Mantrapada 12: atha pañcaviṃśaḥ paṭalaḥ

Mantrapāda 12

Language: Sanskrit

atha pañcaviṃśaḥ paṭalaḥ

12.1

śrotraṃ te yugala sambaddhaḥ śveto lāṅgulisaṃsthitaḥ
karṇapārśvaṃ sakarṇo'bhiḥ sākṣī śvetaśca kiṃ padam

12.2

svapiṣīti bhayaṃ śabdo me'nte syāt samunsthitan
śaḍi yakyaṃ phayakyaṃ hāṭanme bhagavati yapha śa ṭhaṭha
mantro'yaṃ vanadurgāyāḥ sa saptatriṃśadakṣaraḥ

12.3

atyāraṇyāhvayo'syarṣiratyanuṣṭup ca kīrtitā
chandaḥ syād vanadurgaiva devatā sakaleśvarī

12.4

ṛturyugabhogibhirvasurasaiścaturaḥ kramaśaḥ
pramitanijārarṇakaistu racayet pṛthagaṅgamūnūn
ṣaḍapi ca jātibhirvapuṣi tān pṛthagarṇagaṇān
punarapi vinyaset svahṛdayādiṣaḍaṅgamattaḥ

12.5

dvicaraṇasandhayo daśa gudaṃ bhagapārśvayugānyudarahṛdau stanau galamathāṃsayugaṃ bhujayoḥ
ṣaḍapi ca sandhayo vadanaghoṇadṛśaḥ śravaṇāviti ha pṛthag bhruvośca nidadhātu ca ke'rṇagaṇam

12.6

guruvaradīkṣito japatu lakṣamasau vidhivat
tilacarugoghṛtairayutamagnimukhe juhuyāt
pratidivasaṃ yajedapi japecca gurau śivayoḥ
sa bhavati bhaktimān yadi harādapi siddhimiyāt

12.18

mantroddhārādyadhikāraḥ
evaṃ sampūjya homāntamaśaktau manasāpi vā
japan dhyāyan mahādurgāṃ sarvān kāmānavāpnuyāt

pūjādhikāraḥ
atidhṛtau —
śaṅkhaṃ carma dhanuḥ kapālamusale muṣṭiṃ gadāmaṅkuśaṃ
cakraṃ khaḍgaśarau triśūlakuliśaprāsāmipāśān bhujaiḥ
tryakṣāṃ tāṃ dadhatīṃ smared ghananibhāṃ vyāghrājināttāmbarāṃ
siṃhasthāmahibhūṣaṇāṃ ripuvadhe śārdūlavikrīḍitām || śārdūlavikrīḍitam
siṃhasthāṃ kathitāstraṣoḍaśabhujāṃ vidyutprabhābhīṣaṇāṃ
raktākalpabhujaṅgahāravalayāṃ tryakṣāṃ kumārīgaṇaiḥ
sannaddhāṃ vividhāgrudhaiḥ parivṛtāṃ durgāṃ tathā mātṛbhirdhyāyet tāṃ kupitāṃ mahāsuravadhe śastrāstradhārāmucam

12.21

dhyātvaināṃ tu yajan yathāmilaṣitaṃ yo vedalakṣaṃ japeddhutvā vrīhitilājyadugdhacarubhirmantro'sya siddhyet tataḥ
uddiśyāpi juhoti vā 'daśaśataṃ yenāyutaṃ vārvudaṃ
lakṣaṃ vāpi samīhitaṃ tadakhilaṃ prāpnoti bhaktaḥ sa cet

12.22

svaikyaṃ śūlakarāṃ smaran japatu tāṃ saṃspṛśya sarvāmayāṃstarjanyā śamayet tu nābhisalile vindedabhīṣṭaṃ japet
rājījartilagavyabilvasamidhāṃ homo hyapasmārahṛcchuṅgopetavaṭaidhasāmapi hutād vyādhigrahādīn haret

12.23

ravivārīdikaṃ śastaṃ sarveṣāṃ kāmyakarmaṇām
navamyā vā caturdaśyāṃ prārabhet krūrakarma yat

