Samhitapadapatha 53.2

53.2

śrutaṃ | me̱ | mi̱trā̱varu̍ṇā
havā̍ | i̱mā | u̱ta | śruta̍ṃ | sada̍ne | vi̱śvata̍ḥ | sīṃ || śrotu̍ | na̱ḥ
śrotu̍'rātiḥ | su̱'śrotu̍ḥ | su̱'kṣetrā̍ | siṃdhu̍ḥ | a̱dbhiḥ || stu̱ṣe
sā | vā̱ṃ | va̱ru̱ṇa̱ | mitra̱ | rā̱tiḥ | gavā̍ṃ | śa̱tā | pṛ̱kṣa'yā̍meṣu
pa̱jre || śruta̍'rathe | pri̱ya'ra̍the | da̱dhā̱nāḥ | sa̱dyaḥ | pu̱ṣṭiṃ | ni'ru̍ṃdhānāsa̍ḥ
a̱gma̱n || a̱sya | stu̱ṣe | ma̱hi'ma̍ghasya | rādha̍ḥ | sacā̍ | sa̱nema̱
nahu̍ṣaḥ | su̱'vīrā̍ḥ || jana̍ḥ | yaḥ | pa̱jrebhya̍ḥ | vā̱jinī̍'vān
aśva̍'vataḥ | ra̱thina̍ḥ | ma̱hyaṃ | sū̱riḥ || jana̍ḥ | yaḥ | mi̱trā̱varu̍ṇau
a̱bhi̱'dhruk | apa̍ḥ | na | vā̱ṃ | su̱noti̍ | a̱kṣṇa̱yā̱'dhruk || sva̱yaṃ
saḥ | ya̱kṣmaṃ | hṛda̍ye | ni | dha̱tte̱ | ārpa̍ | yat | ī̱m | hotrā̍bhiḥ
ṛ̱ta̱'vā̍ || saḥ | vrādha̍taḥ | nahu̍ṣaḥ | daṃ'su̍jūtaḥ | śardha̍ḥ'taraḥ | nṛṇā̍ṃ
ga̱rta̱'śravā̍ḥ || vi̱sṛṣṭa̍'rātiḥ | yā̱ti̱ | vā̱ḷha'mṛ̱tvā̍ | viśvā̍su
pṛ̱tsu | sada̍ṃ | it | śūra̍ḥ