Mantrapada 2: atha ṣoḍaśaḥ paṭalaḥ

Mantrapāda 2

Language: Sanskrit

2.127 — 1 part

atha ṣoḍaśaḥ paṭalaḥ

2.1

tāraśrīśaktikāmakṣitigaṇapatayo bījabhūtāḥ ṣaḍādau
caṇḍānto nāntaḍāntāvaṣaḍiratha marudyonigo'mbhaścai raktam
toyaṃ vahnistadā tristadanu ca kathitaḥ sarvaśabdo janaṃ me
mantro vaināyako'yaṃ vaśamiti ca padāndānayāgnipriyāntaḥ

2.2

prāgvad bījaistārakādyaistu ṣaḍbhirvaighnaṃ bījaṃ tat tu dīrghasvarāḍhyam
yuktaṃ svānirjātibhiḥ ṣaḍ yathāvadaṅgāni syustāni cākṣāntamārgāt

2.3

ṛṣistathokto gaṇakaḥ kakup syācchandastu gāyatramitīha kecit
taddaivataṃ cāpi mahāgaṇeśaḥ siddhiścaturvargaphalāvasānā

2.4

bhavābhāvabhāvaprasaṃkhyaṃ japet tatsamartho na ced bhāvabhāvārbhasaṅkhyam
daśāṃśaṃ ca hutvā ghṛtaṃ cāṣṭabhakṣyairbhavet siddhamantro gaṇeśaprabhāvaḥ

2.5

haimaṃ nānāvṛkṣaṣaṇḍābhirāmaṃ śailaṃ madhye gaularatnākarasya
dhyāyet tasmin hemavaprāvṛtāntaṃ divyodyānaṃ candrakāntasthalāntam

2.6

sthale'trātha madhye ṣaḍaśre tu pīṭhe gajāsyaṃ saroje purokte niviṣṭam
japābhaṃ mahāntaṃ saṃtundaṃ gaṇeśaṃ vicitraiḥ saratnaiśra hārairupetam

2.7

bījapūrakagadāsmarahetīraṅkuśārijalajānyapi pāśam
utpalaṃ ca kalamānikaraṃ vo yo radaṃ daśabhujo dadhaddhyāt

2.8

savyamaṅkamadhigopitaśaktyā śvetapadmakarayā svavagūḍham
gaurahāramaṇihemavicitrairbhūṣaṇairalamalaṅkṛtagātryā

2.9

raktagandhakusumāmbaramālyairbhūṣitaṃ saha tayā gaṇanāyam
puṣkareṇa kalaśaṃ ca dadhānaṃ sādhakopari kiratsuvarṣam

2.10

āmodo'tha pramodaśca sumukho durmukhastathā
vighnaśca vighnakartā ca śaṅkhapadmanidhī tataḥ

2.11

śakrāgnīśānavaruṇarakṣovāyvaśragāstu ṣaṭ
gaṇeśāḥ śaṅkhapadmākhyau nidhī yāmyottarasthitau

2.12

śvetau ca raktāvasitau ca vedyāvāmodapūrvāḥ kramaśastu vighnāḥ
ṭaṅkākṣamālordhvakaradvayāḥ syurarvākarābhyāṃ dhṛtadantabhakṣyāḥ

2.13

śaṅkhābjasaṃjñau sitaraktavarṇau nidhī ca tallakṣitahastayugmau
dhyeyau vamantau vipulaṃ dhanaughaṃ parasparaṃ saṃmukhayakṣaveṣau

2.14

tīvrā ca jvālinī caiva mohinī bhogadā tathā
kāminī ceti tejiṣṭhā ṣaḍāmodādiśaktayaḥ

2.15

aṅgaiśca vighnairnidhiyugmayuktairlakṣmyādibhiścāpyatha mātṛbhiśca
śakrādibhiścāvaraṇāni caivaṃ pañcaiva pūjyāni yathākrameṇa