12.24

tīkṣṇājyāyutahomasādhitaśaraistriṃśadbhirastaiḥ pṛthak
śatrūṇāṃ pṛtanā prayāti vilayaṃ bhītyā diśo vidrutā
tadvat prākpaṭaloditena vidhinā saṃsādhitāḥ śarkarāḥ
śatrūṇāṃ navadur gayāpi śiviraṃ proccāṭayeyurdhruvam

12.25

uccāṭo'śvidalaiḥ svayaṃ nipatitairhutvāṅghripāṃsuplutaḥ
stambhastatkusumaiḥ samidbhirapi ca syādardharātre mṛtiḥ
tatklṛptāṃ pratimāṃ ripoḥ sunihitaprāṇāṃ punaḥ khaṇḍitāṃ
hutvā kṛṣṇacaturdaśīniśi tathā kākāriraktārditām

12.26

yadvā nityasamidbhirājyamilitaṃ hutvebhaśāntirbhavet
tatpuṣpairmadhurādirtaistu kariṇo vaśyā bhavanti dhruvam
mattāstacchadanaiśca gavyamasakṛtsaṃmantrya tāṃ mārjayed
rakṣet pāyasagavyataṇḍulaghṛtairnityāhutād vardhayet

12.27

chittvā brahmatarorūrdhvaṃ tyaktvādhoṃśaṃ tu pañcadhā
tatraiva bhittvā tulyāṃśaṃ kramādāśāsu pañcasu

12.28

pātayitvā tu puṇyarkṣe śaṅkhaṃ cakraṃ ca nandakam
śārṅgaṃ gadāṃ ca kṛtvāṃśaiḥ pañcagavyapaṭesu tān

12.29

saṃsthāpya kuṇḍād bāhye tu yathā dikṣu kramāt pṛthak
pratikuṇḍaṃ sahasraṃ tu hutvājyaṃ gavyameva ca

12.30

pratyāhutyeṣu saṃpātya spṛṣṭvā tāvajjapenmanum
nikhaned grāmagehādeḥ sarvarakṣākaraṃ bhavet

12.31

sādhyākhyārṇairvidarbhaṃ likhatu manumamuṃ patre ravidine
cakrī mṛtputtalīke hṛdi niśi nihitaṃ spṛṣṭvā japatu tam
saptāhaṃ vā trisandhyaṃ madanaparavaśāmiṣṭā suvadanāmākarṣedeṣa puṃsāmapi vidhiruditastulyo vaśakareṃḥ

12.33

suvadanā
padmairhutvā narendraṃ vaśayati khalu vipraṃ vā samadhuraiḥ
kalhārairvaiśyamanyaṃ salavaṇamadhunā grāmaṃ ca nagaram
jātībhirdurvayāyurghṛtamadhukamalairarthaṃ ca labhate
dadhnā puṣṭiṃ tu dhānyairapi paśupayasā dhānyāni ca paśūn || prāgvat
prāṅgaṇe'rkavārake dineśamaṇḍalaṃ likhed rajo'vabhosi
tasya madhyato'mbujaṃ vasucchadaḥ sakesaraṃ sakarṇikaṃ ca
dvādaśārakaṃ ṣaḍaśravāhyatastu saṃṅkratiprasaṃkhyanemi
mātulaprabhāvṛtaṃ tu vatsarātmakaṃ samānavṛttameva

12.35

vṛttam
proktamaṇḍale'nalaṃ vidhāya muṣṭidarbhakaiḥ paristute'tha
bāṇakhaḍgaveṣṭite'sye pūrvatastathā yajecchivāṃ juhotu
ājyalājapāyasairanityakairyathāīkaṃ sahasrakaṃ ca
lohitāṅgapiṇḍakaiḥ samantrakaṃ baliṃ kṣiped bahirdiśāsu || prāgvat
tāvajjapet kumārīśca brāhmaṇān bhojayedapi
sampūjya hemavasanairdattvācāryāya dakṣiṇām

