Mantrapada 1: atha pañcadaśaḥ paṭalaḥ

Mantrapāda 1

Language: Sanskrit

atha pañcadaśaḥ paṭalaḥ

1.p1

śrīḥ
īśānaśivagurudevapaddhatiḥ
śrīmadīśāmaśivagurudevamiśraviracitā

1.1

vande sindūrasandohasundarāruṇarociṣam
stamberamānanaṃ devamindrādisuravanditam

1.2

mahadahaṅkṛtikhānilakānalakṣitiguṇodayaśaktivijṛmbhitam
jagadidaṃ gaṇasaṃjñitamasya yad gaṇapatiḥ patireṣa śivaḥ svayam

1.3

vikurute nikhilaṃ khalu śaktiḥ puruṣa eṣa śivaḥ sa cikīrṣayā
tadacanaṃ ca sasaṃhṛtimacchayā vitanute tanubhedavilakṣaṇaḥ

1.4

hariviriñcamaheśamukhāḥ surā jagati vighnagaṇairapi nighnitāḥ
gaṇapateryajanaṃ khalu tanvate yadata eva vibhurhi vināyakaḥ

1.5

sa khalu prapañcamakhilaṃ vyasṛjat purato'vanāya kila tasya vibhuḥ
atha bhūtaye ca jagatāmatanustanumāsthitau gajamukhīmabhavat

1.6

samupoḍhaviśvanikhilādhvagaṇāṃ guṇadhātubījaravaṃṣaṭkayutām
paramāṅgaṣaṭkavihitāṅgavidhiṃ varamūrttiyuñcimyunaṣaṭkamayīm

1.7

jagadekabhūtijananīmajarāṃ kamalāmbujākṣagirijāgiriśaiḥ
ratimanmathāvanivarāhayutaiḥ parito girā ca caturāsyavṛtām

1.8

smarati vā samanuṃ savidhānakaṃ pratidinaṃ tamimaṃ gaṇanāyakam
apacitiṃ pravidhāya japecca yaiḥ sa khalu sarvasamīhitabhājanam

1.9

praṇavavāgbhavayoritarat purastadanu māgirijāsmarabījayuk
avanibījagataṃ bhujamadhyamaṃ śaśikalāḍhyasavāmavilocanam

1.10

tadanu daṇḍayuto bhujamadhyamo gaṇapateḥ khalu bījavaro hyayam
ṣaḍiti bījavarāṇi samuddharedakhilasiddhikarāṇi yathākramam

1.11

udakamākṣiyutaṃ kathitaṃ tataḥ pavanasārathirūḍhavilocanam
sanayanāvatha khaḍgibhujaṅgakāviti puroṇacatuṣṭayamuddharet

1.12

hiṇāśa ca haṣaḥ haṣa ḍaṭ sarvalokahṛdayaṃ me vaśaṃ kuru ṭhaṭha
śrutivedavedaguṇabhogirasairgaṇitaiḥ svavarṇanikaraistu manoḥ
pṛthaguktabījasahitaistu bhavedatha sarvavitpramukhajātiyutaiḥ

1.13

karaśuddhimastramanunā tanutāṃ nidadhātvathāṅguliṣu cāṅgamanūn
talamadhyake tadanu cāstramanuṃ lipivarṇamūlapadavacca tanau

1.14

hṛdayādikeṣvatha ṣaḍaṅgamanūn nijaśastrato'pi ca diśāṃ kalanam
punarastrato jvalitavapravidhiṃ paritastu tarjanikayā racayet

1.15

api vāmadevamṛṣimasya tathā pravadanti kecana tathā gaṇakam
tadanantarāpi ca nivṛta kathito bhagavān prapañcagaṇapo'dhipatiḥ

1.16

gurumukhāptamanuṃ tadanujñayā girinadītaṭadevagṛhādike
kvacidabhīṣṭamanoharalakṣaṇaṃ tvabhinavaṃ pravidhāya maṭhaṃ tataḥ

1.17

samucitāhṛtapūjanasādhano vihitanaityakakarma na hāpayan
japatu lakṣamatandritadhīrmanuṃ vratijanoditaśastamitāśanaḥ

1.18

iti pūrvasevanavidhau carite manureṣa siddhimadhikāṃ tanute
prativāsaraṃ yajanahomajapairabhajatāṃ bhavantyabhigatānyacirāt

1.19

atha likhyate'sya tu vidhānavaraṃ smaraṇena sidhyati ca yasya manuḥ
pravilikhya citrataracitrapaṭaṃ vibhave yajet sati na cenmanasā

