Mantrapada 15: athānyaḥ sādhyamantrasya pūrvoktasyocyate vidhiḥ
Mantrapāda 15
- Language
- Sanskrit
Contents
- 15.128 — 1 part
athānyaḥ sādhyamantrasya pūrvoktasyocyate vidhiḥ
15.40
kṣīrodahemapuline kalpakodyānamaṇḍite
15.41
hemapakṣimṛgākīrṇe cintayet svarṇamaṇḍapam
daśayojanavistāraṃ śatayojanamāyatam
15.42
maṇḍapaṃ tadupandreṇa devyarthaṃ nirmitaṃ dhiyā
stambhairdivyairmaṇimayairaṣṭottarasahasrakaiḥ
15.43
yuktaṃ vaiḍūryasopānaṃ sphāṭikāntarakuṭṭimam
padminīśatasaṅkīrṇaṃ divyodyānaiśca śobhitam
15.44
toraṇacchatrakalaśapradīpāṅkuracāmaraiḥ
śaṅkhaisphaṭikacakrāṅkadhvajadarpaṇamaṇḍitam
15.45
anyaiśca maṅgalairyuktaṃ muktādāmāvalambitam
tanmadhyadeśe dhyātvātha ratnasiṃhāsanaṃ punaḥ
15.46
tasyopari mahat padmaṃ sahasradalaśobhitam
tatkarṇikāsthitāṃ devīṃ vasudhārāṃ vicintayet
15.48
tadyathā —
kalpatarumūle ratnaharipīṭhe saṃnidadhadabje naikaśatapatre
susthitapadābjāṃ śyāmalavipakvāṃ tuṅgakucakumbhāṃ cārumukhacandrām
hāramaṇikaṅkaṇairmukuṭahārairābharaṇairvistīrṇavatīṃ tāṃ
citravasanāḍhyāṃ ratnaghaṭamudrāṃ ca vibhratīṃ naumi vasudhārām || maṇimālā
devīmevaṃvidhāṃ dhyātvā tasyā dakṣiṇapārśvataḥ
muktāmāṇikyavarṣāntaṃ muktāhāraṃ dhaneśvaram
15.49
vāmataścāmarāśryeṇa hemadaṇḍena santatam
vījayantīṃ samṛddhiṃ ca divyarūpām vicintayet
15.50
oṃ dharmāya namaḥ | oṃ buddhāya namaḥ | oṃ saṅghāya namaḥ | oṃ sāgaranirghoṣāya namaḥ | oṃ vajrarekhāya namaḥ | oṃ taruṇine namaḥ | oṃ āryāvalokeśvarāya namaḥ | oṃ prajñāyai namaḥ | oṃ sarasvatyai namaḥ | oṃ sarvabodhisattvebhyo namaḥ
etān siṃhāsanasyādho daśadikṣu yajet kramāt
ṣaḍaṅga mantraiḥ prāguktairvinyasyāśāṃ ca bandhayet
15.51
evaṃ saparivārāṃ tāmabhipūjya yathāvidhi
maunī śucirjapenmantraṃ satyameva vadet sadā
15.52
viśeṣeṇāsya mantrasya satyoktyā labhate phalam
japād daśāṃśaṃ juhuyāt padmairājyavimiśritaiḥ
15.53
tataḥ śrīmān bhavenmantrī nityābhyāsārcanāhutaiḥ
pūrvoditābhirmudrābhirmantraiḥ pūrvoditaiḥ kramāt
15.54
ardharātre tathā prātaḥ śriyaṃ vinded yajan japan
bilvacchāyāyoṣito bilvasamiddhirvātha tatphalaiḥ
15.55
nityaṃ hutvāṣṭasāhasraṃ ṣaṇmāsād rājyabhāg bhavet
pakṣaṃ payovrato nityaṃ prātaḥ santarpya yo japet
15.56
ardharātre ca tāṃ dhyāyan dhanadhānyapatirbhavet
prātaraṣṭau sahasraṃ ca santarpya salilaiḥ śubhaiḥ
