Mantrapada 18: athaikonatriṃśaḥ paṭalaḥ

Mantrapāda 18

Language: Sanskrit

18.101 — 1 part

athaikonatriṃśaḥ paṭalaḥ

18.1

vāmadormadhyamaḥ sādyī sadaṇḍastārapūrvakaḥ
sasargaśca bhṛgustyarṇaḥ prokto mṛtyuñjayo manuḥ

18.2

ṛṣiḥ kaholaśchando'sya daivī gāyatramucyate
viniyogo mṛtyujaye daivaṃ mṛtyuñjayaḥ śivaḥ

18.3

bindūntāvasya madhyāntyau ṣaḍaṅgānyeyataḥ svaraiḥ
bījāni trīṇi karayorjyeṣṭhādyaṅguliparvasu

18.4

kaniṣṭhādiṣu cāṅgāni talayorastramantrataḥ
pādādikaṃ tu guhyāntaṃ prathamārṇa tu vinyaset

18.5

guhyādikaṃ tu kaṇṭhāntaṃ dvitīyaṃ bījamapyatha
tṛtīyamapi kaṇṭhādimūrdhāntaṃ vinidhāya tu

18.6

hṛdādisvāvakāśeṣu ṣaḍaṅgānyapi dinyaset
lakṣatrayaṃ puraścaryājapastasmād daśāṃśataḥ

18.7

chinnāḥ kṣīrājyamadhvāktā juhoti caturaṅgulāḥ
dhyāyan mṛtyuñjayaṃ svaikyaṃ yajāṃścitrādike japet

pāyāt pāṇḍarapuṇḍarīkapadayorūrdhvādharotphullayormadhye
saṃpuṭacandramaṇḍalagatto vo'ṣṭābdabālākṛtiḥ
svāsīnaḥ śaramòkṣikākṣivalaye śūlaṃ dadhat ṣaḍbhujo
dakṣe'nyatra sudhākapālakalaśau mudrāṃ ca mṛtyuñjayaḥ

18.9

śvetākalpo lasanmuktāhārihāravibhūṣaṇaḥ
triṇetro dhṛtabālendurjaṭāmakuṭabhūṣaṇaḥ

18.10

ūrdhvādhaścandrabimbasthakalājālāmṛtāmbubhiḥ
ścyotatsudhāmbudhārābhiḥ plāvyamānaḥ samantataḥ

18.11

karṇikāstyāntabījaṃ syāt tayormadhyendubimbayoḥ
cintayed vāruṇaṃ bījaṃ tasmāccyotatsudhāmbubhiḥ

18.12

plāvyamānaṃ smaran svaikyaṃ mṛtyuñjayaśivaṃ smaret
praṇavaṃ padmayornāle dvitīyārṇaṃ dalāni ca

18.13

anulomavilomasya manormadhye svanāma ca
prayojanaṃ cāpyuccārya japediṣṭārthasiddhaye

18.14

tathaiva home svāhāntaṃ hutveṣṭaṃ labhate phalam
chinnābhirmadhuraktābhirhutvā mṛtyuṃ nivartayet

18.15

dūrvābhirāyuṣe tadvadārogyaṃ pāyasena ca
kāśmaryasamidhāṃ homaḥ sarvarogaharo bhavet

18.16

tilājyapāyasacchinnāhomānnaśyatyupadravaḥ
pāyasakṣīrasiddhārthahavanājjayamāpnuyāt

18.17

stambhanaṃ busarājībhirdveṣaṃ nimbasamiddalaiḥ
vaibhītakaistathoccāṭaṃ māraṇaṃ viṣavṛkṣajaiḥ

18.18

rājītailaviṣonmiśraiḥ kṣudreṣu havanaṃ matam
kṣīrājyamadhusiktaṃ syāt śāntikeṣvapi pauṣṭike

18.19

vaśyāya loṇamadhuraiḥ śriyai kamalarūpāyasaiḥ
juhuyāt koṭijāpyena sarvān kāmānavāpnuyāt