1.20

atha cintayedudadhimikṣurasaṃ laharītaraṅgata ramyataram
timinakraśaṅkhakulamīnagaṇaiḥ satimiṅgilākulajalollasitam

1.21

pulinaṃ ca madhyabhuvi tasya mahanmaṇiparvataṃ ca śikharopacitam
paritastamālavanatālaśataiḥ saralaiśca sālaghanasāranagaiḥ

1.22

sakadambanimbanikurumbayutairapi nālikerakarakeliśataiḥ
varakuṇḍahāliniculānravaṇaiḥ kadalīvanaiśca ramaṇīyataṭam

1.23

navapūgapūgagatanāgalatākulasallakīlavalikāmaricaiḥ
salavaṅgabilvavakulaiśca milanmadacañcalīkulanādakalam

1.24

sahakārakorakarasāsvadavonmadakokilasvanasanāthamaram
camarairapi bhramarakaiścaritaṃ surakinnarāsuravarādhyuṣitam

1.25

navapallavākulagulucchamilatkalikonmiṣatkusumabhāratatīḥ
vratatībhiratra dadhatībhiralaṃ samalaṅkṛtaṃ khagakulākulitam

1.26

kuvalayaiḥ kamalaiḥ samalaṅkṛtaṃ samarasaṃ sarasāmapi sārasaiḥ
kvacana kairavakairvikacotpalaiḥ kuravakaiḥ kalahaṃsakulairapi

1.27

taṭaparisrutanirjharaśīkarotkarabharairgajadānamanoharaiḥ
calitacandanacampakaketakīparimalairanilairapi sevitam

1.28

sakalaśītakarodayacandrikāviśadatārakajālakamekataḥ
gaganamudyadudaṃśumadaṃśunā vilasitaṃ kvacidambuvahairāpa

1.29

samadhumādhavaśukraśuciśrite nabhasi yuktanabhasyamiṣorjayoḥ
sahasi saṅgi sahasyasamaṃ tapaḥ kusumasaṃpādalambhi tapasyatā

1.30

ṛtugaṇena samānaguṇodayaṃ satatasambhṛtakausuma sampadā
samadhikaṃ samalaṅkṛtakānanaṃ kanakacārutaṭaṃ pravicintayet

tanmadhyahemaśikhare maṇihemabhūmau vaprāṇi sapta kanakojjvalabhittikāni
dhyeyāni tatra ca vimānaśatānukīrṇāḥ kakṣyāśca sapta pṛthagucchritagopurāntāḥ
tāsāṃ tu madhyaviniviṣṭamanantaratnacchāyāvṛtaṃ kanakamaṇḍapamucchraśṛṅgam
divyaṃ śaśāṅkamaṇikuṭṭimabhūṣitaṃ syād dhyeyaṃ viśālacaturaśramatīva ramyam
muktāsragañcitavitānasanāthamadhyaṃ haimairmaṇipravaravajravikāracitraiḥ
kumbhairvirājitamathāsya caturdiśāsu dvārāṇi citramakarākṛtitoraṇāni

1.34

nānāvidhairmadhurasaiḥ parilambamānaiḥ pakvaiḥ phalaiśca kusumairvaramālyadāmaiḥ
śālyagrakaiḥ kanakapallavamodakaiśca vyālambitaistu parimaṇḍitamaṇḍapāntam

1.35

samantataḥ sāṅkurapālikābhirmaṇipradīpaiśca hiraṇyadīpaiḥ
sadhūpapuṣpākṣatagandhapātraiḥ sacāmarasvāstikaśaṅkhapadyaiḥ

1.36

virājitaṃ darpaṇapūrṇakumbhaiḥ salājakumbhairapi tatra tatra
samāhitairvāmanakubjakādyairgaṇaiḥ samantāt samalaṅkṛtaṃ tat

1.37

athārrghyatoyokṣitagandhapuṣpasvātmāmbuyākālayamaṇḍapaḥ san
bhuvastalānāmapi cāpyadhastādādhāraśaktiṃ tu yajet purastāt

1.38

tatastvanantaṃ pṛthivīdharaṃ taṃ pṛthivīṃ ca saṃpūjya tu yogapīṭham
yajedanantātmakamasya pādān dharmādikānuktatanūn yathāvat

1.39

rajastamassattvamayāni kundaṃ nālāmbuje ca pravicintya padma
krameṇa sūryāgniniśākarāṇāṃ tatpatratatkesarakarṇikāḥ syuḥ