2.16

padmāmbujākṣau puratastu bilve yāmyāṃ vaṭādho girijāvṛṣāṅkau
paścāt tu bodhau ratipuṣpabāṇau saumye priyaṅgau ca mahīvarāhau

2.17

padmadvayārisitaśaṅkakarau puroktau pāśāṅkuśatriśikhaṭaṅkakarāvumeśau
yugmotpalasmaradhanuḥkusumeṣuhastāvamyau ca śāliśukacakragadā dadhānau

2.19

dāmpatyaṃ te prārthayamānāścirasaukhyaṃ vighnādhīśaṃ sāñjalibandhāḥ prayajante
bāhye caiṣāṃ sāyudhavāhā haridīśā dhyeyāḥ sarve divyavibhūṣāmbaragandhāḥ
ādhāraśaktyādisaroruhāntamiṣṭvā purovannijanāmadheyaiḥ
devaḥ sapañcāvaraṇo yathāvat pūjyo'ṅghramūleḥ prathamopacāraiḥ

2.20

bhittau paṭe vā kanakādibere samyak pratiṣṭhāpya mahāgaṇeśam
sampūjayet prāpya tu mantradīkṣāṃ prāgvābhiṣiktastu gaṇeśakumbhaiḥ

2.23

japeccaturlakṣamatāṣṭabhakṣyairhutvā daśāṃśaṃ tvathavā svaśaktyā
smṛtvā gaṇeśaṃ manasāpi ceṣṭā sidhyet tu mantro'sya samīhitaṃ ca
ākhurhaṃsaḥ parvatakūṭaipratimaḥ prāgīśopānte kṣetrapatiḥ syād gaṇacaṇḍaḥ
pūjyaḥ prāgvad bhakṣyahutādyaiḥ sakalārthāḥ sidhyantyasyācāryapadābjāhitabhakteḥ
nityaṃ yathāśakti japecca mantraṃ santarpayeccāmbaracandratoyaiḥ
bhakṣyādyabhīṣṭaṃ prathamāśramibhyo dadyād dvijebhyo'pi ca siddhikāmaḥ

2.24

caturdigdalāgre nyaseccāpi kumbhān pradhānaṃ ca kumbhaṃ sarojasya madhye
saidugdhaiśca vṛkṣaiścaturbhiḥ puroktaistathā cauṣadhībhirlipedambumiśca

2.25

saratnaiśca gandhaiḥ supuṣpaiśca hemnā supūrṇān ghaṭānstān savastrān purovat
niveśyātha devaṃ gaṇeśaṃ tu madhye tathaindrādikumbheṣu yugmāni ceṣṭrā

2.27

vibhūṣyātha vastraiśca gandhaistatheṣṭā samūlaistadaṅgaiḥ sajīvān vidadhyāt
japitvā tu śaktyā ca hutvābhiṣiñcet prasiddhyeddhi mantraḥ svamīṣṭaṃ ca vindet
annenānnasamṛddhaye tu madhunā svarṇāptaye gorasairgosiddhayai tilataṇḍulaistu juhuyāllakṣmyai ghṛtenāpi vā
dadhnā śarkarayā juhotu yaśase vāśvārikausumbhakairvastrārthe kamalairnṛpaṃ tu kumudairdevīṃ ca tanmantriṇam

2.28

āśvatthairvaṭajairurumbarasamidplakṣaistu varṇān vaśe
kuryānmodakapiṣṭakaistu yuvatīrdravyāṣṭakairvāñchitam
saṃsiddhyellavaṇaiśca vetasabhavairvṛṣṭirbhavet tarpaṇānmantreṇātha caturguṇena sakalān kāmān japairvā hutaiḥ

2.29

icchecced dviradavane jalopakaṇṭhe kṛtvādau samacaturaśrahomaśālām
tatreṣṭvā dviradamukhaṃ tu madhyavedyāmaiśānyāṃ diśi juhuyācchubheḍagnikuṇḍe

