Mantrapada 24: atha pañcatriṃśaḥ paṭalaḥ

Mantrapāda 24

Language: Sanskrit

24.180 — 1 part

atha pañcatriṃśaḥ paṭalaḥ

24.1

nṛsiṃhānuṣṭubhaśchandaḥ saiva daivaṃ' nṛkesarī
vidhiḥ prajāpatirnāmnā ṛṣiraṅgāni ca svayam

24.2

karṇaṃ kṣānto'bhidaṇḍākhyaḥ khaḍgī vāmākṣisaṃyutaḥ
vahnirdaṇḍī mahākālaḥ khaṃ dīrghamayutaṃ jalam

24.3

sakarṇaḍhāntagaiḥ śvetaścandrakhaṇḍavibhūṣitaḥ
jvalantaṃ larvaṭo pucchaṃ +++++++

24.4

nṛsiṃhaṃ vīranaṃ hiṣṇuṃ mṛtyum̐mṛtyuṃ namāmyaham (?)
caturbhiṃśca caturbhiṃścāpyaṣṭābhistribhireva ca

24.5

pañcamiśca tato'ṣṭābhiḥ svāṅgairaṅgāni ṣaṭ kramāt
nakṣatrasiddhaṃ baddhvādhaṃ nopavāsādikaṃ tathā

24.6

vidhīyate'sya mantrasya sidhyed bhaktyā japādibhiḥ
bījaṃ cātidhṛtisvārṇau lakulī bindumān smṛtaḥ

24.7

dhṛtikṣārṇaḥ sthitaḥ sūkṣmaḥ śaktirbinduyutā smṛtā
homeṣvagnipriyāntaḥ syād dhyānaṃ karmānurūpataḥ

24.8

trisandhyamarcayed devaṃ vṛtyāhāro jitendriyaḥ
śucau deśe samāsīno japellakṣamanditaḥ

24.9

gurau mantre ca deve ca tulyabhaktiḥ śuciḥ sadā
śaktastilājyaṃ juhuyādaśakto dviguṇaṃ japet

24.10

japād daśāṃśaṃ juhuyānmantraḥ sidhyati nānyathā
apuraścaraṇo'pyeṣa mantro bhaktasya sidhyati

24.11

ekādaśapado mantro netrākṣiśrutivahnibhiḥ
śarāgnirāmadasraiśca vedanetrāśvivarṇakaiḥ

24.12

astraśuddhakaraḥ svarṇaṃ nyasedaṅguliparvasu
aṅguṣṭhādikaniṣṭhāntaṃ talayorapi vinyaset

24.13

vyāpakaṃ mūlato dehe nyasedevaṃ padāni ca
mukhe mūrdhni tathā ghrāṇe netrayoḥ śrotrayorgale

24.14

hṛnnābhikaṭijānvaṅghriṣvekādaśa yathākramam
mantranyastatanuḥ kuryājjapadhyānācanādikam

24.15

dhyānaṃ ca —
akalaṅkaśaraccandrasahasradhavaladyutim
utphullaraktakamalanetrāṅghrikarapallavam

24.16

siṃhavaktraṃ lasaddaṃṣṭraṃ vyāttaraktamukhāmbujam
trinetraṃ bhrukuṭībhīmaṃ vidyutpiṅgasaṭācchaṭam

24.17

raktakṣaumottarāsaṅgaṃ pītāmbaradharaṃ vibhum
saśaṅkhacakrordhvakaraṃ makuṭollāsimastakam

24.18

yogapaṭṭapinaddhāṅgaṃ svāsīnaṃ paṅkajāsane
vyatyastapādyugalaṃ jānvārūḍhabhujadvayam

24.19

śaśāṅkaśakalākāranakhollāsikarāṅgulim
karṇāvataṃsavilasanmaṇikuṇḍalamaṇḍitam

24.20

nānāmaṇigaṇodbhāsikarṇabhūṣaṇabhūṣitam
śuklopavītasaṃsaktamuktāhārairalaṅkṛtam

24.21

śrīvatsakaustubhoraskaṃ māṇikyodarabandhanam
keyūraratnavalayairaṅgulīyakaiśca bhūṣitam

