Samhitapadapatha 65: atha tṛtīyodhyāyaḥ
Saṃhitāpadapāṭha 65
- Language
- Sanskrit
atha tṛtīyodhyāyaḥ
65.1
hariḥ oṃ || vasu̱hūti̍ | ru̱drā | pu̱ru̱maṃtu̱hūti̱riti̍puru'maṃtū̍ | vṛ̱dhaṃtā̍
da̱śa̱syata̍ṃ | na̱ḥ | vṛ̱ṣaṇau̍ | a̱bhi̱ṣṭau || dasrā̍ | ha̱ | yat | rekṇa̍ḥ
au̱ca̱thyaḥ | vā̱ṃ | pra | yat | sa̱srāthe̱iti̍ | arka̍vābhiḥ | ū̱tī || kaḥ
vā̱ṃ | dā̱śa̱t | su̱'ma̱taye̍ | ca̱it | a̱syai | vasu̱iti̍ | yat | dhethe̱iti̍
nama̍sā | pa̱de | goḥ || ji̱gṛta̍ṃ | a̱smeiti̍ | ra̱vatī̍ḥ | pura̍ṃ'dhīḥ
kāma̍preṇe̱'iva̍ | mana̍sā | cara̍ṃtā || yu̱ktaḥ | ha̱ | yat | vā̱ṃ | tau̱gryāya̍
peru̍ḥ | vi | madhye̍ | arṇa̍saḥ | dhā̱yi | pa̱jraḥ || upa̍ | vā̱ṃ | arva̍ḥ
śara̱ṇaṃ | ga̱maya̱ṃ | śūra̍ḥ | na | ajm | pa̱taya̍t'bhiḥ | evai̍ḥ || upa̍'stutiḥ | au̱ca̱thyaṃ | u̱ru̱ṣye̱t | mā | māṃ | i̱meiti̍ | pa̱triṇī̱iti̍
vi | du̱gdhvāṃ || mā | māṃ | edha̍ḥ | darśa̍'tayaḥ | cit | dhā̱k | pra
yat | vā̱ṃ | ba̱ddhaḥ | tmani̍ | khādā̍ti | kṣāṃ || na | mā̱ | gara̱n | nadya̍ḥ
mā̱tṛ'ta̍māḥ | dāsā̍ | yat | ī̱m | su'sa̱ṃmubdha̍ṃ | ava̍'adhu̍ḥ || śira̍ḥ
yat | a̱sya̱ | trai̱tana̍ḥ | vi'takṣa̍t | sva̱yaṃ | dāsa̍ḥ | ura̍ḥ | aṃṃsau̍
api̍ | ghveti̍ghva || dīrgha'ta̍māḥ | mā̱ma̱te̱yaḥ | ju̱ju̱rvān | da̱śa̱me | yu̱ge
a̱pāṃ | artha̍ṃ | ya̱tīnā̍ṃ | bra̱hmā | bha̱va̱ti̱ | sā̱rathi̍ḥ
65.2
pra
dyāvā̍ | ya̱jñaiḥ | pṛ̱thi̱vīiti̍ | ṛ̱tu̱'vṛdhā̍ | ma̱hīiti̍ | stu̱ṣe̱
vi̱datheṣu̍ | pra'ce̍tasā || de̱vebhi̍ḥ | yeiti̍ | de̱vapu̍tre̱iti̍deva'pu̱tre
su̱'daṃsa̍sā || i̱tthā | dhiyā | vāryā̍ṇi | pra'bhū̱ṣa̱ta̱ḥ || u̱ta | ma̱nye̱
pi̱tuḥ | a̱druha̍ḥ | mana̍ḥ | mā̱tuḥ | ma̱hi | sva'ta̍vaḥ | tat | ha̱vīma̍'bhiḥ | su̱'reta̍sā | pi̱tarā̍ | bhūma̍ | ca̱kra̱tu̱ḥ | u̱ru | pra̱'jāyā̍ḥ
a̱mṛta̍m | varī̍ma'bhiḥ | te | sū̱nava̍ḥ | su̱'apa̍saḥ | su̱'daṃsa̍saḥ
ma̱hīiti̍ | ja̱jñuḥ | mā̱tarā̍ | pū̱rva'ci̍ttaye || sthā̱tuḥ | ca̱ | sa̱tyaṃ | jaga̍taḥ