1.40

tanmātṛkābjaṃ lipivarṇajuṣṭaṃ pūrvoktabhaṅgyā paribhāvya tasmin
dikpatrakoṇacchadanakramāt syuḥ pūjyāḥ sapīṭhāṣṭakamāturudrāḥ

1.41

prācyāṃ śrīkāmarūpo yamadiśi ca tathā kollapūrvo giriḥ syāt
sopārākhyaṃ pratīcyāṃ dhanadadiśi tathā coḍḍiyāṇaṃ tu pīṭham
āgneyyāṃ cāpi tadvanmalayagiriratha śrīkulāntaṃ nirṛtyāṃ
jālandhraṃ vāyubhāge triṇayanahariti syāt tathā devikoṭṭam

1.42

brāhmayādyāścaṇḍikāntāḥ pṛthagiha kathitā mātarasteṣu pūrve
dīrghairyuktāḥ svaraistāḥ śaśadharaśakalairhrasvabindusvaraiste
yuktāḥ syuścāsitāṅgo rururatha kathitaścaṇḍakaḥ krodhanākhyaśconmatto'nyaḥ kapālī tadanu nigadito bhīṣaṇaḥ saṃhṛtiśca

1.43

tāraśrīyutapīṭhanāmasahitaḥ pīṭhotiśabdaḥ svaro
dīrghaḥ syādatha mātṛnāmasahitaṃ tattaccaturthyā tu hṛt
hrasvā binduyutāḥ svarāśca kathitā nāmnā sitāṅgādayaścāpyaṣṭāvatha bhairavāya ca namastatpāṃdukebhyastathā

1.44

brahmaṇyādyāstu devyaḥ svasurasamavapurvarṇavāhāyudhādyāḥ
kṛṣṇā raktācchapītāstvaruṇaśukanibhāḥ svarṇatāmraprabhāste
bhūṣāḍhyā bhairavāḥ syuḥ sitamukhakamalāḥ svākṣamālākapāla̍ścandrottaṃsāstrinetrāstvaruṇanivasanālepamālyā vicintyāḥ

1.45

āmodo'tha pramodastadanu ca sumukho durmukho'nyastu vighnastadvad vaināyakākhyaḥ ṣaḍiti gajamukhā divyabhūṣāmbarāḍhyāḥ
siddhiḥ kāntiḥ samṛddhistvatha madanavatī klinnayā kledanī cetyābhirvāmāṅkagābhiḥ smararasalalitāḥ śaktibhiste'rcanīyāḥ

1.46

dakṣiṇottarapārśvayoḥ śaṅkhapadmanidhī vasumatyā vasudhārayā ca śaktyā
śliṣṭadehau vasuvarṣiṇau supūjyau
ṣaḍete gaṇeśāḥ priyāliṅgitāḥ syuḥ sureśāmbupādhīśarakṣonilānām
daleṣvarcanīyā nidhī śaṅkhapadmau pravarṣaddhanau yāmyasaumyacchadasthau

1.47

tadantarvṛttārtarvaṅgamantrā gajāsyā hṛdādyāstu koṇacchadeṣvarcanīyāḥ
diśāsvasrameśāṃ puro netramiṣṭvā svanāmnā namontaṃ ca pañcopacāraiḥ

1.48

atha vibhāvya niśākaramaṇḍalaṃ gaganapāṇḍarapaṅkajamadhyagam
śaśikalāṃśusahasraparisravatsitasudhāmayaśīkaravarṣi yat

1.49

suṣiramasya ca madhyagataṃ tanuṃ taraladīpaśikhānukṛtiṃ tviṣā
śivamayaṃ rucimat pravicintayet parilasatparabindurava Oder yam

1.50

ānīyāsmādindusudhāśīkaraśītaṃ sūkṣmaṃ jyotirmūrdhani sauṣumnasaraṇayā
vinyasyābje mantratanuṃ tatra gaṇeśaṃ tejorāriṃ taptahiraṇyadravabhāsam

1.51

puṣpāpūrvaṃ svāñjalimāyojya tu tasmin divyaṃ jyotiḥ paṅkajamadhye viniveśya
dhyāyed devaṃ sundaradehaṃ kanakādrisadṛśaṃ bhāsā bhānusahasrodayatulyam

