Pramāṇa · Search · About · API

Samhitapadapatha 49

Saṃhitāpadapāṭha 49

Language
Sanskrit

49.0

tat | vā̱ṃ | narā̍ | śaṃsya̍ṃ | rā̱dhya̍ṃ
ca̱ | a̱bhi̱ṣṭi'mat̍ | nāsa̍tyā | va̱rūtha̍ṃ || yat | vi̱dvāṃsā̍
nidhi̍m'iva | apa̍'gūḷhaṃ | ut | da̱rśa̱tāt | ū̱pa̱thu̱ḥ | vaṃda̍nāya

49.10

sana̍ye | daṃsa̍ḥ | u̱gra̱ | āviḥ | kṛ̱ṇo̱mi̱ | ta̱nya̱tuḥ | na | vṛṣṭiṃ
da̱dhyaṅ | ha̱ | yat | madhu̍ | ā̱tha̱rva̱ṇaḥ | vā̱ṃ | aśva̍sya | śī̱rṣṇā
pra | yat | ī̱m | u̱vāca̍ | ajò̍havīt | nāsa̍tyā | ka̱rā | vā̱ṃ
ma̱he | yāma̍n | pu̱ru̱'bhu̱jā̱ | pura̍ṃdhiḥ || śrutaṃ | tat | śā̱suḥ'i̍va
va̱dhri̱'matyā̍ḥ | hira̍ṇya'hastaṃ | a̱śvi̱nau̱ | ada̍ttaṃ || āsna̍ḥ | vṛka̍sya
va̱rti̱kāṃ | a̱bhīke̍ | yu̱vaṃ | na̱rā̱ | nāsa̍tyā | a̱mu̱mu̱kta̱ṃ | u̱toiti̍
ka̱viṃ | pu̱ru̱'bhu̱jā̱ | yu̱vaṃ | ha̱ | kṛ̱pa̱māṇa̍ṃ | a̱kṛ̱ṇu̱ta̱ṃ | vi'cakṣai̍
cari̍traṃ | hi | veḥ'i̍va | acchè̍di | parṇaṃ | ājā | khela̍sya
pari̍'takmyāyāṃ || sa̱dyaḥ | jaṃghā̍ṃ | āya̍sīṃ | vi̱śpalā̍yai | dhane̍
hi̱te | sarta̍ve | prati̍ | adha̱tta̱ṃ

49.11

śa̱taṃ | me̱ṣān | vṛ̱kye̍
ca̱kṣa̱dāna̍ṃ | ṛ̱jra'a̍śvaṃ | taṃ | pi̱tā | aṃdhaṃ | ca̱kāra̍ || tasmai̍
akṣīiti̍ | nā̱sa̱tyā̱ | vi'cakṣai̍ | ā | adha̱tta̱ṃ | da̱srā̱ | bhi̱ṣajau̍
ana̍rvan || ā | vā̱ṃ | ratha̍ṃ | du̱hi̱tā | sūrya̍sya | kāśma̍'iva
ati̍ṣṭhat | arva̍tā | jaya̍ṃtī || viśve̍ | de̱vāḥ | anu̍ | a̱ma̱nya̱ṃta̱
hṛ̱t'bhi̍ḥ | saṃ | ūm̐iti̍ | śriyā | nāsa̍tyā | sa̱cethe̱iti̍ || yat
ayā̍taṃ | di̱vaḥ'dā̍sāya | va̱rtiḥ | bhara̍d'vājāya | a̱śvi̱nā̱
hayaṃta̍tā || re̱vat | u̱vāha̍ | saca̍naḥ | ratha̍ḥ | vā̱ṃ | vṛṣa̍bhaḥ | ca̱
śiṃśu̱māra̍ḥ | ca̱ | yu̱ktā || ra̱yiṃ | su̱'kṣa̱traṃ | su̱'apa̍tyaṃ | ā̱yuḥ
su̱'vīrya̍ṃ | nā̱sa̱tyā̱ | vaha̍ṃtā || ā | ja̱nhvā̱vīṃ | sa̱'ma̍nasā
upa̍ | vājai̍ḥ | triḥ | anha̍ḥ | bhāga̍ṃ | dadha̍tīṃ | a̱yā̱taṃ || pari̍'viṣṭaṃ
jāhū̱ṣaṃ | vi̱śvata̍ḥ | sīṃ | su̱'gebhi̍ḥ | nakta̍ṃ | ū̱ha̱thu̱ḥ | raja̍'bhiḥ
vi'bhi̱ṃdunā̍ | nāsa̍tyā | rathe̍na | vi | parva̍tān | a̱ja̱ra̱yūiti̍
a̱yā̱taṃ

