Samhitapadapatha 68
Saṃhitāpadapāṭha 68
- Language
- Sanskrit
68.0
yat
aśvā̍ya | vāsa̍ḥ | u̱pa̱'stṛṇa̍nti | a̱dhī̱vāsa̍ṃ | yā | hira̍ṇyāni
a̱smai̱ || saṃ'dā̍naṃ | arva̍taṃ | pa̱ḍbīśa̍ṃ | pri̱yā | de̱veṣu̍ | ā | ya̱maya̍nti
yat | te̱ | sā̱de | maha̍sā | śū̱kṛta̍sya | pāṣṇyau̍ | vā̱ | kaśa̍yā
vā̱ | tu̱toda̍ || sru̱cā'i̍va | tā | ha̱viṣa̍ḥ | a̱dhva̱reṣu̍
68.10
brahma̍ṇā | sū̱dyā̱mi̱ || catu̍'triṃśat | vā̱jina̍ḥ | de̱va'ba̍ndhoḥ | vaṅkrī̍ḥ
aśva̍sya | sva'dhi̍tiḥ | saṃ | e̱ti̱ || acchi̍drā | gātrā̍ | va̱yunā̍
kṛ̱ṇo̱tu̱ | paru̍'paruḥ | anu̍'ghuṣya̍ | vi | śa̱sta̱ || eka̍ḥ | tvaṣṭu̍ḥ
aśva̍sya | vi̱'śa̱stā | dvā | ya̱ṃtārau̍ | bha̱va̱ta̱ḥ | tathau̍ | ṛtu̍ḥ
yā | te̱ | gātrā̍ṇāṃ | ṛ̱tu̱'thā | kṛ̱ṇomi̍ | tā'tā̍ | piṃḍā̍nāṃ
pra | ju̱ho̱mi̱ | a̱gnau || mā | tvā̱ | ta̱pa̱t | pri̱yaḥ | ā̱tmā
api̍'yaṃta̍ṃ | mā | sva'dhi̍tiḥ | ta̱nva̍ḥ | ā | ti̱ṣṭhi̱pa̱t
te̱ || mā | te̱ | gṛdhru̍ḥ | a̱vi̱'śa̱stā | a̱ti̱'hāya̍ | chi̱drā | gātrā̍ṇi
a̱sinā̍ | mithu̍ | ka̱riti̍kaḥ || na | vai | ū̱m̐iti̍ | e̱tat | mriyase
na | ri̱ṣyā̱si̱ | de̱vān | it | e̱ṣi̱ | pa̱thi'bhi̍ḥ | su̱'gebhi̍ḥ
harī̱iti̍ | te̱ | yuṃjā̍ | pṛṣa̍tī̱iti̍ | a̱bhū̱tāṃ | upa̍ | a̱sthā̱t
vā̱jī | dhu̱ri | rāsa̍bhasya || su̱'gavya̍ṃ | na̱ḥ | vā̱jī | su̱'aśvya̍ṃ | puṃsa̍ḥ
pu̱trān | u̱ta | vi̱śva'puṣa̍ṃ | ra̱yiṃ | a̱nā̱gāḥ'tvaṃ | na̱ḥ | adi̍tiḥ
kṛ̱ṇo̱tu̱ | kṣa̱traṃ | na̱ḥ | aśva̍ḥ | va̱na̱tā̱ṃ | ha̱viṣmā̍n
68.11
yat
akra̍ndaḥ | pra̱tha̱maṃ | jāya̍mānaḥ | ud'yan | sa̱mu̱drāt | u̱ta | vā̱
pu̱rī̱ṣāt || śye̱nasya̍ | pa̱kṣā | ha̱ri̱ṇasya̍ | bā̱hūiti̍ | u̱pa̱'stutya̍ṃ
mahi̍ | jā̱taṃ | te̱ | arva̍n || ya̱mena̍ | da̱ttaṃ | tri̱taḥ | e̱na̱ṃ | a̱yu̱na̱k