2.30

samṛddhimārgeṇa juhotu vahnau tasmin samāvāhya mahāgaṇeśam
tatastu bījairapi cāṅgamantrairhutvā purastādapi mūlato'tra

2.31

vargatrayeṇāpi vibhajya mantraṃ navaprakāraṃ tu ghṛtena hutvā
samastamantreṇa tadarṇasaṃkhyaṃ hutvāṣṭabhakṣyairmadhuratrayāktaiḥ

2.32

bhavodbhavābhāvanasaṃkhyametacchatāṃśato brāhmaṇabhojanaṃ ca
śaktyātha tān vastrahiraṇyagobhiriṣṭvā ghaṭāntardviradāḥ patanti

2.33

tallabdhamātaṅgadaśāṃśato'smai syād dakṣiṇā mauntravarāya deyā
tataḥ sahāṅgaiḥ paricārakāṇāṃ baliṃ ca dattvā sahadevamagnim

2.34

hṛdambuje sve gaganāmbuje vā niyojayecceti gajagrahaḥ syāt
mahāgaṇapatividhānam
pañcāntakaṃ binduyutaṃ ca sākṣād bījaṃ gaṇeśasya vadantyathānye

2.35

aukārabindūntamudīrayanti tulyastayoḥ syād vidhireṣaṇīyaḥ
gaṇarājāya ṭhaṭha | ekadaṃṣṭrāya huṃ phaṭ | acalakarṇine namo namaḥ
gajavaktrāya namo namaḥ | mahodarāya daṇḍahastāya huṃ phaṭ | vināyakāya
vauṣaṭ
svajātibhāñjītyuditāni ṣaḍ yānyaṅgāni netrāntamanukrameṇa

2.36

gaṇeśvarāya ṭhaṭha | dhūmramukhāya ṭhaṭha | dhūrjaṭāya ṭhaṭha | vighnarūpāya ṭhaṭha
ityaṣṭadigbandhavidhiḥ pradiṣṭaḥ
vighnahantre ṭhaṭha | lambodarāya ṭhaṭha
sordhvādharāśākalanaṃ vidadhyāt
ṛṣistu nāmnā gaṇako virāṭ tacchandastu devo'sya vināyakākhyaḥ

2.37

tretyāśano'muṃ japatu trilakṣaṃ puraskriyārthaṃ sa daśāṃśahomam
caturbhujaḥ kharvatanurgajāsyo lambodaro nāgakṛtopavītaḥ

2.38

dadhat sapāśāṅkuśadantabhakṣyaiḥ pātrīṃ tadālambitapuṣkarāgraḥ
raktāmbarālepanamālyaratnairvibhūṣitaḥ kuṅkumapiñjarābhaḥ

2.39

dhyeyo hyadhaḥ kalpataroḥ phalārthairāpūryamāṇaḥ kanakābjapīṭhe
aiśe guruṃ kṣetrapatiṃ ca pūrvamiṣṭvā tathādhāramayīṃ ca śaktim

2.40

śeṣaṃ ca pṛthvīṃ tadanantapīṭhaṃ dharmādibhiḥ proktaguṇābjabimbaiḥ
taccandramadhyasthitatāramadhye tvānīya svābjāmṛtadhārayendau

2.41

vināyakaṃ svairvṛtamaṅgamantrairgajānanairdigdalagairhṛdādyaiḥ
koṇeṣu hetiṃ purato'sya netraṃ digbandhavighnāṃstu gaṇeśvarān ṣaṭ

2.42

śaṅkhākhyapadmākhyanidhī ca diksthān koṇeṣu caivaṃ kramaśo'rcayīta
indrādilokādhipatīn savāhāniṣṭvā svakāṣṭhāsu tadāyudhāni

2.43

yajeccaturthāvaraṇe tvathaiśe gurūn svān gaṇacaṇḍakaṃ ca
āvāhanādyaistu yathopacārairiṣṭvā yathāśakti japecca mantram