1.52

dvādaśabāhuḥ śekharitandustridvigibhavaramukharucirataravapuḥ
śaṅkharathāṅge cāṅkuśapāśau manasijadhanurapi sarasijaviśikhān
kalpakaśāśikāmukaraśūle bhayaharavarakaramapi dadhadavatāt
padmaniviṣṭaḥ śaktisakho vo gaṇapatirabhikaradhṛtamaṇicaṣakaḥ

1.53

kṣamāṅghripadmaṃ khatanuṃ rasodaraṃ ravīnduvahnitridaśaṃ maruddhvanim
pradhānabuddhyakṣaśiroviceṣṭitaṃ samastalokāspadaviśvavigraham

1.54

piśaṅgakauśeyanibhāmbaśambaraṃ pralambatandanditaviśvaviṣṭapam
vicitrahārollasitoruvakṣasaṃ bhujaṅgamādhīśakṛtopavītakam

1.55

sujāṭajūṭārpitahemamauḷinaṃ kalāmayaṃ jñānaśaśāṅkaśekharam
prapañcavidyāmayacāruvigrahaṃ samastaśobhaikaguṇāspadaṃ vibhum

1.56

sahemaniṣkāṅgadakaṇṭhabhūṣaṇaṃ vicitranānāvaḷayāṅgulīyakam
vinīlaratnodarabaddhameṇḍitaṃ piśaṅgaratnojjvalahemanūpuram

1.57

sukhopaviṣṭaṃ sarasīruhodare padāmbujaṃ dakṣiṇamarthavarṣiṇi
salīlamādhāya puro hiraṇmaye sarojavaktre kalaśe vicintayet

1.58

savyamaṅkamupāśritāṃ sakaleśvarīṃ triguṇātmikāmevyayāṃ nijaśaktimakṣaramātaraṃ jagatāmapi
bhavyarūpamanoharāmurupārijātamupāśritāṃ
divyakalpakavallarīmiva kāmadāṃ pravicintayet

1.59

bandhujīvadalatviṣā rajasā nijāṅgarucāruṇāṃ
kundakuḍmalakomalasmitacandrikādhavalaprabhām
cañcalīkavinīlavellitakeśapāśabharāsitāmaṅganāṃ prathamāmajāṃ prakṛtiṃ vadantyapi yāṃ vidaḥ

1.60

aṅghripaṅkajayugmadīdhitinirjitasthalapaṅkajāṃ
jaṅghayoryugakāntinirjitakekinīgalamaṅgalām
añcavat kadalīprakāṇḍamanoramoruyugaśriyaṃ
sundarīṃ raśanāspadena ca sundareṇa sumadhyamām

1.61

bibhratīṃ tanunodareṇa tu romarājimaṇīyasīṃ
kajjalollalitāṃ yathaiva valitrayaṃ ca manoharam
rukmakumbhayugastanīṃ navapārijātalatābhujāṃ
tuṅgaratnavibhūṣaṇena galena cāpyatimaṅgalām

1.62

śāradendumukhīṃ taraṅgacalananvotpalalocanāṃ
cārukarṇayugāvasaṅgicalatprabhāmaṇikuṇḍalām
cārunāsikayā ca ramyakapolayugmalalāṭikāṃ
māracāpanatadhruvaṃ madhupāvalīrucirālakām

1.63

syandamānasamastakāntirasamakarṣaguṇāspadāṃ
candrikāmiva śāradīmamalaprabhāmanapāyinīm
indracandramukhairmunīndravarāsurairapi vanditāmindirāgirijoditakṣitivāgvadhūmayavigrahām

1.65

āśliṣyainaṃ dakṣadoṣṇā tadīyaṃ lakṣmapremṇā pāṇinā saṃspṛśantīm
devaṃ caināṃ puṣpacāpāṅkadoṣaṇā svāliṅgyādhaḥ saṃspṛśantaṃ tu nīvyām
evaṃrūpāṃ mūlaśaktiṃ ca tadvat proktākāraṃ devamapyuktaveṣam
dhyātvā samyak pūjayeccopacāraiḥ śuddhiṃ kṛtvā vakṣyamāṇakrameṇa

1.66

astreṇa dhautaṃ tu puro'rghyapātraṃ cāpūrya toyākṣatagandhapuṣpaiḥ
siddhārthadūrvāphaladugdhakūrceḥ sāṅgaṃ tu mūlaṃ vinidhāya tasmin

1.67

tadvādaśāntāmṛtapūrapūrṇaṃ haṃsena caitanyayutaṃ vibhāvya
dhenuṃ pradarśyātha sadhūpapuṣpairiṣṭvā tu kūrcena tadarghyatoyaiḥ