15.57
māsena tu samṛddhiḥ syād vaśayecca jagattrayam
dhyāyan sampūjayennityaṃ japan santarpayannapi
15.58
mahatīṃ śriyamāpnoti varṣamātrānna saṃśayaḥ
dūrvābhirāyurārogyaṃ padmairbilvaiḥ śriyaṃ dhanam
15.59
juhvadāpnoti vastrāṇi nvājyairājyasaṃplutam
candanenārdharātre tu samālipya tu maṇḍalam
15.60
puṣpairvikīrya vividhaistasminnāvāhya pūjayet
ghṛtadīpaśataṃ dattvā gandhādyairarcayet kramāt
15.61
ardharātraṃ samārabhya yāvat syādaruṇodayaḥ
japet sajāgaro mantraṃ vasudhārāmanusmaran
15.62
tatastu hemadhārāmre narasthūlā patiṣyati
aṣṭottarasahasraṃ tu nābhidaghnajale sthitaḥ
15.63
japan saptadinād vṛṣṭiṃ labhate tuṣṭivardhinīm
pañcaprādeśamātre tu paṭe devīṃ yathāvidhi
15.64
saṃlikhya tūktarūpāḍhyāṃ pūjayet siddhibhāg bhavet
prātaścaivārdharātre ca candanāliptamaṇḍale
15.65
sampūjyaināṃ japan juhvad yathoktaṃ phalamaśnute
tāraṃ ca hṛdayaṃ nābhirdormadhyaṃ salilaṃ tataḥ
15.66
tvakstho ṣaḍhi bhautikāmḍye mīno'raṇyairdharaṇau (?)
umākāntaḥ sahak cātha dhareṇau ṭhadvayaṃ manuḥ
15.67
aṣṭadikṣvaṣṭapatrāṇi cāṣṭadikṣu svavarṇakaiḥ
15.68
aṅgāni racayet pañca jātibhāñji yathākramam
ṛṣirbarāharaśchando'pi nicṛd bhūmiśca devatā
15.69
lakṣaṃ puraskriyā homo daśāṃśaṃ ghṛtataṇḍulaiḥ
sidhyenmantrastvayaṃ nityapūjāvidhirathocyate
15.70
merau kalpatarormūle hemabhūratnapīṭhake
dhyātvā sitāmbujaṃ tasmin devīmāvāhya pūjayet
15.71
ādhāraśaktiṃ kūrmaṃ cānantamatha ca
dharmādikān guṇān sūryasomāgnyadhipamaṇḍalauḥ
15.72
tatkarṇikāyāṃ bhūbījamiṣṭvā tadvimbatārakam
mūlenāvāhayet tasmin dharaṇīṃ divyarūpiṇīm
15.74
śyāmalavarṇāṃ komalamūrtiṃ kuvalayakalaharukaśitavayasaṃ
hemakirīṭāṃ svābharaṇāḍhyāṃ karadhṛtakamalakuvalayayugalām
krauñcapadālīṃ citrapaṭāntastara litasurasaridupamitavasanāṃ
piñjaragandhasrakparibarhāṃ praṇamata bhuvamiha muraripudayitām || krauñcapadā
dhyātvaivaṃ dharaṇīṃ devīmupacārairyajet kramāt
aṅgaiśca vāsudevādyairdikṣu padmadalāgragaiḥ
15.75
jalāgnimarudākāśān koṇapatreṣvanukramāt
śvetaraktāsitasvacchavarṇān proktatanūn yajet
15.76
devyāḥ pārśvagatau dūtīścatasraḥ koṇagā yajet
cāmaraṃ mukuraṃ caiva ratnabhūṣaṇasamudgakam
15.77
tāmbūlakakaraṅkaṃ ca vahantīrhemasannibhāḥ
kulaśailān samudrāṃśca nadīvṛkṣauṣadhīrapi
15.78
dīpāṃśca nāmadheyaiḥ svaiḥ praṇavādinamontakaiḥ