2.66

kalaśe śarāvakapilājyadīpike svabhipūjite niśi japecca kanyakām
adhivāsya tatra khalu māvalokanād vadati trikālakalitārthasantatim

2.68

itthaṃ mantro bhārgaveṇodito'yaṃ vaighnaḥ pūrvaṃ kāmadhug yo munīnām
yo'muṃ samyak sādhayet sādhakendrastasyāsādhyaṃ nāsti kiñcit trilokyām
siddhavināyakavidhānam
uddhṛtya jhaṇṭīkroḍe'śau dantāyeti padaṃ tataḥ
vastipucchāśasaṃkṣoḍaśau ucchiṣṭamātmane

2.69

tārāṅkuśābhyāṃ śaktiśca bindunādavibhūṣitā
hraṅkāraṃ cāsrabījaṃ cāpyoṣṭhayuktaḥ śivottamaḥ

2.70

dvirabhyastaśca mantro'yamaṣṭāviṃśativarṇakaḥ
ucchiṣṭavighnarājākhyo japādyaiḥ sarvasiddhidaḥ

2.71

ucchiṣṭāya ṭhaṭha
anena jātiyuktāni hṛdādyaṅgāni ṣaṭ kramāt
vinyasya tu yathāsthānamucchiṣṭaḥ sādhayedimam

2.72

ṛṣirucchiṣṭayājākhyaśchandaḥ syānnicṛdeva hi
ucchiṣṭaśabdapūrvo'sya daivaṃ gaṇapatiḥ smṛtaḥ

2.73

tundī vighnaḥ śuklavarṇo gajāsyaḥ pāśī nagnaḥ sāṅkuśo'ṅguṣṭhamātraḥ
nānāratnairbhūṣitaḥ sa trinetraḥ pūjyo nṛtyan sāmayeṣṭaprado'sau

2.74

yāvatkṛṣṇacaturdaśī pratidinaṃ prārabhya kṛṣṇāṣṭamīmucchiṣṭo'ṣṭaśataṃ japecca juhuyāt saddantakāṣṭhairnavaiḥ
svādvarkairmanureṣa sidhyati tato mantraṃ sasādhyāhvayaṃ
saṃlikhyātra nidhāya taṃ gaṇapatiṃ japyena cākarṣayet

2.75

kaikṣe kṣiptvā cāpnuyādiṣṭamevaṃ hemonmattairvighnamiṣṭvā śataistam
yasyāḥ paddhyāṃ pāṃsusaṃsthaṃ ca kṛtvā japyād rātrau tūrṇamāryāti ceṣṭā

2.76

snehaṃ mithaścenmithunasya vāñchedgrastasthavighnaḥ prajapecca paśyan
gandhādikaṃ vā japitaṃ pradadyād vaśyaṃ dhṛtaṃ candanahomabhasma

2.77

aṅguṣṭhamātrāḥ samidho'tha juhvat sauvarṇamattasya narendravaśye
puṣpairdvijānāṃ vaṇijāṃ phalaistaiḥ śūdrasya patraiḥ sakalasya sarvam

2.78

hastītyuktvā sākṣipāścaṃ ca vānto dīrghaḥ kūrcī māyayā sākṣimāṃsam
soṣṭhakhaṇḍau vahnijāyānvito'sau syādaucchiṣṭo vighnamantraḥ purovat

2.79

hasti hṛdayāya namaḥ | piśāca śirase svāhā | likhe śikhāyai vaṣaṭ
svāhā kavacāya hum | saṅka astrāya phaṭ
amūnyaṅgāni kiṣkindho muniścando'sya vai virāṭ
prāgvad daivaṃ tathāṣṭamyāṃ sidhyed ravisahasrakaiḥ

2.80

ucchiṣṭātmā svarṇalakṣaṃ japed yastasyāsādhyaṃ nāsti loke'rthajātam
bījasyoktaṃ yattu vaighnasya kṛtyaṃ taccocchiṣṭo'nena kṛtvaiva vindet

