Pramāṇa · Search · About · API

Mantrapada 13

Mantrapāda 13

Language
Sanskrit

Contents

13.71

pāśadaṇḍadharāṃ yāmye sasphoṭāṃ vijayāṃ sitām
subhadrāṃ paścime śyāmāṃ śaṅkhādyaṣṭabhujānvitām

13.72

śūlakātyāyanīṃ śuklāṃ dhṛtakumbhadravāmṛtām
siñcantīmamṛtāmbhobhirdevīṃ kumbhaparicyutaiḥ

13.75

nirmālyadhāriṇīmaiśe siṃhikāṃ cābhipūjayet
pūjādhikāraḥ
utkṛtilakṣakaṃ japati cejjagat sa nikhilaṃ vaśe sma kurute
yakṣapiśācabhūtabhujagānabhīṣṭamiha kārayed vacanataḥ
mattagajāśvayodhabahulaṃ ca sainyamapi vārayed yudhi jayed
yatra nidhirnidhānamavanau sa paśyati sukhena tacca labhate || prāgvat
svaikyataḥ śūlinīṃ dhyātvā svasthāveśo bhavejjapāt

13.76

viṣagrahāmayādīṃśca mocayed darśanādapi
sitāmbare likhed devīṃ durgā sāṣṭabhujāyudhām

13.77

vāmanābhirjayādyābhiryuktāṃ tāṃ pūjayejjapet
śīghraṃ sidhyati mantro'yamatha bāṇe'rcayedimām

13.78

taddhaidhāt parasainyānāmuccāṭanakaraṃ param
svaikyaṃ dhyānādinā śatruṃ jayet saṃmohayedapi

13.80

tilarājīhutāt sarvāṃ mārayeccitikānale
tajjapitaṃ sitāśmakupitaḥ kṣipet kapivayāṃsi kālayāta tallabdhamanena khe paśumayaṃ nikhātamapi sainyamārganihitam
vatsarahomataḥ samadhuraistilairbhavati śaktimān daśaśataiḥ
pippalakaidhmakaistu vaśayejjuhotyabhimataṃ labheta saghṛtam || prāgvat
yatheha vanadurgāyā viniyogo'nukīrtitaḥ

13.81

tulyo mahiṣamarddinyāḥ śūlinyāścāsu saṃmataḥ
'tāraṃ durgedvayaṃ raktaṃ saṃvarto'gniṭhayugmakam

13.82

ṛṣiḥ syānnāradaśchando gāyatraṃ devatā svayam
khaḍgadurgānijāṇaiḥ ṣaḍaṅgāni ca yathākramam

13.85

purārigirisaṃkhyai taiḥ sarveṇāpyaṣṭamantrataḥ
avatu saśaṅkhacakramasinā triśūlamapi yā dadhacchrutibhujairnavaghananolakāntiruṇāthavā trinanayanā nisumbhamathanī
kanakevibhūṣaṇā bhagavatī piśaṅgāvaramālyāgandhavasanā
caṭulataiairyathādhalalitāmṛgendramadhiruhya vo vijayinī || aśvalalitam
manumupalabhya deśikamukhānnijaikyamabhicintya tāṃ japatu tatkarituragākule yudhi tathā bhayeṣu viṣameṣu vādaviṣaye
sa bhavati nirbhayaśca vijayo yajedadhigatāmimāṃ pratidinaṃ
sitanavamīviśeṣayanājjapācca khacaro'ṇimādiguṇabhāk || prāgvat
tilājyasarṣapairhutvā lakṣaṃ vidyādharo bhavet

13.86

mantriteṣvādivedhena palāyantyaratho mṛgāḥ
coravyādhyādibhiścāsau japan dhyāyan na pīḍyate

13.863

nirāvaraṇamaivaināṃ khaḍgadurgāṃ tu sādhayet

13.863.p1

itthaṃ proktā durgamantrāḥ sakalaviṣagadaduritabhayaśamanā
yastveteṣāmekaṃ veṣṭaṃ vidhiyajanahavanamananajapaparaḥ
saṃsādhyādau bhaktyā yuktaḥ pratidinamapi bhajati yadiha śivāṃ
mattākrīḍā nityaṃ lakṣmīḥ śrayati khalu tamupagatasukhavibhavaiḥ || mattākrīḍā

13.863.p2

iti śrīmadīśānaśivagurudevapaddhatau tantrasāre pañcaviṃśaḥ paṭalaḥ

Linked texts (1)