Mantrapada 19: atha triṃśaḥ paṭalaḥ

Mantrapāda 19

Language: Sanskrit

19.1273 — 1 part

atha triṃśaḥ paṭalaḥ

19.1

śukraṃ ca nādabījaṃ cāpyantyo'nugrahaṃbindumān
bhṛguḥ khamatha vahnisthaṃ śuklaṃ bhautikabinduāt

19.2

ṣaṣṭhākṣaraṃ syācchuklaṃ ca khaṃ śuklaṃ sāgnyanugraham
bindumannavamaṃ bījamaghorebhyaḥ samuddharet

19.3

hrīṃbījaṃ ca samuddhṛtya atha ghorebhya ityapi
ekonaviṃśatyarṇo'yaṃ pārśve soṣṭhyagbinduāt

19.4

ghoraghoratarebhyaśca khaṃ sānugrahabinduāt
sarvataḥ śarvasarvebhyaḥ proddhārastadanantaram

19.5

namasteasturudrānte rūpebhya iti coddharet
vyomāgnau binduātpaścād vāgbhavaṃ mānmathaṃ tathā

19.6

śaktiṃ śriyaṃ tataḥ śuklaṃ sānugrahavisarjanam
uddhṛtyāghoramantraḥ syāccatuḥpañcāśadakṣaraḥ

19.7

tārādirvaidike'pyasmin vijñeyaḥ syād dvijātibhiḥ
tāraṃ ca lohitaḥ sāgniḥ sphuraśabdaiśca vīpsitaḥ

19.8

dantī śivottamaścāgnistau cāṣaḍhibhujaṅgakau
aṇubhūmakataḥ prakataḥ kaha kaha vamaghātayeti ca vīpsitam
varmāstre cetyaghorāstro dvicatvāriṃśadakṣaraḥ

19.9

asyaiva bījamantraśca kathyate dvādaśākṣaraḥ
pārśve sāgnyoṣṭhacandrārdhaṃ khaṃ sāgnyo'kārabinduṃkam

19.10

vāgbhavasmarahṛllekhā śrīprasādasarasvatī
astrāya phaḍiti prokto mantro'yaṃ dvādaśākṣaraḥ

19.11

dvicatvāriṃśadarṇena saṃyojya dvādaśākṣaram
catuṣpañcāśadarṇa syādaghorāstramapi sphuṭam

19.12

evaṃ hyaghoramantraścāpyaghorāstraṃ ca kīrtitam
sahapāṭhe dvayorvarṇā bhavantyaṣṭottaraṃ śatam

19.13

dvayorapi ṣaḍaṅgāni pṛthak svārṇairbhavanti hi
ṛṣirdvayorgālavaḥ syācchandastu bṛhatī matā

19.14

aghoramūrtistu śivo devatā syād dvayorapi
sādhanādyaṃ dvayostulyaṃ nānyonyaṃ tau hi muñcataḥ

19.15

aghoraṃ sādhayannastraṃ taddaśāṃśaṃ japedapi
sādhayaṃścāpyaghorāstramaghoraṃ ca japet tathā

19.16

ādisthanarvebīje syādaghorebhyo'tha hrīṃ ca hṛt
atha ghorebhya iti ca prem̐śiro jātisaṃyutam

19.17

ghoraghoratarebhyaḥ khamau bindusahitaṃ śikhā
sarvataḥ śarvasarvebhyaḥ proṅkāraḥ kavacaṃ bhavet

19.18

namasta ityādibhiḥ syānnetramekādaśākṣaraiḥ
pariśiṣṭaiḥ pañcabījairastraṃ sarvatra jātibhiḥ

19.19

yutāni syuraghorasya ṣaḍaṅgāni nijākṣaraiḥ
aghorāstrasya cāṅgāni nijavarṇairbhavanti hi

19.20

rasartuvedadiṅ‌nāgavasusaṃkhyākṣaraiḥ kramāt
svasvajātiyutāni syuraṅgāni ṣaḍanukramāt

19.21

svayambhuvi tathārṣe vā ekaliṅge'tha vā sure
paścimā badane liṅge puraścaryāṃ samācaret

19.22

atyāśano yajañchambhuṃ triḥ snāyī niyatendriyaḥ
lakṣaṃ japedaghoraṃ cāpyaghorāstraṃ ca bhaktitaḥ

19.23

taddaśāṃśena juhuyāt tilānājyavimiśritān
aśaktaḥ svārṇasāhasraṃ japeddhutvā daśāṃśataḥ

