍ḥ || tava̍
i̱māḥ | pra̱'jāḥ | di̱vyasya̍ | reta̍saḥ | tvaṃ | viśva̍sya | bhuva̍nasya
rāsi̍ | atha̍ | i̱daṃ | viśva̍ṃ | pa̱va̱mā̱na̱ | te̱ | vaśe̍ | tvaṃ | indo̱ iti̍
pra̱tha̱maḥ | dhā̱ma̱'dhāḥ | a̱si̱ || tvaṃ | sa̱mu̱draḥ | a̱si̱ | vi̱śva'vi̍t
kave̱ | tava̍ | i̱māḥ | pañca̍ | pra̱diśa̍ḥ | vi̱'dharma̍ṇi | tvaṃ
dyāṃ | ca̱ | pṛ̱thi̱vīṃ | ca̱ | ati̍ | ja̱sraṣe̱ | tava̍ | jyotī̍ṃṣi
pa̱va̱mā̱na̱ | sūryya̍ḥ || tvaṃ | pa̱vitre̍ | raja̍saḥ | vi̱'dharma̍ṇi | de̱vebhya̍ḥ
so̱ma̱ | pa̱va̱mā̱na̱ | pū̱ya̱se̱ | tvāṃ | u̱śija̍ḥ | pra̱tha̱māḥ | a̱gṛ̱bhṇa̱ta̱
tubhya̍ | i̱māḥ | viśvā̍ | bhuva̍nāni | ye̱mi̱re
358.18
pra
re̱bhaḥ | e̱ti̱ | ati̍ | vāra̍ṃ | a̱vyaya̍ṃ | vṛṣā̍ | vane̍ṣu | arva̍
ca̱kra̱da̱t | hari̍ḥ | saṃ | dhī̱taya̍ḥ | vā̱va̱śā̱nāḥ | a̱nū̱ṣa̱ta̱ | śiśu̍ṃ
ri̱ha̱ṃti̱ | ma̱taya̍ḥ | pa̱ni̱ptataṃ || saḥ | sūryya̍sya | ra̱śmi'bhi̍ḥ | pari̍
vya̱t | taṃtu̍ṃ | ta̱nvā̱naḥ | tri̱'vṛta̍ṃ | yathā̍ | vi̱de | naya̍n | ṛ̱tasya̍
pra̱'śiṣa̍ḥ | navī̍yasīḥ | pati̍ḥ | janī̍nāṃ | upa̍ | yā̱ti̱ | niḥ'kṛta̍ṃ
rājā̍ | siṃdhū̍nāṃ | pa̱va̱te̱ | pati̍ḥ | di̱vaḥ | ṛ̱tasya̍ | yā̱ti̱ | pa̱thi'bhiḥ | kani̍kradat | sa̱hasra̍'dhāraḥ | pari̍ | si̱cya̱te̱ | hari̍ḥ | pu̱nā̱naḥ
vāca̍ṃ | ja̱naya̍n | upa̍'vasuḥ || pava̍māna | mahi̍ | arśa̍ḥ | vi | dhā̱va̱si̱
sūra̍ḥ | na | citra̍ḥ | arvyāni | paryyā | gabha̍sti'pūtaḥ | nṛ'bhi̍ḥ
adri̍'bhiḥ | su̱taḥ | ma̱he | vājā̍ya | dhanva̍āya | dhanva̍si || iṣa̍m | ūrja̍m
pava̍māna | a̱bhi | arṣa̍si | śye̱naḥ | na | vaṃsu̍ | ka̱laśe̍ṣu | sīda̍si
iṃdrā̍ya | maddhaḥ | mada̍ḥ | mada̍ḥ | su̱taḥ | di̱vaḥ | vi̱ṣṭaṃbha̍ḥ | u̱pa̱'maḥ
vi̱'ca̱kṣaṇaḥ
358.19
sa̱pta | svasā̍raḥ | a̱bhi | mā̱tara̍ḥ | śiśu̍m | narvai
ja̱jñānam | ja̱nya̍m | vipa̍ḥ'cita̍m | a̱pām | ga̱ṃdha̱rvam | di̱vya̍m | nṛ̱'cakṣa̍saṃ
soma̍m | viśva̍sya | bhuva̍nasya | ra̱jase̍ || īśā̍naḥ | i̱mā | bhuva̍nāni
vi | īya̍se | yu̱ñjānaḥ | iṃdo̱ iti̍ | ha̱rita̍ḥ | su̱'pa̱rṇya̍ḥ | tāḥ | te
