Mantrapada 16: atha saptatriṃśaḥ paṭalaḥ
Mantrapāda 16
- Language
- Sanskrit
Contents
- 16.115 — 1 part
atha saptatriṃśaḥ paṭalaḥ
16.1
purastārakaṃ vyomadīrghādibinduplutaṃ śaktibījaṃ ca śuklaṃ sasargam
samuddhṛtya sūryāyanṝntantamūktvā bhavenmūlamantrastu sauro 'navārṇaḥ
16.2
oṃ aṃ brahmatejo jvala hṛdayāya namaḥ | oṃ aṃ viṣṇutejo(pra?) jvala
arkāya śirase svāhā | oṃ aṃ rudratejo bhūrbhuvaḥ suvaroṃ jvālini śikhāyai
vaṣaṭ | oṃ aṃ maheśvaratejaḥ śūlini huṃ kavacāya hum | oṃ aṃ satyasadāśivatejaḥ kapardini astrāya phaṭ | oṃ haṃ śivatejaḥ śaktinetratrayāya
vauṣaṭ
aṅgānīmāni sūryasya svāstraśuddhe karadvaye
jyeṣṭhādyaṅguviṣu nyasya kramādaṅgaṃ taladvaye
16.3
śīrṣāsyahṛdupastheṣu padayordikṣu ca kramāt
tānyaṅgānyeva vinyasya hṛdayādiṣu ca kramāt
16.4
pūjājapādikaṃ kuryāt siddhimiṣṭāṃ sa vindati
asyarṣiḥ śuktikaśchando jagatī devatā raviḥ
16.5
samudragāyāṃ nadyāṃ taṃ parvatāgre'tha vā yajet
yathāvadvarṇalakṣaṃ tu puraścaryāvidhau japet
16.6
taddaśāṃśena bailvaiśca pālāśaudumbarairapi
edhobhiḥ paippalaiścājyadadhimadhvabhighāritaiḥ
16.7
vidhivajjuhuyācchaktyā brāhmaṇānapi bhojayet
athaivaṃ siddhamantrasya viniyogā bhavanti hi
16.8
brāhmaṇādīṃstu pālāśaiḥ pippalodumbaraiḥ kramāt
apāmārgaistu vaśayededhobhiḥ śūdravat striyaḥ
16.9
sarvān varṇān vaśe kuryādapāmārgerghṛtaplutaiḥ
nadyāṃ samudragāminyāmūrdhvabāhurjale sthitaḥ
16.10
nābhidaghne'ṣṭasāhasraṃ japan nityaṃ dhanī bhavet
maṇḍale saviturviṣṇuṃ hemavarṇaṃ caturbhujam
16.11
śaṅkhacakrāmbujagadāhastaṃ dhyāyain japedapi
sarvān kāmānavāpnoti muktimapyatidurlabhām
16.12
anenaiva samuddiṣṭaṃ yad yat syādabhivāñchitam
mantreṇānena labhate japadhyānahutādibhiḥ
16.13
asya mantrasya cānyeṣāṃ sāmānyenārcanāvidhiḥ
kathyate sūryamantrāṇāṃ yathāvadiha saṅgrahāt
16.14
tadyathā —
oṃ
tejasvinaṃ tathā sūryamādityaṃ tigmatejasam
vaikuṇṭhaṃ caiva tārādiṃ pṛthak pṛthagudīrya tu
16.15
āvāhayāmītyuktāḥ syurmantrā tvāhane raveḥ
oṃ
bhūrbhuvaḥ suvaḥ sūryādiḥ sthāpanāmantra īritaḥ
16.16
mahābalāya svāheti dadyādarghyaṃ yathāvidhi
hṛdayena tathā pādyaṃ dadyādācamanīyakam
16.17
mūlena snāpayed devaṃ sauraiḥ sūktaiśca śaktitaḥ
mūlena vastrābharaṇaṃ kavacenopavītakam
