Samhitapadapatha 69.19

69.19

upa̍ | hvaye̱ | su̱'dughā̍ṃ | dhe̱nuṃ | e̱tāṃ
su̱'hasta̍ḥ | go̱'dhuk | u̱ta | do̱ha̱tu̱ | e̱nām || śreṣṭha̍m | sa̱vaṃ
sa̱vi̱tā | sā̱vi̱ṣa̱t | na̱ḥ | a̱bhi'i̍ddhaḥ | gha̱rmaḥ | tat | ū̱m̐iti̍
su | pra | vo̱ca̱m || hiṅ'kṛṇvatī | va̱su̱'patnī̍ | vasū̍nām | va̱tsaṃ
i̱cchantī̍ | mana̍sā | a̱bhi | ā | a̱gā̱t || du̱hāṃ | a̱śvi'bhyā̍ṃ
paya̍ḥ | a̱ghnyā | i̱yaṃ | sā | va̱rdha̱tāṃ | ma̱ha̱te | saubha̍gāya
gauḥ | a̱mī̱me̱t | anu̍ | va̱tsaṃ | miṣa̍ntaṃ | mū̱rdhāna̍ṃ | hiṅ
a̱kṛ̱ṇo̱t | māta̍vai | ū̱m̐iti̍ || sṛkvā̍ṇaṃ | gha̱rmaṃ | a̱bhi | vā̱va̱śā̱nā
mimā̍ti | mā̱yuṃ | paya̍te | paya̍ḥ'bhiḥ || a̱yaṃ | saḥ | śi̱ṅkte
yena̍ | gauḥ | a̱bhi'vṛ̍tā | mimā̍ti | mā̱yuṃ | dhva̱sanau̍ | adhi̍
śri̱tā || sā | ci̱tti'bhi̍ḥ | ni | hi | ca̱kāra̍ | martyai | vi̱'dyut
bhava̍ntī | prati̍ | va̱vriṃ | auha̱t || ana̍t | śaye̍ | tu̱ra̱'gātu̍ | jī̱vaṃ
eja̍t | dhru̱vaṃ | madhye̍ | ā | pa̱styā̍nām || jī̱vaḥ | mṛ̱tasya̍ | carati
sva̱dhābhi̍ḥ | ama̍rtyaḥ | matrye̍na | sa̱'yoni̍ḥ