Samhitapadapatha 59
Saṃhitāpadapāṭha 59
- Language
- Sanskrit
59.1
hariḥ oṃ || su̱su̱ma | ā | yā̱ta̱ṃ | adri̍'bhiḥ | go'śrī̍tāḥ
ma̱tsa̱rāḥ | i̱me | somā̍saḥ | ma̱tsa̱rāḥ | i̱me || ā | rājā̍nā | di̱vi̱'spṛśā̍ | a̱sma'trā̍ | ga̱ṃta̱ṃ | upa̍ | na̱ḥ || i̱me | vā̱ṃ | mi̱trā̱varu̍ṇā
go'ā̍śiraḥ | somā̍ḥ | śu̱krāḥ | go'ā̍śiraḥ || i̱me | ā | yā̱ta̱ṃ
iṃda̍vaḥ | somā̍saḥ | da̱dhi̍'āśiraḥ || su̱tāsa̍ḥ | da̱dhi̍'āśiraḥ | u̱ta
vā̱ṃ | u̱ṣasa̍ḥ | bu̱dhau | sā̱kaṃ | sūryya̍sya | ra̱śmi'bhi̍ḥ || su̱taḥ
mi̱trāya̍ | varu̍ṇāya | pī̱taye̍ | cāru̍ḥ | ṛ̱tāya̍ | pī̱taye̍ || tāṃ
vā̱ṃ | dhe̱nuṃ | na | vā̱sa̱rīṃ | aṃśu̍ṃ | du̱ha̱ṃti̱ | adri̍'bhiḥ | soma̍ṃ
du̱ha̱ṃti̱ | adri̍'bhiḥ || a̱sma'trā̍ | ga̱ṃta̱ṃ | upa̍ | na̱ḥ | a̱rvācā̍
soma̍'pītaye || a̱yaṃ | vā̱ṃ | mi̱trā̱varu̍ṇā | nṛ'bhi̍ḥ || su̱taḥ | soma̍ḥ
ā | pī̱taye̍ | su̱taḥ
59.2
pra'pra̍ | pū̱ṣṇaḥ | tu̱vi̱'jā̱tasya̍
śa̱sya̱te̱ | ma̱hi'tvaṃ | a̱sya̱ | tava̍saḥ | na | ta̱ṃda̱te̱ | stotra̍ṃ
a̱sya̱ | na | ta̱ṃda̱te̱ || arcā̍mi | su̱mna'yan | a̱haṃ | aṃti̍'ūtiṃ
ma̱yaḥ'bhuva̍ṃ || viśva̍sya | yaḥ | mana̍ḥ | ā̱'yu̱yu̱ve | ma̱khaḥ | de̱vaḥ
ā̱'yu̱yu̱ve | ma̱khaḥ || pra | hi | tvā | pū̱ṣa̱n | a̱jira̍ṃ | na
yāme̍ni | stome̍bhiḥ | kṛ̱ṇve | ṛ̱ṇva̍ḥ | yatho̍ | mṛdha̍ḥ | u̱ṣṭra̍ḥ
na | pī̱pa̱raḥ | mṛdha̍ḥ || hu̱ve | yat | tvā̱ | ma̱yaḥ'bhuvai̍ | de̱vaṃ
sa̱khyāya̍ | martya̍ḥ || a̱smāka̍ṃ | a̱ṃgu̱ṣān | dyu̱mnina̍ḥ | kṛ̱dhi̱
vāje̍ṣu | dyu̱mnina̍ḥ | kṛ̱dhi̱ || yasya̍ | te̱ | pū̱ṣa̱n | sa̱khye
vi̱pa̱nyava̍ḥ | kratvā̍ | ci̱t | saṃta̍ḥ | ava̍sā | bu̱bhu̱ji̱re | iti̍
kratvā̍ | bu̱bhu̱ji̱re̱ || tāṃ | anu̍ | tvā̱ | navī̍yasīṃ | ni̱'yuta̍ṃ
rāya̍ḥ | ī̱ma̱he̱ || ahe̍ḷamānaḥ | u̱ru'śa̍ṃsa | sakhā̍ | bha̱va̱
vāje̍'vāje | sakhā̍ | bha̱va̱ | a̱syāḥ | ū̱rti | su | na̱ḥ | upa̍