kṣara̍ṃtu | madhu̍'mat | ghṛ̱taṃ | paya̍ḥ | tave̍ | vra̱te | soma̍ | ti̱ṣṭha̱ṃtu̱ | kṛ̱ṣṭaya̍ḥ
tvaṃ | nṛ̱'cakṣā̍ḥ | a̱si̱ | soma̍ | vi̱śvata̍ḥ | pava̍māna | vṛ̱ṣabha̍ | tā
vi | dhā̱va̱si̱ | saḥ | na̱ḥ | pava̍sva | vasu̍'mat | hira̍ṇya̱'vat | va̱yaṃ
syā̱ma̱ | bhuva̍neṣu | jī̱vase̍ || go̱'vit | pa̱va̱sva̱ | vasu̍'mat | hira̍ṇya̱
vat | re̱taḥ'dhāḥ | iṃdo̱ iti̍ | bhuva̍neṣu | a̱rpi̱taḥ | tvaṃ | su̱'vīraḥ
a̱si̱ | soma̍ | vi̱śva̱'vit | taṃ | tvā̱ | viprā̍ḥ | upa̍ | gi̱rā | i̱ma
ā̱sa̱te̱ || ut | madhva̍ḥ | ū̱rmiḥ | va̱nanā̍ḥ | a̱ti̱sthi̱pa̱t | a̱paḥ
vasā̍naḥ | ma̱hi̱ṣaḥ | vi | gā̱ha̱te̱ | rājā̍ | pa̱vitre̍'rathaḥ | vājai̍ | ā
a̱ru̱ha̱t | sa̱hasra̍'bhṛṣṭiḥ | ja̱yati̍ | śrava̍ḥ | bṛ̱hat
358.20
saḥ
ma̱ṃda̱nā̍ḥ | ut | i̱ya̱rti̱ | pra̱jā'va̍tīḥ | vi̱śva'ā̍yuḥ | viśvā̍ḥ | su̱'
bharā̍ḥ | aha̍ḥ'divi | brahma̍ | pra̱jā'va̍t | ra̱yiṃ | a̱śva̍'pa̱stya̍ṃ | pī̱taḥ
iṃdo̱ iti̍ | iṃdra̍ṃ | a̱smabhya̍ṃ | yā̱ca̱tā̱t || saḥ | a̱gre | ahnā̍ṃ | hari̍ḥ
ha̱rya̱taḥ | mada̍ḥ | pra | ceta̍sā | ce̱ta̱ya̱te̱ | anu̍ | dyu̱'bhi̍ḥ | dvā | janā̍
yātaya̍n | aṃta̍ḥ | ī̱ya̱te̱ | narāśaṃsa̍m | ca̱ | daivya̍m | ca̱ | dha̱rttari̍ || aṃjate
vi | a̱ṃja̱te̱ | saṃ | a̱ṃja̱te̱ | kratu̍ṃ | ri̱ha̱ṃti̱ | madhu̍nā | a̱bhi | a̱ṃja̱te̱
siṃdho̍ḥ | u̱t'śvā̱se | pa̱taya̍ṃtaṃ | u̱kṣaṇa̍ṃ | hira̍ṇya̱'pāvāḥ | paśuṃ
ā̱su̱ | gṛ̱bhṇa̱te̱ || vipa̍ḥ'cita̍m | pa̱va̱mānā̍ya | gā̱ya̱ta̱ | ma̱hī | na | dhārā̍
a̱ti̱ | aṃdha̍ḥ | a̱rṣa̱ti̱ | ahi̍ḥ | na | jūrṇā̍ṃ | ati̍ | sa̱rpa̱ti̱ | tvaca̍ṃ
atya̍ḥ | na | krīḷa̍n | asa̍rat | vṛṣā̍ | hari̍ḥ || agre̱'gaḥ | rājā̍
a̱pya̍ḥ | ta̱vi̱ṣyate̍ | vi̱'māna̍ḥ | ahnā̍m | bhuva̍neṣu | arpi̍taḥ | hari̍ḥ
ghṛ̱ta̱'snuḥ | su̱'dṛśī̍kaḥ | a̱rṇa̱vaḥ | jyoti̍ḥ'rathaḥ | pava̍te | rā̱ye
okya̍ḥ
Linked texts (3)
- Metrically restored text (van Nooten & Holland) — Sanskrit
- Padapāṭha — Sanskrit
- Ṛgvedasaṃhitāpadapāṭha — Sanskrit