Samhitapadapatha 86

Saṃhitāpadapāṭha 86

Language: Sanskrit

86.0

i̱ya̱ttikā̍
śa̱ku̱ṃtikā̍ | sa̱kā | ja̱ghā̱sa̱ | te̱ | viṣa̍ṃ || soiti̍

86.0-2

triḥ | sa̱pta
vi̱ṣpu̱li̱ṃga̱kāḥ | viṣa̍sya | puṣya̍ṃ | a̱kṣa̱n || tāḥ

86.0-4

na̱vānā̍ṃ | na̱va̱tīnā̍ṃ | viṣa̍sya̍ | ropu̍ṣīṇāṃ || sarvā̍sāṃ | agra̍bhaṃ
nāma̍

triḥ | sa̱pta | ma̱yūrya̍ḥ | sa̱pta | svasā̍raḥ | a̱gruva̍ḥ || tāḥ
te̱ | viṣa̍ṃ | vi | ja̱bhri̱re̱ | u̱da̱kaṃ | ku̱ṃbhi̱nīḥ'i̍va || i̱yatta̱kaḥ
ku̱ṣu̱ṃbha̱kaḥ | taka̍ṃ | bhi̱na̱tti̱ | aśma̍nā̍ || tata̍ḥ | viṣa̍ṃ | pra | va̱vṛ̱te̱
pa̱rā̱cīḥ | anu̍ | sa̱ṃ'vata̍ḥ | ku̱ṣu̱ṃbha̱kaḥ | tat | a̱bra̱vī̱t | gi̱reḥ
pra̱'varta̍mānakaḥ || vṛści̍kasya | a̱ra̱saṃ | viṣa̍ṃ | a̱ra̱saṃ | vṛ̱ści̱ka̱ | te̱
viṣa̍ṃ

86.17

iti samāptaṃ prathamaṃmaṃḍalaṃ || tvaṃ | agne̍ | dyu'bhi̍ḥ | tvaṃ
ā̱śu̱śu̱kṣaṇi̍ḥ | tvaṃ | a̱t'bhyaḥ | tvaṃ | aśma̍naḥ | pari̍ || tvaṃ | vane̍bhyaḥ
tvaṃ | oṣa̍dhībhyaḥ | tvaṃ | nṛṇāṃ | nṛ̱'pa̱te̱ | jā̱ya̱se̱ | śuci̍ḥ || tava̍
agne̍ | ho̱traṃ | tava̍ | po̱traṃ | ṛ̱tviya̍ṃ | tava̍ | ne̱ṣṭraṃ | tvaṃ | a̱gni̱t
śru̱ta̱'ya̱taḥ || tava̍ | pra̱'śā̱straṃ | tvaṃ | a̱dhva̱ri̱'ya̱si̱ | bra̱hmā | ca̱
asi̍ | gṛ̱ha'pa̍tiḥ | ca̱ | na̱ḥ | dame̍ || tvaṃ | agne̍ | indra̍ḥ | vṛ̱ṣa̱bhaḥ
sa̱tāṃ | asi̍ | tvaṃ | viṣṇu̍ḥ | u̱ru'gā̱yaḥ | nama̱sya̍ḥ || tvaṃ | brahmā
ra̱yi̱'vit | brahmaṇaḥ | pa̱te̱ | tvaṃ | vi̱dha̱rtariti̍vi'dha̱rtaḥ | sa̱ca̱se̱
pura̍ṃ'dhyā || tvaṃ | agne̱ | rājā̍ | varu̍ṇaḥ | dhṛ̱ta'vra̍taḥ | tvaṃ | mi̱traḥ
bha̱va̱si̱ | da̱smaḥ | īḍya̍ḥ || tvaṃ | a̱rya̱mā | sa̱t'pa̍tiḥ | yasya̍ | sa̱ṃ'bhuja̍ṃ | tvaṃ | aṃśa̍ḥ | vi̱dathe̍ | de̱va̱ | bhā̱ja̱yuḥ || tvaṃ | agne̱ | tvaṣṭā̍
vi̱dha̱te | su̱'vīrya̍ṃ | tava̍ | gnāva̍ḥ | mi̱tra̱'ma̱ha̱ḥ | sa̱'jā̱tya̍ṃ || tvaṃ
ā̱śu'he̍mā | ra̱ri̱ṣe̱ | su̱'a̱śvya̍ṃ | tvaṃ | narāṃ | śardha̍ḥ | a̱si̱ | pu̱ru̱'vasu̍ḥ