16.18
pādyācāmau yathāpūrvaṃ svāhā taṃ praṇavādikam
gandhaṃ khayolkayetyasya svāhāntaṃ puṣpamapyatha
16.19
sahasrakiraṇāyeti dhūpaṃ ca śirasā raveḥ
śikhayā dīpamapyatha naivedyamamṛtātmane
16.20
japitvā sūryagāyatrīmupacāraistairārcayet
oṃ piṅgalāya namaḥ
antaḥ praviśyopaviśya kṛtvā tu prāṇasaṃyamam
16.21
astraśuddhakaro'ṅgāni hṛdayādīni vinyaset
ātmānaṃ bhāskaraṃ dhyāyan yathoktārghyaṃ tu pūrayet
16.22
sāṣṭāṅgaṃ vinyaset tatra mūlāṅgānyarcayedapi
tatprokṣitātmaisthānāccīṃdravyacakraḥ kuśaistataḥ
16.23
gaṃ gaṇapataye namaḥ | oṃ guṃ gurubhyo namaḥ
iti dakṣiṇato vighnaṃ guhaṃ cottarato yajet
taṃ prabhūtāsanaṃ pīṭhaṃ tāravarṇādipūrvakam
16.24
svanāmnābhyarcya tatpādāṃścaturo'tha harīn yajet
vimalaṃ sāramārādhyaṃ sukhaṃ paramapūrvakam
16.25
tārabindūntavargādiyuktānmūrdhnirnamontakān
tathaiva paramātmānaṃ sūryapadmāsanaṃ tathā
16.26
dīptāṃ sūkṣmāṃ jayāṃ bhadrāṃ bibhratīṃ vimalāmapi
amoghāṃ vidyutāṃ cāṣṭadigdaleṣu kramād yajet
16.27
saptamasya dvitīyaṃ tu svarairdīrghairvibheditam
savindumādau śaktīnāṃ namaścānte niyojayet
16.28
navamīṃ karṇikāyāṃ ca tārādiṃ sarvatomukhīm
iṣṭvātha prasphuranmudrāṃ darśayedatha bhāskaram
16.29
vṛttasvatejobimbasthaṃ śvetapadmopari sthitam
proktamūrtidharaṃ devaṃ sañcintya sthiradhīrhṛdā
16.30
puṣpairañjalimāpūrya khaṣolkaṃ mūlasaṃyutam
uccārya dvādaśāntābjāt tadāvāhanamudrayā
16.31
āvāhya sthāpayet padme sthāpanyā susamāhitaḥ
sannidhānyā sannidhāpya ruddhvā tanniṣṭhurārūyayā
16.32
dhenvā prarocyāthārdhyādīn dattvā caiva khaṣolkinā
sāṅgamūlena cārādhya padmaṃ bimbaṃ ca darśayet
16.33
snānavastropavītādi dattvāṅgāni yajet kramāt
hṛdayādīni vahnīśarakṣovāyudaleṣvatha
16.34
madhye netraṃ tataścāstraṃ digdaleṣu sajātibhiḥ
varadāmbhojahastāḥ syurhṛdayādyāḥ subhūṣitāḥ
16.35
raktābhāḥ seravadanāstadastraṃ yoṣidākṛti
vidyutpuñjanibhaṃ raudramugradaṃṣṭraṃ vicintayet
16.36
dhenumudrāṃ hṛdādīnāṃ darśayed govṛṣaṃ dṛśaḥ
trāsanīmapi cāstrasya punargandhādibhiryajet
16.37
prāgādidikṣu somaṃ ca budhaṃ caiva bṛhaspatim
pūjayed bhārgavaṃ cāgnirakṣovāyvīśadiggatān
16.38
aṅgārakaṃ śanaiścāraṃ rāhuṃ ketumiti grahān
tārārdisvahṛdādyairṇairvindrantaiśca nāmabhiḥ
