Mantrapada 21

Mantrapāda 21

Language: Sanskrit

21.1603 — 1 part

21.1

śivottamāntyau tithirīśaśāṇvanusāriṇau ca hṛt
pūjāmantro hyayaṃ śāstularkulīśo tithāśayuk(?)

21.2

sabindulohito rāyagoptre nama īritaḥ
tārādirmūlamantro'yaṃ navārṇaḥ sarvakāmadaḥ

21.3

ṣaṣṭhavargāccaita caturthastu tārādirdīrghabindumān
bhūtādhipatayeśabdo namonto'yaṃ ca tanmanuḥ

21.4

anenārdhyādibhiḥ śāstā pūjanīyo yathāvidhi
bhūtasenaścaturthyanto vidmahepada‌yojitaḥ

21.5

bhavaputrastathāyānte dhīmahe tanna ityapi
śāstā pracodayādeṣā gāyatrī tārapūrvikā

21.6

revantāya ca śāstre ca goptre ca prabhave tathā
dīptre caiva praśāstre cauṅgāni jātiyutāni ṣaṭ

21.7

śāmbo'syarṣistugāyatraṃ chandaḥ śāstā tu devatā
lakṣajāpaḥ puraścaryādaṃśāṃśājyatilairhutāt

21.8

siddhenānena mantreṇa sarvān kāmānavāpnuyāt
khaḍgāya kṣurikāyai ca dhanuṣe ca śarāya ca

21.9

huṃphaḍādinamontāśca śastramantrā yathākramam
bhūtasiṃhāsanāmbhoje śāstāraṃ karṇikāgatam

21.10

caturbhujaṃ saumyavaktraṃ śyāmalaṃ komalākṛtim
vāmorupādenāsīnaṃ lambetairapadāmbujam

21.11

śaracāpau tathā khaḍgaṃ kṣurikāṃ dadhataṃ bhujaiḥ
pūrṇenduvadanaṃ cārunīlakuñcitakuntalam

21.12

hārihārābhirāmāṅgamavaddhodarabandhanam
kirīṭacārukeyūrakaṭakāṅguliveṣṭanaiḥ

21.13

tathaiva kaṭisūtreṇa nūpurābhyāṃ ca bibhratam
nīlakauśeyavasanamābaddhakaravālakam

21.14

raktākalpaṃ supīnāṃsaṃ sarvasaundaryaketanam
vāmato'sya prabhāṃ devīṃ raktāmutpaladhāriṇīm

21.15

aṣṭavarṣākṛtiṃ cāpi satyakaṃ dakṣiṇe sutam
dhyātvāvāhya tu śāstāraṃ devaṃ sāvaraṇaṃ yajet

21.16

tadyathā —
dhyātvā tu sakalīkṛtya vighradvāraṃ ca pūjayet
kṣurikākhaḍgapāṇī dvau dvāḥsthāvubhayato yajet

21.17

yakṣaṃ vidyādharaṃ dvāraśriyaṃ copari pūjayet
astraṃ kṣiptvā praviśyāntardehalyāṃ vinidhāya tat

21.18

vāstubrahmāsanānīṣṭvā mūlāṅgairarghyamarpayet
gandhapuṣpakuśakṣīratilasiddhārthakākṣataiḥ

21.19

arghyaṃ syād bhūtanāthasya tilapuṣpākṣatāmbubhiḥ
candanaṃ ca niśā pādyamatha padmaṃ ca candanam

21.20

lavaṅgavāri cācāmaṃ hṛdā sarvaṃ tu dāpayet
tilakī saśikhāpuṣpaḥ śaktiṃ pīṭhaṃ dharātmakam

21.21

prabhūtasiṃhāsanāya sarvaśaktimayāya ca
nama ityabhipūjyāṅghrīn dharmādīn bhūtavigrahān