tadvāhye lokapālāṃśca sagadāyudhavāhanān
15.79
tadvāhye diggajānaṣṭau yajedairāvatādikān
itthaṃ saparivārāṃ tāmupacārairyathoditaiḥ
15.80
sampūjya dadhiśālyannaṃ saghṛtaṃ sopadaṃśakam
nivedya sapūpaphalaṃ dadhyannaṃ vā susaṃskṛtam
15.81
vahnāvapi sāmāvāhya kuṇḍe vā sthaṇḍile śubhe
sājyena caruṇā nityaṃ hutvā devīṃ pravāhayet
15.83
kāmayed vasudhāṃ tu yāṃ śucinā bhṛguvārarerudvāhyāstanmṛdā
miśritaṃ juhuyāt payastadathavā ghṛtapāyasamaṣṭasahasramitaṃ tathā
ātmasād bhavatīha bhūrnacirātnadasasyāvidhi(śrita?śra) sarojakumudvatī
svādusikta navotpalairhavanena dhanānyapi rājyapadaṃ labhate nṛpaḥ || kumudvatī
homānte'nena vikired baliṃ mantrārṇasaṃkhyayā
viśeṣād viṣṇubhaktasya mantro'yaṃ sarvakāmadhuk
15.84
bhūhṛdayādhikāraḥ
śrīkāmaśaktibījātmā tridaṇḍastripuṭāmanuḥ
svabījairadīpsitaiḥ kuryāt ṣaḍaṅgāni yathākramam
15.86
sāgarodarahemabhūpuline surapādapamūlagapīṭhasaroruhe
vedasaṃkhyadale sthitāṃ tridṛśaṃ navahemaruciṃ makuṭādivibhūṣitām
ṣaḍbhujāṃ dhṛtapuṇḍarīkayugāṃ sahapāśamathāṅkuśapuṣpadhanuśśarān
bibhratīmaruṇāmbarādiyutāṃ pramanāni jalakṣiṇāṃ bhuvaneśvarīm || prāgvat
svāṅgāvṛttiḥ syāt prathamā kesareṣūttarādiṣu
dalāgreṣu ca dūtyastā racitāñjalikā yajet
15.87
ghṛṇinyai | sūryāyai | ādityāyai | prabhāvatyai
ityārādhyātha tāṃ devīṃ nivedyāntaṃ yajet kramāt
bhānulakṣaṃ japenmantraṃ śrīmān sa vaśayejjagat
15.88
bilvapatraphalādyaistu miśrairhutvā dhanī bhavet
sāpāmārgāsthicūrṇaintu madhurairvaśayejjagat
15.89
atha śrīśakti kāmānāṃ bījeśīṃ kathitāmbuje
proktarūpādikoṃ devīmarcanaṃ pūjayecchriyai
15.90
aṅgāvṛttiḥ syāt prathamā padmabāhye ṣaḍaśriyu
hṛllikṣamīśirindra smaraṃ caiva ratiṃ yajet
15.91
padmādyairaṣṭanidhibhirhetabāhye cāṣṭamātṛbhiḥ
yoṣidrūpaiśca lokeśairyajet parivṛtāṃ kramāt
15.92
śrīkaraṃ yajanaṃ caitad viśeṣāt sarvavaśyadam
trīṇyetānyeva bījāni kalāyāṃ yojayet kramāt
15.93
bindau vyomni samāyojya dhyāyan sindūralohitam
trailokyaṃ vaśayenmantrī japadhyānarataḥ sadā
15.94
bilvaśamyarkasamidho japāpuṣpāṇi ca kramāt
juhuyānmadhurāktāni jagadvaśyāya ca śriyai
15.95
tripuṭādhikāraḥ
tāramoṣṭhaṃ ca khaṃ sākṣaṃ pārśvaṃ raktaṃ ca meśvarī
ṭhadvayānto daśārṇo'yamumāmantrastu vaśyadaḥ
15.96
ayutaṃ prajapedādau daśāṃśājyaṃ juhotu ca
