Pramāṇa · Search · About · API

Samhitapadapatha 9

Saṃhitāpadapāṭha 9

Language
Sanskrit

9.0

tī̱vrāḥ | somā̍saḥ | ā | ga̱hi̱ | ā̱śīḥ'va̍ntaḥ | su̱tāḥ | i̱me
vāyo̱iti̍ | tān | pra'sthi̍tān | piba̍ || u̱bhā | de̱vā | di̱vi̱'spṛśā̍ || iṃdra̍vāyū̱iti̍ | ha̱vā̱ma̱he

9.8

iṃdra̍vāyū̱iti̍ | mana̍ḥ'juvā̍ | viprā̍ḥ
hava̍nte | ū̱taye̍ || sa̱hasra̍'akṣā | dhiya̍ḥ | patī̱iti̍ || mitraṃ
va̱yaṃ | ha̱vā̱ma̱he̱ | varu̍ṇaṃ | soma̍'pītaye || ṛ̱jñānā̍ | pū̱ta'da̍kṣasā
ṛ̱tena̍ | yau | ṛ̱ta̱'vṛdhau̍ | ṛ̱tasya̍ | jyoti̍ṣaḥ | patī̱iti̍
tā | mitrāvarū̍ṇā | hu̱ve

9.9

varu̍ṇaḥ | pra'a̍vi̱tā | bhu̱va̱t
mitra̍ḥ | viśvā̍bhiḥ | ū̱ti'bhi̍ḥ || kara̍tāṃ | na̱ḥ | su̱'rā̱dhasa̍ḥ
ma̱rutva̍ntaṃ | ha̱vā̱ma̱he̱ | iṃdra̍ṃ | ā | soma̍'pītaye || sa̱'jūḥ
ga̱ṇena̍ | tṛ̱mpa̱tu̱ || iṃdra̍'jyeṣṭhāḥ | ma̱rut'ga̍ṇāḥ | de̱vāsa̍ḥ | pūrṣa'rātayaḥ || viśve̍ | mama̍ | śru̱tu̱ | hava̍ṃ | ha̱ta | vṛ̱traṃ | su̱'dāna̱va̍ḥ
indre̍ṇa | saha̍sā | yu̱jā || mā | na̱ḥ | duḥ'śaṃsa̍ḥ | ī̱śa̱ta̱ || viśvān̍
de̱vān | ha̱vā̱ma̱he̱ | ma̱ruta̍ḥ | soma̍'pītaye || u̱grāḥ | hi | pṛśni̍'mātaraḥ

9.10

ja̱yaṃtā̍ṃ'iva | ta̱nya̱tuḥ | ma̱rutā̍ṃ | e̱ti̱ | dhṛ̱ṣṇu̱'yā
yat | śubha̍ṃ | yā̱thana̍ | na̱ra̍ḥ || ha̱skārāt | vi̱'dyuta̍ḥ | pari̍
ata̍ḥ | jā̱tāḥ | ava̍ntu | na̱ḥ | ma̱ruta̍ḥ | mṛ̱ḷaya̍ntu | na̱ḥ || ā
pū̱ṣa̱n | ci̱tra'ba̍rhiṣaṃ | āghṛ̍ṇe | dhṛ̱ruṇa̍ṃ | di̱vaḥ || ā | a̱ja̱
na̱ṣṭaṃ | yathā̍ | pa̱śuṃ || pū̱ṣā | rājā̍naṃ | āghṛ̍ṇiḥ | apa̍'gūḷhaṃ
guhā̍ | hi̱taṃ || aviṃdat || ci̱tra'ba̍rhiṣaṃ || u̱toiti̍ | saḥ
mahya̍ṃ | iṃdu̍'bhiḥ | ṣaṭ | yu̱ktān | anu̍'sesidhat || gobhi̍ḥ | yava̍ṃ | na
ca̱rkṛ̱ṣa̱t

