Mantrapada 14: atha ṣaḍviṃśaḥ paṭalaḥ

Mantrapāda 14

Language: Sanskrit

atha ṣaḍviṃśaḥ paṭalaḥ

14.1

tārāmbhasī sudhāśabdaḥ soṣṭho'gniratha ṭhadvayam
kathito vasudhārāyāṃ mūlamantraḥ svarākṣaraḥ

14.2

sāgnihotro'mbaiko'tha syāt tato vālī harāntagaḥ
śrīkarīti trayo varṇā dhanadhānyapade tataḥ

14.3

pṛthak karipadopete vaherjāyā ca kīrtitā
mantro'yaṃ vasudhārāyāḥ sādhyasaṃjñastu siddhidaḥ

14.4

pūrvo'tra mūlamantraḥ syāt saptārṇastena pūjayet
dvitīyaṃ sādhayenmantraṃ japahomakriyādibhiḥ

14.5

ṛṣirbuddhamuniścchandaśvoṣṇigapyatiśakvarī
devatā vasudhārākhyā lakṣmīrviśvābhipūjitā

14.6

japet tu pūrvasevārthaṃ sādhyamantraṃ trilakṣakam
sandhyāsu cārdharātre ca ṣaṇmukhairvidhiḥ smṛtaḥ

14.7

viśuddhadehaḥ śuddhātmā maunī śuddhāmbarādikaiḥ
candanenārcite tu bimbamālikhya vartulam

14.8

pañcabuddhān praṇamyādau bodhisattvāṣṭakaṃ tathā
akṣobhyavairocanakau ratnasambhavameva ca

14.9

amitārthaṃ tathāmoghasiddhiṃ tārādināmabhiḥ
padmapāṇiśca maitrātmā gaganādigajādvayaḥ

14.10

samantabhadrasaṃjñaśca tathā yakṣādhipāhvayaḥ
tataḥ syānmañjughoṣākhyastathā viṣkambhakāhvayaḥ

14.11

trāṃbījotthaṃ hiraṇyādriṃ dhyāyedatimanoharam
tasyopari tathārāmaṃ kalpavṛkṣairalaṅkṛtam

14.12

tanmadhye maṇibhirdivyaiścitaṃ haimasthalaṃ smaret
tatra yaṅkārajaṃ padmaṃ smṛtvā tatra sthitaḥ svayam

14.13

'oṃ svabhāvaśuddhāḥ sarvasamāḥ | sarvaśuddho'ham'
iti mūrdhādipādāntaṃ trivāraṃ vinyaset sudhīḥ
maitrīṃ sudhīṣu sarveṣu karuṇāṃ duḥkhiteṣu ca

14.14

puṇyaśīleṣu santoṣamupekṣāṃ pāpakarmasu
bhāvayet prāṇivargeṣu sadā santuṣṭamānasaḥ

14.15

oṃ huṃ trāṃ āṃ khaṃ huṃ —
aṅguṣṭhāditalāntaṃ tu trivāraṃ vinyasediti
oṃ sarvatathāgatānāṃ sarvasiddhayaḥ saṃpadyantām | sarvatathāgatāścādhitiṣṭhantām
nābhihṛnmastakeṣvetaiḥ kramāt kuryāt trirañjalim

14.16

oṃ vasudhāre ! abhitiṣṭhasva mām
anenāñjalinā mūrdhni nyastenaināṃ praṇamya tu
oṃ samaye ! saumye ! samayaṅkari ! mahāsamaye ! namaḥ ṭhaṭha
baddhvā samayamudrāṃ tasyāgre'ṅguṣṭhikāma darśayet

14.17

tathaiva vajramudrāṃ ca darśayet sādhyavidyayā
tato hiraṇyagarbhāntaṃ tanmantraṃ prajapecchirasi

14.18

mūlaṃ vinyasya saṃpūjya svaśiraḥ prokṣayet tu taiḥ
pūjādravyaṃ tathā pyāyayedvidyayā'rcayettairmadhyam