16.39
śuklo'ruṇaḥ kāṃsyanibhaḥ pītaḥ śvetastathā sitaḥ
kṛṣṇo'ṅgāranibho dhūmraḥ somādyāḥ syurnava grahāḥ
16.40
dvibhujāste ca vāmorusthitaitaddvarapāṇayaḥ
sākṣamālābhayakarā dakṣiṇe suvibhūṣitāḥ
16.41
vandanyā tu parocyaitān gandhādyairatha bhāskaram
nivedyāntaṃ tu saṃpūjya grahāṃścaiva yathākramam
16.42
padmākhyāṃ bimbamudrāṃ ca darśayitvābhinandayet
yathāśakti japitvātha dattvārghyaṃ tu visarjayet
16.43
saṃhṛtya mudrayā mantrān sāṅgaṃ devaṃ grahānapi
hṛdaye dvādaśānte vā sūryabimbe niyojayet
16.44
tannirhmalyādikaṃ sarvaṃ tejaścaṇḍāya dāpayet
tāravargādipūrveṇa svanāmnaivaiśagocare
16.45
svākhyāmistu caturthyā ca sarveṣāṃ syānnamontakam
ṣaṇmudrāḥ sūryapūjāyāṃ darśanīyāstu tā yathā
16.46
padmākārāvābhimukhyena pāṇī madhye'ṅguṣṭhau śāyitau karṇikāvat
padmākhyeyaṃ saiva saṃlagnamadhyā spṛṣṭāṅguṣṭhā bimbasaṃjñā tu mudrā
16.47
prāgvat pāṇyorlmayorṅgulīnāmagre'ṅguṣṭhocālanānniṣṭhurā syāt
baddhvā muṣṭiṃ dakṣiṇāmāsphurantyau muktvā tarjāṃmadhyame govṛṣākhyā
16.48
anyonyagrathitasamāṅgulīkapāṇyostarjāgradvayasamevetamadhyamāgre
vyatyaste'pyatha tadanāmike kaniṣṭhāyuktāgre bhavati hi dhenusaṃjñamudrā
16.49
baddhvā dakṣiṇahastena muṣṭimutsṛjya tarjanīm
tarjanyā vāmatala(saṃ)tāḍanāt trāsanī bhavet
16.50
prayojanatilakādhikāraḥ
tāraṃ sāntaṃ binduyutaṃ kāntaṃ bindusamanvitam
dvitīyasya dvitīyaṃ ca ṣotkāyeti samuddharet
16.51
mantro'yaṃ kathitaḥ sāṅgo bhāskarasya ṣaḍakṣaraḥ
yājñavalkyo'sya ṛṣiḥ syād gāyatrī chanda eva ca
16.52
devatā savitā sākṣāt prāgvat pūjādikaṃ smṛtam
viniyogastu pūrvoktatulyo'syāpi vidhīyate
16.53
viśeṣaḥ svarṇalakṣaṃ tu puraścaryāvidhau japet
taddaśāṃśaṃ hutaṃ prāgvat kṛtvā siddhamanurbhavet
16.54
aṇimādiguṇāvāptirjapasyātiśaye bhavet
ṣaḍakṣarādhikāraḥ
sagaṇānugraho daṇḍī vahnijo lakulīśvaraḥ
16.55
saṅgrāmavijayākhyo'yaṃ sūryamantro'khilārthadaḥ
svayaṃ dīrghasvarairyuktaḥ ṣaḍaṅgānyāstramantrataḥ
16.56
aṅguṣṭhādikaniṣṭhāntaṃ sarvārṇānyaṅgāni ca nyaset
ṣaṣṭhaṃ tu tayormūlaṃ japan hastadvayena tu
16.57
vinyasye vyāpakaṃ cātha mūrdhāsyahṛdayeṣvapi
guhye caraṇayormūlamaṅgāni hṛdayādiṣu
16.58
vinyasya tu yathākalpaṃ snātvā nityamupāsayet
saṃpūjayed raviṃ prāgvanmaṇḍale vārkamaṇḍale