9.11

aṃba̍yaḥ | ya̱ṃti̱ | adhva̍'bhiḥ | jā̱marya̍ḥ | a̱dhva̱ri̱'yatā̍ṃ
pṛ̱ñca̱tīḥ | madhu̍nā | paya̍ḥ || amū̍ḥ | yāḥ | upa̍ | sūrye̍ | yābhi̍ḥ
vā̱ | sūryai̍ḥ | sa̱ha || tāḥ | na̱ḥ | hi̱nva̱ṃtu̱ | a̱dhva̱raṃ || apa̍ḥ
de̱vīḥ | upa̍ | hva̱ye̱ | yatra̍ | gāva̍ḥ | piba̍ṃti | na̱ḥ | siṃdhu̍'bhyaḥ
karttavai̍ | ha̱viḥ || a̱p'su | a̱taḥ | a̱mṛta̍ṃ | a̱p'su | bheṣa̱jaṃ
a̱pāṃ || u̱ta | pra'śa̍staye || de̱vāḥ | bhavata̍ | vā̱jina̍ḥ || a̱p'su
me̱ | soma̍ḥ | a̱bra̱vī̱t | aṃta̍ḥ | viśvā̍ni | bheṣa̱jā || a̱gniṃ
ca̱ | vi̱śva'śa̍ṃbhuvaṃ | āpa̍ḥ | ca̱ | vi̱śva'bhai̍ṣajīḥ

9.12

āpa̍ḥ
pṛ̱ṇī̱ta | bheṣa̱jaṃ | varū̍thaṃ | ta̱nve̍ | mama̍ || jyok | ca̱ | sūryaiṃ
dṛ̱śe || i̱daṃ | a̱pa̱ḥ | pra | va̱ha̱ta̱ | yat | kiṃ | ca̱ | du̱ḥ'i̱taṃ
mayi̍ || yat | vā̱ | a̱haṃ | a̱bhi̱'du̱droha̍ | yat | vā̱ | śe̱pe
u̱ta | anṛ̍taṃ | āpa̍ḥ | a̱dya | anu̍ | a̱cā̱ri̱ṣa̱ṃ | rase̍na | saṃ
a̱ga̱sma̱hi̱ || paya̍svān | agne̍ | ā | ga̱hi̱ | taṃ | mā̱ | saṃ | sṛ̱ja̱
varca̍sā | saṃ | mā̱ | agne̍ | varca̍sā | sṛ̱ja̱ | saṃ | pra̱'jayā̍ | saṃ | āyu̍ṣā
vi̱dyuḥ | me̱ | a̱sya | de̱vāḥ | iṃdra̍ḥ | vi̱dyā̱t | sa̱ha | ṛṣi̍'bhiḥ

9.13

kasya̍ | nū̱naṃ | ka̱tama̱sya̍ | a̱mṛtā̍nāṃ | manā̍mahe | cāru̍ | de̱vasya̍
nāma̍ || kaḥ | na̱ḥ | ma̱hyai | adi̍taye | puna̍ḥ | dā̱tu̱ | pi̱tara̍ṃ
ca̱ | dṛ̱śeya̍ṃ | mā̱tara̍ṃ | ca̱ || agne̍ḥ | va̱yaṃ | pra̱tha̱masya̍ | a̱mṛtā̍nāṃ
manā̍mahe | cāru̍ | de̱vasya̍ | nāma̍ || saḥ | na̱ḥ | ma̱hyai | adi̍taye
puna̍ḥ | dā̱tu̱ | pi̱tara̍ṃ | ca̱ | dṛ̱śeya̍ṃ | mā̱tara̍ṃ | ca̱ || a̱bhi | tvā̱
de̱va̱ | sa̱vi̱ta̱ḥ | īśā̍naṃ | vāryā̍ṇāṃ || sadā̍ | ava̱n | bhāga̍ṃ | ī̱ma̱he̱
yaḥ | cit | hi | te̱ | i̱tthā | bhaga̍ḥ | śaśa̍mānaḥ | purā | ni̱daḥ
adve̱ṣaḥ | hasta̍yoḥ | dadhe̍ || bhaga̍'bhaktasya | te̱ | va̱yaṃ | ut | a̱śe̱ma̱
gava̍ṃ | ava̍sā || mū̱rdhāna̍ṃ | rā̱yaḥ | ā̱'rabhe̍