ca̱ | dharma̍ṇi | pu̱trasya̍ | pā̱thaḥ | pa̱daṃ | adva̍yāvinaḥ || te | mā̱yina̍ḥ
ma̱mi̱re | su̱'prace̍tasaḥ | jā̱mīiti̍ | sa̱yonī̱iti̍sa̱'yonī̍ | mi̱thunā
saṃ'o̍kasā || navya̍ṃ'navyaṃ | taṃtu̍m | ā | ta̱nva̱te̱ | di̱vi | sa̱mu̱dre
a̱ntariti̍ | ka̱vaya̍ḥ | su̱'dī̱taya̍ḥ || tat | rādha̍ḥ | a̱dya | sa̱vi̱tuḥ
vare̍ṇyaṃ | va̱yaṃ | de̱vasya̍ | pra̱'sa̱ve | ma̱nā̱ma̱he || a̱smabhya̍ṃ
dyāvā̍pṛthi̱vīiti̍ | su̱'ce̱tunā̍ | ra̱yiṃ | dha̱ttaṃ | va̱su̱'maṃta̍ṃ | śa̱ta̱'gvina̍ṃ
65.3
teiti̍ | hi | dyāvā̍pṛthi̱vīiti̍ | vi̱śva'śa̍ṃbhuvā
ṛ̱tava̍rī̱ityū̱ta'va̍rī | raja̍saḥ | dhā̱raya̍tka̱vīiti̍dhā̱raya̍t'ka̱vī
su̱janma̍nī̱iti̍su̱'janma̍nī | dhi̱ṣaṇeiti̍ | aṃta̍ḥ | ī̱ya̱te̱ | de̱vaḥ | de̱vīiti̍
dharma̍ṇā | sūrya̍ḥ | śuci̍ḥ || u̱ru'vya̍casā | ma̱hi̱nīiti̍ | a̱saśca̍tā
pi̱tā | mā̱tā | ca̱ | bhuva̍nāni | ra̱kṣa̱ta̱ḥ || su̱dhṛṣṭa̍me̱iti̍su̱'dhṛṣṭa̍me
vapu̍ṣye̱iti̍ | na | roda̍sī̱iti̍ | pi̱tā | yat | sīṃ | a̱bhi | rū̱paiḥ
avā̍sayat || saḥ | vanhi̍ḥ | pu̱traḥ | pi̱troḥ | pa̱vitra̍'vān | pu̱nāti̍
dhīra̍ḥ | bhuva̍nāni | mā̱yayā̍ || dhe̱nuṃ | ca̱ | pṛśni̍ṃ | vṛ̱ṣa̱bhaṃ | su̱'reta̍saṃ
viśvāhā̍ | śu̱kraṃ | paya̍ḥ | a̱sya̱ | dhu̱kṣa̱ta̱ || a̱yaṃ | de̱vānā̍m̐ | a̱pasā̍m̐
apa̍ḥ'tamaḥ | yaḥ | ja̱jāna̍ | roda̍sī̱iti̍ | vi̱śva'śa̍ṃbhuvā || vi | yaḥ
ma̱me | raja̍sī̱iti̍ | su̱kratu̍'yayā̍ | a̱jare̍bhiḥ | skaṃbha̍nebhiḥ | saṃ
ā̱nṛ̱ce || teiti̍ | na̱ḥ | gṛ̱ṇā̱neiti̍ | ma̱hi̱nīiti̍ | ma̱hi | śrava̍ḥ
kṣatra̍ṃ | dyāvā̍pṛthi̱vīiti̍ | dhā̱sa̱tha̱ḥ | bṛ̱hat || yena̍ | a̱bhi | kṛ̱ṣṭīḥ
ta̱tanā̍ma | viśvāhā̍ | pa̱nāyya̍ṃ | oja̍ḥ | a̱smeiti̍ | saṃ | i̱nva̱ta̱ṃ
65.4
kiṃ | ū̱m̐iti̍ | śre̱ṣṭhaḥ | kiṃ | yavi̍ṣṭhaḥ | na̱ḥ | ā | a̱ja̱ga̱n | kiṃ
ī̱ya̱te̱ | dū̱tya̍ṃ | kat | yat | ū̱ci̱ma || na | ni̱ndima̍ | ca̱ma̱saṃ | yaḥ
mahā'kulaḥ | agne̍ | bhrāta̍ḥ | drurṇaḥ | it | bhūti̍ | ū̱dima̱ || eka̍m
