Samhitapadapatha 391

Saṃhitāpadapāṭha 391

Language: Sanskrit

391.0

hariḥ oṃ || pra | mā̱ | yu̱yu̱je | pra̱'yuja̍ḥ | janā̍nāṃ | vahā̍mi
sma̱ | pū̱ṣaṇa̍ṃ | aṃta̍reṇa | viśve̍ | de̱vāsa̍ḥ | ardha | māṃ | a̱ra̱kṣa̱n
du̱ḥ'śāsu̍ḥ | ā | a̱gā̱t | iti̍ | ghoṣa̍ḥ | ā̱sī̱t

391.0-2

sakṛ̍t | su | na̱ḥ | ma̱ghavan | iṃdra̍ | mṛ̱ḷaya̱ | ardha̍ | pi̱tā'i̍va | na̱ḥ
bhava̍ || kuru̍'śravaṇaṃ | a̱vṛ̱ṇi̱ | rājā̍naṃ | trā̱sa̍dasyavaṃ | maṃhi̍ṣṭhaṃ | vā̱ghatā̍ṃ
ṛṣi̍ḥ || yasya̍ | mā̱ | ha̱rita̍ḥ | rathe̍ | ti̱sraḥ | vaha̍ti | sā̱dhu'yā̍
sta̱vai | sa̱hasra̍'dakṣiṇe

391.2

yasya̍ | pra̱'svā̍dasaḥ | gira̍ḥ | upa̍ma'śravasaḥ | pi̱tuḥ | kṣetra̍ṃ | na | raṇva̍ṃ | ū̱cuṣe̍ || adhi̍ | pu̱tra̱ | upa̍ma'śrava̍ḥ | napā̍t | mi̱tra'a̍titheḥ | i̱hi | pi̱tuḥ | te̱ | a̱smi̱ | va̱ṃdi̱tā
yat | i̱śīya̍ | a̱mṛtā̍nāṃ | u̱ta | vā̱ | martyā̍nāṃ | jī̱vait | it
ma̱gha'vā̍ | mama̍ || na | de̱vānā̍m̐ | ati̍ | vra̱taṃ | śa̱ta'ā̍tmā | ca̱na
jī̱vati̍ | tathā̍ | yu̱jā | vi | vṛ̱vṛ̱te̱

391.3

prā̱ve̱pāḥ | mā̱ | bṛ̱ha̱taḥ
mā̱daya̍nti | pra̱vā̱te̱'jāḥ | iri̍ṇe | va̱vṛ̱tā̱nāḥ | soma̍sya'iva | mauja̍'va̱tasya̍ | bha̱kṣaḥ | vi̱'bhīda̍kaḥ | jā̱gṛ̱viḥ | mahya̍m | a̱cchān || na | mā̱
mi̱me̱tha̱ | na | ji̱hī̱ḷe̱ | e̱ṣā | śi̱vā | sakhi̍'bhyaḥ | u̱ta | mahya̍m
ā̱sī̱t | a̱kṣasya̍ | a̱haṃ | eka̍'parasya̍ | he̱toḥ | anu̍'vratāṃ | apa̍
jā̱yāṃ | a̱ro̱dha̱m || dveṣṭi̍ | śva̱śrūḥ | apa̍ | jā̱yā | ru̱ṇa̱ddhi̱ | na
nā̱thi̱taḥ | vi̱nda̱te̱ | ma̱rḍi̱tāra̍m | aśva̍sya'iva | jara̍taḥ | va̱snya̍sya
na | a̱haṃ | vi̱ndāmi̱ | ki̱ta̱vasya̍ | bhoga̍m || a̱nye | jā̱yāṃ | pari̍
mṛ̱śa̱nti̱ | a̱sya̱ | yasya̍ | agṛ̍dhat | veda̍ne | vā̱jī | akṣa̍ḥ | pi̱tā
mā̱tā | bhrāta̍raḥ | e̱na̱ṃ | ā̱hu̱ḥ | na | jā̱nī̱ma̱ḥ | naya̍ta | ba̱ddhaṃ | e̱taṃ
yat | ā̱'dīdhye̍ | na | da̱vi̱ṣā̱ṇi̱ | e̱bhi̱ḥ | pa̱rā̱yat'bhya̍ḥ | ava̍
hī̱ye̱ | sakhi̍'bhyaḥ | ni'u̍ptāḥ | ca̱ | ba̱bhrava̍ḥ | vāca̍m | akra̍ta | emi̍
it | e̱ṣā̱ṃ | niḥ'kṛ̱taṃ | jā̱riṇī̍'iva