9.14

na̱hi | te̱ | kṣa̱traṃ
na | saha̍ḥ | na | ma̱nyuṃ | vaya̍ḥ | ca̱na | a̱mīiti̍ | pa̱taya̍ṃtaḥ | ā̱puḥ
na | i̱māḥ | āpa̍ḥ | a̱ni̱'miṣa̍ṃ | cara̍ṃtīḥ | na | ye | vāta̍sya | pra̱'mi̱naṃti̍ | a̱bhvai || a̱bu̱dhne | rājā̍ | varu̍ṇaḥ | vana̍sya | ū̱rdhvaṃ | stūpa̍ṃ
da̱da̱te̱ | pū̱ta'da̍kṣaḥ || nī̱cīnā̍: | sthuḥ | u̱pari̍ | budhna̍ḥ | e̱ṣāṃ
a̱sme iti̍ | aṃta̍ḥ | ni'hi̍tāḥ | ke̱tava̍ḥ | syu̱riti̍ syuḥ || u̱ruṃ | hi
rājā̍ | varu̍ṇaḥ | ca̱kāra̍ | sūryā̍ya | paṃthā̍m | anu̍'e̱tavai̍ | ū̱ṃ iti̍ || a̱pade̍
pādā̍ | prati̍'dhātave | a̱ka̱ḥ | u̱ta | a̱pa'va̱ktā | hṛ̱daya̱'vidha̍:
cit || śa̱taṃ | te̱ | rā̱jan | bhi̱ṣaja̍ḥ | sa̱hasra̍ṃ | u̱rvī | ga̱bhī̱rā
su̱'ma̱tiḥ | te̱ | a̱stu̱ || bādha̍sva | dū̱re | niḥ'ṛ̍tiṃ | pa̱rācai̍ḥ | kṛ̱taṃ
cit | ena̍ḥ | pra | mu̱mu̱gdhi̱ | a̱smat || a̱mī iti̍ | ye | ṛkṣā̍:
ni'hi̍tāsaḥ | uccā̍ | nakta̍ṃ | da̱dṛ̱śe | kuha̍ || ci̱t | di̱vā | ī̱yu̱ḥ
ada̍bdhāni | varu̍ṇasya | vra̱tāni̍ | vi̱'cāka̍śat | ca̱ṃdramā̍: | nakta̍ṃ
e̱ti̱

9.15

tat | tvā̱ | yā̱mi̱ | brahma̍ṇā || vaṃda̍mānaḥ | tat | ā
śā̱ste̱ | yaja̍mānaḥ | ha̱viḥ'bhi̍: || ahe̍ḷamānaḥ | varu̍ṇa | i̱ha | bo̱dhi̱
uru̍'śaṃsa | mā | na̱ḥ | āyu̍ḥ | pra | mo̱ṣī̱: || tat | it | nakta̍ṃ
tat | di̱vā | mahya̍ṃ | ā̱hu̱: | tat | a̱yaṃ | keta̍: | hṛ̱daḥ | ā | vi
ca̱ṣṭe̱ || śuna̱ḥśepa̍: | yaṃ | ahva̍t | gṛ̱bhī̱taḥ | saḥ | a̱smān | rājā̍
varu̍ṇaḥ | mu̱mo̱ktu̱ || śuna̱ḥśepa̍: | hi | ahva̍t | gṛ̱bhī̱taḥ | tri̱ṣu
ā̱di̱tyaṃ | dru̱'pa̱deṣu̍ | ba̱ddhaḥ || ava̍ | e̱na̱ṃ | rājā̍ | varu̍ṇaḥ
sa̱sṛ̱jyā̱t | vi̱dvān | ada̍bdhaḥ | vi | mu̱mo̱ktu̱ | pāśā̍n || ava̍
te̱ | heḷa̍: | varu̍ṇa | nama̍:'bhiḥ | ava̍ | ya̱jñebhi̍: | ī̱ma̱he̱
ha̱viḥ'bhi̍: || kṣaya̍n | a̱smabhya̍ṃ | a̱sura̱ | pra̱ce̱ta̱iti̍pra'cetaḥ
rā̱jan | enā̍ṃsi | śi̱śratha̱ḥ | kṛ̱tāni̍ || ut | u̱t'ta̱maṃ | va̱ru̱ṇa̱
pāśa̍ṃ | a̱smat | ava̍ | a̱dha̱maṃ | vi | ma̱dhya̱maṃ | śra̱tha̱ya̱
atha̍ | va̱yaṃ | ā̱di̱tya̱ | vra̱te | tava̍ | anā̍gasaḥ | adi̍taye
syā̱ma̱