86.18

tvaṃ | agne̍ | ru̱draḥ | asu̍raḥ | ma̱haḥ | di̱vaḥ
tvaṃ | śardha̍ḥ | māru̍taṃ | pṛ̱kṣaḥ | ī̱śi̱ṣe̱ || tvaṃ | vātai̍ḥ | a̱ru̱ṇaiḥ
yā̱si̱ | śa̱ṃ'gaya̍ḥ | tvaṃ | pū̱ṣā | vi̱dha̱taḥ | pā̱si̱ | nu | tmanā̍
tvaṃ | agne̱ | dravi̱ṇa̱ḥ'dāḥ | ara̍ṃ'kṛ̱te | tvaṃ | de̱vaḥ | sa̱vi̱tā | ra̱tna̱'dhāḥ | asi̍ || tvaṃ | bhaga̍ḥ | nṛ̱'pa̱te̱ | vasva̍ḥ | ī̱śi̱ṣe̱ | tvaṃ | pā̱yuḥ
dame̍ | yaḥ | te̱ | avidha̍t || tvāṃ | agne̱ | dame̍ | ā | vi̱śpati̍ṃ
viśa̍ḥ | tvāṃ | rājā̍naṃ | su̱'vi̱datra̍ṃ | ṛ̱ñja̱te̱ || tvaṃ | viśvā̍ni
su̱'anīka | pa̱tya̱se̱ | tvaṃ | sa̱hasrā̍ṇi | śa̱tā | daśa̍ | prati̍ || tvāṃ
agne̱ | pi̱tara̍ṃ | i̱ṣṭi'bhi̍ḥ | nara̍ḥ | tvāṃ | bhrātrā̍ya | śamyā̍ | ta̱nu̱'ruca̍ṃ || tvaṃ | pu̱traḥ | bha̱va̱si̱ | yaḥ | te̱ | avi̍dhat | tvaṃ | sakhā̍
su̱'śeva̍ḥ | pā̱si̱ | ā̱'dhṛṣa̍ḥ || tvaṃ | agne̱ | ṛ̱bhuḥ | ā̱ke | nama̱sya̍ḥ
tvaṃ | vāja̍sya | śru'mata̍ḥ | rā̱yaḥ | ī̱śi̱ṣe̱ || tvaṃ | vi | bhā̱si̱
anu̍ | dakṣi̍ | dā̱vane̍ | tvaṃ | vi̱'śi̍kṣuḥ | a̱si̱ | ya̱jñaṃ | ā̱'tani̍ḥ