24.22

nānāratnaprabhodbhāsikāṭasūtravirājitam
vicitravalayollāsinūpurāṅghrisaroruham

24.23

sarvāṅgasundaratayā bhūṣaṇānāṃ vibhūṣaṇam
daityendradāraṇaprītyā prasannānanapaṅkajam

24.24

nṛsiṃhamevaṃ dhyātvā tu kuryāt pūjājapādikam
svāsīnaṃ hṛdayāmbhoje mānasadravyavistaraiḥ

24.25

pūjayenmanasā yogī tadaśakto bahiryajet
haimīṃ maṇimayīṃ raupyāṃ pratimāṃ tāmrajāṃ tu vā

24.26

kṛtvā citrapaṭe vāpi sālagrāme'thavārcayet
abhāve sthaṇḍile vāpi pāvake vārkamaṇḍale

24.27

kuryānnityārcanaṃ mantrī yathāvadupapattitaḥ
śailī sthirā cet pratimā vimāne supratiṣṭhitā

24.28

rājarāṣṭrādirakṣāyai tatra pūjāṃ pravartayet
trisandhyaṃ tvekasandhyaṃ vā vibhavānuguṇaṃ yajet

24.29

apuraścaraṇo'pyeṣa nityārcanajapādibhiḥ
bhaktaḥ sa vāñchitānarthān labhatyeva na saṃśayaḥ

24.30

snātvā sandhyāṃ ca nirvartya maunī prāpyārcanagṛham
kṣālitāṅghrikaraḥ samyagācānto dvārapān yajet

24.31

sapavitrottarāsaṅgaḥ saṃprokṣyārghyajalaiḥ kramāt
dvāraśākhordhvagau dhātṛvidhātārau ca madhyage

24.32

gaṅgā ca yamunā cādhaḥ śaṅkhapadmanidhī sthitau
ūrdhvodumbaragāṃ dvāraśriyaṃ gajayugāntarā

24.33

kṣiptvāgtaḥ kusumaṃ svāstrād vighnānutsārya vāgyataḥ
antaḥ praviśya vāstvīśaṃ brahmāṇaṃ ca svaviṣṭaram

24.34

upaviśya puraḥ proktaiḥ śoṣaṇādyairviśodhayet
svaikyaṃ dhvātvā narahariṃ hṛdayābje ca cinmayam

24.35

astraśuddhakaro'ṅgāni karāṅguliṣu vinyaset
mūlena vyāpakaṃ cāpi dehe rudrapadāni ca

24.36

prasāritau karau jānvorāropyādhomukhāṅgulī
vyatyastau caraṇau kṛtvā siṃhavad vyāditānanaḥ

24.37

nṛsiṃhamudrāmevaṃ tu baddhvā hṛtpadmakoṭare
aṅguṣṭhamātraṃ nṛhariṃ jyotirmadhye yajed dhiyā

24.38

ūrdhvapuṇḍrāṇi kṛtvā tu puṣpāropitamastakaḥ
astrakṣālitapātre'rghyamāpūryātha kuśākṣatam

24.39

prāgvat tāraṃ tu vinyasya japitveṣṭā pradarśayet
dhenumudrāṃ tadarghyādbhiryāgadravyāṇyavokṣya tu

24.40

svaśiro yāgabhūmiṃ ca gaṇeśaṃ nairṛte'rcayet
gurūnnaiśe munīṃścāpi pūjāsthānacaturdiśam

24.41

prācyāṃ bhadraṃ subhadraṃ ca yāmye caṇḍapracaṇḍakau
paścāccalapracalakāvudīcyāṃ vijayaṃ jayam

24.42

ādhāraśaktiṃ madhye tu kūrmānantau tato bhuvam
uttarottarataḥ pṛthvīṃ yogapīṭhaṃ ca pūjayet

24.43

dharmādīnapyadharmādīṃstamasattvarajāṃsi ca
tatkandanālapadmāni śuklakṛṣṇāruṇāni tu

24.44

sūryasomāgnivimbāni patrakesarakarṇikāḥ
dattvārghyamantrairnirmālyamapanīyābhiṣicya tu