21.22

tamaḥ sattvaṃ rajaḥ padmaṃ śaktīrgauryādikāstathā
tato mūrtiṃ mantradehāṃ proktarūpāyudhādikām

21.23

saṅkalpyāvāhayenmūrtī tasyāṃ devaṃ cidātmakam
ādhārāduddhataṃ sūkṣmaṃ paraṃ jyotirhṛdambujāt

21.24

āvāhya sthāpayed devaṃ sannidhīkṛtya rodhayet
parocya cāmṛtīkṛtya tathaivārghyādibhiḥ kramāt

21.25

upacārairnivedyāntaṃ yajedāvaraṇāni ca
aṅgāni kesarāgreṣu goptrādīrdalamadhyagāḥ

21.26

tacchaktīśca dalāgreṣu skandādīn pīṭhabāhyataḥ
ghoṣavantaṃ tu nirmālyadharmeśe samarcayet

21.27

aśvaṃ tu vāhanaṃ śāsturgajaṃ vā mukhamaṇḍape
āryādīnarcayed vīthyāṃ lokapālāṃstu tadbahiḥ

21.28

tadastrāṇi bahisteṣāmityāvaraṇasaptakam
āvaraṇanāmāni —
goptā ca piṅgalākṣaśca vīrasenaśca śāṃbhavaḥ

21.29

trinetraḥ śūlabhṛd dakṣo bhīmarūpastathāṣṭamaḥ
ete'ṣṭamūrtayaḥ śāstuḥ pṛthivyādibhiranvitāḥ

21.30

goptrī ca piṅgalākṣī ca vīrasenā ca śāṃbhavī
trinetrā śūlinī dakṣā bhīmarūpāṣṭamī smṛtā

21.31

prabhā tu navamī tāsāmityuktāḥ śāstṛśaktayaḥ
skando gaṇapatiścātha śāmbo madhukarastathā

21.32

dikṣu pūjyāstu koṇeṣu khaḍgaśca kṣurikā dhanuḥ
śaraśca nāmadheyaiḥ svaiḥ pūjyāḥ syurhuphaḍantakaiḥ

21.33

āryaḥ śāstā mahāsenaḥ senānīrbhūtavallabhaḥ
rudrajo rūpavān kāmī varado lokapāvanaḥ

21.34

nīlāśvaḥ śvetamātaṅgaḥ śyāmī pītānulepanaḥ
raktamālādharaḥ śūro māyo mātṛgaṇaṃpriyaḥ

21.35

kālavāsā gaṇādhyakṣaḥ khaḍgahasto dhanurdharaḥ
sahajāyo janāveśaḥ sādhuḥ saṃsārarakṣakaḥ

21.36

madhumān śambaraścaite hyaṣṭāviṃśatibhūtapāḥ
indrādyā lokapālāśca vajrādyānyāyudhāni ca

21.37

prampūjya gandhapuṣpādyairbalyantaṃ sthiraberake
bale ca sthaṇḍile gandhapuṣpadhūpaistato dhiyā

21.38

baliṃ nivedyaṃ vahnau ca tamāvāhya juhotu ca
pradakṣiṇanamaskārastutijapyaiḥ prasādayet

21.39

idaṃ hi yajanaṃ śāstuḥ śrīpuṣṭivijayapradam
āyurārogyavibhavaputrasampadvivardhanam

21.40

pūjādhikāraḥ
śāstāraṃ mṛgayāśrāntamadhvārūḍhaṃ gaṇāvṛtam
pānīyarthe vanādevaṃ dhyātvā mṛgayurūpiṇam

21.41

madhyāhne saktusaṃyuktaṃ gṛhītvāñjalinā jalam
vikīrya navabhirmantraistadgaṇānapi tarpayet

21.42

viśrāntāya tatastasmai svakāryāṇi nivedayet
prītacetāstathetyuktvā sa tu yāta iti smaret

21.43

sidhyanti sarvakāryāṇi cintitānyapyayatnataḥ
tathaivārthyādibhirmantrairbaliṃ vāsmai harenniśi