86.19

tvaṃ | agne̱ | adi̍tiḥ | de̱va̱ | dā̱śuṣe̍ | tvaṃ | hotrā̍
bhāra̍tī | va̱rdha̱se̱ | gi̱rā || tvaṃ | iḷā̍ | śa̱ta'hi̍mā | asi̍ | dakṣa̍se
tvaṃ | vṛ̱tra̱'hā | va̱su̱'pa̱te̱ | sara̍svatī || tvaṃ | agne̱ | su̱'bhṛta̍ṃ | ut'taṃ | vaya̍ḥ | tava̍ | spārhaṃ | varṇai | ā | saṃ'dṛśaṃ | śriya̍ḥ || tvaṃ
vāje̍ | pra'tara̍ṇaḥ | bṛhan | a̱si̱ | tvaṃ | ra̱yiḥ | ba̱hu̱laḥ | vi̱śvata̍ḥ
pṛ̱thuḥ || tvāṃ | a̱gne̱ | ā̱di̱tyāsa̍ḥ | ā̱syaṃ | tvāṃ | ji̱hvāṃ | śuca̍yaḥ
ca̱kri̱re̱ | ka̱ve̱ || tvāṃ | rā̱ti̱'sāca̍ḥ | a̱dhva̱reṣu̍ | sa̱ści̱re | tve'ti̍
de̱vāḥ | ha̱viḥ | a̱da̱nti̱ | ā'hu̍taṃ || tve'ti̍ | a̱gne̱ | viśve̍ | a̱mṛtā̍saḥ | a̱druha̍ḥ | ā̱sā | de̱vāḥ | ha̱viḥ | a̱da̱nti̱ | ā'hu̍taṃ
tvayā̍ | marjāsaḥ | sva̱da̱nte̱ | ā'su̍tiṃ | tvaṃ | garbhaḥ | vī̱rudhā̍ṃ
ja̱jñiṣe̱ | śuci̍ḥ || tvaṃ | tān | saṃ | ca̱ | prati̍ | ca̱ | a̱si̱
ma̱jmanā̍ | a̱gne̱ | su̱'jā̱t | pra | ca̱ | de̱va̱ | ri̱cya̱se̱ || pṛ̱kṣaḥ | yat
atra̍ | ma̱hi̱nā | vi | te̱ | bhuve̍t | anu̍ | dyāvā̍pṛthi̱vī'iti̍ | roda̍sī̱'iti̍ | u̱bhe'iti̍ || ye | sto̱tṛ'bhya̍ḥ | go'gryā̍ṃ | aśva̍'pèśasaṃ
a̱gne̱ | rā̱tiṃ | upa̍'sṛ̱jaṃti̍ | sū̱raya̍ḥ || a̱smān | ca̱ | tān | ca̱
pra | hi | neṣi̍ | vasya̍ḥ | ā || bṛha̱t | va̱de̱ma̱ | vi̱dathe̍ | su̱'vīrā̍ḥ

86.20

ya̱jñena̍ | va̱rdhata̍ | jā̱ta've̍dasaṃ | a̱gniṃ | ya̱ja̱dhva̍ṃ
ha̱viṣā̍ | tanā̍ | gi̱rā || saṃ'idhā̱naṃ | su̱'praya̍saṃ | sva̍ḥ'naraṃ | śu̱kṣaṃ
hotā̍raṃ | vṛ̱jane̍ṣu | dhūḥ'sada̍ṃ || a̱bhi | tvā̱ | naktī̍ḥ | u̱ṣasa̍ḥ
va̱vā̱śi̱re̱ | agne̍ | va̱tsaṃ | na | svasa̍reṣu | dhe̱nava̍ḥ || di̱vaḥ'i̍va | it
a̱ra̱tiḥ | mānu̍ṣā | yu̱gā | ā | kṣapa̍ḥ | bhā̱si̱ | pu̱ru̱'vāra̱ | saṃ'yata̍ḥ || taṃ | de̱vāḥ | bu̱dhne | raja̍saḥ | su̱'daṃsa̍saṃ | di̱vaḥpṛ̍thi̱vyoḥ
a̱ra̱tiṃ | ni e̱ri̱re̱ || ratha̍ṃ'iva | ve̱dya̍ṃ | śu̱kra'śau̍ciṣaṃ | a̱gniṃ | mi̱traṃ
na | kṣiti̱ṣu | pra̱'śaṃsya̍ṃ || taṃ | u̱kṣmāṇa̍ṃ | raja̍si | sve | ā | da̱me̍
ca̱ṃdraṃ'i̍va | su̱'ruca̍ṃ | hvā̱re | ā | da̱dhuḥ || pṛ̱śnyā̍ḥ | pa̱tara̍ṃ | cita̱yaṃta̍ṃ | u̱kṣa'bhi̍ḥ | pā̱thaḥ | na | pā̱yuṃ | jane̍sī̱'iti̍ | u̱bhe'iti̍ | anu̍
saḥ | hotā̍ | viśśva̍ṃ | pari̍ | bhū̱tu̱ | a̱dhva̱raṃ | taṃ | ūm̐iti̍ | ha̱vyaiḥ
manuṣaḥ | ṛñjate | girā || hari̍'śipraḥ | vṛṣa̱sānāsu̍ | jarbhu̱rat
dyauḥ | na | stṛ'bhi̍iḥ | ci̱tayat | roda̍sī̱iti̍ | bhānu̍

