Mantrapada 11

Mantrapāda 11

Language: Sanskrit

11.15

jātavedādipādānte caturthyantaistu mūrtibhiḥ(?)
jñānendriyādisaṃyuktaṃ namontaṃ tān kramād yajet

11.16

pādāvaraṇabāhyasthāḥ svavarṇādyāstu śaktayaḥ
rudrasaṃkhyāḥ pratidiśaṃ pūjyāḥ syurjāgatādikāḥ

11.17

jāgatā tapanī vedagarbhā dahanarūpiṇī
sendukhaṇḍā sumbhahantrī tataḥ khyātā namaścarā

11.18

vāgīśvarī madavaho somarūpā manojavā
marudvegā tathā rātristīvrakopā yaśovatī

11.19

toyātmikā ca nityā ca dayāvatyapi hāriṇī
tiraskriyā vedamātā tataśca damarapriyā

11.20

samārādhyā nandinī ca parā ripuvimardinī
ṣaṣṭhī ca daṇḍinī tigmā durgā gāyatrisaṃjñitā

11.21

niravadyā viśālākṣī śvāyedvāhrai ca vedanī
vedanā vahnigarbhā ca siṃhavāhā ca dhuryayā(1)

11.22

durvipahyā riraṃsā ca tāpahāriṇyatha smṛtā
tyaktadoṣā nissapatnā ceti mantrārṇaśaktayaḥ

11.23

etāścaikakaśo'nekaśaktibhiḥ pṛthagāvṛtāḥ
pīṭhabāhye caturdikṣu pūjyāḥ svākhyānamontakam

pañcamāvaraṇe mātṛrdikṣu yāmye gaṇeśvaram
hemanibhaṃ trinetramaruṇavasanakusumairbhūṣitamekadantāmibhavadanamurugalam
pāśamathāṅkuśaṃ ca dadhatamapi phalavarade
naumi śaśāṅkamaulimṛṣabhagajavilasitam || ṛṣabhagajavilasitam
yajeddeśe gurūn nāmnā śuklān śuklāmbarādikān

11.26

tāmimāṃ rudrasambhūtāṃ durgāmāvāhayāmyaham
yasyāḥ siṃhā rathe yuktā vyāghrāścaivānuyāyinaḥ

11.27

abhayaṃ me'stu durgā durgarūpā dadhātu tāmimāṃ devarṣibhiśca pūjitāṃ devī
durgā śaraṇamahaṃ prapadye namaḥ
evamuccārya durgādevyainādityamaṇḍalāt
āvāhya pūjayet padme dhyāyanmultandalapinīm

11.28

śaṅkhaṃ kheṭaṃ cāpaṃ tarja savye'nyasmin cakraṃ khaḍgam
bāṇaṃ śūlaṃ cābibhrāṇāṃ dorbhigtryakṣāṃ bhāsvanmaulim

11.29

candrottaṃsāṃ sālaṅkārāṃ raktākalpāṃ siṃhārūḍhām
yuddhonnaddhaiḥ kanyābṛndairyuktāṃ durgā devīṃ vande

11.30

yuddhonnaddhau
durgāyai kātyāyanyai gauryai caṇḍikāyai suvarṇavarṇāyai sarvaniṣkalāyai
atha lokādhipān svāsu dikṣu saṃpūjya sāyudhān
nirmālyadhāriṇīmaiśe siṃhikāmabhipūjayet

11.31

mukhyopacāraistāmiṣṭvā japellakṣacatuṣṭayam
vratyāśano brahmacārī niśāsu juhuyādapi

11.32

tilaśāmīlasiddhārthakṣīrānnasamidhaścarum
pṛthag ghṛtaṃ ca juhuyād bhavabhāvamitaṃ kramāt

11.33

aśaktau manasaiveṣṭvā hutād dviguṇitaṃ japet
tataḥ sidhyati mantro'yaṃ viniyogaphalapradaḥ

11.34

aruṇaruciṃ dhṛtapāśavarāṅkuśāṃ tu durgāṃ
hutabhuji tāmabhicintya juhoti candanādraiḥ
vakulabhavairvikacaiḥ sumanobhirardhamāsāt
khalu vaśayet sakalaṃ nṛpatiṃ ca vāṇinīṃ vā

11.35

vāṇinī
madhurairloṇaputtalyā sādhyāṅghrirajasā (su?tu) yat
tannakṣatrāgavahnau yaddhutamākarṣaṇaṃ smṛtam

11.36

aridaragadāśvābjaṃ dorbhiḥ kramād dadhatīṃ sthitāmaruṇakamale tāpiñchābhāṃ vicitravibhūṣaṇām
kanakavasanāṃ candrāpīḍāṃ smarañjuhuyājjale
salilakusumairgandhairvindedasau hariṇīṃ śriyam

11.37

hariṇī
sphaṭikadhavalāṃ śuklākalpāṃ mahaughajale sthitāmabhayavarade cābibhrāṇāṃ sapāśagadāṅkuśām
madhuramilitairjuhvad vṛṣṭiṃ smaran navataṇḍulairjapatu ca jale sthitvā nābhermite labhate'yutam

11.38

ayomuṣṭigadāhastā pītā pītāmbarādikā
māhiṣāktapulākākṣaiḥ stambhayet saṃsmṛtāhutaiḥ

11.39

sasūlamusalā dhūmrā hyeṣā rājīghṛtāplutaiḥ
nimbapatraiḥ sakārpāsabījairvidveṣayeddrutam