sātaye̍ | bhu̱va̱ḥ || ahe̍ḷamānaḥ | rari̱'vān | aja̍'aśva | śrava̱syatā̍ṃ
aja̍'aśva || oha̍ti | su | tvā̱ | vṛ̱vṛ̱tī̱ma̱hi̱ | stome̍bhiḥ | da̱sma̱
sādhu'bhi̍ḥ || na̱hi | tvā̱ | pū̱ṣa̱n | ati̍'manye̍ | ā̱ghṛ̱ṇe̱ | na | te̱
sa̱khyaṃ | apa̍'huve
59.3
astu̍ | śrauṣa̍ṭ | pu̱raḥ | a̱gni | dhiyā̍
da̱dhe̱ | ā | nu | tat | śardha̍ḥ | di̱vyaṃ | vṛ̱ṇī̱ma̱he̱ | iṃdra̍vāyū̱iti̍
vṛ̱ṇī̱ma̱he̱ || yat | ha̱ | krāṇā | vi̱vasva̍ti | nābhā̍ | saṃ'dāyi̍
navya̍sī || adha̍ | pra | su | na̱ḥ | upa̍ | ya̱ṃtu̱ | dhī̱taya̍ḥ | de̱vān
accha̍ | na | dhī̱taya̍ḥ || yat | ha̱ | tyat | mi̱trā̱varu̍ṇau | ṛ̱tāt
adhi̍ | ā̱da̱dāthe̱ityā̍'dadāthe | anṛ̍taṃ | svena̍ | ma̱nyunā̍ || dakṣa̍sya
svena̍ | ma̱nyunā̍ || yu̱voḥ | i̱tthā | adhi̍ | sadhma̍'su | apa̍śẏāma
hira̍ṇyayaṃ | dhībhi̍ḥ | ca̱na | mana̍sā | svebhi̍ḥ | a̱kṣa'bhi̍ḥ | soma̍sya
svebhi̍ḥ | a̱kṣa'bhi̍ḥ || yu̱vāṃ | stome̍bhiḥ | de̱va̱'yaṃta̍ḥ | a̱śvinā̍
ā̱śra̱vayaṃta̍ḥ'iva | śloka̍ṃ | āyava̍ḥ | yu̱vāṃ | ha̱vyā | abhi | āyava̍ḥ
yu̱voḥ | viśvā̍ḥ | adhi̍ | śriya̍ḥ | pṛ̱kṣaḥ | ca̱ | vi̱śva've̍dasā
pṛ̱ṇa̱yaṃte̍ | vā̱ṃ | pa̱vaya̍ḥ | hira̍ṇyathe | rathe̍ | da̱srā̱ | hira̍ṇyaye
arceti̍ | da̱srā̱ | vi | ū̱rti | nāka̍ṃ | ṛ̱ṇva̱tha̱ḥ | yu̱ṃjate̍ | vā̱ṃ
ratha̍'yujaḥ | di̱vi̱ṣṭiṣu̍ | a̱dhva̱smāna̍ḥ | di̱vi̱ṣṭiṣu̍ || adhi̍ | vā̱ṃ
sthāma̍ | va̱ṃdhure̍ | rathe̍ | da̱srā̱ | hira̍ṇyaye || pathā̍'iva | yaṃtau̍
anu̍'śāsaṃtā | raja̍ḥ | aṃja̍sā | śāsaṃtā | raja̍ḥ || śacī̍bhiḥ | na̱ḥ
śacī̍vasū̱iti̍śacī'vasū | di̱vā | nakta̍ṃ | da̱śa̱syata̍ṃ | mā | vā̱ṃ
rā̱tiḥ | upa̍ | da̱sa̱t | ka̱dā | ca̱na | a̱smat | rā̱tiḥ | ka̱dā̍
cana
59.4
vṛṣan | iṃdra | vṛṣa̱'pānā̍saḥ | i̱daṃ'va̍ḥ | i̱me | su̱tāḥ
adri̍'sutāsaḥ | u̱t'u̱mi̱da̍ḥ | tubhya̍m | su̱tāsa̍ḥ | u̱t'u̱mi̱da̍ḥ || te