16.59
arghyādyaṃ tu nivedyāntamarcayitvā juhotu ca
dhyāyan sūryaṃ japellakṣaṃ prāgvaddhutvā prasidhyati
16.60
atha vaśye'ruṇaṃ dhyāyeddhemābhaṃ śāntike śriyai
pītaṃ saṃstambhane kṛṣṇaṃ kṣudre śuklaṃ ca muktaye
16.61
apiṅgalaṃ ca vijaye padmahastaṃ raviṃ smaret
japahomādinā prāgvat sarvān kāmānavāpnuyāt
16.62
saṅgrāmavijayādhikāraḥ
satvak saṅgrāmavijayo mantro mārtāṇḍabhairavaḥ
dīrghasvaraiḥ svairaṅgāni hrasvaiḥ svaiḥ pañcamūrtayaḥ
16.63
sūryaśca bhāskaro bhānū raviścātha divākaraḥ
pañcaitā mūrtayastasya mārtāṇḍasya bhavanti hi
16.64
sarvatra bimbapuṭito mantro'yaṃ sarvasiddhidaḥ
pārśvāt tṛtīyo vahnisthaḥ sākṣī bimbaṃ hi bindumān
16.65
aṅguṣṭhādikaniṣṭhāntaṃ pañcamūrtīṃstu vinyaset
madhyādikaṃ kaniṣṭhāntamaṅgamantrāṇi ca nyaset
16.66
mūlena vyāpakaṃ cāpi mūrdhādicaraṇāntakam
mūrtī śīrṣāsyahṛdguhyapādeṣu kramaśò nyaset
16.67
svāvakāśeṣvathāṅgāni vinyasya raviśvat svayam
prāgvat pīṭhe vibhūtyādimaṇḍalābje smaran yajet
16.68
śaktīrdīptādikāścāpi punardūtīcatuṣṭayam
uṣāṃ prabhāṃ ca sandhyāṃ ca prajñāṃ dikpatragā yajet
16.69
svākhyāvarṇaiḥ sadīrghendukhaṇḍairiṣṭā tato ravim
āvāhayet tataḥ padme vakṣyamāṇākṛtiṃ smaran
16.70
sindūrāruṇamaṣṭabāhumaruṇairākalpakairbhāsuraṃ
vāmāṅkārdhaniveśitasvadayitaṃ tryakṣaiścaturbhirmukhaiḥ
satpāśāṅkuśamakṣasūtramamalaṃ yuktaṃ kapālaṃ kramāt
khaṭvāṅgaṃ jalajaṃ dadhānamatha taccakraṃ ca śaktiṃ smaret
16.71
evaṃ dhyātvā samāvāhya saṃpūjya vidhivad ravim
upacārairyathāpūrvaṃ śaktyā śaktyanurūpataḥ
16.72
caturlakṣaṃ japenmūlaṃ puraścaraṇasiddhaye
arghyaṃ caṃ vidhivad deyaṃ gomayāliptamaṇḍale
16.73
śuddhadeśe nadītīre devāgāre'tha vā gṛhe
prāṅgaṇe gomayālipte hastavṛtte tu maṇḍale
16.74
nyastāṅgaḥ sūryamāvāhya saṃpūjya ca yathāvidhi
prasthapūrṇaṃ tu sauvarṇaṃ tāmraṃ vā caṣakaṃ śubham
16.75
dhūpitaṃ sāditaṃ darbhairvāsādyāpūrya vāribhiḥ
raktacandanakāśmīrarocanācandanākṣataiḥ
16.76
karpūrāgarudarbhaiśca śyāmākatilasarṣapaiḥ
veṇubījayavāśālījapābandhūkaḍāḍimaiḥ
16.77
saṃraktakaravīraiśca miśrayitvā tadambhasi
sabimbamūlasāṅgaiśca vinyasya dvādaśāntataḥ
16.78
sahaṃsacetanaṃ gandhapuṣpadhūpācitaṃ punaḥ
dhenvāmṛtīkṛtaṃ śaṅkharakṣitaṃ cāvakuṇṭhitam