1.68

śiraḥ svamabhyukṣya tathāśrayaṃ ca dravyāṇi cāmbhaḥ kusumādikāni
tadbindusaṃyoganirīkṣaṇābhyāṃ viśodhya pādyācanamīyakeṃ ca

1.69

sapuṣpadūrvāṅkuraśekharaḥ san gandhena kṛtvā tilakaṃ lalāṭe
pūrvottarasyāṃ diśi bhaktinamraḥ pañcopacāreṇa gurūn yajeta

1.70

oṃ gurubhyo namaḥ | oṃ paramagurubhyo namaḥ | oṃ parameṣṭhigurubhyo
namaḥ | oṃ pūrvācāryagurubhyo namaḥ | oṃ mahāpūjyapūrvasiddhebhyo namaḥ
te raktamālyāmbaragandhabhūṣāḥ svalaṅkṛtāḥ paṅkajaviṣṭarasthāḥ
sarve ca sālambanayoganiṣṭhāḥ prāptākhilaiśvaryaguṇāṣṭakārthāḥ

1.71

athopacaryāpaṭaloktamārgādāvāhanasthāpanasannidhānaiḥ
nirodhanaṃ cāpyavakuṇṭhanāntaṃ ṣaḍbhistadaṅgaiḥ kramaśò vidadhyāt

1.72

arghyaṃ ca pādyācamane hṛdāsmai deyāśca gandhākṣatapuṣpadhūpāḥ
snānaṃ ṣaḍaṅgairapi mūlayuktairmantraiśca sūtrairapi vaidikaiḥ syāt

1.73

vastrāṇi mālyāni ca bhūṣaṇārthaṃ gandhākṣate cāpyatha dhūpadīpau
hṛdaiva dadyānmukuraṃ ca netrānmūlena naivedyamapi pradeyam

1.74

taccottamāduttamapūrvamārgaccaturvidhānnājyaphalopadaṃśaiḥ
yuktaṃ dadhikṣaudrasitopalājyaiḥ sa Laddukairmodakamaṇḍakādyaiḥ

1.75

śītaṃ jalaṃ sāmbu ca nārikelaṃ saktūṃśca lājān madhurāṃn guḷāktān
pāṇyorjalaṃ cācamanaṃ ca dattvā tāmbūlamaṣṭāṅgayutaṃ nivedya

1.76

'kaikyoḍaṣāṃ vidmahe vam̐kratuṇḍāya dhīmahi tanno gaṇapatiḥ pracodayāt
gāyatrīyaṃ vighnarājasya yojyā naivedyādau japyahomādike ca
stutvā stotrairdaṇḍavaccāpi natvā kakṣyāsaṃsthāḥ parṣadaścātra pūjyāḥ

1.77

padmo mahāpadmanidhiśca pūrve dvāre'tha yāmye makaraśca kūrmaḥ
paścānmukundo nidhirapyanantaḥ pūjyastato nīlanidhiśca śaṅkhaḥ

1.78

antarhāre bāhyato maṇḍapasya prācyāṃ yāmye paścime cottare ca
svarṇākārāḥ kalpavṛkṣāstu pūjyāścatvāraste ratnacaityairnibaddhāḥ

1.79

bilvasyādhaḥ padmagatau śrīkamalākṣau śarvau gaurī dakṣiṇataḥ pippalamūle
nyagrodhādhaḥ kāmaratī paścimatastāṃ saumye kroḍo bhūśca tathodumbaramūle

1.80

padmau śaṅkhaṃ cakramatho ṭaṅkavaraiṇau dhyeyāḥ pāśaṃ cāṅkuśapuṣpeṣudhanūṃṣi
bibhrāṇāste tūtpalapūgotthagadārīn śālyagrālī kalpalateva kramaśoḍamī

1.83

dāmpatyānāṃ madhyavidikṣvapsaraso'ntargandharvā (dyā) ścāpyatha vidyādharasiddhāḥ
bahvadyāśāyaṃ vāditagītaṃ sahnṛttaṃ tanvānāste sveṣṭaphalāptyai khalu cintyāḥ
teṣāṃ bāhye vedacaturgopurasaṃstho brāhmyā yuktaḥ kuṇḍikajapyāvalipāṇiḥ
padmāsīnaḥ pustakakumbhau ca dadhatyā śuklākalpaḥ paṅkajabhūḥ syādabhicintyaḥ
tṛtīyahāre tvatha lokapālān yajet svadiksthān sagaṇām savāhān
yāmye pitṝnambupatau ca nāgān saumye dhaneśaṃ saha yakṣavṛndaiḥ