86.21

saḥ
na̱ḥ | re̱vat | saṃ'i̱dhānaḥ | sva̱staye̍ | saṃ'da̱dasvān | ra̱yiṃ | a̱smāsu̍
dī̱di̱hi̱ || ā | na̱ḥ | kṛ̱ṇu̱ṣva̱ | su̱vi̱tāya̍ | roda̍sī̱iti̍ | agne̍ | ha̱vyā
manu̍ṣaḥ | de̱va̱ | vī̱taye̍ || dāḥ | na̱ḥ | agne̍ | bṛ̱hataḥ | dāḥ | sa̱ha̱sriṇa̍ḥ
dura̍ḥ | na̱ | vāja̍ṃ | śru̱tyai̍ | apa̍ | vṛ̱dhi̱ || prācī̱iti̍ | dyāvā̍pṛthi̱vīiti̍ | brahma̍ṇā | kṛ̱dhi̱ | sva̍ḥ | na | śu̱kraṃ | u̱ṣasa̍ḥ | vi | di̱dyu̱tuḥ
saḥ | i̱dhānaḥ | u̱ṣasa̍ḥ | rāmyā̍ḥ | anu̍ | sva̍ḥ | na | dī̱de̱t | a̱ru̱ṣeṇa̍
bhā̱nunā̍ || hotā̍bhiḥ | a̱gniḥ | manu̍ṣaḥ | su'a̍dhva̱raḥ | rājā̍ | vi̱śāṃ
ati̍thiḥ | cāru̍ḥ | āyavè || e̱va | na̱ḥ | agne̱ | a̱mṛte̍ṣu | pu̱rvya
dhīḥ | pī̱pāya̍ | bṛ̱hat'di̍veṣu | mānu̍ṣā | duhā̍nā | dhe̱nuḥ | vṛ̱jane̍ṣu
kārave̍ | tmanā̍ | śa̱tina̍ṃ | pu̱ru̱'rū̱paṃ | iṣaṇi̍ || va̱yaṃ | agne̍ | arva̍tā
vā̱ | su̱'vīrya̍ṃ | brahma̍ṇā | vā̱ | ci̱taye̍ma | janā̍n | ati̍ | a̱smāka̍ṃ
dyu̱mnaṃ | adhi̍ | paṃca̍ | kṛ̱ṣṭiṣu̍ | u̱ccā | sva̍ḥ | na | śu̱śu̱cīta̱ | du̱stara̍ṃ
saḥ | na̱ḥ | bo̱dhi̱ | sa̱ha̱sya̱ | pra̱'śaṃsya̍ḥ | yasmi̍n | su̱'jā̱tāḥ
i̱ṣaya̍ṃta | sū̱raya̍ḥ || yaṃ | agne̱ | ya̱jñaṃ | upa̍'ya̍ti | vā̱jina̍ṃ | ni̱tye̍
to̱ke | dī̱di̱'vāṃsa̍ṃ | sve | dame̍ || u̱bhayā̍saḥ | jā̱ta̱'ve̱da̱ḥ | syā̱ma̱
te | sto̱tāra̍ḥ | agne̱ | sū̱raya̍ḥ | ca̱ | śarma̍ṇi || vasva̍ḥ | rā̱yaḥ
pu̱ru̱'caṃdrasya̍ | bhūya̍saḥ | pra̱jā'va̍taḥ | su̱'apa̱tyasya̍ | śa̱gdhi̱ | na̱ḥ