ākarṣantīṃ raktākalpāpi surucirakanakamayīṃ kareṇa tu yaṣṭikāmādhūrnvānāṃ dhyātvā devīmapara iva hi manasiṃśayo japan vaśayejjanam
15.97
[bhujaṅgavijṛmbhitam
madhuratrayasaṃyuktaṃ raktapuṣpairjuhoti cet
15.98
svavaśe kurute sarvamākṛṣṭiru̍daṇād bhavet
yatrāṅgakalpanā noktā tatra śaktyāṅgakalpanā
15.99
śastā syācchaktimantrāṇāmṛṣyādyaṃ ca puroditam
ākṛṣṭiśaktyadhikāraḥ
hṛnnābhirbhujamadhyaṃ ca patyarṇo ca maheśvari
15.100
śabdaḥ syādatha keśāntau meṣau pūrṇe'tha ṭhadvayam
tārādireṣa dhṛtyartho mantro'trādhipasaṃjñitaḥ
15.102
varṇasāhasrajapyena sidhyeddhomād daśāṃśataḥ
nṛtyantaṃ kanakasadasi mṛḍamaviratamagaduhitaramanupaśyantīmannādyaṃ vividharasavadabhimatadhanamamalam̐vasanamapi viprebhyaḥ
yacchantīṃ ruciravapuṣamaruṇavasanakusumaruciraśubhaveṣāḍhyāṃ
dhyātvomāṃ yajati japati yadi dhanapatirakhiladuritamapavāhya syāt
[apavāhakam
prāhne nityaṃ japenmantraṃ śuciraṣṭottaraṃ śatam
15.104
sahasraṃ vācireṇaiva so'nnādyadhanavān bhavet
annapūrṇādhikāraḥ
hṛdayasahitadeviyugmaṃ mahādevi dedyādidevītyatho sarvaśabdo bhavejjanmukhapadayoḥ syakāro'stu madhye viṣaṃ dīrghakālābhapañcāntakaścāpaḍhīḥ
śaśiśakalayutaṃ kurudvandvakaṃ vahnijāyā ca devyākhyayātriṃśadvarṇo manurvaśayati hi jagad yathā caṇḍavṛṣṭiprayāto'khilaṃ dhyānajapyādibhiḥ śrīkaraiḥ
[caṇḍavṛṣṭiprayātākhyo daṇḍakaḥ
rasavedakṣaraiścatriṃśatkartuparisaṃkhyayā
15.105
svāṅgaissvāntamaṅgāni kutvomāṃ vaśyakarmaṇi
pāśāṅkuśāmbujadvandvakarāṃ raktāṃ trilocanām
15.106
lalitāṅgī smared vātha śriyai lakṣmīsvarūpiṇīm
snātvāṣṭottarasāhasaṃ japenmathyāṃ puraskriyā
15.107
syāt saptakṛtvaḥ salilamabhimantrya śivāṃ smaret
mukhaṃ prakṣālayennityametat sarvānurañjakam
15.108
prāgvanmantritatailena gandhairvā kuṅkumādibhiḥ
mukhamālipya yān paśyet sarvānaiva vaśaṃ nayet
15.109
tatspṛṣṭakusumaṃ mālāṃ gandhaṃ vaśyāya dhārayet
grāmarājakulādīnāṃ praveśe'pi japedimam
15.110
iṣṭārthaṃ sādhayet sadyaḥ strīpuṃsośca samo vidhiḥ
yannāmayuktaṃ mantreṇa japāmuṣpairmadhuplutaiḥ
15.111
juhotyaṣṭottaraśataṃ sahasraṃ vāpi vaśakṛt
japed vā nāmasaṃyuktaṃ yasya taṃ taṃ vaśaṃ nayet
15.112
prātaḥ snātvā tu pañcamyāṃ saikatasthaṇḍile śriyam
kṛtāñjalibhavaiḥ puṣpairāṣṭottarasahasrakaiḥ
15.113
yajed gandhādibhirvindeddevavastrādikaṃ dhanam
hṛdayaṃ bhagavatyante mātaṅge śvariśabdayuk
15.114