21.44

bhūtakūreṇa sājyena puṣpākṣatavimiśritam
mahāśāstre namaśceti bhūtādhipataye tathā

21.45

namo'stu rudraputrāya pañcakeśadharāya ca
sādhave nama ityebhirmantrairvā balimāharet

21.46

pūrvādidikṣu madhye ca rakṣoyai puṣṭaye śriyai
bām̐hlādīrṇāṃ (?) janāḥ sarve koṭikoṭivibhājitauḥ

bhavantu sahitāḥ prītāstebhyastābhyo namo namaḥ
pūrvādigaṇebhyo bhīmarūpebhyo bhīmavaktrebhyo vividhākṛtibhyaḥ sthirebhyaścapalebhyo varadebhyo bahurūpebhyo virūpebhyo bhīmarūpebhyaḥ saṅkhye'saṅkhyaḥ sadasadbhyaḥ sarvagaṇebhyo namo namaḥ
dviraṇḍo'nantadaṇḍākhyaḥ karṇānto nābhirāṣaḍhī

21.48

sākṣo mīno'tha pataye hṛcca mantro navākṣaraḥ
pūrvavat sādhanācāyaiḥ phalaṃ prāgvat prayacchati

21.49

śāstṛmantrādhikāraḥ
antyo'nugrahadaṇḍāḍhyastārādiḥ kṣetrapākṣaraiḥ
bhūmiḥ sadīrghatvaṅnatyā mantraḥ kṣetreśadaivataḥ

21.50

ādyenāṅgāni dīrghaistu svarairyuktāni ṣaṭ kramāt
pūrvasevārṇasāhasraṃ chando gāyatrameva hi

21.51

ṛṣistu vaṭuko nāma kṣetrapālastu daivatam
kṛṣṇāṣṭamyādibhūtāntaṃ japennityaṃ sahasrakam

21.52

puraścaryā bhavedasya dhyānaṃ cātha nigadyate
pāyādañjanapuñjakuñjaraghaṭānīlāñjanāmbhodavad
dorbhyāṃ khaṇḍakapālamapyatha gadāṃ vyomāmbaro bhīṣaṇaḥ
daṃṣṭrādanturitāsyavṛttakapiśatryakṣordhvakeśālakaḥ
sarpākalpaśiraḥsragañcitavapuḥ kṣetreśvaro vaściram

21.53

anyathānthe —
vyālambordhvajaṭādharaṃ triṇayanaṃ nīlāñjanādriprabhaṃ
dordvandvottagadākapālamaruṇasragvastragandhojjvalam
ghaṇṭāśṛṅgalamekhalādhvanimiladdhuṅkārabhīmaṃ vibhuṃ
vande maṇḍalitāhikuṇḍaladharaṃ taṃ kṣetrapālaṃ sadā

21.54

ehyehi duṣṭa ṭhalamaru bhañja hana vighni, mahābhairava ! kṣetrapāla ! baliṃ gṛhṇa
ṭhaṭha
sādhyenānena mantreṇa tatkapāle baliṃ haret

21.55

vāmadoṣṇāṣṭadiksthānāmanyeṣāṃ cānalāditaḥ
analaścāgnikeśaśca kālo ghaṇṭāravastathā

21.56

mahākrodhāhvayaścātha piśitāśanasaṃjñitaḥ
piṅgalākṣordhvakeśaśca caturthyā ṭhavayāntakāḥ

21.57

pūjyāḥ syurdikṣu tebhyastu madhyarātre baliṃ kṣipet
tanoti rakṣāṃ vijayaṃ samṛddhiṃ cāpyayaṃ baliḥ

21.58

prāṅgaṇe gomayālipte mantravinyastavigrahaḥ
saṃraktagandhapuṣpādyamāhṛtyārghyajalokṣitaḥ