86.22

saṃ'i̍ddhaḥ | a̱gniḥ | ni'hi̍taḥ | pṛ̱thi̱vyāṃ | pratyaṅ
viśvā̍ni | bhuva̍nāni | a̱sthā̱t || hotā̍ | pā̱vakaḥ | pra̱'diva̍ḥ | su̱'me̱dhāḥ | de̱vaḥ | de̱vān | ya̱ja̱tu̱ | a̱gniḥ | arhan || narā̱śaṃsa̍ḥ | prati̍
dhāmā̍ni | aṃjan | ti̱sraḥ | diva̍ḥ | prati̍ | ma̱hnā | su̱'a̱rciḥ || ghṛ̱ta̱'pruṣa̍ | mana̍sā | ha̱vyaṃ | u̱ṃdan | mū̱rdhan | ya̱jñasya̍ | saṃ | a̱na̱ktu̱
de̱vān || ī̱ḷita̍ḥ | agne̱ | mana̍sā | na̱ḥ | arhan̍ | de̱vān | yakṣi̍
mānu̍ṣāt | pūrva̍ḥ | a̱dya || saḥ | ā | va̱ha̱ | ma̱rutā̍ṃ | śardha̍ḥ
acyu̍taṃ | iṃdra̍ṃ | na̱ra̱ḥ | ba̱rhi̱'sada̍ṃ | ya̱ja̱dhva̱ṃ || de̱vaṃ | ba̱rhiḥ | vardha̍mānaṃ
su̱'vīrai̍ | stī̱rṇaṃ | rā̱ye | su̱'bhara̍ṃ | vedī̱iti̍ | a̱syāṃ || ghṛ̱tena̍
a̱ktaṃ | va̱sava̱ḥ | sīda̍ta | i̱daṃ | viśve̍ | de̱vāḥ | ā̱di̱tyāḥ | ya̱jñiyā̍saḥ || vi | śraya̱tā̱ṃ | u̱rviyā | hūyamā̍nāḥ | dvāra̍ḥ | de̱vīḥ | su̱pra̱'aya̍nāḥ | nama̍ḥ'bhiḥ || vyaca̍svatīḥ | vi | pra̱tha̱tā̱ṃ | ajuryā̍ḥ | varṇe̍
pu̱nā̱nāḥ | yaśa̍saṃ | su̱'vīrai̍

86.23

sā̱dhu | apā̍ṃsi | sa̱natā̍ | na̱ḥ
u̱kṣi̱teiti̍ | u̱ṣasā̱naktā̍ | vyaye̍'iva | ra̱ṇvi̱teiti̍ || taṃtu̍ṃ | ta̱taṃ
sa̱ṃvaya̍tī̱iti̍sa̱ṃ'vaya̍tī | sa̱mīcī̱iti̍sa̱ṃ'īcī̍ | ya̱jñasya̍ | peśa̍ḥ | su̱dughe̱iti̍su̱'dughe̍ | paya̍svatī̱iti̍ || daivyā̍ | hotā̍rā | pra̱tha̱mā | vi̱duḥ'ta̍rā
ṛ̱ju | ya̱kṣa̱ta̱ḥ | saṃ | ṛ̱cā | vapu̍ḥ'ta̍rā || de̱vān | yaja̍ṃtau | ṛ̱tu̱'thā
saṃ | a̱ṃja̱ta̱ḥ | nābhā̍ | pṛ̱thi̱vyāḥ | adhi̍ | sānu̍ṣu | tri̱ṣu || sara̍svatī
sādhaya̍ntī | dhiya̍ṃ | na̱ḥ | iḷā̍ | de̱vī | bhāra̍tī | vi̱śva'tū̍rtiḥ
ti̱sraḥ | de̱vīḥ | sva̱dhayā̍ | ba̱rhiḥ | ā | i̱daṃ | acchi̍draṃ | pā̱ṃtu̱
śara̱ṇaṃ | niḥ'sadha̍ṃ || piśaṃga̍'rūpaḥ | su̱'bhara̍ḥ | va̱ya̱ḥ'dhāḥ | śru̱ṣṭī
vīra̍ḥ | jā̱ya̱te̱ | de̱va̱'kāma̍ḥ || pra̱'jāṃ | tvaṣṭa̍ḥ | vi | sya̱tu̱ | nābhi̍ṃ
a̱smeiti̍ | artha̍ṃ | de̱vānā̍ṃ | api̍ | e̱tu̱ | pātha̍ḥ || vana̱spati̍ḥ | ava̍'sṛ̱jan | upa̍ | sthā̱t | a̱gniḥ | ha̱viḥ | sū̱daya̍ti | pra | dhī̱bhiḥ || tri̱dhā
saṃ'a̍ktaṃ | naya̱tu̱ | pra̱'jānan | de̱vebhya̍ḥ | daivya̍ḥ | śa̱mitā | upa̍
ha̱vyaṃ || ghṛ̱taṃ | mi̱mi̱kṣe̱ | ghṛ̱taṃ | a̱sya̱ | yoni̍ḥ | ghṛ̱te | śri̱taḥ | ghṛ̱taṃ
ū̱m̐iti̍ | a̱sya̱ | dhāma̍ | anu̱'sva̱dhaṃ | ā | va̱ha̱ | mā̱daya̍sva | svāhā̍'kṛtaṃ | vṛṣa̱bha̱ | vakṣi̍ | ha̱vyaṃ