16.79
kavacenābjabimbābhyāṃ mudrābhyāṃ samprarocya tu
udyantamuditaṃ vātha paśyan mārtaṇḍamaṇḍalam
16.80
tasmin yathoktavidhinā dhyātvā bhānuṃ trayīmayam
sampūjya vidhinoddiṣṭairupacāraistu mānasaiḥ
16.81
japitvātha namaskṛtya jānubhyāmavanau sthitaḥ
hastābhyāmarghyapātraṃ taṃ gṛhītvānāsamuddhṛtam
16.82
dhyātvā parāmṛtaṃ taṃ ca bhānumūrtestu mūrdhani
dadyādarghyaṃ tu mūlena sāṅgena tu namo'ntakam
16.83
tatastadamṛtāplāvasamāhlāditavigraham
dhyāyed devaṃ tu bimbasthaṃ mūrtimantrāṃśca maṇḍale
16.84
saṃyojyātha kṣamasveti visṛjyāṅghrikaraṃ punaḥ
prakṣālyācamya devārcābhavanāntaḥ praviśya tu
16.85
hairaṇye vātha tāmre vā padme prādeśasaṃmite
āvāhya pūjayet sūrya dravyaiḥ svavibhavārjitaiḥ
16.86
dharmārthakāmamokṣāṇāṃ yadyadiṣṭaṃ tadāpnuyāt
japecca nityamayutaṃ sahasraṃ śatameva vā
16.87
pūjāhomanamaskārajapātiśayabhaktitaḥ
aṇimādiguṇāvāptiracireṇāsya jāyate
16.88
nṛmāṃsatailendhyāghātatilairlakṣaṃ juhoti cet
avijñātaṃ nidhiṃ gūḍhaṃ labhate'sya prabhāvataḥ
16.89
godhṛtatrīhibilvājyairhutaiśrva labhate nidhim
padmakiñjalkagandhāśmakṛkavākuśikhāḥ samāḥ
16.90
gajam̐laṇḍodbhūtaṃ chatraṃ tanmado'laktasārakam (1)
mṛtacīraṃ sitārkasya tūlavarttīkṛtaṃ samam
16.91
nṛkasthanaratailena varttikāṃ dīpayenniśi
yatra syānnidhisandehastatroccairdīpadarśanāt
16.92
adhojvālāgatā vartī nidhānaṃ darśayet sphuṭam
mārtāṇḍabhairavādhikāraḥ
śivottamastu saprāṇa umākānto daśāntabhāk
16.93
savāmaśravaṇaṃ śuklaṃ sākṣiraktaśrva mārutaḥ
anantaḥ sūkṣmayukto'triḥ satvaim̐ksargastathāpaḍhī
16.94
yājuṣo'ṣṭākṣaraḥ saurastārādiḥ sarvasiddhidaḥ
chando'sya devī gāyatrī devabhāgastathā muniḥ
16.95
daivataṃ savitā devo dharmakāmārthamokṣadaḥ
brahmatejojvālāmaṇiṃ1 huṃ phaṭ ṭhaṭha | viṣṇutejojvālāmaṇiṃ2 huṃ phaṭ
ṭhaṭha | rudratejojvālāmaṇiṃ3 huṃ phaṭ ṭhaṭha | maheśvaratejojvālāmaṇiṃ4 huṃ phaṭ
ṭhaṭha | satyatejojvālāmaṇiṃ5 huṃ phaṭ ṭhaṭha
śirobhrūmadhyavaktreṣu hṛnnābhismarajānuṣu
16.96
pādayoścāpi mātrārṇān bubhukṣuḥ sṛṣṭaye6 nyaset
mumukṣorviparīto'smānnyāsaḥ saṃhārasaṃjñitaḥ
16.97
atha prātardvijaḥ snātvā kṛtamāndhyavidhiḥ sthitaḥ
nābhidaghnodake dhyāyan sūryaṃ nyastāṅgavigrahaḥ
16.98