19.24

japan dvitricaturlakṣaṃ mahatīṃ siddhimaśnute
sāṣṭatriṃśatkalāmūrtamañjanābhaṃ caturmukham

19.25

aṣṭādaśabhujaṃ raudraṃ prativaktraṃ trilocanam
vasānaṃ carma vaiyāghraṃ gajacarmottarāmbaram

19.26

khaṭvāṅgadantau śūlaṃ ca kapālāṅkuśapāśakān
halaprāsaśareṣvāsakhaḍgakheṭākṣamālikāḥ

19.27

padmaṃ daṇḍaṃ ḍamarukamabhayaṃ varadaṃ kramāt
aṣṭādaśabhujairhetīn bibhrāṇaṃ dakṣiṇetaraiḥ

19.28

daṃṣṭrādanturabhīmāsyaṃ piṅgamaśrujaṭādharam
uṣṇīṣakaṇḍalādīni nūpurāntāni yāni vai

19.29

bhūṣaṇāni bhujagendraiḥ kḷptāni dadhataṃ vibhum
vasānaṃ carma vaiyāghraṃ muṇḍamālāvibhūṣitam

19.30

lūtāvṛścikasaṃmiśrakaṇṭhālambitabhūṣaṇam
daṣṭādharoṣṭhaṃ vṛttākṣaṃ bhrukuṭīkuṭilānanam

19.31

aghorākṣararūpaiśca rudraiḥ śaktibhirāvṛtam
ṣoḍaśārasya cakrasya madhyapadmodarasthitam

19.32

vakṣyamāṇaistathā rudrairbhairavairmātṛbhirvṛtam
dakṣiṇābhimukhaṃ devaṃ tadastraṃ tasya paścime

19.33

dhyātvā japādikaṃ kuryād bhittāvalipyai vā paṭe
aghorāstradhyānam —
aghorāstraṃ tathā dhyāyan bhinnāñjanagiridyutim

19.34

spṛṣṭadaṣṭādharoṣṭhaṃ taṃ lasaddaṃṣṭrotkaṭānanam
saṃraktagandhavasanamālyabhūṣaṇabhūṣitam

19.35

aṣṭabāhuṃ dhṛtodagrasaptāyudhavibhūṣitam
śūlamūlaṃ ca vetālaṃ khaḍgaṃ ḍamarukaṃ kramāt

19.36

dakṣiṇairitarairdorbhiḥ kapālaṃ cāpyadhastanāt
ghaṇṭāṃ kheṭaṃ śūlamadhyaṃ bibhrāṇaṃ cottarottaraiḥ

19.37

vṛttapiṅgatvinnayanaṃ bhrukuṭīkuṭilotkaṭam
jvaladagniśikhākāraṃ piṅgalordhvaśiroruham

19.38

nūpure kaṭisūtre ca tathaivodarabandhane
kaṭakāṅgadayoḥ kaṇṭhe karṇakuṇḍalayorapi

19.39

dvau dvāvahīndrau dadhataṃ yuddhasannaddhavigraham
lūtāvṛścikasaṃsaktakaṇṭhālāmbitamālakam

19.40

vāmapādaṃ puraskṛtya raktābje'ṣṭadale sthitam
graharogabhayakṣudranikhilārinibarhaṇam

19.41

kalpānalasahasrārkabhāsuraṃ bhaktavatsalam
dhyāyed devamaghorāstraṃ pūjāhomajapādiṣu

19.42

atheṣṭvā vighnarājānaṃ gurūnātmānameva ca
ādhāraśaktiṃ cānantamāsanaṃ dharmapūrvakān

19.43

somasūryāgnibimbāni brahmādīṃśca tadīśvarān
tāmasyādyāḥ kalāḥ śaktīriṣṭāghorāsanaṃ smṛtam

19.44

tasminnaghoramūrtiṃ tāṃ vidyādehaṃ ca tadgatam
vinyasyāvāhayed śaivaṃ hṛtpadmāddvādaśāntagam

19.45

jyotistatparamaṃ devaṃ sūkṣmaṃ caitanyavigraham
āvāhya mūrtiṃ hṛtpadme sthāpanādikrameṇa tu

19.46

upacāroktamārgeṇa naivedyāntaṃ yajet sudhīḥ
hutvāgnau ca baliṃ hṛtvā parikramya pradakṣiṇam

19.47

stutipūrvaṃ namaskṛtya tatpuraḥ prajapenmanum
evaṃ saṃsādhayenmantraṃ dattvā tu gurudakṣiṇām