24.45

āvāhya tasmin nṛhariṃ yathaivāṣṭākṣaroditam
arghyādikaṃ kramād dattvā sānnidhyaṃ paribhāvayet

24.46

mantranyāsaṃ tataḥ kṛtvā puṣpadhūpācitaṃ tataḥ
mūlāṅgavaidikairmantraiḥ pañcagavyādivistaraiḥ

24.47

gandhādbhiścābhiṣicyāmbhastadvastreṇāpanīya tu
saṃsthāpyāsanpadme tu dattvārghyāditatrayaṃ punaḥ

24.48

upacāroktamārgeṇa pūjayet tu vidhānataḥ
aṅgāni kesarāgreṣu vahnayādiṣvasramārcayet

24.49

śraddhāṃ medhāṃ mahākāmāṃ bhīmāmatha mahānanām
ārdrā dīptiṃ dalāgreṣu pūrvādiṛmato yajet

24.50

madhye śriyaṃ tataḥ prācyāṃ garuḍaṃ cātha dakṣiṇe
cakraṃ tu saśaraṃ śārṅgamāpye saumye gadāṃ yajet

24.51

koṇeṣu śaṅkhaṃ garuḍaṃ dhvajāgre vāhanaṃ yajet
cakraṃ khaṅgaṃ ca padmaṃ ca musalaṃ caiva dakṣiṇe

24.52

śaṅkhaṃ gadāṃ kheṭakaṃ ca śārṅgaṃ devasya vāmataḥ
tuṣṭiṃ dakṣiṇataḥ puṣṭiṃ vāme tatraiva kaustubham

24.53

śrīvatsaṃ dakṣiṇe'bhyarcya vanamālāṃ ca pūjayet
pītāmbaraṃ brahmasūtraṃ nābhipadmaṃ kirīṭakam

24.54

bhūṣaṇāni ca sarvāṇi svasthāneṣu ca pūjayet
kumudaṃ kumudākṣaṃ ca puṇḍarīkaṃ ca vāmanam

24.55

śaṅkukarṇaṃ sarbanetraṃ sumukhaṃ supratiṣṭhitam
etān pūrvāṣṭadikṣu yajet svākhyānamonrtakam

24.56

lokeśān daśa tadvāhye sāyudhāṃdīṃstu pūjayet
tato gurumṛṣiṃ chando daivatāni praṇamya tu

24.57

dṛṣṭvākṣasūtraṃ devāgre japenmantraṃ prasannadhīḥ
japapūjādikaṃ sarvamarpayedū devapādayoḥ

24.58

natvā stutvā kṣamasveti tanmūrtau taṃ visarjayet
nityapūjādhikāraḥ
viniyogāṃstu vakṣyāmi sādhakānāṃ hitāya vai

24.59

vratyāśanaḥ śastadeśe japakoṭyāṇimādibhāk
mahāpātakināṃ śuddhiḥ koṭyā syādupapātakāt

24.60

lakṣeṇa pātakebhyaśca prayutena viśudhyati
apamṛtyujayaṃ vāñchan haimārthaṃ tu ghaṭaṃ śubham

24.61

bhārāvarajalāpūrṇaṃ bhadrake vinidhāya tu
tīrthāmbhobhiḥ suvarṇena nānāratnākṣataiḥ phalaiḥ

24.62

catuḥkṣīratvagambhobhiḥ sugandhikusumairnavaiḥ
śrīvṛkṣāśvatthacūtānāṃ pallavaiḥ kūrcasaṃyutaiḥ

24.63

kumbhavaktre sunihitaiḥ sataṇḍulapidhānakaiḥ
susūkṣmamalavastrābhyāṃ veṣṭite sragvibhūṣite

24.64

āsanādikramāt tasminnāvāhya nṛhariṃ vibhum
hyaṣṭopacārairārādhya parivārāṃśca pūjayet

24.65

samyagagniṃ pratiṣṭhāpya hutvā daśaśataṃ ghṛtam
sampātya kumbhe tu japet kūrcaspṛgayutaṃ manum

24.66

devasya mahatīṃ pūjāṃ kṛtvā viprāṃśca bhojayet
upoṣitaṃ śucisnātaṃ sādhyamaudumbarāsane

