Mantrapada 20: atha ekatriśaḥ paṭalaḥ
Mantrapāda 20
- Language
- Sanskrit
atha ekatriśaḥ paṭalaḥ
20.1
śiva eva hi sargāntaḥ śivāstraṃ parikīrtitam
ṣaṣṭhavargadvitīyaṃ tu caturthādyardhamātrayuk
20.2
prathamāt pañcamādādyau saṃyojyaivaṃ dvivarṇakam
astraṃ pāśupataṃ caitat samastaduritāpaham
20.3
asyādau sa śivāstraṃ tu śivabījaṃ niyojayet
sarvavighnaharaṃ divyaṃ muktidaṃ syājjapādibhiḥ
20.4
astrayoranayorṛṣirvāmadevastu devatā
śiva eva tu paṅktiḥ syācchando lakṣaṇa sidhyati
20.5
viniyogā hyaghorāstre ye syuste'pyanayoḥ samāḥ
pāśupatāstraśivāstrayoḥ,
aṣṭamārca bhūmiyuktaṃ tṛtīyasvarabindumat
20.6
prathamaṃ bījamuddiṣṭaṃ ṣaṣṭhādyaṃ syād dvitīyakam
tṛtīyamaṣṭamārca tu pañcamasvarasaṃyutam
20.7
varmāstre ceti pañcārṇamastraṃ pāśupataṃ smṛtam
bindunādānvitaḥ prāṇaḥ śuklaṃ sargi ca pāṇḍaram
20.8
dhyāyeddhṛdayapadmasthaṃ cinmantro yaḥ śivātmakaḥ
praṇavaścaiva tacchabdo maheśāya padaṃ tataḥ
20.9
vidmaśabdaśca he cānte vāgvi Gladi śuddhāya dhīmahi
tannaḥpadānte rudraḥ syāt prakārānte tu codayāt
20.10
trayodaśasvarāḍhyaṃ tu jalaṃ vāyusamanvitam
ṣaṣṭhāntaṃ coddharedasya padasyādau ca tārakam
20.11
vyomaśabdaścaturthyantaṃ vidmaśabdaśca heyutam
śukraṃ ṣaṣṭhasvarayutamantyaṃ ṣaṣṭhontyasaṃyutam
20.12
sūkṣmaśabdaścaturthyantaṃ dhīmahītyādikaṃ tathā
prāgvat samuddhṛtya bhavet sāvitrī śivasaṃjñitā
20.13
anayorviniyogastu śivapūjāvidhau smṛtaḥ
mantraṃ vyomavyāpisaṃjñaṃ tu vakṣye vyaktastvekāśītisaṃkhyaiḥ padairyeḥ
varṇānāṃ cāpyaṣṭaṣaṣṭyuttarāṇi trīṇyevāsmin saṃkhyayā vai śatāni
20.14
prathamaṃ tu padaṃ tāraṃ saptamāntyaṃ tvaganvitam
20.15
trayodaśasvaropetamuddhṛtyaivaṃ tathā punaḥ
ṣaṣṭhāntaṃ vyāpine ceti dvitīyaṃ pañcavarṇakam
20.16
vyomaśabdaśca rūpāya sarvavyāpina ityapi
pañcākṣare pade prokte śivāyaiti tryakṣaram
20.17
anantānāthāśabdaistaṃ caturthyā caturakṣare
pade'thānāśritāyeti pañcārṇairaṣṭamaṃ padam
20.18
tricaturvarṇakapade caturthyā dhruvaśāśvate
yogapīṭhasaṃsthitāya nityayogina ityapi
20.19
vasubāṇākṣare dhyānāhārāya śaravarṇakam
pañcākṣaraṃ tu tārādirmukhyaḥ ṣaḍvarṇakaṃ padam
20.20
sarvaprabhava ityarṇaiḥ pañcabhiḥ syāt padaṃ tataḥ
