Samhitapadapatha 57

Saṃhitāpadapāṭha 57

Language: Sanskrit

57.0

stī̱rṇaṃ | ba̱rhiḥ | upa̍ | na̱ḥ | yā̱hi̱ | vī̱taye̍ | sa̱hasre̍ṇa
ni̱'yutā̍ | ni̱yutva̍te | śa̱tinī̍bhiḥ | ni̱yutva̍te | tubhya̍m | hi
pūrva̍'pītaye | de̱vāḥ | de̱vāya̍ | ye̱mi̱re | pra | te̱ | su̱tāsa̍ḥ
madhu̍'maṃtaḥ | a̱sthi̱ra̱n | madā̍ya | kratve̍ | a̱sthi̱ra̱n || tubhya̍m
a̱yaṃ | soma̍ḥ | pari̍'pūtaḥ | advi̍'bhiḥ | spārhā̍ | vasā̍naḥ
pari̍ | kośa̍ṃ | arṣa̍ti | śu̱krā | vasā̍naḥ | arṣa̍ti | tava̍
a̱yaṃ | bhā̱gaḥ | ā̱yuṣu̍ | soma̍ḥ | de̱veṣu̍ | hū̱ya̱te̱ | vaha̍ | vā̱yo̱iti̍
ni̱'yuta̍ḥ | yā̱hi̱ | a̱sma̱'yuḥ | juṣā̱ṇaḥ | yā̱hi̱ | a̱sma̱'yuḥ || ā
na̱ḥ | ni̱yud'bhi̍ḥ | śa̱tinī̍bhiḥ | a̱dhva̱raṃ | sa̱ha̱sriṇī̍bhiḥ | upa̍
yā̱hi̱ | vī̱taye̍ | vā̱yo̱iti̍ | ha̱vyāni̍ | vī̱taye̍

57.24

ṛ̱tviya̍ḥ
sa'ra̍śmiḥ | sūrye̍ | sacā̍ | a̱dhva̱ryu'bhi̍ḥ | bhara̍māṇāḥ | ayaṃsata
vā̱yo̱iti̍ | śu̱krāḥ | ayaṃsata || ā | vā̱ṃ | ratha̍ḥ | ni̱yutvā̍n
vakṣat | ava̍se | a̱bhi | prayām̐si | su'hi̍tāni | vī̱taye̍ | vāyo̱iti̍
ha̱vyāni̍ | vī̱taye̍ | piba̍taṃ | madhva̍ḥ | a̱ṃdhasa̍ḥ | pūrvva'peyaṃ | hi | vāṃ
hi̱taṃ | vāyo̱iti̍ | ā | caṃdreṇa | rādha̍sā | ā | ga̱taṃ | iṃdra̍ḥ | ca̱
rādha̍sā | ā | ga̱taṃ || ā | vāṃ | dhiya̍ḥ | va̱vṛ̱tyuḥ | a̱dhva̱rān | upa̍
i̱maṃ | iṃdu̍ṃ | ma̱mṛ̱ja̱ṃta̱ | vā̱jina̍ṃ | ā̱śuṃ | atya̍ṃ | na | vā̱ja̱naṃ || teṣā̍ṃ
piba̍taṃ | a̱sma̱yūitya̍sma̱'yū | ā | na̱ḥ | gataṃ | i̱ha | ū̱tyā || iṃdrevāyūiti̍
su̱tānā̍ṃ | adri̍'bhiḥ | yu̱vaṃ | madā̍ya | vā̱ja̱'dā | yu̱vaṃ

57.25

i̱me
vāṃ | somā̍ḥ | a̱pu'su̍ | ā | su̱tāḥ | i̱ha | a̱dhva̱ryu'bhi̍ḥ | bhara̍māṇāḥ
aya̍ṃsata | vāyo̱iti̍ | śu̱krāḥ | aya̍ṃsata | e̱te | vāṃ | a̱bhi
a̱sṛ̱kṣa̱ta̱ || tira̍ḥ | pa̱vitra̍ṃ | ā̱śava̍ḥ || yuvā̱'yava̍ḥ | ati̍
romā̍ṇi | a̱vyayā̍ | somā̍saḥ | ati̍ | a̱vyayā̍ || ati̍
vāyo̱iti̍ | sa̱sata̍ḥ | yā̱hi | śaśva̍taḥ | yatra̍ | grāvā̍ | vada̍ti
tatra̍ | ga̱cha̱taṃ | gṛ̱haṃ | iṃdra̍ḥ | ca̱ | ga̱cha̱taṃ || vi | sū̱nṛtā̍
dadṛ̍śe | rī̱yate̍ | ghṛ̱taṃ | ā | pū̱rṇayā̍ | ni̱'yutā̍ | yā̱tha̱ḥ | a̱dhva̱raṃ
iṃdra̍ḥ | ca̱ | yā̱tha̱ḥ | a̱dhva̱raṃ || atra̍ | aha̍ | tat | va̱hethe̱iti̍ | madhva̍ḥ
ā'hu̍tiṃ | yaṃ | a̱śva̱tthaṃ | upa̍'ti̱ṣṭhaṃta̍ | jā̱yava̍ḥ | a̱smeiti̍ | te
sa̱ṃtu̱ | jā̱yava̍ḥ || sāka̍ṃ | gāva̍ḥ | su̱vate̍ | pacya̍te | yava̍ḥ | na | te
vāyo̱iti̍ | upa̍ | da̱sya̱ṃti̱ | dhe̱nava̍ḥ | na | apa̍ | da̱sya̱ṃti̱ | dhe̱nava̍ḥ
i̱me | ye | te | su | vāyo̱iti̍ | bā̱hu'o̍jasaḥ | aṃta̍ḥ | narī̱iti̍
te | pataya̍ṃti | u̱kṣaṇa̍ḥ | ma̱hi | vrādha̍ṃtaḥ | u̱kṣaṇa̍ḥ || dhanva̍n | ci̱tu̱
ye | a̱nā̱śava̍ḥ | jī̱rāḥ | ci̱tu̱ | agi̍rā'okasaḥ || sūrya̍sya'iva
ra̱śmaya̍ḥ | du̱ḥ'niya̍ṃtavaḥ | hasta̍yoḥ | du̱ḥ'niya̍ṃtavaḥ