19.48

mantrasādhanādhikāraḥ
atha siddhena mantreṇa viniyogān samācaret
dharmārthakāmakṛtyeṣu yadyadiṣṭaṃ hi mantriṇaḥ

19.49

tasmin nāsādhyamastīha ghorāghorāstramantrayoḥ
tayorekatareṇeṣṭaṃ japārcādyaiḥ prasādhayet

19.50

viśeṣād rājakāryeṣu paracakrabhayādiṣu
grahabhūtādipīḍāsu kṣudrarogabhayeṣu ca

19.51

apamṛtyubhaye tadvadanāvṛṣṭyativṛṣṭiṣu
mahotpāteṣu jāteṣu narastrīgajavājinām

19.52

upasargeṣu mārīṣu tattatpīḍopaśāntaye
aghorayāgaḥ sāmānyaḥ samāsādiha kathyate

19.53

śucau deśe vivikte tu tattatkāryānusārataḥ
maṇḍapaṃ vā prapāṃ kṛtvā kṣiptvā vāstubaliṃ tathā

19.54

puṇyāhaṃ vācayitvādau svasti vācyaṃ dvijātibhiḥ
suvilitte sthale vighnānutsāryaiṣṭvā gaṇeśvaram

19.55

sthaṇḍilaṃ taṇḍulaiḥ śuklairdroṇestu śālijaiḥ
tadardheśca tilaiḥ kṛtvā tanmadhye ṣoḍaśacchadam

19.56

śuklaṃ rajobhiḥ kṛtvābjaṃ madhye kumbhaṃ nidhāya tu
samāpūryāmbhasā gandhahemaratnaphalākṣataiḥ

19.57

tasminnaghoramāvāhya sādhako'ṅgāvṛttiṃ yajet
aṅgairvṛttiḥ kesareṣu tadagre'ṣṭāyudhairvṛttiḥ

19.58

kalābhirbhīṣaṇādyaistu tṛtīyā tu vṛtirbhavet
dalamūleṣu brāhmādyā asitāṅgādibhairavaiḥ

19.59

dalamadhyagataiḥ pūjyā caturthī mātṛkāvṛtiḥ
pañcamī tu dalāgrasthairbhairaveśādibhairavaiḥ

19.60

śrīkaṇṭhārṇaiśca ṣaṣṭhī tacchaktibhirvṛtiḥ
saptamī lokapālaiśca tadastrairvīthigā vṛtiḥ

19.61

bāhyā vṛtiḥ ṣoḍaśabhirvṛṣādyairaṣṭamī smṛtā
evaṃ sāstramaghoreśaṃ liṅge citre paṭe tathā

19.62

saṃpūjya dadyānnaivedyamuttamādyaṃ svaśaktitaḥ
vāditragītanṛtyaiśca paritoṣya maheśvaram

19.63

prācyāṃ prāguttare vātha kṛte karmānusārataḥ
kuṇḍe śivāgnau vedāśre sāghorānāṅgatakalāḥ

19.64

aghoraṃ devamāvāhya saṃpūjya juhuyāt tataḥ
prāguttareṇa kuṇḍasya śāntikumbhasthamarcayet

19.65

palāśabilvaplakṣāśva vaṭodumbarapaippalāḥ
samidho ghṛtasaṃsiktāḥ śālyannaṃ pāyasaṃ ghṛtam

19.66

kṛṣṇāṃstilān veṇuyavān śālisiddhārthalājakān
kṣīraṃ madhu tathaikaikaṃ pṛthagaṣṭottaraṃ śatam

19.67

aghoreṇa tathāstreṇa hutvāṅgairastaddaśāṃśataḥ
ardharātre baliṃ dadyād bhūtakūreṇa deśikaḥ

19.68

arghyāmbugandhapuṣpādyairiṣṭvātha vikired balim
kalādyāvaraṇebhyaśca devatābhyo yathākramam

19.69

tāmasī mohanī rātrirniṣṭhā vyādhiśca māraṇī
kṣudhā tṛṣṇetyaghorasya śaktayo'ṣṭa kalāśritāḥ

19.70

bhāṣaṇo bhairavo bhīmo raudraścogro bhavastathā
ghoro ghorataraścāṣṭau dalamadhyasthitāḥ kramāt

19.71

brāhmī māheśvarī cātha kaumārī vaiṣṇavī tathā
vārāhyendrī ca cāmuṇḍī caṇḍikā cāṣṭa mātaraḥ