ca̱ma̱saṃ | ca̱tura̍ḥ | kṛ̱ṇo̱tana̱ | tat | va̱ḥ | de̱vāḥ | abruvan | tat
va̱ḥ | ā | a̱ga̱m || saudhanvanāḥ | yadi̍ | eva | ka̱riṣyatha̍ | sākaṃ
de̱vaiḥ | ya̱jñiyā̍saḥ | bha̱vi̱ṣyatha̍ || a̱gniṃ | dū̱taṃ | prati̍ | yat | abra̍vītana
aśva̍ḥ | katvī̍ḥ | ratha̍ḥ | uta | i̱ha | katvī̍ḥ || dhe̱nuḥ | katvī̍
yu̱va̱śā | katvī̍ | dvā | tāni̍ | bhrāta̍ḥ | anu̍ | va̱ḥ | kṛ̱tvī | ā
i̱ma̱si̱ | ca̱kṛ̱'vāṃsa̍ḥ | ṛ̱bhava̍ḥ | tat | a̱pṛ̱ccha̱ta̱ | kaḥ | it | abhū̍t
yaḥ | syaḥ | dū̱taḥ | na̱ḥ | ā | aja̍gan || ya̱dā | ava̍'akhyat
ca̱ma̱sān | ca̱tura̍ḥ | kṛ̱tān | āt | it | tvaṣṭā̍ | gnāsu̍ | aṃta̍ḥ
ni | ā̱na̱je̱ || hanā̍ma | e̱nā̱n | iti̍ | tvaṣṭā̍ || yat | abra̍vīt
ca̱ma̱saṃ | ye | de̱va̱'pāna̍m | ani̍ndiṣuḥ || anyā̍ | nāmā̍ni | kṛ̱ṇva̱te̱
su̱te | sacā̍ | anyaiḥ | e̱nā̱n | ka̱nyā̍ | nāma̍'bhiḥ | spa̱ra̱t
65.5
iṃdra̍ḥ | harī̱iti̍ | yu̱yu̱je | a̱śvinā̍ | ratha̍m | bṛha̱spati̍ḥ | vi̱śva'rū̍pāṃ
upa̍ | āja̍t || ṛ̱bhuḥ | vi'bhvā̍ | vāja̍ḥ | de̱vān | aga̍cchata
su̱'apa̍saḥ | ya̱jñiya̍m | bhāgaṃ | ai̱ta̱na̱ || niḥ | carma̍ṇaḥ | gāṃ
a̱ri̱ṇī̱ta̱ | dhī̱ti'bhi̍ḥ | yā | jara̍ṃtā | yu̱va̱śā | tā | a̱kṛ̱ṇo̱tana̱
saudhanvanāḥ | aśvā̍t | aśva̍m | ata̍kṣata | yu̱ktvā | ratha̍m | upa̍
de̱vān | a̱yā̱ta̱na̱ || idaṃ | uda̱kaṃ | piba̍ta | iti̍ | abra̍vītana | ida̍ṃ
vā̱ | gha̱ | piba̍ta | mu̱ṃja'ne̱ja̍naṃ || saudhanvanāḥ | yadi̍ | tat | na'i̍va
harya̍tha | tṛ̱tīye̍ | gha̱ | sava̍ne | mā̱daya̍ādhvai || āpa̍ḥ | bhūyi̍ṣṭhāḥ | iti̍
eka̍ḥ | abra̍vīt | a̱gniḥ | bhūyi̍ṣṭhaḥ | iti̍ | anyaḥ | abra̍vīt
vadha̱ḥ'yatī̍m | ba̱hu'bhya̍ḥ | pra | eka̍ḥ | abra̍vīt | ṛ̱tā | vada̍ṃtaḥ
ca̱ma̱sān | a̱pi̱ṃśa̱ta̱ || śroṇā̍ṃ | eka̍ḥ | uda̱kaṃ | gāṃ | arva̍ | a̱ja̱ti̱
māṃsa̍ṃ | eka̍ḥ | pi̱ṃśa̱ti̱ | sū̱nayā̍ | ā'bhū̍taṃ || ā | ni̱'mruca̍ḥ
śakṛ̍t | eka̍ḥ | apa̍ | abha̍rat | kiṃ | svi̱t | pu̱trebhya̍ḥ
pi̱tarau̍ | upa̍ | ā̱va̱tu̱ḥ
65.6
u̱dvat'su̍ | a̱smai̱ | a̱kṛ̱ṇo̱ta̱na̱