21.59

anantayogapīṭhāya nama ityāsanaṃ yajet
tasminnāvāhya mūlena kṣetrapālaṃ yathoditam

21.60

arghyādibhiśca dīpāntamupacāraistamarcayet
dikṣvāvāhya caturmūrtīḥ koṇeṣvaṅgāni cāgrataḥ

21.61

netramastraṃ punardikṣu gandhādyairvijane'rcayet
aticāraśca rājā ca kapālyokhyo mahāmanāḥ

21.62

te śyāmāḥ parvatākārāḥ seṣvāsā rākṣasopamāḥ
tatastu balimantreṇa savyahastena mantritam

21.63

dadhyājyamiśraṃ śālyannaṃ siddhaṃ kuḍuvataṇḍulaiḥ
dattvāmbhastristadannārthāt triḥ kapāle baliṃ kṣipet

21.64

śiṣṭena mūrtibhyo'ṅgebhyo baliṃ kṣiptvā sakṛtsakṛt
svaikyakṣetrādhipo mūlamaṣṭottaraśataṃ japet

21.65

kṣetrapālabaliṃ tvevaṃ yaḥ kuryād gṛharakṣaṇam
śriyaṃ puṣṭiṃ dhanaṃ saukhyaṃ paśūn putrāṃśca vindati

21.66

kṣetrapālabalividhiḥ
vāmakarṇo'tha kumbhastho mīno rephaḥ phaḍantakaḥ
caṇḍeśvaramanustryarṇo bhajatāṃ sarvakāmadaḥ

21.67

karṇī mīnaḥ sadṛbdheścaṇḍeśvarapadaṃ tataḥ
caturthyantaṃ tu varmānte caṇḍeśvaranavākṣaraḥ

21.68

anayormantrayostulyamṛṣicchandodhidaivatam
aṅgāni ca vidhānaṃ ca sādhanārthaṃ ca tatsamam

21.69

chandastu bṛhatī tadvadṛṣiḥ syāccaṇḍakauśikaḥ
caṇḍeśvaro daivataṃ syādāṅgāntāṅgāni pañca hi

21.70

daptiṣaḍjvalaphaṭ + + jvālinīti taṭoti ca
sarvajvāliniśabdāḥ syuḥ phaḍantā jātisaṃyutāḥ

21.71

pañcāṅgāni hṛdādīni krameṇa parikalpayet
tānyakṣaśuddhakarayorjyeṣṭhādyaṅguliṣu nyaset

21.72

mantrākṣarāṇi tryarṇasya sarveṣvaṅguliparvasu
padāni pañcāṅguliṣu navārṇasyāpi vinyaset

21.73

dvābhyāṃ dvābhyāṃ tribhiścaike naikārṇena padānyapi
śirohṛccaraṇeṣvarṇāṃstryarṇasyānyasya mastake

21.74

mukhahṛdguhyapādeṣu vinyaset padapañcakam
pañcāṅgāni hṛdādyeṣu svāvakāśeṣvanukramāt

21.75

trilakṣaṃ caikalakṣaṃ ca puraścaryā dvayorapi
śivanirmālyakusumairhomaścāsmād daśāṃśataḥ

21.76

śālipiṣṭapratikṛtiṃ nadīsaikatagāṃ kramāt
chittvā chittvā tu juhuyāt pādamārabhya dakṣiṇam

21.77

vipraṃ tena vaśaṃ kuryādapāmārgendhanānale
citākāṣṭhānale proktaputtalyā rājavaśyakṛt

21.78

vaiśyaśūdrāvapi tathā vaśe kuryānna saṃśayaḥ
tilataṇḍulatīkṣṇājyairhomakoṣṭhānale ripoḥ

21.79

unmādāya juhotyasya śāntiḥ kṣīreṇa khādire
priyaṅgavabhau tatkusumairghṛtenāpyatha vā hutam