18.20

pūjāṃ ca kuryācchaivoktakramāt proktaśivāsane
svāṅgairdvāreśalokaiśairastraiścāvaraṇaiḥ kramāt

18.21

citrādimūrtī hṛdaye sūryabimbe'tha vā jale
upacārairyathāśakti yajaṃstatsiddhimaśnute

18.22

bhṛgukhaṃ śuklamabhisthaṃ tato jvalanamṛtyubhiḥ
nāśanāyāmijāyānto manvarṇo manuruddhṛtaḥ

18.23

mṛtyujitsaṃjñito'syāpi ṛṣyādyaṃ pūrvacoditam
dakṣiṇāsyo japedenaṃ sandhyayormṛtyuśāntaye

18.24

kathitatryarṇamantrādimimaṃ saptadaśākṣaram
japet tu sādhanārthaṃ ca viniyogaiśca pūrvavat

18.26

dhyānaṃ ca pūrvavat tatra viśeṣastūpadiśyate
dhavalakamalacandradvandvamadhyopaviṣṭaṃ hariṇaparaśupāṇiṃ sākṣamālākapālam
amṛtakiraṇacūḍaṃ pāṇḍarākalpavarṇaṃ sravadamṛtajalārdraṃ naumi mṛtyuñjayeśam
mṛtyuñjayādhikāraḥ
mantrastryambakaḥ śrauto mṛtasañjīvanaṃ smṛtam

18.27

ṛṣirvāsiṣṭho bhagavān bhārgavaśceti kecana
chando'nuṣṭub devatā syād rudrastryambapūrvakaḥ

18.28

ṣaḍaṅgāni svayaṃ rāmavedāṣṭānavapañcakaiḥ
tribhiścāpi nijairvarṇaiḥ pādāṅgulyagrasandhiṣu

18.29

pādasandhidvaye jānvorguhye mūle tathodare
pṛṣṭhe ca hṛdaye kaṇṭhe bāhvoḥ sandhyaṅgulīṣvapi

18.30

vaktraghrāṇākṣikarṇabhrūyugaleṣvapi mūrdhani
dvātriṃśadvarṇavinyāsaṃ bindvantaṃ pṛthagācaret

18.31

śirobhrūnetravadanakaṇṭhahṛnnābhiṣu kramāt
guhyorujānupādeṣu padānyekādaśa nyaset

18.32

dhyānaṃ ca —
āsīnaḥ puṇḍarīke dadhadamṛtamayaṃ pūrṇakumbhaṃ nijāṅke
pāṇibhyāṃ pustakākṣasrajamapi sudhayā pūrṇakumbhau sitāṅgam
kumbhābhyāṃ saudhavarṣairdhṛtaśaśikale mūrdhni siñcan kapardī
śuklākalpo'ṣṭabāhuḥ prahasitavadano rakṣatāt tryambako vaḥ

18.33

athāṣṭāvaraṇā pūjā kartavyā tryambakasya tu
śivāsane tu śaivokte nijāṅgaiḥ prathamāvṛtiḥ

18.34

kṣamāvahiyajamānārkajalavāyvindupuṣkaraiḥ
aṣṭābhirmūrtibhiḥ śambhordvitīyāvaraṇaṃ smṛtam

18.35

tṛtīyādyāstu ṣaṣṭhyantā vṛtayo'ṣṭābhiraṣṭabhiḥ
aṣṭābhiścāṣṭabhirjñeyā remādyaṣṭādiśaktibhiḥ

18.36

raimā rātriḥ prabhā jyotsnā pūrṇāṃṣā pūraṇī sudhā
tṛtīyāvaraṇe cātha viśvā vidyucca pāṇḍarā

18.37

prahvā sārā ca sandhyā ca śivā caiva niśāṣṭamī
ārdrā prajñā parā medhā kāntiḥ śāntirdhṛtiḥ smṛtiḥ

18.38

ityaṣṭau śaktayaḥ proktāḥ pañcamāvaraṇasya tu
paromā pāvanī padmā śāntā moghā jayāmalā