2.81

ekārāderyanmanoḥ karma gītaṃ taccānena prāpnuyāt sādhakendraḥ

2.82

samantrasādhyāhvayapatrabhṛtkāṃ tanuṃ madhūcchiṣṭamayīṃ nikhanyāt
uparyathāsyāḥ khadirānale yaddhutena sādhyaṃ vaśayet samastam

2.83

mantrastu yannāmavidarbhajāpād vaśyastathā bhūrjavidarbhitaṃ vā
tannāma dhāryaṃ tvathavā visarpirhomaśca vaśyāya tu saptarātrāt

2.84

tajjāpatailāñjanacandanādyaṃ vaśyaṃ hutaṃ cāpi ca hemapuṣpaiḥ
pāśāṅkuśāḍhyo'tyaruṇastu namro dhyeyo nijāṅkaiḥ sahito gaṇeśaḥ

2.85

ucchiṣṭavighneśādhikāraḥ
kṣiprapraśabdastvatha sādanāya syād vighnabījādimanuhṛdantaḥ
pañcākṣaro vighnapaterabhīṣṭān saṃsādhayedeṣa hi kalpavṛkṣaḥ

2.86

ṛṣyādi cāṅgādikamapyaśeṣamekākṣaraproktavidhānataḥ syāt
sandīkṣayā lakṣajapena sidhyed daśāṃśahomānmadhuraistilaiśca

2.87

pāśāṅkuśe kalpalatāṃ ca dantaṃ hastaiḥ kareṇāpi ca bījapūram
bibhrad gajāsyaḥ samalaṅkṛto vaḥ kṣipraprasādaḥ śaśimauliravyāt

2.88

dhyeyo'ruṇastundadhṛtatrilokaḥ śvetāmbarāḍhyo'mbujaviṣṭarasthaḥ
hastasthasaṅkalpalatāprasūtairvarṣan dhanairmūrdhani sādhakendram

2.89

siddhādvayasyāvaraṇaiścaturbhiḥ pūjyaḥ svamūrtī hṛdayāmbuje vā
dravyaiḥ puroktairghṛtapāyasādyairhutvā śriyaṃ pañcabhavaiśca vindet

2.90

nityaṃ yathāśakti ghṛtānnahomāt kuṭumbināṃ tadgṛhapoṣaṇaṃ syāt
santarpayeccāmṛtavāripūrairyādiṣṭamanyacca labheta sarvam

2.97

dadhyājyasiktasitaloṇakṛtāvadānairhutvā niśāsvabhimataṃ khalu tasya sidhyet
saṃvādamicchati virodhiyu vā caturthyāṃ tannālikerahavanācchriyaReadaśnute'sau
pañcāntako'gnisahitaḥ saha vāmanetro daṇḍī ca śaktimanusaṃpuṭagastrivarṇaḥ
vaighno manurnigaditaḥ svayameva dīrghairaṅgāni jātisahitāni yathā svare syuḥ
chando virāṇmunirathāsya tu bhārgavaḥ syāt taddaivataṃ gaṇapatiḥ purato'rṇalakṣam
abhyasya cāṃśahavanena ca pañcabhakṣyaiḥ kanyā vaṭūṃśca khalu sidhyati bhojayitvā
sandīkṣito gurumukhāt samavāptamantraḥ snānādinityavidhinā yajanaṃ vidadhyāt
gaulābdhihemabhuvi kalpakakānanāntardhyātvā hiraṇyamaṇimaṇḍapasiṃhapīṭham
śaktyādidharmamukhapādaguṇābjabimbaiḥ koṇacchadeṣu hṛdayādimanūn purastāt
netraṃ puro'sramapi dikṣu yajet tu śaktīḥ
jayā, vijayā, ajitā, aparājitā, nityā, vilāsinī, śauṇḍī,
anantā, sumaṅgalā
etāḥ krameṇa tu dalāgragatāśca madhye
gaṇaṃ gaṇanāṃthaṃ vighneśaṃ vināyakaṃ bhakṣyapriyaṃ pañcakaraṃ lambahastaṃ mahodaram
etāṃśca paṅkajabahiḥ kramaśogṣṭadiksthān vighnān yajed gajamukhānaruṇān svanāmnā
pāśāṅkuśāmragadino'ruṇamālyagandhāṃstadvāhyato daśadiśāsvapi lokapālān
dhyāyedathāmbarasarojarasāsṛtādre vyomātmakaṃ gaṇapatiṃ drutahemavarṇam
pītāmbaraṃ svarugabhūṣaṇamālyagandhaṃ lambodaraṃ triṇayanaṃ śaśikhaṇḍamaulim

