Pramāṇa · Search · About · API

Samhitapadapatha 48

Saṃhitāpadapāṭha 48

Language
Sanskrit

48.0

ci̱traṃ | de̱vānā̍ṃ | ud | aga̍t
anī̍kaṃ | cakṣu̍ḥ | mi̱trasya̍ | varu̍ṇasya | a̱gneḥ || ā | a̱prā̱ḥ | dyāvā̍pṛthi̱vī iti̍ | a̱ntari̍kṣaṃ | sūrya̍ḥ | ā̱tmā | jaga̍taḥ | ta̱sthuṣa̍ḥ | ca̱ | sūrya̍ḥ
de̱vīṃ | u̱ṣasa̍ṃ | roca̍mānāṃ | marya̍ḥ | na | yoṣā̍ṃ | a̱bhi | e̱ti̱
pa̱ścāt || yatra̍ | nara̍ḥ | de̱va̱'yaṃta̍ḥ | yu̱gāni̍ | vi̱'ta̱nvate̍ | prati̍
bha̱drāya̍ | bha̱draṃ || bha̱drāḥ | aśvā̍ḥ | ha̱rita̍ḥ | sūrya̍sya | ci̱trāḥ
eta̍gvāḥ | a̱nu̱'mādyā̍saḥ || nama̱syaṃta̍ḥ | di̱vaḥ | ā | pṛ̱ṣṭhaṃ | a̱sthu̱ḥ
pari̍ | dyāvā̍pṛthi̱vī iti̍ | ya̱ṃti̱ | sa̱dyaḥ || tat | sūrya̍sya | de̱va̱'tvaṃ
tat | ma̱hi̱'tvaṃ | ma̱dhyā | kartoṃḥ | vi'ta̍taṃ | saṃ | ja̱bhā̱ra̱ || ya̱dā
it | ayu̍kta | ha̱rita̍ḥ | sa̱dha'sthā̍t | āt | rātrī̍ | vāsa̍ḥ | ta̱nu̱te̱
si̱masmai̍ || tat | mi̱trasya̍ | varu̍ṇasya | a̱bhi̱'cakṣe̍ | sūrya̍ḥ | rū̱paṃ | kṛ̱ṇu̱te̱
dyoḥ | u̱pa'sthe̍ || a̱naṃta̍ṃ | a̱nyat | ruśa̍t | a̱sya̱ | pāja̍ḥ | kṛ̱ṣṇaṃ
a̱nyat | ha̱rita̍ḥ | saṃ | bha̍ra̱ṃti̱ || a̱dya | de̱vā̱ḥ | ud'i̍tā | sūrya̍sya
niḥ | aṃha̍saḥ | pi̱pṛ̱ta | niḥ | a̱va̱dyāt

48.8

7 || nāsa̍tyābhyāṃ
ba̱rhiḥ'i̍va | pra | vṛ̱ṃje̱ | stomān̍ | i̱ya̱rmi̱ | a̱bhriyā̍'iva | vāta̍ḥ
yau | arbhagāya | vi'madāya̍ | jā̱yāṃ | senā̍'juvā | ni'ū̍hatuḥ | rathe̍na
bī̱ḷupatma̍'bhiḥ | ā̱śuhema̍'bhiḥ | vā̱ | de̱vānā̍m̐ | vā̱ | jū̱ti'bhi̍ḥ | śaśva̍dānā || tat | rāsa̍bhaḥ | nāsa̍tyā | sa̱hasra̍m | ājā | ya̱masya̍ | pra̱'dhane̍
ji̱gāya̍ || tu̱graḥ | ha̱ | bhu̱jyuṃ | a̱śvi̱nā̱ | uda̍'me̱ghe | ra̱yiṃ | na | kaḥ
ci̱t | ma̱mṛ'vān | arva̍ | a̱hāḥ || taṃ | ū̱hathu̱ḥ | naubhi̍ḥ | ā̱tmanva̍tī̍bhiḥ | a̱ntari̍kṣaprut'bhiḥ | apa̍'udakābhiḥ || tisraḥ | kṣapa̍ḥ | triḥ
ahā̍ | a̱ti̱vraja̍t'bhiḥ | nāsa̍tyā | bhu̱jyuṃ | ū̱hathu̱ḥ | pa̱ta̱ṅgaiḥ
sa̱mu̱drasya̍ | dhanva̍n | ā̱rdrasya̍ | pā̱re | tri'bhi̍ḥ | rathai̍ḥ | śa̱tapa̍t'bhiḥ
ṣaṭ'a̍śvaiḥ || anā̍rambhaṇe | tat | a̱vī̱ye̱thā̱ṃ | a̱nā̱sthā̱ne | agra̍bhaṇe
sa̱mu̱dre || yat | a̱śvi̱nau̱ | ū̱hathu̍ḥ | bhu̱jyuṃ | asta̍m̐ | śa̱ta'a̍ritrāṃ
nāva̍ṃ | ā̱ta̱sthi'vāṃsa̍m

48.9

yaṃ | a̱śvi̱nā̱ | da̱dathu̍ḥ | śve̱taṃ | aśva̍ṃ
agha̍'aśvāya | śaśva̍t | it | sva̱sti || tat | vā̱ṃ | dā̱traṃ | ma̱hi
kī̱rtenya̍ṃ | bhū̱tu̱ | pai̱dvaḥ | vā̱jī | sada̍ḥ | it | havya̍ḥ | arya̍ḥ || yu̱vaṃ
narā̍ | stu̱va̱te | pa̱jriyāya̍ | ka̱kṣīva̍te | a̱rada̍taṃ | pura̍ṃ'dhiṃ
kā̱ro̱ta̱rāt | śaphā̍t | aśva̍sya | vṛṣṇa̍ḥ | śa̱taṃ | ku̱ṃbhān | a̱si̱ṃca̱taṃ
surā̍yāḥ || hi̱mene̍ | a̱gniṃ | ghra̱ṃsaṃ | a̱vā̱ra̱yethā̍ṃ | pi̱tu'matī̍ṃ
ūrja̍ṃ | a̱smai̱ | adha̍ttaṃ || ṛ̱bīse̍ | atri̍ṃ | a̱śvi̱nā̱ | ava̍'nītaṃ
un | ni̱nya̱thu̱ḥ | sarva̍'gaṇaṃ | sva̱sti || parā̍ | a̱vata̍ṃ | nāsa̍tyā
anu̍dethāṃ | u̱ccā'bu̍dhnaṃ | ca̱kra̱thu̱ḥ | ji̱hma'bā̍raṃ || kṣara̍n | āpa̍ḥ
na | pā̱yanā̍ya | rā̱ye | sa̱hasrā̍ya | tṛ̱ṣya̍te | gota̍masya || ju̱ju̱ruṣa̍ḥ
nāsa̍tyā | u̱ta | va̱vrīṃ | pra | a̱mu̱ṃca̱ta̱ṃ | dvāpi̍ṃ'iva | cyavā̍nāt
pra | a̱ti̱ra̱ta̱ṃ | ja̱hi̱tasya̍ | āyu̍ḥ | da̱srā̱ | āt | it | pati̍ṃ
a̱kṛ̱ṇu̱ta̱ṃ | ka̱nīnā̍ṃ

Linked texts (5)