21.80

purakṣobhastu yadvarṇaiḥ kusumairambarāsaye
sāgnrivāmākṣadaṇḍo'triścaturthyendraśca tanmanuḥ

21.81

ābhirbījaisvarairdīrghaiḥ ṣaḍaṅgāni yathākramam
ṛṣirāṅgirasaśchando gāyatraṃ devatā tathā

21.82

indro'yutaṃ japet tasmād daśāṃśājyatilairhutam
puraścaryoditā tasya dhyānaṃ cātha nigadyate

21.83

pītavarṇaṃ caturbāhuṃ vajrapadmāṅkuśābhayān
dadhataṃ cārusarvāṅgaṃ pītakalpavibhūṣaṇaiḥ

21.84

kirīṭakarṇikāhārakeyūrādyairvibhūṣitam
hemamaṇḍapamadhyasthaṃ hemasiṃhāsanāmbuje

21.85

śacyā devyā sahāsīnaṃ marudbhiścāpyupasthitam
skandānalayamādyaṣṭalokapālairniṣevitam

21.86

karagakṣayavāsobhiraṣṭabījaiḥ sabindubhiḥ
ādau tannāmadheyāni namo'nte ca niyojayet

21.87

nirmālyabhṛttamaiśānyaṃ svabījādinamontakam
dhyātveṣṭvā bahirastrāṇi vajrādīnyapi yojayet

21.88

surendraṃ pūjayeditthaṃ rājyāptyai puṣṭaye śriye
bhadrake maṇḍale kumbhe sampūjyaivaṃ śatakratum

21.89

tenābhiṣikto rājyaśrīvijayārthānanuśnute
tilājyapāyasairhutvā sarvān kāmānavāpnuyāt

21.90

indrapūjādhikāraḥ
atha jambhalamantrastu māṇibhadrapadāt param
mahāsenapadaṃ cātha kṣayādhipataye tataḥ

21.91

jambhalāya jalendrāya ṭhau ca syājjāmbhalo manuḥ
saṅkṛtyarṇastadaṅgāni
netrāntāni svajātibhiḥ

21.92

āvṛttiḥ kesareṣvaṅgairdalāgreṣvatha śaktibhiḥ
lokeśaiśca tadastraiśca caturthāvaraṇe yajet

21.93

airāvataṃ caturdantamagrato'śvaṃ ca pṛṣṭhataḥ
uccaiḥśravasamaśreśaṃ pārijātaṃ prapūjayet

21.94

kaniṣṭhāyaṅgulinyāso mūlapañcapadaiḥ smṛtaḥ
jyeṣṭhāditarjanyantaḥ syānnyāso'ṅgānāṃ tale dṛśaḥ

21.95

kāsyahṛdguhyapādeṣu vinyasya padapañcakam
aṅgāni svāvakāśeṣu dhyāyet svaikyena jambhalam

21.96

śvetapadmasthitaṃ saumyaṃ pītābhaṃ dvibhujaṃ prabhum
raktākalpasphuranmaulimaṇikuṇḍalamaṇḍitam

21.97

hārakeyūrakaṭakakaṭisūtrādyalaṅkṛtam
tripādaṃ tundilaṃ dhyāyet pūjādau mantrasiddhaye

21.98

triṃśatsahasraṃ mūlaṃ tu japeccāpi tadardhataḥ
juhuyād bilvapadmājyaistatsamidbhistadardhataḥ

21.99

hutvā tu tarpayennityaṃ jambhalaṃ sa tu mastake
prāk kāraṇena kenāpi cakreṇa hariṇā kṣataḥ

21.100

kṣaṇatarpaṇatastasmin vedanā tasya śāmyati
tena prīto'sya yakṣeśo jambhalo'rthaṃ prayacchati

21.101

ṣaṭkoṇamaṇḍalāmbhoje hrīṅkāreṇāmbujaṃ smaret
aṅkāreṇāstrasomaṃ ca jaṅkārātṛ tatra jambhalam