24.67

saṃsthāpya vinyaset sāṅgaṃ mantraṃ tasmiṃstamarcayet
gītavāditranirghoṣairvedaghoṣapuraskṛtam

24.68

aṃbhiṣiñcedamūṃ samyak so'pamṛtyorvimucyate
mantriṇe dakṣiṇāṃ dadyānnijāṃ śaktimahāyan

24.69

bhūtagrahābhibhūtāṃśca rogiṇaścābhiṣecayet
tattatpīḍopaśamanaṃ teṣāṃ sadyo bhaviṣyati

24.70

sahasrajapitaṃ bhasma sarvarogaharaṃ smṛtam
spṛṣṭvātmānaṃ japenmantraṃ śataṃ syādātmarakṣaṇam

24.71

coraduṣṭamṛgavyālarājabhūtādyupadrave
svaikyaṃ dhyātvā japaṃ kurvan tattadbhītervimucyate

24.72

svayaṃ nṛsiṃho bhūtvāriṃ paribhrāmya mṛgaṃ smaran
yasyāṃ diśi kṣipet tasyāṃ riporuccāṭanaṃ bhavet

24.73

svayaṃ nṛsiṃhaḥ kruddhaḥ san mṛgaṃ śatruṃ vidārayan
nakhairjapet sahasraṃ tu nityaṃ māsena mārayet

24.74

mārayitvā ripuṃ mantraṃ japitvā kalaśena tu
abheṣikto viśuddhaḥ syādātmarakṣā ca tad bhavet

24.75

vidveṣoccāṭanādīni kṛtvā caivaṃ viśudhyati
krūraṃ karmātha saumyaṃ vā yadyadicchati mantravit

24.76

tattat svaikyaharidhyānājjapataḥ karma sidhyati
kuṇḍe vedāśrake vahnāvāvāhyeṣṭvā nṛkesarim

24.77

juhuyāccoditairdravyairabhīṣṭaphalamaśnute
pūjāṃ ca kuryād devasya śaktyā viprāṃśca bhojayet

24.78

putrañjīvendhanāgnau tu putrārthī tatphalairhutāt
satputraṃ labhate tadvat pāyasājyahutādapi

24.79

pūjāṃ kṛtvā bhagavataḥ putrakāmo yadā bhavet
putrañjīvendhanāgnau tu hutvā lakṣaṃ payo ghṛtam

24.80

pāyasaṃ ca carau tasmin saṃpātyājyaṃ japedapi
dampatī bhojayet tena brāhmaṇān bhojayedapi

24.81

acireṇa bhavet putro dīrghāyuḥ kāntavigrahaḥ
śrīkāmo bilvakāṣṭhāgnau śrīlatākusumāmbujaiḥ

24.82

bilvapatraiḥ phalairhutvā ghṛtāktairlabhate śriyam
dūrvābhirāyurāpnoti kṣīrājyahavanāt paśūn

24.83

upadravāṇāṃ śāntyarthaṃ dūrvātrikasahasrakam
ayutaṃ vāpsu juhuyācchānti gacchantyupadravāḥ

24.84

atha yuddhajayaṃ vāñchan vibhītakaśarānale
samūlatūlapatrāgrakalpitānāṃ tadedhasām

24.85

rājisnehāvasiktānāmayutaṃ labhate jayam
śatrūnabhimukhāyātānevaṃ dhyāyan japedapi

24.86

iṣṭvā dūrvākṣatairdevaṃ pālāśāmau ghṛtena tu
dūrvābhiḥ pāyasājyena hutvāyurdīrghamāpnuyāt

24.87

hutvā samidbhiḥ pālāśaiḥ sājyairārogyamāpnuyāt
vṛṣṭaye vaitasaiḥ sājyaiḥ sakṣīrānnaṃ juhotu ca

24.88

jale sthitvā japenmantraṃ vṛṣṭiriṣṭā bhaviṣyati
kimatra bahunoktena yad yadicchati mantravit

24.89

tattat pūjājapadhyānahutaiḥ prāpnoti bhaktimān
mṛdvāsane samāsīna ṛjukāyaḥ samāhitaḥ