9.16

yat | ci̱t | hi | te̱ | viśa̍: | ya̱thā̍ | pra | de̱va̱
varuṇa | vra̱taṃ || mi̱nī̱masi̍ | dyavi̍'dyavi || mā | na̱ḥ | va̱dhāya̍ | ha̱tnave̍
ji̱hī̱ḷānasya̍ | rī̱radha̱ḥ || mā | hṛ̱ṇā̱nasya̍ | ma̱nyave̍ || vi | mṛ̱ḷī̱kāya̍
te̱ | mana̍ḥ | ra̱thīḥ | aśva̍ṃ | na | saṃ'ditaṃ || gīḥ'bhi̍ḥ | va̱ruṇa̱
sī̱ma̱hi̱ || parā̍ | hi | me̱ | vi'ma̍nyavaḥ | pata̍nti | vasya̍'iṣṭaye
vaya̍ḥ | na | va̱satīḥ | upa̍ || ka̱dā | kṣa̱tra'śriya̍ṃ | nara̍ṃ | ā | varu̍ṇaṃ
ka̱ramahe || mṛ̱ḷī̱kāya̍ | u̱ru'cakṣa̍saṃ

9.17

tat | it | sa̱māna̍ṃ
ā̱śā̱te̱iti̍ | vena̍ntā | na | pra | yu̱ccha̱ta̱ḥ || dhṛ̱ta'vra̍tāya | dā̱śuṣe̍
veda̍ | yaḥ | vī̱nāṃ | pa̱daṃ | a̱ntari̍kṣeṇa | pata̍tāṃ || veda̍ | nā̱vaḥ
sa̱mu̱driya̍ḥ || veda̍ | mā̱saḥ | dhṛ̱ta'vra̱taḥ | dvāda̍śa | pra̱jā'va̍taḥ || veda̍
yaḥ | u̱pa'jā̱yate̍ || veda̍ | vāta̍sya | va̱rtani̍ṃ | u̱roḥ | ṛ̱ṣvasya̍
bṛ̱ha̱taḥ || veda̍ | ye | a̱dhi̱'āsa̍te || ni | sa̱sāda̍ | dhṛ̱ta'vra̍taḥ
varu̍ṇaḥ | pa̱styā̍su | ā || sāṃ'rā̍jyāya | su̱'kratu̍ḥ

9.18

ata̍ḥ
viśvā̍ni | adbhu̍tā | ci̱kitvā̍n | a̱bhi | paśya̍ti || kṛ̱tāni̍ | yā
ca̱ | kartvā̍ || saḥ | na̱ḥ | vi̱śvāhā̍ | su̱'kratu̍ḥ | ā̱di̱tyaḥ | su̱'pathā̍
ka̱rat || pra | na̱ḥ | āyū̍ṃṣi | tā̱ri̱ṣa̱t || bibhra̍t | drā̱piṃ | hira̍ṇyayaṃ
varu̍ṇaḥ | va̱sta̱ | niḥ'nirja̍ṃ | pari̍ | spaśa̍ḥ | ni | se̱di̱re̱ || na | yaṃ
dipsa̍nti | di̱psava̍ḥ | na | dru̱hvāṇa̍ḥ | janā̍nāṃ || na | de̱vaṃ | a̱bhi'mā̍tayaḥ || uta | yaḥ | mānu̍ṣe̍ṣu | ā | yaśa̍ḥ | ca̱kre | asā̍mi
ā || a̱smāka̍ṃ | u̱dare̍ṣu | ā

9.19

parā̍ | me̱ | ya̱ṃti̱
dhī̱taya̍ḥ | gāva̍ḥ | na | gavyū̍tīḥ | anu̍ || i̱chaṃtī̍ḥ | u̱ru'cakṣa̍saṃ
saṃ | nu | vo̱cā̱vahai̍ | puna̍ḥ | yata̍ḥ | me̱ | madhu̍ | ā'bhṛ̍taṃ | hotā̍'iva
kṣada̍se | pri̱yaṃ || darśa̍ṃ | nu | vi̱śva'da̍rśitaṃ | darśa̍ṃ | ratha̍ṃ | adhi̍
kṣami̍ || e̱tāḥ | ju̱ṣata̱ | me̱ | gira̍ḥ || ima̍ṃ | me̱ | va̱ruṇa̱ | śru̱dhi̱
hava̍ṃ | a̱dya | ca̱ | mṛ̱ḷa̱ya̱ || tvāṃ | a̱va̱syuḥ | ā | ca̱ke̱ || tvaṃ | viśva̍sya
me̱dhi̱ra̱ | di̱vaḥ | ca̱ | gmaḥ | ca̱ | rā̱jāsi̱ | saḥ | yāma̍ni | prati̍ | śru̱dhi̱
ut | u̱t'u̱tta̱maṃ | mu̱mu̱gdhi̱ | na̱ḥ | vi | pāśa̍m | ma̱dhya̱maṃ | cṛ̱t || ava̍
a̱dha̱māni̍ | jī̱vase̍

Linked texts (6)