Samhitapadapatha 87.28

87.28

śreṣṭha̍m̐ | yavi̍ṣṭha | bhara̍t | a̱gne̱ | dyu̱'manta̍m | ā | bha̱ra̱ || vaso̱iti̍
pu̱ru̱'spṛhai̍ | ra̱yim || mā | na̱ḥ | arā̍tiḥ | ī̱śa̱ta̱ | de̱vasya̍ | martya̍sya
ca̱ || parṣi̍ | tasyā̍ḥ | u̱ta | dviṣa̍ḥ | viśvā̍ḥ | u̱ta | tvayā̍ | va̱yaṃ
dhārā̍ | u̱da̱nyāḥ'i̍va || ati̍ | gā̱he̱ma̱hi̱ | dviṣa̍ḥ || śuci̍ḥ | pā̱va̱ka̱
vaṃdya̍ḥ | agne̍ | bṛ̱hat | vi | ro̱ca̱se̱ || tvaṃ | ghṛ̱tebhi̍ḥ
ā'hu̍taḥ | tvaṃ | na̱ḥ | ā̱si̱ | bhā̱ra̱ta̱ | agne̍ | va̱śābhi̍ḥ | u̱kṣa'bhi̍ḥ
a̱ṣṭā'pa̍dībhiḥ | ā'hu̍taḥ || dru'a̍nnaḥ | sa̱rpiḥ'ā̍sutiḥ | pra̱tnaḥ
hotā̍ | vareṇya̍ḥ | saha̍saḥ | pu̱traḥ | adbhu̍taḥ