śivāyaiti trivarṇaḥ syādatheśānādipañcakam
20.21
uktvā mūrdhāya vakrāya hṛdayāyeti copari
guhyāya mūrtaye ceti ṣaṭsaptamunisaṃkhyayā
20.22
samudrodadhisaṃkhyārṇaiḥ kramāt syāt padapañcakam
tāraṃ namo vīpsitaṃ ca padaṃ pañcākṣaraṃ bhavet
20.23
ṣaḍbhirguhyātiguhyāya goptre varṇadvayaṃ padam
anidhanāyapañcārṇaiḥ sarvavidyādhipāya tu
20.24
saptārṇaiḥ sarvayogādhigatāyetyaṣṭavarṇakam
jyotīrūpāyapañcārṇaiḥ parameśvaraparāya ca
20.25
aṣṭākṣaraiḥ paramātmanūpadaṃ syād vedavarṇakam
acetanā cetaneti padaṃ saptākṣaraṃ smṛtam
20.26
vyomidvandvaṃ caturvarṇaṃ vyāpinyugmaṃ tathaiva ca
arūpin vīpsitaṃ ṣaḍbhiḥ prathamadvitayaṃ tathā
20.27
tejoyugmaṃ caturvarṇaṃ jyotirdvandvaṃ tathaiva hi
arūpa cāpyanagne ca adhūmeti tribhistribhiḥ
20.28
abhasma cāpyanāde ca nātrayaṃ dhūtrayaṃ tathā
triyakṣarāṇi catvāri padānīmāni vai vibhoḥ
20.29
tārādyaṃ bhūrbhuvaḥ svaśca dvitridyairṇāni vai kramāt
padānyanidhanetyarṇaiścaturbhirnidhanaṃ tribhiḥ
20.30
nidhanodbhavapañcārṇaṃ syācchivetyakṣaradvayam
dvābhyāṃ śarveti ca padaṃ vijñeyamiha deśikaiḥ
20.31
maheśvareti śrutyarṇaṃ mahādevapadaṃ tataḥ
sadbhāveśvarapañcārṇaṃ mahām̐tejaścatuṣṭayam
20.32
pañcārṇaṃ yogādhipate muñcadvandvaṃ catuṣṭayam
prathamadvitayaṃ ṣaḍbhiḥ sarvayugmaṃ catuṣṭayam
20.33
bhavadvandvaṃ caturbhiḥ syād bhavodbhavacatuṣṭayam
athāṣṭavarṇaṃ hi padaṃ sarvabhūtasukhapradam
20.34
saptākṣaraṃ sarvapūrva sānnidhyakara ityapi
brahmaviṣṇurudraparapadamaṣṭākṣaraṃ bhavet
20.35
anarcitānarciteti tathā saṃskṛtavīpsitam
aṣṭavarṇe pade jñeye pūrvasthitacatuṣṭayam
20.36
sākṣindrandvaṃ caturbhiḥ syād vedārṇaṃ turuyugmakam
pataṅgeti trivarṇaṃ syāt piṅgayugmaṃ catuṣṭayam
20.37
jñānadvayaṃ śabdayugaṃ sūkṣmayugmaṃ padatrayam
pṛthag vedākṣarāṇyeṣa śivaśarvadvayaṃ dvayam
20.38
sarvadeti tribhirvarṇaiḥ pañcārṇairojanamo namaḥ
śivāya tryakṣarapadaṃ vijñeyaṃ deśikottamaiḥ
20.39
tārapūrvaṃ natidvandvaṃ padaṃ pañcākṣaraṃ smṛtam
ekāśītipadānyevaṃ vijñeyāni krameṇa hi
20.40
tāraṃ sarvātmane jātisahitaṃ hṛdayasya tu
dvitīyaṃ padamuccārya saśivabrahmaśabdayuk
20.41
svajātiyuktaṃ tu śiraḥ śikhāmantro'pi kathyate
tṛtīyaṃ padamuccārya jvālinīti dvirabhyaset