tvā̱ | ma̱ṃda̱ṃtu̱ | dā̱vane̍ | ma̱he | ci̱trāya̍ | rādha̍se || gīḥ'bhi̍ḥ
gī̱rvāha̍ḥ | stava̍mānaḥ | ā | gṛ̱hi̱ | su̱'mṛ̱ḷī̱kaḥ | na̱ḥ | ā | gṛ̱hi̱
oiti̍ | su | na̱ḥ | agne̱ | śṛ̱ṇu̱hi̱ | tvaṃ | ī̱ḷita̍ḥ | de̱vebhya̍ḥ
brū̱va̱si̱ | ya̱jñiye̍bhyaḥ | rāje̍'bhyaḥ | ya̱jñiye̍bhyaḥ || yat | ha̱ | tyāṃ
aṃgi̍raḥ'bhyaḥ | dhe̱nuṃ | de̱vāḥ | ada̍ttana || vi | tāṃ | du̱hre̱
a̱rya̱mā | ka̱rtarī̍ | sacā̍ | e̱ṣaḥ | tāṃ | ve̱d | me̱ | sacā̍
moiti̍ | su | va̱ḥ | a̱smat | a̱bhi | tāni̍ | pauṃsyā̍ | sano̍
bhū̱va̱n | dyu̱mnāni̍ | mā | u̱ta | ja̱āri̱ṣu̱ḥ | a̱smat | pu̱rā
u̱ta | jā̱ri̱ṣu̱ḥ || yat | va̱ḥ | ci̱traṃ | yu̱ge'yu̍ge | navya̍
ghoṣā̍t | ama̍rtya || a̱smāsu̍ | tat | ma̱ru̱ta̱ḥ | yat | ca̱
du̱stara̍ṃ | di̱dhṛ̱ta̱ | yat | ca̱ | du̱stara̍ṃ || da̱dhyaṅ | ha̱ | me̱
ja̱nuṣa̍m | pūrve̍ | aṅgira̍ḥ | priya̍'medhaḥ | ka̱ṇva̍ḥ | atri̍ḥ | manu̍ḥ
vi̱du̱ḥ | te | me̱ | pūrve̍ | manu̍ḥ | vi̱du̱ḥ || teṣā̍ṃ | de̱veṣu̍ | ā̱'ryati̍ḥ
a̱smāka̍ṃ | teṣu̍ | nābha̍yaḥ || teṣā̍ṃ | pa̱dena̍ | ma̱hi̱ | ā | na̱me̱
gi̱rā | iṃdrā̱gnīiti̍ | ā | na̱me̱ | gi̱rā || hotā̍ | ya̱kṣa̱t
va̱nina̍ḥ | vaṃta̍ | vārya̍ | bṛha̱spati̍ḥ | ya̱ja̱ti̱ | vena̍ḥ | u̱kṣa'bhi̍ḥ
pu̱ru̱'vā̱rebhi̍ḥ | u̱kṣa'bhi̍ḥ || ju̱gu̱bhra̱m | dū̱re'ā̍diśaṃ | śloke̍na | a̱dre̍ḥ
adha̍ | tmanā̍ || a̱dhā̱ra̱ya̱t | a̱rara̍ṃdā ne | su̱'kratu̍ḥ | pu̱ru | sadmā̍ni
su̱'kratu̍ḥ || ye | de̱vāsa̍ḥ | di̱vi | ekā̍daśa | stha | pṛ̱thi̱vyāṃ
adhi̍ | ekā̍daśa | stha || a̱psu'kṣi̱ta̍ḥ | ma̱hi̱nā | ekā̍daśa | stha
te | de̱vāsa̍ḥ | ya̱jñaṃ | i̱maṃ | ju̱ṣa̱dhvaṃ
59.5
vedi̍'sa̱de | priya̍'dhāmāya
su̱'dyute̍ | asi̍'iva | pra | bha̱ra̱ | yoni̍ṃ | a̱gnaye̍ || va̱streṇa̍'iva
vāsaya | manmanā | śuci̍ | jyotiḥ'rathaṃ | śukra'va̍rṇaṃ | tamaḥ'hana̍ṃ