aṣṭakṛtvo'ṣṭakṛtvastu japitvāñjalinā jalam
abhiṣiñcet svamūrdhānaṃ nityamaṣṭottaraṃ śatam
16.99
śriyaṃ prāpnoti nacirād dhanadhānyasukhāspadam
puraścaryāṃ vināpyeṣaṃ7 pūjāhomajapādibhiḥ
16.100
phalatyeva dvijātīnāṃ svavarṇāśramadharmiṇām
yo'ṣṭalakṣaṃ japan mantraṃ nābhidaghne jale sthitaḥ
16.101
pūjājapārghyahomādyairyadyadiṣṭaṃ sa sādhayet
kuṇḍe vā sthaṇḍile cāgnimādhāyāvāhya bhāskaram
16.102
vaidikābhimukhādūrdhvaṃ pālāśairājyasecitaiḥ
edhobhiraṣṭasāhasrairhutvā syād brahmavarcasam
16.103
audumbaraiḥ syādannādyaṃ bailvairlakṣmīstathāmbujaiḥ
dadhimadhvājyasiktābhirdurvābhirhutamāyuṣe
16.104
ājyāktalājaiḥ kanyāyai tilājyaiḥ pāpaśāntaye
śvetāruṇaharidrābhakṛṣṇasūtrābhiveṣṭitaiḥ
16.105
khadirādyaistu kramād varṇān vaśayed brāhmaṇādikān
tattadvarṇaistu kusumairvāsāṃsi labhate hutaiḥ
16.106
śucāvanālaye deśe sulipte cātha vartule
bimbe navaghaṭe bhānuṃ samyagāvāhya pūjayet
16.107
aṣṭottaraśataṃ sājyaṃ pāyasaṃ juhuyādapi
japedaṣṭasahasraṃ ca dvādaśāhaṃ ghaṭaṃ spṛśan
16.108
bhojayitvā dvijān bhaktyā vṛṣṭimiṣṭāṃ sa vindati
tisro rātrīrupoṣyatha raviṃ saṃpūjya bhaktitaḥ
16.109
pāyasaṃ juhuyādaṣṭasahasraṃ ghṛtamiśritam
bhojayitvā dvijān bhaktyā pāyasājyena bhaktitaḥ
16.110
dvādaśāhaṃ tu vā pakṣaṃ māsaṃ māsatrayaṃ tu vā
tataḥ patnīmṛtusnātāṃ hutaśeṣaṃ tu vāśayèta
16.111
mantreṇāṣṭaśatālabdhaṃ tataḥ putraṃ sa vindati
kalaśe pūrvavad bhānumāvāhyābhyarcya bhaktitaḥ
16.112
sagandharatnakanakavastramālyādyalaṅkṛte
japitvā juhuyādaṣṭasahasraṃ tena sekataḥ
16.113
grahāpamṛtyurogādeḥ śāntiḥ sadyo'sya jāyate
payovrato japed varṣaṃ varṣe varṣāṇyathāpi yaḥ
16.114
khecaratvādayastasya guṇāḥ sidhyantyayatnataḥ
sāvitrīṃ yo yathoddiṣṭāṃ japan saṃpūjayed ravim
16.115
nityoktamārgahomādyaiḥ sarvān kāmānavāpnuyāt
udyannudyeti pūrvāyāṃ chando'nuṣṭub bhavedṛcaḥ
16.115.p1
ṛṣiśca devatā prāgvad viniyogāśca pūrvavat
itthaṃ yathāvaduditairiha sūryamantrairnāsādhyamasti khalu vastu jagattraye'pi
yasmādataḥ savitari praṇidhāya bhaktiṃ siddhiṃ prasiddhiṃvibhavāṃ ca labheta muktim
iti śrīmadīśānaśivagurudevapaddhatau tantrasāre
sūryapaṭalaḥ saptaviṃśaḥ
Linked texts (1)
- Īśānaśivagurudevapaddhati — Īśānaśivagurudeva, Sanskrit