12.36

abhayaṃ prārthayed devīmagniṃ viprān kumārikāḥ
graharogodiśāntiṃ vā yad yadiṣṭaṃ tadāpnuyāt

12.37

ravivāraṃ samārabhya saptāhaṃ pakṣameva vā
hutvaivaṃ vijayī rājā syādāpabhyo vimucyate

12.38

ekākṣānto'mbumān dīrghaḥ sānantā pṛthivī tataḥ
caṇḍadurgāpadānte yairhṛdayānto balairmanuḥ

12.43

trailohīṃ suvihitāṃ tu vā kanakajāṃ kṛtvā śubhā mudrikāḥ
hutvājyaṃ daśaguṇaṃ sahasramatha vā lakṣaṃ tu saṃpātitām
tāṃ gavye vinihitāṃ japedapi tathā sampūjitāṃ dhārayan
dīrghāyurbahudhano bhavedapi raṇe mattebhavikrīḍitaḥ || mattebhavikrīḍitam
haimādyaṃ kalaśamahitaṃ tu kamale bhadrāhvaye pūritaṃ
tīrthādbhiḥ kusumagandhahemamaṇibhiḥ sarvaiḥ phalairauṣadhaiḥ
ardhāste dinakare sajāgarajapo rātrau dineśodaye
tatsnānād vigatakalmaṣo gatarujaḥ śrīmān sa jīvecciram || prāgvat
prokte'smiṃścābhiṣeke yajati vidhivanmudrikā sādhane vā
devīmāvāhya tasmin sam̐vṛtisahitāṃ ceśakoṇādibāhye
kṣetreśaskandaśāstṛnapi gaṇapatiṃ kanyakāścaiva viprāniṣṭvā bhojyaiśca vastraiḥ kanakamaṇibhiścitramālākṣatādyaiḥ || citramālā
atha prakṛtau -
uktāṃnāmnaiḥ payoktairjvaramupaśamayeccāpamṛtyuṃ galūcīhutvā bilvaṃ samūlaṃ śakalaphalasamitpallavaiḥ syāt samṛddhiḥ
nyagrodhāśvatthanityākhadirakasamidhāṃ cāyudhaiḥ sainyabhaṅgaḥ
śukrāṃ dhyāyan supītāṃ kanakasarasijasragdharāṃ vāruṇāṃ tām || sragdharā
jñātvopoṣyāaikarātraṃ japatu tadayutaṃ taddaśāṃśaṃ śataṃ vā
hutvā raktānnapiṇḍairbalimapi vikirennistvapeccāpi rātrau
oṃ | chitvā tu saṃśayaṃ devi ! sarvajñe ! sarvasākṣiṇi !
satyaṃ darśaya me svapne svayamāgatya cepsitam

12.44

namaḥ svapnadurgāyai
itthaṃ samprārthya devīṃ śubhamapi paramaṃ yat trikālāṃnubaddhaṃ
paśyet svapne'rthajātaṃ vidhirayamuditaḥ svapnadurgābhidheyaḥ
nyagrodhādho rajanyāmaruṇavaṭasamiddhomato māsamātrād
yakṣīṃ paśyet samṛddhayai navakanakanibhāṃ cintayeccaṇḍikāṃ tām

12.45

vaśyākṛṣṭau ca raktāṃ jvaladanalanibhāṃ māraṇe pītavarṇāṃ
stambhe dveṣe ca dhūmrāmatha viṣaharaṇe śuklavarṇāṃ tu muktau

12.46

atha vā sarvakṛtyeṣu śyāmāṃ savaradābhayām
saśaṅkhacakrāṃ tiṣṭhantīṃ mahiṣopari cintayet

12.47

durgāmantraṃ japed yastamiha bahuvidhāḥ pīḍayeyurbhramādyāstacchāntyai mātṛkābjaiḥ kamala(?)lipividhinā bhadrake nyastakumbhaiḥ
yuktairlipyauṣadhībhiḥ sahaphalakusumairhemaratnāṣṭagandhairlipyarṇai śaktirudrairgaṇanasarasijāt pūritaiścābhiṣiñcet