a̱bhi | dvi̱'janmā̍ | tri̱'vṛta̍ṃ | anna̍ṃ | ṛ̱jya̱te̱ | sa̱ṃva̱tsa̱re | va̱vṛ̱dhe̱
ja̱gdhaṃ | ī̱miti̍ || puna̱riti̍ || a̱nyasya̍ | ā̱sā | ji̱hvayā̍ | jenya̍ḥ
vṛṣā̍ | ni | a̱nyena̍ | va̱nina̍ḥ | mṛ̱ṣṭa̱ | vā̱raṇa̍ḥ || kṛ̱ṣṇa'prutau̍
ve̱vi̱je̱iti̍ | asya̱ | sa̱'kṣitau̍ | u̱bhā | ta̱rete̱iti̍ | a̱bhi
mā̱tarā̍ | śiśu̍ṃ || prā̱cā'ji̍hvaṃ | dhva̱saya̍ntaṃ | tṛ̱ṣu̱'cyuta̍ṃ | ā
sā̱cya̍ṃ | ku̱rpaya̍ṃ | vardha̍naṃ | pi̱tuḥ || mu̱mu̱kṣva̍ḥ | marnave̍ | mā̱na̱va̱sya̱te̱
ra̱ghu̱'druva̍ḥ | kṛ̱ṣṇa'sī̍tāsaḥ | ū̱m̐iti̍ | juva̍ḥ || a̱sama̍nāḥ
a̱ji̱rāsa̍ḥ | ra̱ghu̱'syada̍ḥ | vāta̍'jūtāḥ | upa̍ | yu̱jya̱te̱ | ā̱śava̍ḥ
āt | a̱sya̱ | te | dhva̱saya̍ntaḥ | vṛthā̍ | ī̱ra̱te̱ | kṛ̱ṣṇaṃ | abhva̍ṃ
ma̱hiṃ | vapu̍ḥ | ka̱ri̱kra̱taḥ || yat | sī̍ṃ | ma̱hīṃ | avani̍ṃ | pra
a̱bhi | ma̱rmṛśa̍t | a̱bhi̱'śvasan̍ | sta̱naya̍n | eti̍ | narnadat
59.6
bhūṣanna̍ | na | yaḥ | ardhvi | ba̱bhrūṣu̍ | nannā̍te | vṛṣā̍'iva
patnī̍ḥ | a̱bhi | eti̍ | ro̱ruva̍t || o̱jāyamā̍naḥ | ta̱nva̍ḥ | ca̱
śu̱ṃbhate̱ | bhīmaḥ | na | śṛṃgā̍ | da̱vi̱dhāva̍ | du̱'dṛbhi̍ḥ | saḥ
sa̱ṃ'stira̍ḥ | vi̱'stira̍ḥ | saṃ | gṛ̱bhā̱ya̱ti̱ | jānan | eva | jā̱na̱tīḥ
nitya̍ḥ | ā | śaye̱ || puna̍: | vardha̍te̱ | api̍ | yaṃti̍ | de̱vya̍ṃ | a̱nyat
vapu̍ḥ | pi̱troḥ | kṛ̱ṇva̱te̱ | sacā̍ || taṃ | a̱gnuva̍ḥ | ke̱śinī̍ḥ
saṃ | hi | ra̱bhi̱re | ū̱rdhvāḥ | ta̱sthuḥ | ma̱sṛṇai̍ḥ | pra | āyave̍
puna̱riti̍ || tāsā̍ṃ | ja̱rāṃ | pra̱'muṃcan | eti̍ | narnadat | asu̍ṃ
para̍ṃ | ja̱naya̍n | jī̱vaṃ | astṛ̍taṃ || adhīvāsaṃ | pari̍ | mā̱tuḥ
ri̱ha̱n | aha̍ | tu̱vi̱'grebhi̍ḥ | satva̍'bhiḥ | yā̱ti̱ | vi | jraya̍ḥ || vaya̍ḥ
dadha̍t | pṛ̱tu̱'vatai̍ | re̱riha̍t | sa̱dā | anu̍ | śye̱nīṃ | sa̱ca̱te̱
varta̍niḥ | aha̍ || a̱smāka̍ṃ | a̱gne̱ | ma̱ghava̍t'su | dī̱di̱hi̱ | ardha̍