49.12

eka̍syāḥ | vasto̍ḥ | ā̱vata̍ṃ | raṇāya | vaśa̍ṃ
a̱śvinā̍ | sa̱naye̍ | sa̱hasrā̍ || niḥ | a̱ha̱ta̱m | du̱cchunā̍ḥ | indra̍'vantā
pṛ̱thu'śra̍vasaḥ | vṛ̱ṣa̱ṇau̱ | arā̍tīḥ || śa̱rasya̍ | ci̱t | ā̱rcat'ka̱sya̍
a̱va̱tāt | ā | nī̱cāt | u̱ccā | ca̱kra̱thu̱ḥ | pāta̍ve | vā̱riti̍vāḥ
śa̱yave̍ | ci̱t | nā̱sa̱tyā̱ | śacī̍bhiḥ | ja̱su̱raye̍ | sta̱ryai̍ | pi̱pya̱thu̱ḥ
gām || ava̍syate | stu̱va̱te | kṛ̱ṣṇi̱yāya̍ | ṛ̱ju̱'yate̍ | nā̱sa̱tyā̱
śacī̍bhiḥ || pa̱śuṃ | na | naṣṭaṃ'i̍va | darśa̍nāya | vi̱ṣṇā̱pvāṃ | da̱da̱thu̱ḥ
vi̱śva̍kāya || daśa̍ | rātrī̍ḥ | a̱śvi̱nena̍ | nava̍ | dyūn | ave̍'naddhaṃ
śra̱thi̱taṃ | a̱p'su | a̱ntariti̍ || vi'dru̍taṃ | re̱bhaṃ | u̱da̱ni | pra'vṛ̍ktaṃ
ut | ni̱nya̱thu̱ḥ | soma̍ṃ'iva | sruveṇa̍ || pra | vā̱ṃ | daṃsā̍ṃsi | ā̱śvi̱nau
a̱vo̱ca̱ṃ | asya̍ | pati̍ḥ | syā̱ṃ | su̱'gava̍ḥ | su̱'vīra̍ḥ || uta | paśya̍n
a̱śnuvan | dī̱rghaṃ | āyu̍ḥ | asta̍ṃ'iva | it | ja̱ri̱māṇa̍ṃ | ja̱ga̱myā̱ṃ

49.13

madhva̍ḥ | soma̍sya | a̱śvi̱nā̱ | madāya̍ | pra̱tnaḥ | hotā̍ | ā
vi̱vā̱sa̱te̱ | vā̱ṃ | ba̱rhiṣma̍tī | rā̱tiḥ | vi'śri̍tā | gīḥ | i̱ṣā
yā̱ta̱ṃ | nā̱sa̱tyā̱ | upa̍ | vājai̍ḥ || yaḥ | vā̱ṃ | a̱śvi̱nā̱ | mana̍saḥ
javī̍yān | ratha̍ḥ | su̱'aśva̍ḥ | viśa̍ḥ | ā'jigā̍ti | yena̍
gaccha̍thaḥ | su̱'kṛta̍ḥ | du̱roṇaṃ | tena̍ | na̱rā̱ | va̱rtiḥ | a̱smabhya̍ṃ
yā̱ta̱ṃ || ṛṣi̍ | narā̍ | aṃha̍saḥ | pāṃca̍'janyaṃ | ṛ̱bīsā̍t | atri̍ṃ
mu̱ṃca̱thu̱ḥ | ga̱ṇena̍ || mi̱naṃtā̍ | dasyo̍ḥ | aśi̍vasya | mā̱yāḥ
anu̍'pūrvaṃ | vṛ̱ṣa̱ṇā̱ | co̱daya̍ntā || aśva̍ṃ | na | gū̱ḷhaṃ | a̱śvi̱nā̱
duḥ'evai̍ḥ | ṛṣi̍ṃ | narā̍ | vṛ̱ṣa̱ṇā̱ | re̱bhaṃ | a̱p'su || saṃ | taṃ
ri̱ṇī̱tha̱ḥ | vi'dru̍taṃ | daṃsa̍ḥ'bhiḥ | na | vā̱ṃ | ju̱rya̱ṃti̱ | pū̱rvyā
kṛ̱tāni̍ || su̱su̱pvāṃsa̍ṃ | na | niḥ'ṛ̍teḥ | u̱pa'sthe̍ | sūrye̍ | na
dasrā̍ | tama̍si | kṣiyaṃta̍ṃ || śubhe | ru̱kmaṃ | na | darśa̍taṃ | ni'khā̍taṃ
ut | ū̱pa̱thu̱ḥ | a̱śvi̱nā̱ | vaṃda̍nāya

Linked texts (3)