12.48

hutvā tainyasamantrairghṛtatilacarubhirgavyalājaistadājyaṃ
gavyaṃ sampātya rakṣāṃ kṣipati ca kalaśeṣveṣu tannyāsanaddham
ādyaiḥ kṣāntaiśca siñcet kramaparipaṭhitairāyurāyogyalakṣmīrvindennaśyanti vighnagrahagadavipadaḥ sādhayedapyabhīṣṭān

12.49

vanadurgādhikāraḥ
kāḷaḥ khaṃ sokṣyathomajjā syānmarddinipadaṃ manuḥ
ṭhadvayānto'ṣṭavarṇo'yaṃ durgāhṛdayasaṃjñitaḥ

12.50

oṃ mahiṣahiṃsike namaḥ | mahiṣaśatro ! śārvi ! huṃ phaṭ ṭhaṭha | mahiṣaṃ
heṣaya heṣaya | huṃ mahiṣaṃ hana hana devi ! | huṃ mahiṣasūdani ! phaṭ
aṅgānīmāni pañca svairjātibhiḥ saha kalpayet
ṛṣiḥ syācchākavatsāsyaśchandaḥ prakṛtirucyate

12.51

durgaiva devatā svarṇalakṣābhyāsena sidhyati
kṛṣṇāṣṭamyāmupoṣyatha navamyādi japedimam

12.53

jalabhavakheṭake dhanurapīha gadāṃ dadhatīṃ bhujaiḥ śivāṃ
rathapadanandakau śaramathāṅkuśakamaruṇāmbarādikām
marakataruciṣaṃ trinayanāṃ makuṭādivibhūṣitāṃ smarenmahiṣaśirogatāṃ mahiṣamarddikāmakhilārthasiddhidām || siddhidā
labdhvā mantraṃ guroḥ snātaḥ śastadeśāśrayāśanaḥ
nirvartya sandhyāṃ pūjārthaṃ tadgṛhadvārapān yajet

12.54

tad yathā — durgāparivārebhyo nama iti sarvataḥ | kṣetrapālāya namaḥ
caṇḍikāyai namaḥ | ambikāyai namaḥ | vāstupuruṣāya namaḥ | ityubhayataḥ | dvāraśriyai nama ityūrdhvodumbare
nārācamastraṃ kṣiptvāntaḥ praviśyāsīna āsane
kṛtātmaśuddhirnyastāṅgaḥ svamūlāṅgārghyaśodhitaiḥ

12.55

dravyairgaṇeśaṃ ca guruṃ yajedapyāsanādikam
oṃ saṃprakṛtaye namaḥ ityadho bhūmeḥ | oṃ vaṃ vajrāsanāya nama iti siṃhāsanam | oṃ aṃ āryāyai | oṃ ṛṃ pralayāyai | oṃ ṝṃ mahāpralayāyai
oṃ eṃ sṛṣṭyai nama iti siṃhapādacatuṣṭayam
sattvaṃ rajastamaḥ kandanālapadmāni nāmabhiḥ

12.56

sūryesomāgnivimbāni kaharīśān dalādikān
aṅgāni kesarāgreṣu dalāgreṣvatha madhyataḥ

12.57

prabhāṃ māyāṃ jayā sūkṣmāṃ viśuddhāṃ cāpi nandinīm
suprabhāṃ vijayāṃ sarvasiddhidāṃ cāpyanukramāt

12.58

dīrghasvarādikaṃ ceṣṭā,
oṃ vajranakhadaṃṣṭrāyudhāya mahāsiṃhāya namaḥ iti tatkarṇikopari
tato yathoktarūpāḍhyāṃ durgāmāvāhya mūlataḥ
śastopacārairabhyarcya bahirāvaraṇān yajet

12.59

tad yathā — durgāyai varavarṇinyai āryāyai kanakaprabhāyai kṛttikāyai
abhayapradāyai kanakāyai surūpiṇyai
dīrghasvarādikāścaitā pīṭhabāhye namontakram
vyutkrameṇārcayed dvārakoṇāśāsvāyudhāṣṭakam

