Mantrapada 10: atha caturviṃśaḥ paṭalaḥ
Mantrapāda 10
- Language
- Sanskrit
Contents
- 10.14 — 1 part
atha caturviṃśaḥ paṭalaḥ
10.2
sakalabhuvanasargasthityapāyapravṛttiṃ śatadhṛtiharirudrāstanvate yāṃ praviṣṭāḥ
sphurati hi khalu viśvaṃ yāmupāśritya māyāṃ rajatamiva ca śuktiṃ sāstu durgā śriyai vaḥ
jātavedasapūrvāṇāṃ pañcānāṃ syādṛcāṃmṛṣiḥ
marīciḥ kaśyapaśchandastriṣṭub durgā ca devatā
10.3
jātavedāmirityanye daivataṃ paricakṣate
ṛk tṛtīyātidurgākhyā chandastasyā virāḍ bhavet
10.4
grahamunirasavārairnāgalokaiḥ svavarṇaiḥ
ṣaḍapi ca pṛthagāsāṃ jātibhājo'ṅgamantrāḥ
vapuṣi ca bhavasaṃkhyairnān vinyasenmantravarṇāstadanu ca dhṛtisaṃkhyaiḥ svaiḥ padaiścāṅgaṣaṭkam
10.7
caraṇayugalagulphaṃ jaṅghikā jānurūsmṛragṛhakaṭikoṣṭhaṃ hṛt stanaṃ pārśvapṛṣṭham
upagalagalakāṃsaṃ doḥ prabāhuḥ prakoṣṭhaṃ maṇitalamukhanāsaṃ karṇadṛṅmastakaṃ kam
etānyakṣarasthānāni
smṛtamiha tu padānāṃ kaṃ lalāṭākṣikarṇaṃ tvadhrarasanakaṇṭhaṃ bāhuhṛnnābhideśāḥ
kaṭirapi madanorū jānujaṅghāṅghrayo'mī śravaṇanayanayordve sthānamekaikamanyat
svavihitakarmaparo guroḥ paritoṣaṇairudagayane vidhivat sa tena tu dīkṣitaḥ
manumupalabhya tataḥ kṛtasnapanādiko
bhuvi suvilitatale likhedaravindakam
10.8
aravindakam
cakrapadmamatha vā dvikaraṃ bhuvi bhadrakaṃ
pañcavarṇarajasā vilikhedatisundaram
sādhakāhvayayutāṃ bhuvanādhipakarṇikāṃ
daurgabījasahitaiśca ṣaḍaśribhiranvitām
10.9
sundaram
tatra vajrāsanākhyaṃ tadāsanaṃ svākhyayā yajet
prakṛtiṃ triguṇairbimbamūrtibhiḥ paṅkajaṃ tathā
10.10
tatpīṭhakoṇagāḥ pūjyā dharmādyāḥ śaktipaṅkajam
guṇasūryādikandādyairyajedabjaistathā vṛtam
10.11
jayāyai vijayāyai bhadrāyai bhadrakālyai sumukhyai durmukhyai vyāghramukhyai
siṃhamukhyai durgāyai
yajecchaktīrdalāgrasthā navamīṃ karṇikāśritāḥ
mantrapādāṃśca tānaṣṭau paścād bāhye yathocyate
10.12
mātā mātāmbhaisā(?) rvome saṃkhyāsvarṇā bhavanti hi
pādāste ca pṛthak tattvairyuktā vaheśca mūrtibhiḥ
10.13
tadyathā —
jñānakarmendriyairbhūtaiḥ saptadhātuṣaḍūrmibhiḥ
ṣaṭkośaviṣayaprāṇairyuktāḥ pādāḥ pṛthak kramāt
10.14
jātavedā hutāśaścāpyagnivaiśvānarastathā
saptajihvo hutavaho hutavartmā devamukhaḥ
10.14.p1
iti mūrtyaṣṭakam
Linked texts (1)
- Īśānaśivagurudevapaddhati — Īśānaśivagurudeva, Sanskrit