24.90

dhyāyet kuṇḍalinīṃ nābheradhastāccaturaṅgule
suptavyāḷopamāṃ dīptyā sūryābhāmaṣṭavartulām

24.91

hemābhāṃ praṇavaṃ cāsyāṃ daśa nāḍyo vinissṛtāḥ
iḍā piṅgo suṣumnā ca gāndhārī hastijihvikā

24.92

suyaśātvambuṣā pūṣā kuhūvai śaṅkinī tathā
prāṇādidaśavāyūnāṃ mārgabhūtāstu nāḍayaḥ

24.93

ūrdhvaṅgamā suṣumnākhyā dehamadhye vyavasthitā
iḍā vāmena saṃyāti piṅgalā dakṣiṇena tu

24.94

nābhipadmaṃ suṣumnā tu gatvā tatkarṇikāṃ gatā
tatra vidyutprabhā devī ramā praṇavavigrahā

24.95

sūkṣmārūpā cinmayī dhyeyā vidyullekheva bhāsvarā
tataḥ suṣumnāmārgeṇa gatā hṛtpadmakarṇikām

24.96

madhyamāhyāṃ ramāśaktiṃ dhyāyed dīpaśikhopamām
sārdhatrimātrapraṇavahaṃsamantravibhāvitām

24.97

tataścordhvaṃ vrajantīṃ tāṃ jyotirlekhāṃ suṣumnayā
bhrūmadhye bindumadhyasthāṃ praṇave vaikharīṃ ramām

24.98

induraśminibhāṃ dhyāyet tato'pi ca suṣumnayā
nirgatya dvādaśāntābjacandramaṇḍalamadhyagām

24.99

tāravāruṇabījasthāṃ plāvyamānāṃ sudhāmṛtaiḥ
amṛtādikalājālaniṣṭhyūtāmṛtadhārayā

24.100

suṣumnayādho bhrūpadmahṛnnābhikamalāni ca
krameṇāgatya saṃprāptāṃ sūkṣmāṃ kuṇḍalinīṃ parām

24.101

tato'pyāpādatalayoḥ pūrayantīṃ sudhāmṛtaiḥ
punarūrdhvaṃ yathāśakti gacchantīṃ vāmṛtāt punaḥ

24.102

plāvayantīṃ sudhāmbhobhirāpādatalamastakāt
cintayet paramāṃ lakṣmīṃ viśvalokavidhāyinīm

24.103

vinyaseccaturo vedān bindau pūrṇasudhābhṛtān
hṛtpadme tān vasāntādīnṛtūnamṛtapūritān

24.104

vinyasya nābhidme tu nyasedāhavanīyakam
anvāhārye ca vinyasya tathāgniṃ gārhapatyakam

24.105

plāvyamānāṃstu sudhayā praṇavena vidīritān
karmendriyāṇi savye tu nyasejajñānāni dakṣiṇe

24.106

tanmātrāpañcakaṃ caiva pañca bhūtāni pādayoḥ
dakṣiṇetarayornyasyedamṛtāplāvitani tu

24.107

atrāpi caramāṃ dhyāyed vidyullekhānusāriṇīm
mano buddhimahaṅkāraṃ prakṛtiṃ puruṣaṃ tathā

24.108

vyāpitvenākhile dehe vinyasyātha nṛkesarim
svaikyaṃ dhyātvāmṛtāmbhobhiḥ plāvayedakhilaṃ kramāt

24.109

tataḥ pūjājapadhyānahomādyantaṃ samācaret
yantroktaṃ phalamāpnoti mantrasiddhiśca jāyate

24.110

sāmānyo'yaṃ harinyāso mantrāṇāṃ nṛhareḥ smṛtaḥ
nṛsiṃhayantraṃ vakṣyāmi sarvarakṣākaraṃ param

24.111

svarṇapaṭṭe'thavā bhūrje śuklapaṭṭe'thavā likhet
rocanākuṅkumalagukoṣṭhakarpūracandanaiḥ