2.101

pāśāṅkuśāmaradamodakapañcahastaṃ hrasvākṛtiṃ vividhabhūṣaṇacitragātram
puṣpāñjalau tamabhicintya sahāṅgamūlādāvāhayet kathitapaṅkajakarṇikāyām
sāṅgena mūlamanunā prathamopacārairārādhya pāyasagulājyacarūnapūpān
mūlāni cāpyabhinavāni phalāni cekṣūn lājān madhūni vinivedya tu laḍḍukādīn
nityaṃ japed guṇasahasramapi trisandhyaṃ dhyāyed yajecca vibhavānuguṇaṃ gaṇeśam
tasya prayacchati dhanāni viśiṣṭabhogānyāyuśca dīrghamamadaṃ nikhilāṃśca kāmān
atha viniyogāḥ kathyante
ādhāyāgniṃ vidhivadvedakoṇe kuṇḍe tasmin vidhināvāhya devam
gaulānnājyaṃ juhuyāt pāyasaṃ vā vindediṣṭaṃ vibhavaṃ ca dvimāsāt

2.102

ājyāpūpairgulāmiśraistu juhvad vāgdravyairdhanamiṣṭaṃ ca vindet
vipraṃ lājaistilamiśraiḥ sakhaṇḍairvaśyaṃ kuryānmadhunā bhūmipālam

2.104

gulairmātyān madhutaṇḍulekṣubhiścaityastu vaśyaṃ palalairmadhuplutaḥ
phalaistu śūdrān sakalān saśarkaraistilaiḥ salājairvaśayejjuhoti cet
kanyākhyayā saṃpuṭamantrajāpāt tāṃ prāpnuyāt piṣṭatanuṃ gulāktām
hṛtvā tu taccheṣamadannapīṣṭhāṃ sarvatra pūjāṃ vidadhīta śaktyā

2.105

kṣetreṣu bījaṃ nivapan purastāt tadbījabhakṣyaṃ vinivedya tasmai
tatrāyutaṃ tāni vapejjapitvā syād bhūyasī tena tu sasyasampat

2.106

niṣpanne sasye tasmādagramaṃśamuddhṛtya devasya mahatīṃ pūjāṃ vidadhyāt
kṣetraṃ vivādāspadampyathānyadātmīyamicched yadi tasya madhye
aghānmṛdaṃ svaikyagaṇeśamūrtibhaumāṣṭavāreṣu japan labheta

2.110

sūryagrahe tu kapilājyapalaṃ vacāyāḥ pādāṃśacūrṇamilitaṃ japitaṃ yathāvat
pītvopavāsaparamastu bhavedajīrṇaṃ yāvad ghṛtaṃ śrutadharaḥ sa bhavecca vāgmī
niṣkaṃ tadardhamapi pādamatho haridrāsindhūtthapāṇḍaravacāḥ paśumūtrapiṣṭāḥ
spṛṣṭvā pibeddhumatī japitāstanūjaṃ vinded gaṇeśamabhipūjya puraḥ svaśaktyā
bhaume dine savibhavaṃ gaṇanāthamiṣṭvā bhakṣyājyapāyasacarūṃśca nivedya hutvā
kanyāvaṭudvijavarānapi bhojayitvā jāpena mocayati bandhagatānaśeṣān
samavāpya śilāmudakpravṛttāṃ kalikāmaṅkuśavatrilakṣajāpāt
nigalasthakare pradāya mucyet kujavāre sitasindhuvārajātām