18.39

śaktayo'ṣṭāviti proktāḥ ṣa(ṣṭhā?ṣṭhā)varaṇagocarāḥ
indrādyairdaśalokeśaiḥ saptamī tu vṛtirbhavet

18.40

aṣṭamī ca hi vajrādyaiḥ karṇikāyāṃ śivaḥ svayam
kiñjalkamadhyeṣvaṅgāni kesarāgreṣvaṣṭamūrtayaḥ

18.41

dalagā mūlamadhyāgratadagreṣu ca śaktayaḥ
ebhirāvaraṇaiḥ śambhu(rmu?ru) pahāroditakramāt

18.42

pūjyaḥ syāddhṛdaye citre liṅge vā sphāṭike śubhe
kalaśe'pyevamāvāhya sampūjya vidhivacchivam

18.43

sāmayyā dīkṣitaṃ vipraṃ śiṣyaṃ tenābhiṣicya tu
tasmai mantraṃ jalopetaṃ dadyāt so'pi ca sādhayet

18.44

nityaṃ sampūjayecchambhuṃ vratyāśī vijitendriyaḥ
brahmacaryaparaḥ pūrvaṃ japellakṣamananyadhīḥ

18.45

bailvāḥ pālāśakhadiranyagrodhasamidhastilāḥ
siddhārthapāyasakṣīradadhidūrvāḥ pṛthak kramāt

18.46

daśa dravyāṇi tairaṣṭāvaṣṭottarasahasrakam
āvāhitaśive hutvā śaktyā viprāṃstu bhojayet

18.47

ayutaṃ vedaviduṣāṃ sahasraṃ śatameva vā
guruṃ cārādhayecchaktyā hiraṇyavasanādibhiḥ

18.48

tataḥ siddho'sya mantro'yaṃ sarvakāmaprado bhavet
yena śukraḥ purā devairnihatān yudhi dānavān

18.49

mantreṇa jīvayāmāsa kaṃcamaṅgirasaḥ sutam
yena vajrāsthideho'bhūd dadhīco manunāmunā

18.50

tena traiyambakenāsti nāsādhyaṃ bhuvanatraye
bilvānāmayutairlakṣmīṃ palāśairbrahmavarcasam

18.51

edhobhiḥ khādiraiḥ puṣṭiṃ dhanadhānyaṃ vaṭodbhavaiḥ
atha mṛtyuñjayaṃ cāghakṣayaṃ kṛṣṇatilairhutaiḥ

18.52

śatrukṣayaṃ ca siddhārthaiḥ pāyasenāyuṣe śriye
kṣīreṇa kṣudrarogādiśāntirlakṣmīkaraṃ tathā

18.53

dūrvābhirāyurārogyaṃ dadhnā cānnena sampadam
pratimāsaṃ janmadine dūrvābhiḥ pāyasena ca

18.54

viṃśatiṃ ca śataṃ hutvā dīrghamāyuravāpnuyāt
kāśmaryaiḥ pāyasenāyuḥ syāt sarvatra ghṛtaṃ plutam

18.55

nābhidaghnajale sthitvā pratyahaṃ cāyuṣe japet
saptābhimantritaṃ nityamannaṃ kṣīraṃ tathauṣadham

18.56

trisandhyaṃ salilaṃ ca syāt pītamāyurvivardhanam
pāyasaṃ vātha dadhyānnaṃ hutaṃ parvasu puṣṭidam

18.57

kanyāṃ tu labhate lājairlājaiḥ kanyāsya dīyate
nyagrodhapippalaplakṣaiḥ kramādaudumbarairapi

18.58

brāhmaṇādyān vaśe kuryāt kṣīrājyamadhusecitaiḥ
tilasiddhārthadūrvānnairādraryāmāyuṣe hutaiḥ

18.59

janmarkṣe juhuyādājyaṃ kṛsaraṃ gulapāyasam
śeṣeṇa bhojayed viprān vaśayed devatāmapi

18.60

sā cāsyeṣṭaṃ varaṃ dadyāt kiṃ punarmānavo bhuvi
śamīsamidbhissārdrāyāṃ sahasraṃ pāyasena vā