86.24

hu̱ve | va̱ḥ | su̱'dyotmā̍naṃ | su̱'vṛ̱ktiṃ | vi̱śāṃ | a̱gniṃ | ati̍thiṃ | su̱'praya̍saṃ || mi̱traḥ'i̍va | yaḥ
di̱dhi̱ṣāyya̍ḥ | bhūt | de̱vaḥ | ā'de̍ve | jane̍ | jā̱ta've̍dāḥ || imaṃ
vidha̍ṃtaḥ | a̱pāṃ | sa̱dha'sthe̍ | dvi̱tā | ada̍dhuḥ | bhṛga̍vaḥ | vi̱kṣu | āyoḥ
e̱ṣaḥ | viśvā̍ni | a̱bhi | a̱stu̱ | bhūma̍ | de̱vānā̍ṃ | a̱gniḥ | a̱ra̱tiḥ
jī̱ra'a̍śvaḥ || a̱gniṃ | de̱vāsa̍ḥ | mānu̍ṣīṣu | vi̱kṣu | pri̱yaṃ | dhu̱ḥ
kṣe̱pyaṃta̍ḥ | na | mi̱traṃ || saḥ | dī̱dya̱t | u̱śa̱tīḥ | ū̱rmyā̍ḥ | ā
da̱kṣāyya̍ḥ | yaḥ | dāsva̍te | dame̍ | ā || a̱sya | ra̱ṇvā | sva̱sya̍'iva
pu̱ṣṭiḥ | saṃ'dṛ̍ṣṭiḥ | a̱sya̱ | hi̱yānasya̍ | dhakṣo̍ḥ || vi | yaḥ | bhari̍bhrat | oṣa̍dhīṣu | ji̱hvāṃ | aye̍ḥ | na | rathya̍ḥ | do̱dhravī̱ti̱ | vārā̍n
ā | yat | me̱ | abhva̍ṃ | va̱nada̍ḥ | pane̍taḥ | u̱śik'bhya̍ḥ | na | a̱mimīta̱ | varṇa̍ṃ || saḥ | citreṇa̍ | ci̱ki̱te̱ | raṃ'su̍ | bhā̱sā | ju̱ju̱rvān
yaḥ | muhu̍ḥ | ā | yuvā̍ | bhūt