1.84

caturthakakṣyām̐nilayāṃstu daityān sadānavāṃstān sasutān sadārān
yajed ṛṣīnapyatha pañcamī yā vṛttistu tasyāṃ marutaśca sarvān

1.85

ṣaṣṭhyāṃ vṛttāvuttarato guruṃ ca kṣetreśamabhyarcya navagrahāṃśca
madhye raviṃ dikṣu śaśiśrudhiṣṇyaiḥ śuknaṃ kujādyānanalādikeṣu

1.86

tasyāṃ grahān skandamukhāṃśca bhūyo bhūtāni mātṛśca yajed yathāvat
divyādhivarṣāmbudhivāsino ye sakinnarāste'ntyavṛtau vicintyāḥ

1.87

evaṃ bahiḥ sapta yathoktakakṣyāvāsāstu ye dampatikalpavṛkṣāḥ
devādyaḥ proktagaṇā yathāvat pūjyā gaṇeśārcanatatparāste

1.88

pañcopacāraistu yathopapattyā svairnāmabhiḥ pūjanamuktameṣām
vahnāvapītthaṃ sagaṇaṃ gaṇeśaṃ santarpayedājyanivedyaśeṣaiḥ

1.89

mudrāstu śaṅkhārimukhāḥ pradarśya bāhuṃ mukhe hastikaropamānam
vinyasya saṅkuñcitamadhyamāgramaṅguṣṭhayuktaṃ gaṇarājamudrāḥ

1.90

tato yathāśakti japecca nityaṃ japaṃ ca pūjāṃ culukodakena
nivedayedaṅghrisaroruhe'sya krameṇa mantrairiha vakṣyamāṇaiḥ

1.91

oṃ
guhyātiguhyagoptā tvaṃ gṛhāṇāsmatkṛtaṃ japam
siddhirbhavati me yena tvatprasādāt tvayi sthitā

1.92

yatkiñcit kurmahe deva! sadā sukṛtaduṣkṛtam
tanme śivapadasthasya bhuṅkṣva kṣapaya śaṅkara!

1.93

śivo dātā śivo bhoktā śivaḥ sarvamidaṃ jagat
śivo jayati sarvatra yaḥ śivaḥ so'hameva tu

1.94

yeyaṃ pūjā kṛtā deva ! japahomānvitā mayā
prasīda pratigṛhṇīṣva siddhimiṣṭāṃ prayaccha me

1.95

tataḥ samādhāya hiraṇyaretasaṃ yathoktasaṃskāraviśeṣasaṃskṛtam
dvijastu hutvābhimukhaṃ ca tanmukhe gaṇeśamāvāhya juhotu siddhaye

1.96

dhavalakusumagandhaḥ paurṇamāsyādi hutvā ghṛtaguḷamadhuyuktaṃ puṇḍarīkāyutāni
ghṛtamadhupayasā vā śrīphalairardhalakṣaṃ dhanapatiriva lakṣmīmakṣayāṃ vindate'sau

1.97

śuklāṃ tu pratipadamāditastrirātraṃ vopoṣya trimadhurapaṅkajaiścaturthyām
hutvāmrāvayutamathādhikaṃ ca lakṣaṃ lakṣmīṃ vā nidhimapi paśyatīti satyam

1.98

nandyāvartairvā bhṛgarkṣe sahasraiḥ pañcamyāṃ vā puṇḍarīkācchapuṣpaiḥ
dvādaśyāṃ vā śuklaparvaṇyathaivaṃ hutvā śvetaiḥ paṅkajaiḥ syād dhaneśaḥ

1.99

nityaṃ prāhne vordhvabāhurjapitvā yāvalakṣaṃ sūryadṛṣṭirdhanī syāt
utpāṭyāthodumbaraṃ vāpyaśeṣaṃ hutvā lakṣmīṃ vindate maṇḍalena

1.100

ekacchāyāpatyagokṣīrasiddhaṃ spṛṣṭvābhyastaṃ taccaruṃ prāśayed vā
pārāvāraṃgāminīsindhutoye bhānuṃ paśyan vā japan syādvaneśaḥ

1.101

nālikerapanasaikṣavarambhāsaktulājapṛthukairmadhurārkaiḥ
modakaiśca sahitaistu samāṃśairhoma eṣa khalu kalpakavṛkṣaḥ