20.42
jātiyuktā śikhoktātha caturthaṃ padamuddharet
uktvā piṅgalaśabdaṃ tu varma syājjātiyojitam
20.43
pañcamaṃ padamuccārya śivāghorāstrake tathā
jātiyuktaṃ tadastraṃ syādaṅgānyetāni pañca hi
20.44
vyomavyāpimaneārasya candrajñānoktamārgataḥ
ṣaḍaṅgānyapi dṛṣṭāni likhyante tānyanukramāt
20.45
oṃ vyomavyāpiśiva oṃ namaḥ sarvātmane parāya parameśvarāya yogāya
yogasambhavāya turu turu satya satya bhavodbhava vāmadevāya sarvakāryapraśamana sadāśiva prasanna namostu te ṭhaṭha | hṛdayāya namaḥ | śiva brahmaśirase ṭhaṭha | oṃ śivahṛdayajvalini ṭhaṭha | jvālinyai śikhāyai vaṣaṭ
śivātmakaṃ mahādevaṃ sarvajñaṃ prabhumavyayam
āvartaye mahāghoraṃ kavacaṃ piṅgalaṃ śubham
20.46
āyāhi piṅgala mahākavaca śivājñayā hṛdayaṃ bandha jvala ghūrṇa śaktivajradhara vajrapāśa vajrarūpa tamanupraviśya sarvaduṣṭān stambhaya huṃ phaṭ piṅgalāya
kavacāya hum | oṃ juṃ saṃ jyotīrūpāya netratrayāya vauṣaṭ | pūrvavadaghorāṣṭrameśāstram
śivo hi devatāsyarṣiḥ śaktirgāyatrasaṃjñitam
chandaḥ smṛtamato'nyat tu na mīmāṃsyaṃ kathañcana
20.47
ṣaṣṭhādyaṃ bhūmibījasthaṃ pañcamasvarabinduyuk
toyaṃ sargi jalaṃ vāyurdvādaśāntayutaṃ tathā
20.48
ṣaṣṭhāntaṃ vyāpeineśabdo hutabhukpriyayānvitaḥ
tārādirdaśavarṇo'yaṃ vyomavyāpiśivātmakaḥ
20.49
tāraḥ svaro dvitīyaśca svarau vedartusammitau
vyomavyāpī caturthyantastārānto'yaṃ daśākṣaraḥ
20.50
kṛtvā śivāstrāt karayoḥ śuddhimaṅguliṣu kramāt
nyasejjyeṣṭhādikarayorvyomavyāpidaśākṣaraiḥ
20.51
śirokṣikarṇaghrāṇāsyakaṇṭhahṛnnābhiṣu kramāt
guhye ca pādayorvarṇān bindūntān daśa vinyaset
20.52
ṣaḍaṅgāni yathāsthānaṃ vinyasya hṛdayādiṣu
kṛtvā śivāstrād digbandhaṃ kuryāt pūjājapādikam
20.53
dīkṣāṃ guroravāpyādau nirvāṇāṃ sāmayīṃ tu vā
sādhakīṃ vābhiṣekāntāṃ tataḥ saṃsādhayenmanum
20.54
triḥsnāyī pūjayelliṅge śivaṃ pañcāvṛttikramāt
āsanādikramāt proktairupacāraistu śaktitaḥ
20.55
ādyāvṛtiḥ syānmūrtyaṅgairvidyeśvaraiśśubhaiḥ kramāt
nandīśādyaistṛtīyā syāccaturthī daśalokapaiḥ
20.56
tadastraiḥ pañcamī proktā yathaivottarapaddhatau
mantrasādhanādhikāraḥ
ekāśītisahasraṃ tu vyomavyāpimarnu japet
20.57
taddaśāṃśaṃ daśārṇa tu palāśasamidho ghṛtam