86.25

ā | yaḥ | vanā̍ | tṛ̱ṣā̱ṇaḥ
na | bhāti̍ | vāḥ | na | pṛthā | rathyā̍'iva | svā̱nīt || kṛ̱ṣṇa'a̍dhvā | tapu̍ḥ | ra̱ṇvaḥ | ci̱ke̱te̱ | dyauḥ'i̍va | smaya̍mānaḥ | nabha̍ḥ'bhiḥ
saḥ | yaḥ | vi | asthā̍t | a̱bhi | dhakṣa̍t | u̱rvī | pa̱śuḥ | na
e̱ti̱ | sva̱'yuḥ | ago̍pāḥ || a̱gniḥ | śo̱ciṣmā̍n | a̱tsā̱ri̱n
u̱ṣṇan | kṛ̱ṣṇa'vya̍thiḥ | a̱sva̱daya̍t | na | bhūma̍ || nu | te̱ | pūrva̍sya
ava̍saḥ | adhi̍'itau | tṛ̱tīye̍ | vi̱dathe̍ | manma̍ | śaṃsi̱ | a̱sme'i̍ti | agne̍
sa̱ṃyat'vī̍raṃ | bṛ̱haṃta̍ṃ | kṣu̱'maṃta̍ṃ | vāja̍ṃ | su̱'apa̱tyaṃ | ra̱yiṃ | dā̱ḥ | tvayā̍
yathā̍ | gṛ̱tsa̱'ma̱dāsa̍ḥ | agne̍ | guhā̍ | vanva̍ṃtaḥ | u̱parān | a̱bhi | syuḥrati̱syuḥ || su̱'vīrā̍ṃsaḥ | a̱bhi̱mā̱ti̱'saha̍ḥ | syat | sū̱ri'bhya̍ḥ | gṛ̱ṇa̱te
tat | vaya̍ḥ | dhāḥ

86.26

hotā̍ | a̱ja̱ni̱ṣṭa̱ | ceta̍naḥ | pi̱tā
pi̱tṛ'bhya̍ḥ | ū̱taye̍ || pra̱'yakṣa̍n | jenya̍ṃ | vasu̍ | śa̱kema̍ | vā̱jina̍ṃḥ
yama̍ṃ || ā | yasmi̍n | sa̱pta | ra̱śmaya̍ḥ | ta̱tāḥ | ya̱jñasya̍ | ne̱tari̍
ma̱nu̱ṣvat | daivya̍ṃ | a̱ṣṭama̍ṃ | potā̍ | viśva̍ṃ | tat | inva̱ti̱ || dadhanve
ghā | yat | ī̱m | anu̍ | voca̍t | brahmā̍ṇi | veḥ | ū̱m̐iti̍ | tat | pari̍
viśvā̍ni | kāvyā̍ | nemi̍ḥ | ca̱kram'i̍va | a̱bha̱va̱t || sāka̍ṃ | hi
śuci̍nā | śuci̍ḥ | pra̱'śāstā̍ | kratu̍nā | aja̍ni || vi̱dvān | a̱sya̱
vra̱tā | dhru̱vā | va̱yāḥ'i̍va | anu̍ | ro̱ha̱te̱ || tāḥ | a̱sya̱ | varṇai̍
ā̱yuva̍ḥ | neṣṭu̍ḥ | saca̍nta̱ | dhe̱nava̍ḥ || ku̱vit | ti̱sra'bhya̍ḥ | ā | vara̍m
svasā̍raḥ | yāḥ | i̱daṃ | ya̱yuḥ || yadi̍ | mā̱tuḥ | upa̍ | svasā̍ | ghṛ̱taṃ
bhara̍ntī | āsthi̍ta || tāsā̍m̐ | a̱dhva̱ryuḥ | ā'ga̍tau | yava̍ḥ | vṛ̱ṣṭī'i̍va
moda̱te̱ || sva̍ḥ | svā̱rye | dhaya̍se | kṛ̱ṇu̱tāṃ | ṛ̱tvik | ṛ̱tvija̍m
stoma̍m | ya̱jñaṃ | ca̱ | āt | ara̍m | va̱ne̱ma̱ | ra̱yim | va̱yaṃ || yathā̍
vi̱dvān | ara̍m | kara̍t | viśve̍bhyaḥ | ya̱ja̱tebhya̍ḥ || a̱yaṃ | a̱gne̱
tveiti̍ | api̍ | yaṃ | ya̱jñaṃ | ca̱kṛ̱ma | va̱yaṃ

Linked texts (4)

Śākala — Sanskrit
Āśvalāyanasaṃhitā — Sanskrit
Vedārthayatna — Śaṅkarapāṇḍuraṅga Paṇḍita, Sanskrit
Paippalādasaṃhitā — Sanskrit