12.60

yādyaṣṭārṇādikaṃ ceṣṭrā vīthyāṃ vighnaṃ sarasvatīm
mātṛrgurūṃśca guhaṃ caiva dikṣvathaiśeṣu siṃhikām

12.61

nirmālyadhāriṇīḥ pūjyāstato lokādhipāḥ kramāt
kālyādyā dvandvaśaḥ pūjyā bāhye dvāracatuṣṭaye

12.62

kālīṃ karālīṃ varadāṃ madirāṃ vindhyavāsinīm
suprabhāṃ siṃhavaktrāṃ cāpyaṣṭamīṃ daityamardinīm

12.63

iṣṭraivaṃ parivāraiḥ svairhomāntamupacārakaiḥ
dvādaśānte hṛdabje vā tato devīṃ visarjayet

12.64

pūjādhikāraḥ
tilaghṛtapāyasaiḥ sakalavaśyakaraṃ kamalaiḥ śriyaṃ jayaṃ
viṣasamidūṣaṇaiḥ kṣapitarātijighṛtairhavanādarermṛtim
dvijakusumairlabheta kulapuṣṭima nityakajairjayedarīn
ghṛtasitasarṣapairgadaharaṃ sahitairharitālikāṅkuraiḥ

12.65

prāgvat
durgāhṛdayādhikāraḥ
jvalapadavīpsitādupari śūlini duṣṭapade grahānvitastadanu ca pāravāṇamatho'stramiti tridaśākṣaro manuḥ
oṃ śūlini ! durge ! huṃ phaṭ | oṃ śūlini ! varadāyai huṃ phaṭ | oṃ śūlini!
vindhyavāsini ! huṃ phaṭ | oṃ śūlinyasuramardini ! yuddhapriye ! trāsaya trāsaya
huṃ phaṭ | oṃ śūlini ! devasiddhapūjite ! nandini ! rakṣa rakṣa mahāyogeśvari !
huṃ phaṭ
iti ha tadaṅgakairbhavati dīrghatamā muniruttarā kakup
svayamatha śūlinī yadadhidaivatamakṣaralakṣakaṃ japet

12.66

gurumukhalabdhamantrarniyatāśanavāṅ nadīpatisaṅgame
tvaparamukhe'tha śive'pyathavā vanamañjarīsurabhau girau
japatu yajedapi tāṃ haripoṭhagate'mbuje'ṅgavṛtirbhaved
vasudalaśaktivṛttistvatha hetivṛtirdiśāmadhipairvṛtiḥ

12.67

vanamañjarī
tatra vajrāsanākhyaṃ tadāsanaṃ svākhyayā yajet
prakṛtiṃ triguṇairbimbamūrtimaḥ paṅkajaṃ tathā

12.69

oṃ durgāyai, oṃ varadāyai, oṃ vindhyavāsinyai, oṃ asuramardinyai, oṃ
yuddhapriyāyai, oṃ devasiddhapūjitāyai, oṃ nandinyai, oṃ mahāyogeśvaryai ityaṣṭa
śaktayaḥ
aridarakhaḍgagadāśarakārmukaśūlapāśakarāṃ śivāṃ
śatamakhanīlaruciṃ mukuṭādivibhūṣaṇaiḥ samalaṅkṛtām
ayugadṛśaṃ sumukhīṃ mṛgarājagatāṃ lasatkanakāmbarāṃ
smaratu japādiṣu tāmathavā sacaturbhujāṃ kanakaprabhām || prāgvat
devīmevaṃvidhāṃ dhyātvā hṛdayād vārthamaṇḍalāt
mūlenāvāhya cāṅgaiḥ svairupacāraistu pūjayet

12.70

devyāścaturdiśaṃ dūtīścatasraḥ pīṭhagā yajet
pītāṃ śaṅkhārigadinyudyatkaikakarāṃ jayām

Linked texts (2)

Īśānaśivagurudevapaddhati — Īśānaśivagurudeva, Sanskrit
Agnipurāṇa — Vyāsa, Sanskrit