śvasī̍vān | vṛṣa̱bhaḥ | damū̍nāḥ || ava̍'asya | śiśu̍'matīḥ
adī̍deḥ | varma̍'iva | yut'su | pari̍'jarbhurāṇaḥ
59.7
idaṃ | agne̱
su'dhi̍taṃ | duḥ'dhi̍tāt | adhi̍ | priyāt | ū̱m̐ iti̍ | cit | manma̍naḥ
prerya̍ḥ | a̱stu̱ | te̱ || yat | te̱ | śu̱kraṃ | ta̱nva̍ḥ | roca̍te | śuci̍
tena̍ | a̱smabhya̍ṃ | vana̱se̱ | ratna̍ṃ | ā | tvaṃ || rathā̍ya | nāva̍ṃ | u̱ta
na̱ḥ | gṛ̱hāya̍ | nitya̍ṃ'aritrāṃ | pṛ̱tu'vatī̍ṃ | rā̱si̱ | a̱gne̱ || a̱smāka̍ṃ
vī̱rān | u̱ta | na̱ḥ | ma̱ghona̍ḥ | janā̍n | ca̱ | yā | pārayā̍t | śarma̍
yā | ca̱ || a̱bhi | na̱ḥ | a̱gne̱ | u̱kthaṃ | it | ju̱gu̱ryā̱t | dyāvā̍kṣāmā̍
siṃdha̍vaḥ | ca̱ | sva'gūrtāḥ || gavya̍ṃ | yavya̍ṃ | yaṃta̍ḥ | dī̱rghā | ahā̍
iṣa̍ṃ | vara̍ṃ | a̱ru̱ṇya̍ḥ | vara̍nta
59.8
baṭ | i̱tthā | tat | vapu̍ṣe
dhāyi̍ | darśa̍taṃ | de̱vasya̍ | bharga̍ḥ | saha̍saḥ | yata̍ḥ | jani̍ || yat
ī̱ṃ | upa̍ | hvara̍te | sādha̍te | ma̱tiḥ | ṛ̱tasya̍ | dhe̱nāḥ | a̱na̱yaṃta̱
sa̱'sruta̍ḥ || pṛkṣaḥ | vapu̍ḥ | pi̱tu'mān̍ | nitya̍ḥ | ā | śaye̍
dvi̱tīya̍ṃ | ā | sa̱pta'śi̍vāsu | mā̱tṛṣu̍ || tṛ̱tīya̍ṃ | a̱sya̱
vṛṣa̱bhasya̍ | doha̍se | daśa̍'pramatiṃ | ja̱naya̍ṃta | yoṣaṇa̍ḥ || niḥ
yat | ī̱ṃ | bu̱dhnāt | ma̱hi̱ṣasya̍ | varpa̍saḥ | īśā̍nāsaḥ | śava̍sā
kraṃta̍ | sū̱raya̍ḥ || yat | ī̱ṃ | anu̍ | pra̱'diva̍ḥ | madhva̍ḥ | ā'dhru̍ve
guhā̍ | saṃta̍ṃ | mā̱ta̱riśvā̍ | ma̱thāya̍ti || pra | yat | pi̱tuḥ | pa̱ra̱māt
nīyate̍ | pari̍ | ā | pṛ̱kṣudha̍ḥ | vī̱rudha̍ḥ | daṃ'su̍ | ro̱ha̱ti̱ || u̱bhā
yat | a̱sya̱ | janu̍ṣaṃ | yat | inva̍taḥ | āt | it | yavi̍ṣṭhaḥ
a̱bha̱va̱t | ghṛṇā̍ | śuci̍ḥ || āt | it | mā̱tṛḥ | ā | a̱vi̱śa̱t
yāsu̍ | ā | śuci̍ḥ | ahi̍ṃsyamānaḥ | u̱rvi̱yā | vi | va̱vṛ̱dhe̱ || anu̍
yat | pūrvā̍ḥ | aru̍hat | sa̱nā'juva̍ḥ | ni | navya̍sīṣu | ava̍rāsu
dhāva̍te
Linked texts (1)
- Śākala — Sanskrit