tṛṇa̍ṃ | ni̱vat'su̍ | a̱paḥ | su̱'a̱pa̱syayā̍ | nara̍ḥ | ago̍hyasya
yat | aśa̍stana | gṛ̱he | tat | a̱dya | i̱daṃ | ṛ̱bhava̍ḥ | na
anu̍ | ga̱ccha̱ta̱ || saṃ'mīlya̍ | yat | bhuva̍nā | pari̍'asarpata | kva̍
svi̱t | tātyā̍ | pi̱tarā̍ | va̱ḥ | ā̱sa̱tu̱ḥ || aśa̍pata | yaḥ
ka̱rasa̍naṃ | va̱ḥ | ā'da̱de | yaḥ | pra | abra̍vīt | proiti̍ | tasmai̍
a̱bra̱vī̱ta̱na̱ || su̱su̱pvāṃsa̍ḥ | ṛ̱bhava̍ḥ | tat | a̱pṛ̱ccha̱ta̱ | ago̍hya
kaḥ | i̱daṃ | na̱ḥ | abū̍budhat || śvāna̍ṃ | ba̱staḥ | bo̱dha̱yi̱tāra̍ṃ
a̱bra̱vī̱t | sa̱ṃva̱tsa̱re | i̱daṃ | a̱dya | vi | akhyata || di̱vā
yā̱ṃti̱ | ma̱ruta̍ḥ | bhūmyā̍ | a̱gniḥ | a̱yaṃ | vāta̍ḥ | a̱ṃtari̍kṣeṇa
yā̱ti̱ || a̱d'bhiḥ | yā̱ti̱ | varu̍ṇaḥ | sa̱mu̱draiḥ | yu̱ṣmān
i̱chaṃta̍ḥ | śava̍saḥ | na̱pā̱ta̱ḥ
65.7
mā | na̱ḥ | mi̱traḥ | varu̍ṇaḥ
a̱rya̱mā | āyu̍ḥ | iṃdra̍ḥ | ṛ̱bhukṣā̍ḥ | ma̱ruta̍ḥ | pari̍ | khya̱n
yat | vā̱jina̍ḥ | de̱va'jā̍tasya | sapte̍ḥ | pra'va̱kṣyāma̍ḥ | vi̱dathe̍
vī̱ryā̍ṇi || yat | niḥ'nirjā̍ | rekṇa̍sā | prāvṛ̍tasya | rā̱tiṃ
gṛ̱bhī̱tāṃ | mu̱kha̱taḥ | naya̍ṃti || su̱'prāṅ | a̱jaḥ | memya̍t
vi̱śva'rū̍paḥ | iṃdrā̍pū̱ṣṇoḥ | pri̱yaṃ | api̍ | e̱ti̱ | pātha̍ḥ || e̱ṣaḥ
chāga̍ḥ | pu̱raḥ | aśve̍na | vā̱jinā̍ | pū̱ṣṇaḥ | bhā̱gaḥ | nī̱yate
vi̱śva'dai̍vyaḥ || a̱bhi'pri̱yaṃ | yat | pu̱ro̱ḷāśa̍ṃ | arva̍tā | tvaṣṭā̍
it | e̱na̱ṃ | sau̱śra̱va̱sāya̍ | jinva̍ti || yat | ha̱viṣya̍ṃ | ṛ̱tu̱'śaḥ
de̱va̱'yāna̍ṃ | triḥ | mānu̍ṣāḥ | pari̍ | aśva̍ṃ | naya̍ṃti || atra̍
pū̱ṣṇaḥ | pra̱tha̱maḥ | bhā̱gaḥ | e̱ti̱ | ya̱jñaṃ | de̱vebhya̍ḥ | prati̍'ve̱daya̍n
a̱jaḥ || hotā̍ | a̱dhva̱ryuḥ | ā'va̍yāḥ | a̱gni'īṃdha̍ḥ | grāva̱'grāma̍ḥḥ 4
u̱ta | śaṃsaṃtā̍ || su̱'vipra̍ḥ || tene̍ | ya̱jñena̍ | su̱'aṃskṛtaina | su̱'iṣṭena̍
vakṣa̍ṇāḥ | ā | pṛ̱ṇa̱dhva̱m
Linked texts (3)
- Śākala — Sanskrit
- Āśvalāyanasaṃhitā — Sanskrit
- Nitimanjari-dyadvivedin (ed. Sītārāma Jayarāma Jośī) — Sanskrit