sarvaśabdo janayuto manoharipadaṃ tataḥ
mukharañjini sarvārthaṃ sarvarājavaśaṅkari
15.115
sarvastrīpuruṣānte ca sarvaduṣṭamṛgaṃ tataḥ
sarvasattvasya cāpyante vaśaṅkariyutaṃ pṛthak
15.116
amukaṃ vaśaśabdānte mānayeti ca ṭhadvayam
uddhṛtya rathavarṇo'yaṃ mātaṅgīmanurīritaḥ
15.117
mahākālīparicarā devī mātaṅgikā smṛtā
namonte karṇavarṇaiḥ syādekanetre dvayaṃ dṛśā
15.118
someśvarasthaḥ śveto'tha caṇḍānte lolajihvikū
mātaṅgīsarvaśabdānte vaśīkariṇi ṭhadvayam
15.119
mantro'yamapi mātaṅgyā bhaveducchiṣṭasaṃjñitaḥ
dvayordhyānaṃ samānaṃ syād viniyogo vaśīkareḥ
15.121
maratakamaṇikomalaśyāmalāṅgīṃ sukeśālakāṃ kundamandasmitāsyāmbujāṃ
kuvalayadalanīlanetrotpalāṃ pakvabimbādharāṃ pīnatuṅgastanīṃ sundarīm
kisalayamṛdupāṇipādāṃ vinīlāmbarāṃ (śuklāṃ ?) śaṅkhabhūṣolasaccārudivyākṛtiṃ
praṇamata kalagītavīṇa|svanākṛṣṭaviśvāmarādhāṃ tu mātaṅgikāṃ bhūtaye || prāgvat
dhyātvā devīṃ tu mātaṅgīmathanaṃ sandhvayojayet
niśāsvayutajāpena siddhamantro bhaviṣyati
15.122
sarvānapi vaśe kuryāt strīpuṃsośca samo vidhiḥ
rātrau bhuktvā dvitīyena dhyātvocchiṣṭānvasā balim
15.123
mantreṇa japitaṃ dadyād vaśayet sakalaṃ jagat
rājadvāre sabhāyāṃ vā yaṃ yaṃ vīkṣya japan vrajet
15.124
sa vaśyo bhavet sadyo dattvā puṣpādikaṃ tathā
lāṇaṃ trimadhuraiḥ piṣṭvā kṛtvā sādhyasya putalīm
15.125
juhvadaṣṭottaraśataṃ tathā taṃ vaśayejjanam
śālipiṣṭapratikṛtiṃ khādet saṃmantrya vidyayā
15.126
vaśayet saptadivasaiḥ pādamārabhya dakṣiṇam
kākaṃ kṛṣṇacaturdaśyāṃ rātrau bhittvāmya madhyataḥ
15.127
kṣiptvā tu lavaṇaṃ baddhvā kṛṣṇasūtreṇa veṣṭitam
dagdhvā citānale'bhyastaṃ sahasraṃ yatra dīyate
15.128
sa.sa dāsa ivāsyeṣṭaṃ kuryānmantraprabhāvataḥ
yadvānnaiṣadhagandhādyaṃ yaḥ svairmantreṇa dīyate
15.128.p1
taṃ tāṃ vā vaśayet sadyo nātra kāryā vicāraṇā
[śaktayaḥ
iti ha nigaditā yathā mukhyaśo mukhyatantroditāḥ śaktividyāstvimā yā mahā
sakaladuritadoṣadaurgatyadaurbhāgyadogagrahakṣetrapīḍātyayādhyādiduḥkhāpahāḥ
sukṛtavibhavakāmamokṣārthināṃ prārthitārthāmrate kāmadohāḥ sadā kāmadhenūpamā
mṛtijananaṃtaraṅgapūrṇārṇavūrṇadgavāmbhodhi santāranāvo jayantīha saukhyapradāḥ || arṇaḥ
iti śrīmadīśānaśivagurudevapaddhatau tantrasāre
vasudhāra dipaṭalaḥ ṣaḍviṃśaḥ
Linked texts (1)
- Īśānaśivagurudevapaddhati — Īśānaśivagurudeva, Sanskrit