Samhitapadapatha 46.5

46.5

4 || i̱māḥ | ru̱drāya̍ | ta̱vase̍ | ka̱pa̱rdine̍ | kṣa̱yat'vī̍rāya
pra | bha̱rā̱ma̱he̱ | ma̱tīḥ | yathā̍ | śaṃ | asa̍t | dvi̱'pade̍ | catu̍ḥ'pade
viśva̍ṃ | pu̱ṣṭaṃ | grāme̍ | a̱smin | anā̍turaṃ || mṛ̱ḷa | na̱ḥ | ru̱dra̱
u̱ta | na̱ḥ | marya̍ḥ | kṛ̱dhi̱ | kṣa̱yat'vī̍rāya | nama̍sā | vi̱dhe̱ma̱
te || yat | śaṃ | ca̱ | yoḥ | ca̱ | manu̍ḥ | ā̱'ye̱je | pi̱tā
tat | a̱śyā̱m | tava̍ | ru̱dra̱ | pra̱'nī̍tiṣu || a̱śyā̱ma̍ | te̱
su̱'ma̱tiṃ | de̱va̱'ya̱jyayā̍ | kṣa̱yat'vī̍rasya | tava̍ | ru̱dra̱ | mī̱ḍhva̱ḥ
su̱mna̱'yan | it | viśa̍ḥ | a̱smāka̍ṃ | ā | ca̱ra̱ | ari̍ṣṭa'vīrāḥ
juhu̱vāma̍ | te̱ | ha̱viḥ || tve̱ṣaṃ | va̱yaṃ | ru̱draṃ | ya̱jña̱'sādha̍ṃ
va̱ṅkuṃ | ka̱viṃ | ava̍se | ni | hva̱yā̱ma̱he̱ || ā̱re | a̱smat | daivya̍ṃ
heḷa̍ḥ | a̱sya̱tu̱ | su̱'ma̱tiṃ | it | va̱yaṃ | a̱sya̱ | ā | vṛ̱ṇī̱ma̱he̱
di̱vaḥ | va̱rā̱haṃ | a̱ru̱ṣaṃ | ka̱pa̱rdine̍ | tve̱ṣaṃ | rū̱paṃ | nama̍sā | ni
hva̱yā̱ma̱he̱ || haste̍ | bibhra̍t | bheṣa̱jā | vāryā̍ṇi | śarma̍ | varma̍
cha̱rdiḥ | a̱smabhya̍ṃ | ya̱ṃsa̱t