24.112

supiṣṭaiḥ paṅkajaṃ śuklaṃ karṇikākesa projjvalam
antaraṣṭadalaṃ bāhye hyaṣṭapatraṃ tato bahiḥ

24.113

dvātriṃśacca dalaṃ bāhye tridhā pāśena veṣṭayet
aṅkuśena ca saṃveṣṭya nṛsiṃhekākṣaraṃ tataḥ

24.114

karṇikāyāṃ likhet tasyāṃ rakṣyanāma ca saṃlikhet
aṣṭākṣarāṇyaṣṭadale hyaṣṭapatreṣu ca svarān

24.115

dvātriṃśaddlamadhyeṣu mūlamantrākṣarāṇyapi
dalāmreṣu kakārādīn dvātriṃśadvarṇakān likhet

24.116

dalasandhiṣu 'hakṣebhi' parito vilikhet tridhā
sapadmapaṭṭasūtrābhyāṃ gulikīkṛtya veṣṭayet

24.117

lākṣayā ca suvarṇena samācchādyāmbujo re
vinyastakalaśe yantramavasthāpyāsanāditaḥ

24.118

āvāhyātha yajet samyag japet spṛṣṭvāyutaṃ manum
sādhyaṃ taitkalaśāmbhobhirabhiṣicya guliṃ tataḥ

24.119

kaṇṭhe śirasi vā haste baddhvā viprāṃśca bhojayet
bhūtapretapiśācānāmapasmārādividviṣām

24.120

rogāṇāṃ ca kṣayādīnāṃ parihāraḥ kṛto bhavet
yantravidhiḥbīje nāma tato likhyād bahirvṛttaṃ ca tadbahiḥ

24.121

oṃ huṃ khe kṣe phaṭ jaye ṭhaṭha
sādhyākhyāntaritaṃ mantramimaṃ tu parito likhet
punarvṛttaṃ ca ṣaṭkoṇe likhet koṇeṣu cānalam

24.122

koṇāgreṣu mahākālaṃ krodhaṃ sandhiṣu bindumat
pṛthivīmaṇḍalaṃ bāhye cakrametat tu saṃlikhet

24.123

bhūtapretapiśācādīn dhāraṇādeva nāśayet
śatāvarīrajaḥ prasthaṃ prasthaṃ gokṣurakasya ca

24.124

vārāhyā viṃśatiphalaṃ gulūcyāḥ pañcaviṃśatiḥ
bhallātakānāṃ dvātriṃśaccitrake tu daśaiva tu

24.125

palāni cūrṇayitvā tu prasthaṃ kṛṣṇatilaṃ tathā
purāṇaśarkarāyāśca palānāṃ saptatiṃ kṣipet

24.126

pañcatriṃśatpalaṃ kṣaudraṃ tadarthaṃ goghṛtaṃ smṛtam
ekīkṛtya tu tatsarvaṃ snigdhabhāṇḍe vinikṣipet

24.127

saptarātrārpitaṃ prātarnityamardhapalaṃ kramāt
adyānnṛsiṃhamantreṇa mantritaṃ brahmacaryavān

24.128

ṣaṇmāsāt palitaghnaṃ syājjarāṃ mṛtyuṃ jayedapi
tathāṣṭadaśa kuṣṭhāni kṣayān saptavidhānapi

24.129

aśītivātajān rogānekaviṃśatipaittikān
ślaiṣmikā viṃśatirujaḥ sannipātāṃśca nāśayet

24.130

sevamānaściraṃ jīvennārasiṃhaṃ rasāyanam
nārasiṃhānuṣṭubadhikāraḥ
tāraṃ hṛdbhagavacchabdaścaturthyanto bhavet tataḥ