21.102

bījapūraṃ ca nakulaṃ dadhānaṃ taṃ caturbhujam
vāmadakṣiṇapārśvasthe maṇḍale candrasūryayoḥ

21.103

savidyudvarṣadambhodaścyotadūrdhvajalaṃ muhuḥ
pibantau cātakau dhyātvā pārśvayostasya tarpayet

21.104

gaṃ^1 gaṃ pālaya jalajalendrāya ṭhaṭha
prāgvajjambhalamantro'yaṃ japādyairarthasiddhidaḥ
jambhalamantrādhikāraḥ
khaṃ cāgniraiyuto daṇḍī mīnameṣau ca lohitaḥ

21.105

21.106

tundilo dhanadaḥ pītaḥ pītākalpavibhūṣitaḥ
caturbāhurdadhat kumbhau ratnapūrṇau hiraṇmayau

21.107

karaṇḍau cordhvabāhubhyāṃ bhadrapīṭhāmbujodare
aṅgāni kesarāgreṣu jambhalādyā dalāgragāḥ

21.108

tadbāhye'ṣṭau ca nidhayaḥ pūrvādiṛmayogataḥ
jambhalaṃ ca jalendraṃ ca narendraṃ celimālinam

21.109

vikuṇḍalaṃ pūrṇabhadraṃ maṇibhadraṃ carendrakam
nidhī padmamahāpadmau makaraḥ kūrma eva ca

21.110

21.111

tilājyapāyaisājyaiḥ syāddhutaṃ lakṣmīsamṛddhaye
medaḥ sākṣibhujaḥ karṇī somākāntaśca dārukaḥ

21.112

sahak pinākī svāheti kaubero'yaṃ ṣaḍakṣaraḥ
bhadrāsane kalpatarormūle pūjyo dhaneśvaraḥ

21.113

padmaprabhāṃ padmahastāṃ tasya dakṣiṇavāmayoḥ
vacaṅguvaṃ ca nakulaṃ devyoḥ pārśvagatau sutau

21.114

dūtyau cāmarahaste cāpyajitāṃ cāparājitām
tadabhādicaturdikṣu pūrṇabhadrādikān punaḥ

21.115

pūjayet
pūrṇabhadraṃ maṇibhadraṃ jambhalaṃ celimālinam
pūrṇabhadrasya pārśvasthe devyau śrīḥ puṣṭaIREV ca

21.116

śaṅkhapadmanidhī pūjyau kuberasya tu pārśvayoḥ
jayāṃ ca vijayāṃ caiva pūjayed dvārapālike

21.117

vikuṇḍalādyānniṣṭhātha sarvebhyo'tha baliṃ haret
evaṃ māsena dhanavān kramādabdatrayeṇa tu

21.118

kuberasaddaśaḥ śrīmān sa bhavennātra saṃśayaḥ
śrīkaṇṭho'mbhovāmapādādirabhirāvṛttyoktāścāgnijāyā daśārṇaḥ
mantraḥ svārṇairdvandvaśo'ṅgāni kuryāt kaubero'yaṃ jñānamātraṃ trikālam

21.119

ekādaśyāṃ mandavāre nyagrodhādho'ruṇodaye

21.120

prāgvad vaiśravaṇaḥ pūjyo japeccāṣṭasahasrakam
pratyahaṃ māsamātraṃ tu niśīthe juhuyād ghṛtam

21.121

jyotiṣmatyāstu tailena pakṣamaṅkolatailataḥ
siddhamantro bhavet paścādyatnena dine dine

21.122

yakṣaḥ karṇe'sya tu vadet traikālyārthamayatnataḥ
karṇayakṣādhikāraḥ
karṇī bhṛguḥ pinākī bhe karṇaśuklaḥ pramepadam

21.123

svāhānto'ṣṭārṇako mantro devatāsya tu yakṣiṇī
prataptakanakaprakhyā navayauvanaśālinī