14.19

adhaḥ kalpatarordhyātvā ratnasiṃhāsanāmbuje
oṃ śriye, śrīkari ! dhanakari ! dhānyakari ! ehyehyāgaccha bhagavati
vasudhāre ! ṭhaṭha
anenāvāhayed devīṃ dṛṣṭayantānandarūpiṇīm

atha saṃkṛtau —
hemanibhāṃ pīvarakucakalaśāṃ candramukhīmalikularucikeśāṃ
kañculikāṅgīṃ kuvalayanayanāṃ cārubhujāṃ tanutaravaramadhyām
hemakirīṭāṃ kanakamaṇimayairābharaṇaiḥ śucinivasanagandhairañcitamāsyairadhigatavapuṣaṃ kāntimatīṃ praṇamata vasudhārām

14.21

[kāntimatī, tanvīti kecit
tiṣṭhantīṃ vinidhāyāṅghriṃ vasuvarṣighaṭīmukhe
ākuñcitāṅghrijānusthavāmapāṇisthadāḍimām

14.22

ratnavarṣighaṭīgarbhamutpalaṃ cāpare kare
syandamānārthadhārābdhanālanirgatavallarīm

14.23

itthaṃ dhyātvā tu tāṃ devīṃ mūlenāvāhya maṇḍale
mūlamantreṇa cārghyādyairupacārairyajet kramāt

14.24

amitābhāhvayaṃ buddhaṃ kalpavṛkṣamadhombuje
pītavarṇaṃ dhyānāniṣṭhaṃ śikhinaṃ muṇḍitaṃ smaret

14.25

tatpārśvagaṃ tathā śuklaṃ bhāsvarābje kapardinam
sāmrājyilopavītāḍhyaṃ padme lokeśvaraṃ smaret

14.26

vāmapārśve vajrapāṇiṃ śyāmaṃ vajradharaṃ tathā
kirīṭādivibhūṣāḍhyaṃ padme nābhisyapāṇinam

14.27

14.28

14.29

teṣāmubhayato yakṣanāgarājābhidhānakān
ūrdhvato devaputrāṃśca praṇatām̐n sevayāgatān

14.30

itthaṃ saparivārāṃ tāṃ yajed gandhādibhiḥ kramāt
mudrābhirvakṣyamāṇābhirvasudhābhiranukramāt

14.31

antaḥsthāṅguṣṭhayugmā tu mudrā samayasaṃjñitā
tasyāstarjñādimokṣeṇa tisraḥ puṣpādisaṃjñitāḥ

14.32

kaniṣṭhānakhamāropya jyeṣṭhāgraṃ vajralakṣaṇam
muktaśeṣāṅguliḥ proktā dīpamudreti deśikaiḥ

14.33

baddhvāñjaliṃ tu pātrābhaṃ pārśvasthāṅguṣṭhayogataḥ
naivedyamudrātha mitho nirgatāgrāṅgulirbhavet

14.34

sāmānyamudrā sarvatra praṇāmaviṣaye smṛtā
tṛtīyaparvamadhyābhyāṃ tarjābhyāṃ kuñcitaṃ spṛśet

14.35

kiñciddu...............................................
ardharātre japenmantraṃ sādhyaṃ pañcadaśākṣaram

14.36

mūlena sasavarṇena pūjayet tāṃ yathāvidhi
māsācca vittaṃ labhate ṣaṇmāsād dhanado bhavet

14.37

prāhṇe nityaṃ japenmantraṃ niśīthe juhuyāt tilaiḥ
rājānaṃ vaśayediṣṭamarthai tasmāllabheta ca

14.38

siddhārthairathavā hutvā śubhairbhūṣo vaśe bhavet
hrasvaśrīrvāyugehastho dīrghamādyantataḥ karī

14.39

ḍhaṇacaṣi ḍhānyacaṣi puṣṣikari ṛddhikari avighnakari sarvakari ṭhaṭha
dvātriṃśadvarṇo mantro'yaṃ prāgvadaṅgādikaṃ smṛtam
prāgvat pūjājapadhyānairvasudhāreṣṭadā bhavet

Linked texts (1)

Īśānaśivagurudevapaddhati — Īśānaśivagurudeva, Sanskrit