2.111

adhivāsya vaṭuṃ niśāṃ kumārīṃ snapitau tau samalaṅkṛtau prabhāte
mahatīṃ ca vidhāya vighnapūjāṃ paramānnājyahutaiśca modakādyaiḥ

2.112

kalaśaṃ vinidhāya dhānyavedyāṃ jalagandhākṣatapuṣpacūrṇamiṣṭvā
ghṛtapūrṇanavaṃ śarāvamasmin nidadhītārcitadīpavighnarājam

2.114

sa vaṭuśca kumārikātra paśyet khalu naṣṭaṃ ca dhanaṃ trikālavaddham
svayamatra japet spṛśan kumārau mukure'pyeṣa vidhiḥ samo vidheyaḥ
yadi vṛṣṭirabhīpsitātra śaktyā yajanaṃ vighnapatervidhāya bhaktyā
ghṛtapāyasamodakaiḥ phalārvairavagandhairapi mālyadhūpadīpaiḥ

2.115

dhvajatoraṇamaṅgalāṅkurāḍhyairjalakumbhaiśca phalairvitānamukhyaiḥ
samalaṅkṛtakuṇḍavahnivaktre vibhumāvāhya juhotu saprarālam

2.116

kadalīphalaśarkarādipiṣṭairvṛtasiddhaiśca tathaudanairapūpaiḥ
phalapāyasaśarkarājyadugdhairapi nityaṃ triśataṃ pṛthag juhotu

2.117

mahāvṛṣṭirbhaviṣyati
arinedhanabhādibhaumavāre viṣādagdhākṣasasamihasakairvā
aparāhnahutāt tathaiva nimbaiḥ khalu pakṣādarayaḥ prayānti mṛtyum

2.118

abhilikhya tanuṃ pretabhūmāvasubhirnāma ca bhūsutāparāhne
udare'sya tadedhasābhimṛṣṭvā japataḥ śatrurupaiti mṛtyulokam

2.119

viṣavṛkṣaphalāyutaiścitāgnau likhitākhyaistu hutaiḥ sa yāti mṛtyum
ripuveśmani nimbakīlavedhāt sphuṭamuccāṭakaraṃ kujāparāhne

2.123

tatpatrairvidveṣaḥ
bhaume gaṇeśvaratithau gaṇanāthamiṣṭvā vaiyāghracarmaṇi tathaiva susanniviṣṭaḥ
āpūrya tatra kalaśaṃ prajapecca hutvā tenābhiṣicya śamayedabhicārarogān
kṣīraikṣavājyahavanācchamayejjavarārtiṃ sāpūpadugdhahavanaṃ gajavājiśāntyai
śastaṃ ca tena pariṣicya jalena teṣāṃ samprokṣaṇād bhavati śāntirapīha vṛddhiḥ
itthaṃ sa bhārgavamunirjagatāṃ hitārthaṃ prāha trivarṇagaṇarājamanorvidhānam
kanyā vaṭūṃśca madhuraiḥ saha bhojayitvā sarvatra coditaphalaṃ labhate sma mantrī
kanyāṃ durgā dhyātvā vaṭuṃ gaṇapatiṃ dhyātvā bhojayet
svairnāmabhiścāṣṭagaṇeśamukhyānuktān pṛthag vighnavināyakādīn
santarpayāmītyamṛtāṃśutoyaiḥ santarpya nityaṃ labhate yadiṣṭam

Linked texts (1)

Īśānaśivagurudevapaddhati — Īśānaśivagurudeva, Sanskrit

Mantrapada 2: atha ṣoḍaśaḥ paṭalaḥ

Contents

atha ṣoḍaśaḥ paṭalaḥ

Linked texts (1)