tilāṃśca pāyasaṃ hutvā puraścaryā prasidhyati
20.58
apuraścaraṇo'pyeṣa bhaktasya yajataḥ śivam
mantraḥ saṃsādhayediṣṭaṃ kiṃ punaḥ proktajāpataḥ
20.59
āvahenmahatīṃ siddhiṃ proktāṃ dvitricaturguṇam
japo'ṇimādīṃśca guṇān dadāti daśalakṣataḥ
20.60
saptavāraṃ japād vyādhīn sarvānapi harenmanuḥ
aṣṭābhiśca grahān sarvānapasmārān daśādhikaiḥ
20.61
viṣāṇi pāṭhāddharati sadāśivamruḥ svayam
svaikyaṃ sadāśivaṃ dhyāyan kuryāt karmāṇi siddhaye
20.62
śāntikeku smarecchuklaṃ raktaṃ pauṣṭikavaśyayoḥ
ākarṣaṇe ca pītābhaṃ stambhe dhūmraṃ tu cāṭane
20.63
kṛṣṇaṃ tu māraṇe śatrujaye sūryaprabhaṃ śivam
muktaye śaṅkhakundendumṛṇālakṣīrasannibham
20.64
hṛtpadmakoṭare dhyāyan sadā'sau mucyate bhavāt
yad yadiṣṭaṃ bhavet karma tattaddhomajapādinā
20.65
saṃsādhayedayatnena pakṣādarvāṅ na saṃśayaḥ
pallavādyaistu paṭale proktadravyādibhirhutaḥ
20.79
nityamaṣṭottaraśataṃ tattatkarma prasādhayet
vyomavyāpiprakaraṇam
vāyvagnirakṣaḥśārveṣu yādīn vāntān sabindukrān
sabinduvāmanetreṇa triṣkṛtvo veṣṭayed bahiḥ
20.80
bhūrje gomayatoyārdrarocanāpaṅkato likhet
hemasūcyā tu puṣṭyarthe siddhayoge'thavā likhet
20.81
saṃpūjya japahomābhyāmaṣṭottarasahasrakam
jātarūpahiraṇyaistu veṣṭitaṃ gulikīkṛtam
20.82
dhṛtaṃ haste'thavā kaṇṭhe mūrdhni vā sarvakāmadam
āyurārogyavijayaśrīsamṛddhisutapradam
20.83
bhūtagrahādicorāritoyāgnibhavabhītihṛt
siṃhavyāghragajādibhyo rakṣatyenaṃ sadā dhṛtam
20.84
kālāt tu vāyunā nīte jīrṇapatre tu tallikhet
rahitaṃ bindunā cendumaṇḍalena ca yādibhiḥ
20.85
vilikhya kākapatreṇa kṛṣṇenoccāṭayed ripūn
piṇḍaṃ krodhāgnipuṭitamuccāṭādividhau japet
20.86
khaṃ saśrotrāgnicandrārdhaṃ bījaṃ krodhāgnisaṃjñitam
nimbacchade tathā kākamaladehāṃgimarlikhet
20.87
tadaṅgajaiśca vidveṣastayoḥ syāduktadhūpataḥ
viṣamārjāranakulasarpāśvamahiṣodbhavaiḥ
20.88
romabhirdhūpayed dveṣe nimbapatravimiśritaiḥ
krodhāgnipuṭitaṃ piṇḍaṃ likhitaṃ nimbapatrake
20.89
viṣeṇa rudhirādreṇa citāgnau māraṇaṃ hutam
pāśenādyantasaṃruddhaṃ dīrghakrodhāgnisampuṭam
20.90
piṇḍaṃ japecchāntikeṣu kṣudraśāntau viśeṣataḥ
rogādiśāntaye japyaḥ piṇḍaḥ syāt kumbhasaṃpuṭaḥ
20.91
candramaṇḍalamadhyasthaṃsudhaumṛtasitadyutiḥ