1.102

hutvācchidrānūrṇanābhestu tantūn vastrārthaṃ vā śuklaraktādipuṣpaiḥ
tattadvarṇānyāpnuyāt kairavairvā vāsāṃsyabjaiḥ śobhanaiḥ śobhanāni

1.104

kṣīrājyābhyāṃ siktadūrvāsahasraṃ hutvā nityaṃ syādarogaścirāyuḥ
puṣpaiḥ puṣṭiḥ syāt tilairājyamiśraiḥ pītvābhyastaṃ vāri rogān nihanyāt
caturaṅgulamātramitāḥ suhutāḥ praharantyamṛtālatikāsamidhaḥ
dadhimadhvabhiyuktaghṛtaplapitāstvapamṛtyubhayaṃ grahadoṣamapi

1.105

saghṛtaṃ sasitaṃ paramānnahutaṃ saghṛtaṃ tu payaḥ saha kṛṣṇatilaiḥ
asitāhani pippalamūlajapo'pyabhimṛśya haredapamṛtyubhiyam

1.106

kalaśaṃ tu rakherudaye'bjagataṃ parijapya divā niśi jāgaraṇāt
udaye tu rakherabhiṣicya jayed duritānyabhicārarujo'pi haret

1.107

udaye paripūrya tathā kalaśaṃ ghṛtahomadaśāṃśakaśeṣayutam
dinamadhyagate tapane snapanāt subhagastu samṛddhisutān labhate

1.108

salilānnaphalādi caredamunā parijapya tu rogaharaṃ vacasām
vibhavaṃ vitanoti ca dattamiyaṃ priyakūrcamatho janarañjana kam

1.109

brāhme kāle parvaṇi kṣīṇacandre pādme patre kāpilaṃ gomayaṃ khe
labdhvābhyastaṃ cāyutaṃ tanmikhātaṃ dvāre rakṣed rogacorāgnyahibhyaḥ

1.111

tadvad vahnau gomayād bhasma siddhaṃ sāpasmārān kṣudrabhūtamahādīn
hanyād rakṣāṃ cāvahecchrīkaraṃ tanmantrālabdhaṃ candanāthaṃ ca vaśyam
tisro rātrīḥ prāgupoṣyoparāge brahmausarpistāmrapātre vacāyāḥ
cūrṇonmiśraṃ haṃsavāgīśvarīyuṅmantreṇāptaṃ vāgvilāsaṃ vidhatte

1.112

vṛṣṭirbhaved vetasajābhiriṣṭā tripatrajābhiśca sutāḥ samidbhiḥ
hutvā kaṇairvārayatīha vṛṣṭiṃ tathārkapuṣpairmadhurairjayaṃ ca

1.113

annena cānnaṃ madhuraistu vindet palāśakaudumbarabodhijābhiḥ
plakṣodbhavābhirhavanāt samidbhiḥ krameṇa varṇān vaśayed dvijādīn

1.116

bilvaiḥ phalaiḥ sarasijaiśca nṛpā vaśe syuḥ śvetotpalairjanapadā lavaṇājyalājaiḥ
kanyāḥ saloṇamadhunā havanāt striyo'nyān grāmān niśāhvatilataṇḍulaśarkarābhiḥ
rājñāṃ tu śatruvijayāya viśiṣṭadeśe kṛtvā tu maṇḍapavaraṃ caturaśraśālam
digdvāratoraṇayutaṃ samalaṅkṛtaṃ tat sañchādya sūkṣmavasanaiḥ phalapuṣpamālyaiḥ
tat svastikāmbujagataṃ gaṇanāthamiṣṭvā kuṇḍe juhotu madhuratritayena lakṣam
bhakṣyaiśca modakaphalairapi taddaśāṃśaṃ kṣīraudanaiścavaghṛtaistrisahasrasaṃkhyam

1.118

mṛṣṭānnahemavasanaṃ prathamāśramibhyo dattvā gavāśvakanakāni tathaiva hotuḥ
santarpya ca dvijavarāṃstridaśānapīṣṭvā yāsyan parān sa hi bhaved vijayī narendraḥ
tenābhyastāḥ śarkarāḥ sarpadasyūn vyāghrādīn vā vāraṇān vārayeyuḥ
agniṃ haste dhārayejjambhakādīn rakṣoyakṣān bhūtavargāṃśca hanyāt

1.119

ākṛṣyātho yoṣitaṃ nartayedvā lokaṃ sarvaṃ kṣobhayenmantrasiddhaḥ
tenābhyastaṃ kajjalaṃ candanaṃ vā prītiṃ hṛdyāmāvahellocanānām

