Samhitapadapatha 47

47.0

i̱daṃ | pi̱tre | ma̱rutā̍ṃ | u̱cyate̱
vaca̍ḥ | svā̱doḥ | svādī̍yaḥ | ru̱drāya̍ | vardha̍naṃ || rāsva̍ | ca̱ | na̱ḥ
a̱mṛ̱ta̱ | marta̍'bhojanaṃ | tmane̍ | to̱kāya̍ | tana̍yāya | mṛ̱ḷa || mā
na̱ḥ | ma̱hānta̍ṃ | u̱ta | mā | na̱ḥ | a̱rbha̱kaṃ | mā | na̱ḥ | u̱kṣanta̍ṃ | u̱ta
mā | na̱ḥ | u̱kṣi̱taṃ || mā | na̱ḥ | va̱dhī̱ḥ | pi̱tara̍ṃ | mā | u̱ta
mā̱tara̍ṃ | mā | na̱ḥ | pri̱yāḥ | ta̱nva̍ḥ | ru̱dra̱ | ri̱ri̱ṣa̱ḥ || mā | na̱ḥ
to̱ke | tana̍ye | mā | na̱ḥ | ā̱yau | mā | na̱ḥ | goṣu̍ | mā
na̱ḥ | aśve̍ṣu | rī̱ri̱ṣa̱ḥ | vī̱rān | mā | na̱ḥ | ru̱dra̱ | bhā̱mi̱taḥ
ba̱dhī̱ḥ | ha̱viṣma̍ntaḥ | sada̍ṃ | it | tvā̱ | ha̱vā̱ma̱he̱ || upa̍ | te̱
stomān̍ | pa̱śu̱pāḥ'i̍va | ā | a̱ka̱ra̱m | rāsva̍ | pi̱ta̱ḥ | ma̱rutā̍ṃ
su̱'mnaṃ | a̱sme iti̍ || bha̱drā | hi | te̱ | su̱'ma̱tiḥ | mṛ̱ḷaya̍tta̱mā
atha̍ | va̱yaṃ | ava̍ḥ | it | te̱ | vṛ̱ṇī̱ma̱he̱ || ā̱re | te̱ | go̱'ghnaṃ
u̱ta | pu̱ru̱ṣa̱'ghnaṃ | kṣaya̍t'vīra | su̱mnaṃ | a̱sme iti̍ | te̱ | a̱stu̱ || mṛ̱ḷa
ca̱ | na̱ḥ | adhi̍ | ca̱ | brū̱hi̱ | de̱va̱ | adha̍ | ca̱ | na̱ḥ | śarma̍ | ya̱ccha̱
dvi̱'ba̱rhāḥ || avo̍cāma | narmaḥ | a̱smai̱ | a̱va̱syava̍ḥ | śṛ̱ṇotu̍ | na̱ḥ
hava̍ṃ | ru̱draḥ | ma̱rutvā̍n