19.72

asitāṅgo ruruścaṇḍaḥ krodheśonmattakāvapi
kapālī bhīṣaṇaścaiva saṃhāraścāṣṭa bhairavāḥ

19.73

brāhmadyādyāścāsitāṅgādyāḥ pūjyāḥ syurdalasandhiṣu
bhairaveśastathonmattaḥ krūro mārtāṇḍakopanau

19.74

bhīmaścāpyatha saṃhartā kālaścaṇḍo'tha bhadrakaḥ
ugro bhavaśca pātālo vyomeśaśca kṣitīśvaraḥ

19.75

adhīśaścārtha patrāyragatāḥ ṣoḍaśa bhairavāḥ
śrīkaṇṭhādyāstathā rudrāḥ pūrṇodaryādiśaktayaḥ

19.76

pūrvoktāḥ syustathendrādyā vajrādyāścaiva hetayaḥ
vṛṣo vighno vīrabhadraḥ śāstā devī prabhā tataḥ

19.77

satyakaḥ śrīsarasvatyau jyeṣṭhā śaṅkho'tha ṣaṇmukhaḥ
viśākho naigameśaśca durgā caṇḍeśvarastathā

19.78

kṣetrapālaśca pūrvādidigvidiṅmadhyayogataḥ
evamāvaraṇānyaṣṭāvaghorayajane'rcayet

19.79

dadyād devasya cāṅgebhyo naivedyaṃ tūpapattitaḥ
kalācāvaraṇebhyastu baliṃ bhūmau vinikṣipet

19.80

tadvāhye digvidigsthāḥ syurgaṇāstebhyo baliṃ kṣipet
tadyathā —
ādityā marutaḥ sādhyā gandharvāḥ pitarastathā

19.81

rudrāśca rākṣasā nāgāḥ siddhavidyādharāḥ surāḥ
suparṇapretakūṣmāṇḍavasavo yakṣakinnarāḥ

19.82

bhūtā vināyakā viśve piśācāścāśvinau gaṇāḥ
yoginyaścātha ḍākinyaścaturviṃśatidhā gaṇāḥ

19.83

digvidiṅmadhyasaṃsthāste ṣoḍaśordhvaṃ caturvidhāḥ
adhaścaite caturdhā syuḥ pūjyāstebhyo baliṃ kṣipet

tadvāhye darśadiksthebhyo gaṇebhyo vikirad balim
pūrvaisyāṃ diśi śivasya bhagavato ye gaṇā vajrapāṇayaḥ śvetāḥ śvetākṣāḥ
śvetalohitāḥ divyantarikṣabhaumāḥ pātālanivāsinaśca, tebhyastābhyo namo
namaḥ ṭhaṭha | āgneyyāṃ diśi śivasya bhagavato ye gaṇāḥ śaktipāṇayo raktā
raktākṣā raktalohitā ityādi | yāmyāṃ diśi śivasya bhagavato ye gaṇā daṇḍapāṇaya kṛṣṇāḥ ityādi | oṃ nairṛtyāṃ diśi śivasya bhagavato ye gaṇāḥ
khaḍgapāṇayaḥ śyāmāḥ śyāmākṣāḥ śyāmalohitā ityādi | vāruṇyāṃ diśi
śivasya bhagavato ye gaṇāḥ pāśapāṇayaḥ śabalāḥ śabalākṣāḥ ityādi | vāyavyāṃ diśi śivasya bhagavato ye gaṇāḥ aṅkuśapāṇayaḥ pītāḥ ityādi | oṃ
kauberyāṃ diśi śivasya bhagavato ye gaṇāḥ gadāpāṇayaḥ sitāḥ sitākṣāḥ sitalohitā ityādi | om aiśānyāṃ diśi śivasya bhagavato ye gaṇāḥ śūlapāṇayaḥ kapilā ityādi | ūrdhvāyāṃ diśi śivasya bhagavato ye gaṇāḥ padmapāṇayaḥ sūkṣmāḥ sūkṣmākṣāḥ sūkṣmalohitā ityādi | om adhastād diśi
śivasya bhagavato ye gaṇāḥ cakrapāṇayaḥ dhūmrā dhūmrākṣā dhūmralohitā divyantarikṣabhaumāḥ ityādi
ebhirvikīrya prīṇāti mantraiḥ pāriṣadāṃ balim

Linked texts (1)

Īśānaśivagurudevapaddhati — Īśānaśivagurudeva, Sanskrit

Mantrapada 19: atha triṃśaḥ paṭalaḥ

Contents

atha triṃśaḥ paṭalaḥ

Linked texts (1)