1.120

yat siddhārthairmantritaiḥ prāk sahasramaśvatthāntaḥ sthāpitaiḥ saptarātram
paunaḥpunyaṃ tajjapāt sādhitaistaiḥ śatrūn sarpāṃścāṭayet tatra khātaiḥ

1.121

dveṣayet kalisamidbhirathānyān vā. tuṣāntaritanimbatailaiśca
caityakānalavibhītasamidbhirmārayet sapadi raktaviṣābhyām

1.122

atiraktakṛṣṇamabhicintya viṣuṃ vanadarbhapuñjamabhimantrya samam
puruṣapramāṇamatha śatrugathe vikiret tu rogamupayāntyarayaḥ

1.123

rasanāgataṃ pradahadagninibhaṃ prativādino gaṇapatiṃ smaraṃstu
prajapan manuṃ śitatadaṅkuśato lavanena taṃ jayati ruddhamukham

1.125

tṛtīyāmupopyātha mantrī caturthyāṃ svaśaktyā tu hutvā tathāgnau phalādyaiḥ
payonnaṃ ghṛtāḍhyaṃ nivedyāsya bhaktyā dvijendrāṃstatheṣṭvā svabhīṣṭaṃ sa vindet
payo vātha śākaṃ samaśnaṃstu lakṣaṃ japed yaḥ sa siddhiṃ samagrāmupeyāt
dvijāgryānabhīṣṭairvrataiśceṣṭadānairajasraṃ svaśaktyā yajeccāpi vindet

1.126

atrocyate kuṇḍavarasya tu prāguktasvarūpaṃ gaṇanāthamiṣṭvā
kuṇḍe'gnimādhāya payogṛtābhyāmarkasya puṣpaipi vālukābhiḥ

1.127

kṣaudreṇa cānnena pṛthak krameṇa hutvā tu lakṣoṇayatha kuṇḍamadhye
vetālasaṃjñāṃ gulikāṃ labheta tāṃ dhārayan syādaṇimādisiddhaḥ

1.128

evaṃ hi khaḍgāñjanapādukādyaṃ yad yat tadiṣṭaṃ labhate sma mantrī
kiṃ tanna labhyaṃ bhuvanatraye'smin nāstyasya kiṃ vā bahunoditena

1.129

śālipiṣṭakadalīphalamāṣakṣodaśarkarasanistuṣamudgaiḥ
nālikeramadhujīrakaloṇaivyoṣacūrṇasahitaṃ ghṛtasiddhaiḥ

1.130

modakairhṛdayamodakagandhasvādubhiḥ pratidinaṃ nijaśaktyā
homa eṣa kila kalpakavṛkṣo vāñchitārthaphalado hi narāṇām

1.131

śālitaṇḍulasanistuṣamudgaiḥ sārdhaśarkaraghṛtairapi siddham
nālikerakapilāpayasoryat pāyasaṃ hutamabhīṣṭadamuktam

1.132

kadalīpasasāmragostanīnāṃ badarāṇāṃ madhuratrayokṣitānām
api laḍḍukamaiṇḍakādikānāṃ havanaṃ kṛṣṇatilaiśca kāmadaṃ syāt

1.136

cāturthikārcanahute vibhavānurūpaṃ nityārcanaṃ ca gaganābjasudhāmayādbhiḥ
santarpaṇaṃ ca sakalābhimatāni puṃsāṃ saṃsādhayanti nikhilānyapi vāñchitāni
dhyātaḥ śaśāṅkadhavaladyutireṣa devaḥ svaikyena hastacaṣakāmṛtavārivarṣaiḥ
siñcan viṣāṇi nikhilāni nihanti sadyo japtvā prapañcamayavigrahavighnarājaḥ
hṛtpaṅkaje'bhinavapāṇḍarapuṇḍarīkasvacchābhirāmavapurindusadṛkṣakāntiḥ
aṅguṣṭhamātratanūrūrdhvasudhāmbusikto dhyātaśca mṛtyumapi hanti vimuktidaḥ syāt
itīha khalu kīrtito manurayaṃ prapañce yathā
tathā ca lalitāgame makuṭavātule tūditaḥ
prapañcagaṇanāyakastu savidhānamantrakriyastrivargavibhavārthināṃ kaliyuge'pi siddhipradaḥ

Linked texts (1)

Īśānaśivagurudevapaddhati — Īśānaśivagurudeva, Sanskrit