iṃdra̍ḥ | e̱na̱ṃ | pra̱tha̱maḥ | adhi̍ | a̱ti̱ṣṭha̱t || ga̱ṃdha̱rvaḥ | a̱sya̱
ra̱śanā̍ṃ | a̱gṛ̱bhṇā̱t | sūrā̍t | aśva̍ṃ | va̱sa̱va̱ḥ | ni̱ḥ | ata̱ṣṭa
asi̍ | ya̱maḥ | asi̍ | ā̱di̱tyaḥ | arva̍n | asi̍ | tri̱taḥ
guhye̍na | vra̱tena̍ || asi̍ | some̍na | sama̱yā̍ | vi'pṛ̍ktaḥ | ā̱huḥ
te̱ | trīṇi̍ | di̱vi | baṃdha̍nāni || trīṇi̍ | te̱ | ā̱hu̱ḥ | di̱vi
baṃdha̍nāni | trīṇi̍ | a̱p'su | trīṇi̍ | a̱ntariti̍ | sa̱mu̱dre
u̱ta'i̍va | me̱ | varu̍ṇaḥ | cha̱ntsi̱ | arva̍n | yatra̍ | te̱ | ā̱huḥ
pa̱ra̱maṃ | ja̱nitra̍ṃ || i̱mā | te̱ | vā̱ji̱n | a̱va̱'mā̱rja̍nāni | i̱mā
śa̱phānā̍ṃ | sa̱nitu̍ḥ | ni̱'dhānā̍ || atra̍ | te̱ | bha̱drāḥ | ra̱śa̱nāḥ
apa̍śyaṃ | ṛ̱tasya̍ | yāḥ | a̱bhi̱'rakṣa̍ṃti | go̱pāḥ
68.12
ā̱tmāna̍ṃ
te̱ | mana̍sā | ā̱rāt | a̱jā̱nāṃ | ava̍ḥ | di̱vā | pa̱taya̍ṃtaṃ
pa̱ta̱ṃgaṃ || śira̍ḥ | a̱pa̱śya̱ṃ | pa̱thi'bhi̍ḥ | su̱'gebhi̍ḥ | a̱re̱ṇu'bhi̍ḥ
jeha̍mānaṃ | pa̱tri || atra̍ | te̱ | rū̱paṃ | u̱tta̱maṃ | apa̍śyaṃ
jigī̍ṣamāṇaṃ | i̱ṣaḥ | ā | pa̱de | goḥ || ya̱dā | te̱ | martta̍ḥ
anu̍ | bhorgaṃ | āna̍ṭ | āt | it | grasi̍ṣṭhaḥ | oṣa̍dhīḥ
a̱jī̱ga̱riti̍ || anu̍ | tvā̱ | ratha̍ḥ | anu̍ | marya̍ḥ | a̱rva̱n | anu̍
gāva̍ḥ | anu̍ | bhaga̍ḥ | ka̱nīnā̍ṃ || anu̍ | vrātā̍saḥ | tava̍
sa̱khyaṃ | ī̱yuḥ | anu̍ | de̱vāḥ | ma̱mi̱re̱ | vī̱rya̍ṃ | te || hira̍ṇya'śṛṃgaḥ
aya̍ḥ | a̱sya̱ | pādā̍ḥ | mana̍ḥ'javāḥ | ava̍raḥ | iṃdra̍ḥ | ā̱sī̱t
de̱vāḥ | it | a̱sya̱ | ha̱viḥ'adya̍ṃ | ā̱ya̱n | yaḥ | arva̍ṃtaṃ
pra̱tha̱maḥ | adhi̍'atiṣṭha̱t || īrma̍'aṃtāsaḥ | sili̍ka'madhyamāsaḥ | saṃ
śūra̍ṇāsaḥ | di̱vyāsa̍ḥ | atyā̍ḥ || ha̱ṃsāḥ'i̍va | śreṇi̱'śaḥ | ya̱ta̱ṃte̱
yat | ākṣi̍ṣuḥ | di̱vyaṃ | ajma̍ṃ | aśvā̍ḥ
Linked texts (1)
- Āśvalāyanasaṃhitā — Sanskrit