piṇḍādhikāraḥ
saṃvartaḥ saviṣārmitvak sadhāntārdhenduśekharaḥ
20.92
bījaṃ cintāmaṇirnāma mahārudro'sya devatā
ṛṣistumburusaṃjño'syacchando gāyatrameva hi
20.93
lakṣāvṛttiḥ puraścaryā daśāṃśaṃ ca tilairhutam
prāṇānugrahahīnaṃ taṃ bījaṃ dīrghasvarairyutam
20.94
jātibhāñji ṣaḍaṅgāni bindvantaṃ nayanatrayam
tadapyaṅgāntam
śivāsane'ruṇāmbhoje sthito dhyeyo'ruṇadyutiḥ
20.95
śaraśūlāmināgāṃśca ṭaṅkaṃ ca karavāṇakam
kapālaṃ kārmukaṃ bibhradaṣṭabāhuṃ trilocanam
20.96
raktākalpaḥ kṛttivāsāḥ kapardī candraśekharaḥ
raudraḥ prasannavadano dhyeyaḥ sarvāṅgasundaraḥ
20.97
kesarāgreṣu cāṅgāni devyo dikpatramadhyagāḥ
koṇacchadasthā dūtyo'sya sarvā lalitavigrahāḥ
20.98
jayā ca vijayā caiva ajitā cāparājitā
durgā ca subhagā caiva karālī mohanī tathā
20.99
tadbāhye daśalokeśairvighnavīreśamātṛbhiḥ
tadastrairapi tadbāhye caturāvaraṇeryajet
20.100
upacārairyathāśakti siddhamantrastato bhavet
viniyogā bhavanti sma japadhyānāccanārataiḥ
20.101
jvaladagnipurasthaṃ tad bījaṃ grastaśiraḥsthitam
stambhakṛd grahamokṣaṃ ca karoti japataḥ kṣaṇāt
20.102
strīnāmasahitaṃ yonau smṛtaṃ bījaṃ vaśīkaram
agnivāyupurasthaṃ tad bījāmnisthaḥ svayaṃ smaret
20.103
sarvarakṣākaramidamātmano vā parasya vā
kṛṣṇaṃ karṇe nayanayoḥ kukṣau māre smṛtaṃ tu tat
20.104
bādhairyamandhatā śūlaṃ bījamāpādayet sphuṭam
bījamagnimayaṃ dehe dhyātaṃ śatrostu dāhakṛt
20.105
hṛdyāgnivāyubimbasthaṃ smṛtaṃ yoṣidvaśaṅkaram
cakrīmuṅgairavāsyasthaṃ yantraṃ tannāmabījavat
20.106
vākstambhanakaraṃ śatrorjṛmbhā mohādibhūgṛhe
madhuratrayakumbhasthaṃ kṣutpipāsājvarādihṛt
20.107
ṣaṭkoṇe mūrdhni tad dhyātaṃ daṣṭasyādho'vatāritam
pādāntaṃ triridaṃ sadyo viṣasaṃharaṇaṃ spṛśet
20.108
asūrdhvāmiviṣaṃ bījamamṛtāptāvi pāṇḍuram
kaṇṭhe vāmakare dhyātaṃ viṣamṛtyularāpaham
20.109
ṣaṭkoṇamadhyagaṃ bījamabhivāyvādivarjitam
asūrdhvāgnyādikaṃ ṣaṭsu koṇeṣvagnisamanvitam
20.110
bahirbhūmaṇḍalopetaṃ bhūrje rocanayārcitam
piṇḍayantroktavidhinā gulikīkṛtya sādhitam
20.111
cintāmaṇisamaṃ hyetat prāgvat sarvārthasādhakam
praṇavo'tha vacaḥ śabdaḥ karṇī nāmistato jalam
20.112
rudrasvarasthaṃ natyanto guhaimantraḥ svarākṣaraḥ