21.124

pīnottuṅgastanī cārudhammillā rucirālakā
śāradendumukhāmbhojā lolendīvaralocanā

21.125

subhrūḥ sudantanāsoṣṭhā subhujā sundarodarī
supīnaśroṇijaghanā sūrujaṅghāṅghripaṅkajā

21.126

sarvāṅgasundarī citravasanābharaṇojjvalā
prasādhanakarābhyāṃ tu dūtībhyāṃ samupasthitā

21.127

lekhyā citrapaṭe samyak pūjanīyā ca yakṣiṇī
vaṭādho māsamātraṃ tu trilakṣaṃ taṃ manuṃ japet

21.128

madhyāhne badarīpuṣpaiḥ kadambakusumaistathā
māṣānnabalipiṇḍābhyāṃ baliṃ vaiśravaṇāya tu

21.129

niśāsu prakṣipet proktamārgeṇa juhuyādapi
ghṛtenāṅkolatailena pṛthagaṣṭasahasrakam

21.130

tataḥ pratyakṣatāṃ yāti yakṣiṇīṣṭaṃ dadāti ca
tayā vā ramatāṃ kāmaṃ kārayet karma cepsitam

21.131

lambodarapadāt pūrvaṃ trijageti samuddharet
dīrghāmbho viṣameṣau ca karṇeti kathayeti ca

21.132

krameṇa dviruccārya varmāstre cāgnijāyayā
mantraḥ saṅkṛtivarṇo'yamiṣṭvā bhakṣyaphalaistu tam

21.133

trilakṣaṃ tu japet tasya karṇe kathayatīpsitam
hṛtkarṇaśabdaśca piśāciśabdaśca (lurhaṇaha zrahai ? suvarṇavajravai)ḍūryamuktābharaṇanirmalālaṅkṛtaśarīriṇi ! ehyehi gaccha traikālyadarśini mama karṇaṃ praviśyātītānāgatavartamāne rudro jñāpayati ṭhaṭha
liṅgaṃ samabhyarcya tadagrato'muṃ mantraṃ japellakṣamatho tilājyam
pañcaśato'smājjuhuyāt tato'smai karṇe tu sākṣāt kathayedabhīṣṭam

21.134

jālla mola palakke paṭṭe maṭṭe coragharaṭṭe ṇale jambhe stambhe mohe haṃsāhe
sindūrābhā vivastrā maṇikanakamiladbhūṣaṇā muktakeśī
pīnaśroṇyūruramyā maṇimayarucimatpādukākrāntapādā
śiñjanmīīrakāntā tanutaravilasanmadhyatuṅgāstanī yā
śubhrenetrākhilendudyutimukhakamalā helatī pātu yuṣmān

21.135

bhadrakālīparivārāṃ dhvātvetthaṃ mantradevatām

21.136

svaikyenāśāsu madhye ca prakṣipennavaśarkarāḥ
japitvāṣṭottaraśataṃ corā na viśanti tat

21.137

kṛṣṇāṣṭamyādibhūtāntaṃ japitvemaṃ sahasrakam
pūrvedyuradhivāsyaikāṃ kanyāṃ tapanavāsare

21.138

snātāṃ vibhūṣitāṃ prātervaṭuṃ vābhyarcya mantrataḥ
caṣake maṇḍale dhānye saṃsthāpyābhyarcya saṃspṛśan

21.139

japitvāṣṭottaraśataṃ grāhayet kanyayātha vā
gacchetyuktvākṣatakṣepād gatvā coraṃ grahīṣyati

21.140

namaśśabdaśca karṇaśca kālo dīrgho'tha bhautikī
vāyuśca giriśabdaśca svāhānto'yaṃ navākṣaraḥ

21.141

sandigdhacoranāmārṇān mantrākṣaravidarbhitān
vilikhya patrāṇi daheccoranāma na dahyate