391.4

sa̱bhāṃ | e̱ti̱ | ki̱ta̱vaḥ
pṛ̱cchamā̍naḥ | je̱ṣyāmi̍ | iti̍ | ta̱nvā̍ | śūśu̍jānaḥ | a̱kṣāsa̍ḥ | a̱sya̱
vi | ti̱ra̱ṃti̱ | kāmai̍ | prati̍'dīvye̍ | dadha̍taḥ | ā | kṛ̱tāni̍ || a̱kṣāsa̍ḥ
it | a̱ṅku̱śina̍ḥ | ni̱'sto̱dina̍ḥ | ni̱'kṛtva̍naḥ | ta̱pa̱nāḥ | tā̱pa̱yi̱ṣṇava̍ḥ
ku̱māra̱'deṣṇā̍ḥ | jaya̍taḥ | puna̍'harna̍ḥ | madhvā̍ | sa̱ṃ'pṛ̱ktāḥ | ki̱ta̱vasya̍
ba̱rhaṇā̍ || tri̱'pa̍ñcāśaḥ | krīḷa̍ti | vrāta̍ḥ | e̱ṣā̱ṃ | de̱vaḥ'i̍va | sa̱vi̱tā
sa̱tya'dha̍rmā | u̱grasya̍ | cit | ma̱nyavai̍ | na | na̱ma̱ṃte̱ | rājā̍ | cit
e̱bhya̱ḥ | nama̍ḥ | it | kṛ̱ṇo̱ti̱ || nī̱cā | va̱rta̱ṃte̱ | u̱pari̍ | sphu̱ra̱ṃti̱
a̱ha̱stāsa̍ḥ | hasta̍'vaṃtaṃ | saha̍ṃte | di̱vyāḥ | aṃgā̍rāḥ | iri̍ṇe | ni'u̍ptāḥ | śī̱tāḥ | saṃta̍ḥ | hṛda̍yaṃ | niḥ | da̱ha̱ṃti̱ || jā̱yā | ta̱pya̱te̱
ki̱ta̱vasya̍ | hī̱nā | mā̱tā | pu̱trasya̍ | ca̱rata̍ḥ | kva̍ | svi̱t | ṛṇa̱'vā | bibhya̍t | dhana̍m | i̱cchamā̍naḥ | a̱nyeṣā̍m | asta̍m | upa̍ | nakta̍m
e̱ti̱

391.5

striya̍m | dṛṣṭvāya̍ | kita̱vaṃ | ta̱tāpa̍ | a̱nyeṣā̍m | jā̱yāṃ
su̱'kṛta̍m | ca̱ | yoni̍m | pūrvāhṇe̍ | aśvā̍n | yu̱yu̱je | hi | ba̱bhrūn
saḥ | agneḥ | ante̍ | vṛṣalaḥ | pa̱pā̱da̱ || yaḥ | va̱ḥ | senā̍'nīḥ | ma̱hataḥ
ga̱ṇasya̍ | rājā̍ | vrāta̍sya | pra̱tha̱maḥ | ba̱bhūva̍ | tasmai̍ | kṛ̱ṇo̱mi̱ | na
dhanā̍ | ru̱ṇa̱dhmi̱ | daśa̍ | a̱haṃ | prācī̍ḥ | tat | ṛ̱taṃ | va̱dā̱mi̱
akṣai̍ḥ | mā | dī̱vya̱ḥ | kṛ̱ṣiṃ | it | kṛ̱ṣa̱sva̱ | vi̱tte | ra̱ma̱sva̱ | ba̱hu
ma̱nya̍mānaḥ | tatra̍ | gāva̍ḥ | ki̱ta̱va̱ | tatra̍ | jā̱yā | tat | me̱ | vi
ca̱ṣṭe̱ | sa̱vi̱tā | a̱yaṃ | arya̍ḥ || mitraṃ | kṛ̱ṇu̱dhva̱ṃ | khalu̍ | mṛ̱ḷata̍ | na̱ḥ
mā | na̱ḥ | ghoreṇa̍ | ca̱ra̱ta̱ | a̱bhi | dhṛṣṇu | ni | va̱ḥ | na̱ | ma̱nyuḥ
vi̱śa̱tā̱ṃ | arā̍tiḥ | anyaḥ | ba̱bhrūṇā̍ṃ | pra'si̍tau | nu | a̱stu̱

Linked texts (5)

Śākala — Sanskrit
Padapāṭha — Sanskrit
Ṛgvedasaṃhitāpadapāṭha — Sanskrit
Saṃvādasūkta — Sanskrit
Vaidikasaṅgraha — Sanskrit