18.61

hutvā tadbhasmanā phāle tripuṇḍraṃ sarvavaśyadam
payasāragvadhairhutvā niśāyāṃ vaśayed dhruvam

18.62

tadvat kṛṣṇacaturdaśyāṃ hutvāpāmārgapāyasaiḥ
tadbhasmapuṇḍraṃ śirasi kṣiptaṃ tu vaśayet striyam

18.63

tailāīṃkhādirairdveṣamuccāṭaṃ ca vibhītakaiḥ
vetasairlabhate vṛṣṭiṃ mārayed viṣavṛkṣajaiḥ

18.64

nāmāṅkitaistu sarvatra samidbhiḥ kṣudrakarmasu
juhuyānnāmakarmārddhaṃ mantrānte viniyojayet

18.65

siddhārthaiḥ śarkarābhirvā japitaistrisahasrakam
gṛhagrāmapurādīnāṃ rakṣāyai dikṣu nikṣipet

18.66

rajvāru(?)pakakṛtayā tvaikāhraihikālikam
dinasaṃkhyāgrathitayā haste baddhvā jvaraṃ haret

18.67

janmarkṣeṣvapi saṅkrāntyāṃ kalaśaṃ vidhipūritam
sādhitaṃ japahomābhyāṃ siktaṃ syādāyuṣe śriye

18.68

tathā tenābhiṣiktā strī vandhyā sūte sutaṃ śubham
āyurārogyavijayaśrīsaubhāgyaprado hi saḥ

18.69

kṛṣṇapakṣe caturdaśyāmārdrāyāṃ vāṣṭamī tithau
aviśeṣoditadine prayogo'nena siddhidaḥ

18.70

nadyāṃ samudragāminyāṃ śākamūlaphalāśanaḥ
japedekādilakṣāṇi sa vindedaṇimādikān

18.71

vṛtyāśanastu niṣkāmaḥ parvatāgre yajan śivam
lakṣatrayaṃ japitvā tu mucyate bhavabandhanāt

18.72

bahunātra kimuktena bhajatāṃ manunāmunā
dharmārthakāmamokṣeṣu durlabho nāsti kaścana

18.73

traiyambakādhikāraḥ
gāyatryanuṣṭubhau triṣṭup trayaṃ caikatvamāgatam
trimantraḥ śatavarṇo'yaṃ sūryarudrāmbidaivataiḥ

18.74

viśvāmitro vasiṣṭhaśca mārīcaḥ kaśyapaḥ svayam
ṛṣayo'mī yathāpūrvaṃ chandastat tritayaṃ smṛtam

18.75

svayameva ṣaḍaṅgāni jātiyuktairnijākṣaraiḥ
tatrātijagatīrudravikārāṣṭimrasaṃkhyayā

18.76

dvāviṃśatyā tathā kṛtya ṣaḍaṅgāni yathākramam
lakṣamasya puraścaryā bhaktyā hutvājyapāyasam

18.77

dvijāṃśca bhojayecchaktyā siddhamantrastato bhavet
gāyatryādyaṃ śāntikādau pauṣṭike'nuṣṭubādikam

18.78

gāyatryādyaṃ saurapīṭhe śaive tatratryambakādike
durgāpīṭhe traiṣṭubhādyaṃ vahnipīṭhe'tha vā yajet

18.79

sūryastraiyambakaścādye durgā vā dhyeyadevatā
aṅgairvṛtiḥ syāt prathamā prahlādinyādiśaktibhiḥ

18.80

vṛtitrayaṃ ca vṛtayaścatasrastu ramādibhiḥ
jāgatādyādirekaikā lokairdaśamī vṛtiḥ

18.81

dūrvācchinnāṃghṛtairāyurlakṣmīṃ padmotpalairhutaiḥ
bilvaiḥ śriyaṃ tilaiḥ śāntiṃ pāparogeti (?) vidviṣām

18.82

prātarnityaṃ japed bhaktyā sarvān kāmānavāpnuyāt
gāyatriyādimantrāṇāṃ ye ye kalpāḥ puroditāḥ