21.142

dvayorbha(?)phalake mantraṃ sārūyaṃ vilikhitaṃ khanet
śāsturagre raktabaliṃ kṣipet kruddhaḥ prasīdati

21.143

kṛṣṇāṣṭamyādi japatu sahasraṃ tvācaturdaśīm
siddhamantraratataḥ snātvā sopavāsaḥ svapenniśi

21.144

japan kāryaṃ kathayati svapne tasya śubhāśubham
imamarkasahasraṃ tu japitvā sādhitena tu

21.145

aṣṭasāhasrajapitāṃstilān śuklāṃstu yadgṛhe
niśāyāṃ vikiret tatsthān narān nidrā na muñcati

21.146

oṃ amareśi apha phaṭi ṭha bhrama vibhrama muñca mocaya ṭhaṭha
svaikyaṃ dhvātvā tu kṛṣṇāṃ pratatabahubhujāttāyudhāṃ dīrghakeśīṃ
svārūḍhāṃ prasvapantaṃ mṛgaripumatha tadgehamadhyasthadurgām
keśairāvṛtya gehaṃ vikiratu japitān saptakṛtvastu māṣān
prādakṣiṇyena nidrā tyajati na hi janaṃ tatra sūryodayāntam

21.147

hṛdayānte bhagavati keśānto'ṅguṣṭhaśabdayuk
cāli pha vām̐cāli daśakali caṇḍakāli lakāli ṭhaṭha
kālīdaivatyamantro'yaṃ ravisāhasrasādhitaḥ

21.148

prātaḥ snātvā japāpuṣpaiḥ kṛtvāṅguṣṭhaṃ sitetaram
kṛtamaṇḍalake vipraṃ kālīṃ ceṣṭā ca kanyakām

21.149

tailasekāt tu sāṅguṣṭhe prastutārthaṃ śubhāśubham
nirīkṣya sarvaṃ vadati mantrasyaiva prabhāvataḥ

21.150

oṃ hihyāḍha ghaja phaṇāśa ṭhaṭha
kalaśasthe samārādhya paśyet prāgvat tu darpaṇe
oṃ kapālakhaṭvāṅgaḍamarukahaste niśitatīkṣṇadaṃṣṭrotkarāle kuṭilapiṅgalākṣi lambāntakeśakalāpe mṛtaśiraḥkuṇḍalālaṅgitagaṇḍe sarvabhūtavaśaṅkari sarvabhūtamantraśarīre āgaccha māyārūpadhāriṇi śūlaṃ śūlaṃ cālaya imaṃ mānuṣaśarīraṃ gṛha anupraviśya jṛmbha sarvatobhaye ghaṭe darpaṇe tilataile kaumāryāṅguṣṭhāṃ (?)
darśaya mahābhairava rākṣasi svāhā
iyaṃ tu kālīdaivatyā vidyā bhairavarākṣasī

21.151

anayāṅguṣṭhamārādhya darpaṇaṃ vā vidhikramāt
japet trikālasaṃbaddhaṃ vastu sarvaṃ pradṛśyate

21.152

svasti dviṣāṃ dhām̐jaṭa pracatabhaṣākraphānta vaḍi ca maṇḍalopajīvitasya śrīhanumadājñāpayati mūṣikapataṅgapipīlikaśalabhakarasumbhakarīṭagandhikādikairna sthātavyam | ājñāṃ vyatikramamāṇasya śarīranigrahaṃ samāvartayati
tasya vānarasiṃhasya kramamāṇasya sāgaram
kakṣāntaragato vāyurjīmūta iva garjati

Linked texts (3)

Īśānaśivagurudevapaddhati — Īśānaśivagurudeva, Sanskrit
Tantrasamuccaya — Chennasu Nārāyaṇa, Sanskrit
Tantrasamuccaya (Nārāyaṇa) — Nārāyaṇa (Mahiṣamaṅgalam), Sanskrit

Mantrapada 21

Contents