viśvāmitro'sya tu muniruṣṇig chandastu daivatam
20.113
ṣaṇmukho'rṇāyutajapaṃ puraścaryāddaśāṃśataḥ
tilājyahomaṃ kuryācca pūjāṃ coktavidhānataḥ
20.114
ṣaṇmukho vaikavaktro vā dvādaśākṣabhujo guhaḥ
caturbāhurdvibāhurvā raktākalpavibhūṣitaḥ
20.115
yuvā kumāro bālo vā skando dhyeyaḥ sitānanaḥ
pāṇibhyāṃ paṅkaje'dhastādūrdhvaṃ śaktiṃ ca kukkuṭam
20.116
bibhraccaturbhujaḥ skando dhyeyaḥ padmāsane sthitaḥ
dakṣiṇe paṅkajaṃ śaktiṃ mātuluṅgaṃ ca vāmataḥ
20.117
pāśaṃ caturbhujo bibhradekavaktro yuvā guhaḥ
abhayaṃ paṅkajaṃ śaktiṃ dakṣiṇe varatomare
20.118
kuliśaṃ ṣaḍbhujo bibhradupaviṣṭo'mbujāsane
sthito'pi ṣaṇmukho dhyeyastvekavaktro'thavā bhavet
20.119
abhayaṃ śaktiśūleṣūn kuliśaṃ cāṅkuśaṃ karaiḥ
dakṣiṇe dhārayaṃstadvat kaṭisparśivarapradam
20.120
daṇḍaṃ ca tomaraṃ cāpaṃ ghaṇṭāṃ pāśaṃ ca vāmataḥ
adhohastāt prabhṛtyūrdhvaṃ syād dvādaśabhujo vibhuḥ
20.121
snātvā mūlāṅgamantraistu kṛtasandhyāvidhiḥ śuciḥ
dhautāṅghrihastaḥ svācānto dvāri dvāḥsthāvimau yajet
20.122
śaktipāṇaye namaḥ | vajrapāṇaye namaḥ
praviśyāntarupāsīno vighneśaṃ ca guruṃ yajet
kṛtātmayāgastilakī mūlāṅgābhyodakena tu
20.123
svaśiro'kṣitidravyaprokṣaṇādiviśuddhitaḥ
bhadrake maṇḍale śaktimanantāsanagātrakān
20.124
dharmādīn kandanālābjaiḥ sattvādyān maṇḍalāni ca
brahmādīṃścāpi vidyādyāḥ śaktīryādyairnavākṣaraiḥ
20.125
kṣāntairdīrghasvarārdhenduyuktaiḥ saṅkalpya pūjayet
skandamūrtiṃ yathoddiṣṭāṃ karṇikāyāṃ niveśya tu
20.126
hṛtpadmād dvādaśāntād vā jyotiḥ sauṣumnamārgataḥ
skandātmakaṃ samāvāhya mūrtau saṃsthāpya rodhayet
20.127
saṃnirudhyāvakuṇṭhyātha prarocyāmṛtatāṃ nayet
hyaṣṭopacārairarthyādyairabhipūjya yathāvidhi
20.128
aṅgāni śaktīḥ ṣaṇmūrtīḥ parivārāṃśca pūjayet
kesareṣu tadagreṣu dalāgreṣu ca tadbahiḥ
20.129
astrādīn lokapālāṃstāṃstadastrāṇi ca pūjayet
vidyā śāntiḥ smṛtirmedhā prajñā kāntirdyutirdhṛtiḥ
20.130
vyāpinī ceti bindūntāstanmadhye navamīṃ yajet
sanatkumāraḥ skandaśca viśākhaḥ ṣaṇmukhastathā
20.131
naigameṣo hemacūḍaḥ ṣaḍimān pūjayet kramāt
prāgyāmyarakṣovaruṇavāyusomadiśogatān
20.132
abhrīśayoḥ śaṅkhapadmau nidhī ca dhanavarṣiṇau
caturdvāriṣvatha dvau dvau vīrasenādikān yajet