57.26

pra | su
jyeṣṭha̍ṃ | ni̱'virā̍bhyāṃ | bṛha̱t | nama̍ḥ | ha̱vyaṃ | ma̱ti | bha̱ra̱ta̱
mṛ̱ḷaya̱t'bhyā̍ṃ | svādi̍ṣṭhaṃ | mṛ̱ḷaya̱t'bhyā̍ṃ || tā | saṃ'rājā̍
ghṛ̱tāsu̍tī̱iti̍ghṛta'ā̍sutī | ya̱jñe'ya̍jñe | upa̍'sutā || atha̍ | e̱no̱ḥ
kṣatraṃ | na | kuta̍ḥ | ca̱na | ā̱'dhṛṣe̍ | de̱va̱'tvaṃ | nu | ci̱t | ā̱'dhṛṣe̍
ada̍rśi | gā̱tuḥ | u̱rave̍ | varī̍yasī | paṃthā̍ḥ | ṛ̱tasya̍ | saṃ | ayaṃsta
ra̱śmi'bhi̍ḥ || cakṣu̍ḥ | bhaga̍sya | ra̱śmi'bhi̍ḥ | dyu̱kṣaṃ | mi̱trasya̍ | sada̍naṃ
a̱rya̱mṇaḥ | varu̍ṇasya | ca̱ || atha̍ | da̱dhā̱te̱iti̍ | bṛ̱hat | u̱kthya̍ṃ | vaya̍ḥ
u̱pa̱'stutya̍ṃ | bṛ̱hat | vaya̍ḥ || jyoti̍ṣmatīṃ | adi̍tiṃ | dhā̱raya̍t'kṣitiṃ
sva̍ḥ'vatī̍ṃ | ā | sa̱ce̱te̱iti̍ | di̱ve'di̍ve | jāgṛ̱'vāṃsā̍ | di̱ve'di̍ve
jyoti̍ṣmat | kṣa̱traṃ | ā̱śā̱te̱iti̍ | ā̱di̱tyā | dā̱nu̍naḥ | patī̱iti̍
mi̱traḥ | tayo̍ḥ | varu̍ṇaḥ | yā̱ta̱yat'ja̍naḥ | a̱rya̱mā | yā̱ta̱yat'ja̍naḥ
a̱yaṃ | mi̱trāya̍ | varu̍ṇāya | śaṃ'ta̍maḥ | soma̍ḥ | bhū̱tu̱ | a̱va̱'pāne̍ṣu
ā̱'bhaga̍ḥ | de̱vaḥ | de̱veṣu̍ | ā̱'bhaga̍ḥ || taṃ | de̱vāsa̍ḥ | ju̱ṣe̱ra̱ta̱ | viśve̍
a̱dya | sa̱'jorṣa̍saḥ || tathā̍ | rā̱jānā̍ | ka̱ra̱tha̱ḥ | yat | īmahe | ṛ̱te'vā̱nā̱ | yat | īma̍he || yaḥ | mi̱trāya̍ | varu̍ṇāya | avidha̍t | jana̍ḥ
ana̱rvāṇa̍ṃ | taṃ | pari̍ | pa̱taḥ | a̍ṃhasaḥ | dā̱śvāṃsa̍ṃ | martai | a̍ṃhasaḥ || taṃ
a̱rya̱mā | a̱bhi | ra̱kṣa̱ti̱ | ṛ̱ju'yaṃta̍ṃ | anu̍ | vra̱taṃ || u̱kthaiḥ | yaḥ
e̱no̱ḥ | pari̍'bhūṣa̍ti | vra̱taṃ | stomai̍ḥ | ā̱'bhūṣa̍ti | vra̱taṃ || nama̍ḥ
di̱ve | bṛ̱ha̱te | roda̍sībhyāṃ | mi̱trāya̍ | vo̱ca̱ṃ | varu̍ṇāya | mī̱ḷhuṣe̍
su̱'mṛ̱ḷī̱kāya̍ | mī̱ḷhuṣe̍ || iṃdra̍ṃ | a̱gniṃ | upa̍ | stu̱hi̱ | dyu̱kṣaṃ | a̱rya̱maṇa̍ṃ
bhaga̍ṃ | jyok | jī̱vaṃta̍ḥ | pra̱'jayā̍ | sa̱ce̱ma̱hi̱ | soma̍sya | ū̱tī
sa̱ce̱ma̱hi̱ || ū̱tī | de̱vānā̍ṃ | va̱yaṃ | iṃdra̍'vaṃtaḥ | ma̱ṃsī̱mahi̍ | sva'rya̍śasaḥ
ma̱rut'bhi̍ḥ || a̱gniḥ | mi̱traḥ | varu̍ṇaḥ | śarma̍ | ya̱ṃsa̱n | tat | a̱śyā̱m
ma̱ghava̍ānaḥ | va̱yaṃ | ca̱

Linked texts (2)

Śākala — Sanskrit
Āśvalāyanasaṃhitā — Sanskrit