18.83

teṣūktā ye'sya sāmānyāḥ prayogaubahuvistarāḥ
śatākṣarādhikāraḥ
tāraṃ namo nābhigakārakaumbhau te dakṣiṇāmūrtipadaṃ caturthyā
mahyaṃ ca medhāṃ prayutaṃ ca yaccha vahnipriyetyākṛtivarṇamantraḥ

18.84

atriśvāntikamakṣyuka caraṇyāntaḥ sadīrgho viṣaṃ
ṣaṣṭhāntaṃ tvetha rephivāmacaraṇaṃ ye tubhyamityakṣaraiḥ
hṛtapūsaṇihāliṇe dhyāne dhātṛṇi ghaṭāṃśaja namorudrāya śambhave
dvātriṃśadgaṇitākṣaro manurayaṃ syād dakṣiṇāmūrtaye
tārāntādiniruddhaśaktisahitaḥ ṣaṭtriṃśadvarṇo bhavet

18.85

ṛṣiḥ śuko'nayorjñeyo brahmādyasyeti kecana

18.86

chandogāyatramādyasya parasyānuṣṭubucyate
devatā dakṣiṇāmūrtiḥ sarvajñatvaṃ dvayoḥ phalam

18.87

svārṇaiḥ ṣaḍbhistathā ṣaḍbhirdvābhyāṃ dvābhyāṃ tribhistathā
dvābhyāmapi ṣaḍaṅgāni prathamasya svajātibhiḥ

18.88

ṛtvigvi(?)vasumātaṅgabhūtarāmanijākṣaraiḥ
astrāntaṃ jātiyuktāni dvitīye'ṅgāni kalpayet

18.89

aṅguṣṭhāditalāntaṃ tānyaṅgāni karayornyaset
vyāpakaṃ cāpi mūlena tato dehe'kṣarāṇyapi

18.90

yathā -
śirolalāṭabhrūmadhyadṛkchrotraghrāṇayugmayoḥ
mukhe gale ca bhujayorhṛdi nābhau ca guhyake

18.91

ūrvośca jaṅghayoḥ padbhyāmarṇāndvāviṃśatiṃ nyaset
śirolalāṭadṛkśrotranāsāgaṇḍadvaye mukhe

18.92

sandhyakṣakeṣu bhujayorgalahṛnnābhiṣu kramāt
kaṭyāṃ guhye corujānvornalakaṅṅgulisandhiṣu

18.93

dvātriṃśadakṣaranyāsaṃ kṛtvātha vyāpakaṃ punaḥ
kṛtvā tu tāraśaktibhyāṃ ṣaḍaṅgānyāpi vinyaset

18.94

dvitīyasya —
vedanyagrodhamūle munibhirabhivṛtaṃ gāḍhaparyaṅkabaddhaṃ
śuklākalpaṃ trinetraṃ bhasitasitaruciṃ vyāghracarmāmbarāḍhyam
vyākhyāmudrāṃ ca ṭaṅkaṃ hariṇamṛjubhuje jānurūruḍhe kusumbhaṃ
bibhrāṇaṃ jāṭajūṭāhitaśiśikalaṃ dakṣiṇāmūrtimīḍe

18.95

idaṃ dhyānaṃ dvitīyānuṣṭubhaḥ
anvāsīnaṃ munīndraiḥ kanakapaṭamadhobadbaparyaṅkabadbaṃ
vyākhyārthe bhūtigauraṃ caladamaranadīcandracañcatkapardam
tryakṣaṃ rudrākṣamālotpalakalitakaraṃ jānurūḍhaikabāhuṃ
kṛttiṃ citrāṃ vasānaṃ praṇamata satataṃ dakṣiṇāmūrtimīśam

Linked texts (3)

Īśānaśivagurudevapaddhati — Īśānaśivagurudeva, Sanskrit
Saradatilaka (ed. Arthur Avalon) — Sanskrit
Prapañca — Sanskrit

Mantrapada 18: athaikonatriṃśaḥ paṭalaḥ

Contents

athaikonatriṃśaḥ paṭalaḥ

Linked texts (3)