20.133
vīrasenamahāsainau bhadrasenasuṣeṇakau
cārusenaśca senānīḥ senāntau pūrṇacitrakau
20.134
bāhye dvādaśarāṇisthā dvādaśejyā gaṇeśvarāḥ
bāṇaśākhau bhadrasenaḥ senānīśca bhavātmajaḥ
20.135
subrahmaṇyaḥ kārtikeyo guho vai kukkuṭadhvajaḥ
mayūravāhanaścaiva gāṅgeyaśca tataḥ param
20.136
devasenāpatiścaiva dvādaśaite gaṇeśvarāḥ
tadbāhye lokapālāstu pūjyāḥ sāyudhavāhanāḥ
20.137
vighnaṃ ca vīrabhadraṃ ca yāmye mātṛśca pūjayet
vāyoḥ samīpe durgāṃ ca dhūrtasenaṃ tathaiśajaḥ
20.138
evaṃ saparivāraṃ tamiṣṭvābhāvapi pūjayet
tilājyabilvacarubhirnityahomaḥ praśasyate
20.139
mantrasādhanādyadhikāraḥ
caturaśre ṣaḍaśre vā kuṇḍe saskandapāvake
hutvā dravyairyathoddiṣṭaiḥ sarvān kāmānavāpnuyāt
20.140
samidbhirbilvajābhiḥ śrīḥ khādiraiḥ puṣṭiruttamā
paśūnedhobhirāśvatthaiḥ plākṣairdhānyadhanāni ca
20.141
medhāṃ vāpnoti vidyāṃ ca pālāśairbrahmavarcasam
annenānnaṃ tu sājyena pāyasena śriyaṃ dhanam
20.142
putrajīvaistathā putrāṃstilaiḥ sarvārthasampadaḥ
yadvarṇapuṣpairjuhuyāt tattadvarṇāmbarāptaye
20.143
dūrvābhirāyuḥ kamalaiḥ śrīryuddhe vijayaḥ śaraiḥ
sabusaiḥ sarṣapaiḥ stambho dveṣaḥ kārpāsakoṣaṇaiḥ
20.144
viṣapatraistathoccāṭo māraṇaṃ saviṣairviṣaiḥ
kanyāṃ samadhurairlājaiḥ siddhārthairarināśanam
20.145
sakṣaudralavaṇairvaśyaṃ sarveṣāṃ bhavati dhruvam
catuḥṣaṣṭidinaṃ hutvā tadardhaṃ pakṣameva vā
20.146
kāryagauravato mantrī hutvā tattadavāpnuyāt
homakarmaṇyaśaktānāṃ japastatriguṇo bhavet
20.147
caturguṇo vā bhaktaśced dviguṇādapi sādhayet
ratnasiṃhāsane padme śiśuṃ skandaṃ śivāṅkagam
20.148
dhyāyaṃstatphalaratnaughaiḥ śīryamāṇaiḥ svavigraham
āpūryamāṇaṃ sañcintya japato māsamātrataḥ
20.149
dhanasampatsamṛddhiśca kuberasyeva jāyate
kṛttikāyāṃ tathā ṣaṣṭhyāṃ pūjāhomajapādikam
20.1503
saviśeṣaṃ vidhāyāśu sarvān kāmānavāpnuyāt
śivāstravat pāśupatāstramuktaṃ vyomākhyavidyāpi ca piṇḍabījam
tathaiva cintāmaṇibījamasmin ṣaḍaṅgamantraḥ paṭale samāsāt
Linked texts (3)
- Īśānaśivagurudevapaddhati — Īśānaśivagurudeva, Sanskrit
- Tantrasamuccaya — Chennasu Nārāyaṇa, Sanskrit
- Tantrasamuccaya (Nārāyaṇa) — Nārāyaṇa (Mahiṣamaṅgalam), Sanskrit