11.40

saiva tarjanikāśūlahastā maricamāhiṣaiḥ
viṣapatraiśca rājībhirhomāduccāṭayedarīn

11.41

śūlahastābhisaṅkāśā marīconmattarājibhiḥ
tīkṣṇatailānvitairhomād durgeṣā mohayet parān

11.42

asiguṇakarāṃ kṛṣṇāṃ dhyāyannaruṣkarajārditā
ripuham̐samidho hutvā śatrūn nayed yamasādanam
maricasamidbhājīrājīghṛtāplutahiṅgubhirviṣatarubhavaiḥ kāṣṭhaiścaityairniśāsvarimāraṇam

11.43

viṣākṣaśitimattajā mahiṣarājitailokṣitā
juhotu samidhaḥ pṛthag daśaśataṃ tu kālāṣṭamīm
prabhṛtyapi dināntataḥ pariluṭan sa pṛthvītale
vilāpaparamo vrajed yamapuraṃ tu pakṣādariḥ

11.44

pṛthvī
pratīcya kusumānvite maricacūrṇamiśre jale
riporuḍutarūdbhavāṃ pratikṛtiṃ ruṣā kāthayet
niśīthasamaye hatāmanuvilomataḥ puttalīṃ
satīkṣṇaviṣarūpitāṃ japatu tāpayan mārayet

11.45

bhāgaputtalikāṃ śatrorhiṅgusavyoṣajīrakaiḥ
aṣṭhyapsu kāthayan kṣvelayaṣṭyā santāḍya mārayet

11.46

digambaramadhomukhaṃ ravirathāśvabandhāhinā
nigīrṇacaraṇaṃ smaran dahanavāyubimbe ripum
jalaṃ kṣipatu tajjapan sa na bhavet tathādrāmbaraḥ
satīkṣṇaghṛtavadgutānmaricakaiśca tiṣṭhan kramāt

11.47

dineśadivase'ṅkaṇe likhitacakrapadme śivāṃ
yajed vibhavasārataḥ svaruṇamālyagandhādibhiḥ
svayaṃ ca sitarājimiśrarutilājyagavyānnakairjuhotu vikired baliṃ svaruṇatoyapiṇḍānvitam

11.48

sahasramayutaṃ tu vā prayutamarbudaṃ kāryato
juhotvatha catuṣpathe kṣipatu sarvamagnyādikam
gṛhāmayabhayaṃ haret sakaladuḥkhaśāntirbhavet
sa sādhyayajanaṃ hutaṃ sakalakāmasampatkaram

11.49

pañcagavyacaruṃ sājyaṃ hutvā sampātaśeṣitam
susamprāśyāpamṛtyunamārogyaṃ syācca pāvanam

11.50

palāśaphalakātale munivibhaktadhāvatpuṭe
sa karma ca tadāhvayaṃ likhatu madhyakoṣṭhe punaḥ
vidikṣu bhuvanādhipān bhavapuṭeṣu mantrākṣarān
japādividhinā khaned yadi bhavet svakīyābhibhūḥ

11.51

siṃhameṣadhanurmāse sitajñendrarkabhūdine
viśākhamūlaviṣṇvagniprājāpatyayamarkṣake

11.52

kṛtvā navoktakuṇḍāni teṣvādhāyānalān samam
prācyāmiṣṭvā mahādurgāṃ śaṅkhādīnyāyudhānyapi

11.53

kuṇḍopānteṣu sampūjya triśūlaṃ madhyato yajet
ājyenārkasahasraṃ tu sāvitryā triṣṭubhā pṛthak

11.54

hutvā sampātayet teṣu hemapātravihiteṣu
baliṃ vikīrya viprendrān bhojayecca kumārikāḥ

11.55

guruṃ ca hotṝñjapitṝn dakṣiṇābhiśca toṣayet
purāśramagṛhādīnāṃ navadikṣu yathākramam

11.57

tairatha gavyapātranihitairbhuvi samavihitairgrāmapurādirakṣaṇavidhirbhavati hi suciram
tatra tu vaṃśapatrapatitā iva jalakaṇikāḥ
na sthitimāpnuvanti vipadaḥ sphuṭapavanadhutāḥ || vaṃśapatrapatitā
brahmataruṃ vidārya navadhā navadiśi patitaistaiḥ sukṛtāyudhairnavavidhairnigaditavidhinā
grāmepurādibāhyanihitaiśca tadavanavidhiḥ
syājjaladhigamārdrasikatairvidhirapi ca paraḥ

11.58

sitapāṣāṇakaiścāpi navabhirbilvasaṃmitaiḥ
saṃskṛtyāyudhavad dikṣu kṣiped rogādiśāntaye

11.60

vāre bhānorgaganavasano nandadurgāgrahāṇāṃ
dikṣvādadyānnavasu manunā śarkarāstāvatīstāḥ
madhye rātrau viṣatarudale nyasya saṃpātahomānmandākrāntā dṛṣadi japitāḥ sainyacāṭāya śastāḥ || mandākrāntā
lakṣmīkāmo madhuramilitaṃ kṣīriṇāṃ vai samidbhiḥ
śālīvrīhipravaracarubhiḥ kṣīrabilvaiḥ kramoktaiḥ
aṣṭau tadvacchatamanudinaṃ tatpranidravyamagnau
hutvā vindet salilakusumaistoyageyāṃśubimbe

Linked texts (4)

Īśānaśivagurudevapaddhati — Īśānaśivagurudeva, Sanskrit
Prapañcasāratantra — Śaṅkara, Sanskrit
Śāradātilaka — Lakṣmaṇadeśika, Sanskrit
Siṃhasiddhāntasindhu — Śivānanda Gosvāmin, Sanskrit