24.131

dīrgho meṣo'nalaḥ śuklaḥ sākṣidaṇḍastato viyat
dīrghavāyustataścāpi devadānava ityapi

bhūgiṭāśaṃ pradīptasahasrakoṭisahasrasamatejase(?) vajranakhadaṃṣṭrāyudhāya sphuṭavikīrṇakesarasaṭāya, kṣubhitamahārṇavāmbhodundubhisvanaghoṣāya, sarvamantrāntaranirghoṣāya, sarvamantrāntarahṛdayāya, ehyehi bhagavan ! nārasiṃha ! puruṣa! parāvara!
brahma! satyena sphura vijṛmbha dara dāraya sarvapātālān bhrama garja muñca siṃhanāda
vidrāvaya āviśa grasa sarvayantrarūpāṇi sarvapātālān athaya sarvato'nantajvāla
vajraśatapañjareṇa sapta pātālān parivāraya sarvapātālān suralokavāsinīnāmākarṣaya hṛdayānyākarṣaya dhuna śīghraṃ daha hana paca matha śoṣaya nikṛntaya tāvainme'khilakanyakānvaśamāgatān pātālebhyaḥ āsuribhyaḥ phaṭ yantrarūpebhyaḥ
phaṭ | sahausaya māṃ rakṣa bhagavan ! nārasiṃha! viṣṇo! sarvapāpebhyaḥ sarvāpadbhyaḥ
sarvabhayopadravabhayebhyaśca | oṃ hrīṃ kṣi phaṭ kāstu te ha phaṭ ṭhaṭha | asyāṅgāni - narasiṃhakrīḍita siṃhavidrāvaṇa sarvayantrān hana bhañjoccāṭaya huṃ phaṭ
ṭhaṭha hṛdayam | oṃ narasiṃhottamāṅgarakṣaṇāya huṃ phaṭ ṭhaṭha śiraḥ | oṃ daṃṣṭrotkaṭāya
huṃ phaṭ ṭhaṭha śikhā | oṃ narasiṃhārividrāvaṇa huṃ phaṭ ṭhaṭha kavacam | oṃ
namo bhagavate narasiṃhāya vedaverdānivedāṅge huṃ phaṭ ṭhaṭha astram | oṃ phaṇāsahasrabhogakuṭilaparyaṅkaśāyanānantāya ṭhaṭha | āgaccha bhagavan ! viṣṇo ! ṭhaṭha āvāhanamantraḥ | oṃ namaḥ śrīhitāya namaḥ pūjāmantraḥ | pūjito yathāsukhaṃ namaḥ
catuḥśatākṣaro mantro nārasiṃha iti śrutaḥ
ṛṣiryamo'syāticchando viṣṇurevāsya daivatam

24.133

paścimābhimukhaṃ viṣṇorāsādyāyatanaṃ śuciḥ
japed dvādaśasāhasraṃ puraścaraṇasiddhaye

24.134

aṅgamantrāṇi vinyasya karayoraṅgulīṣvapi
dehe cābhyarcya nṛharimaṣṭabāhuṃ trilocanam

24.135

stambhānnirgatya ditijaṃ bhittvā nakhamukhāsibhiḥ
tadāntramālāvikṣeparudhirokṣitavigraham

24.136

cakraṃ khaḍgaṃ ca musalaṃ śaṅkhaṃ carma gadāmapi
bibhrāṇaṃ bāhuṣaṭkaiśca adhohastadvayena tu

24.137

hiraṇyakaśipuṃ bhittvā tadāntrotkṣepabhīṣaṇam
dvāradeśe sthitaṃ raudraṃ jānvoḥ kṣiptvārivigraham

24.138

garjantamatigambhīramaṭṭahāsabhayānakam
stūyamānaṃ viriñcādyairdevairmunigaṇairapi

24.139

dhyātvaivaṃ citrapaṭake nirāvaraṇamarcayet
manasā copacārairvā nityaṃ mantraṃ japedapi

24.140

siddhamantro bilaṃ gatvā japenmantramathāyutam
tatra vighnān bahuvidhān dṛṣṭvāsau niścalo japet

24.141

praviśya tu bilaṃ dhīraḥ pātāle siddhimavāpnuyāt
asamartho japenmantraṃ biladvāre tato bilāt

24.142

nirgatyāsurakanyāśca prayacchantyasya vāñchitam
rasāyanaṃ rasaṃ vārthaṃ ghaṭikāmeṣa vindati

24.143

sadevāsuragandharvayakṣarakṣogaṇādayaḥ
mantriṇaṃ nopasarpanti prayacchantyapi vāñchitam

24.144

pātālanarasiṃhādhikāraḥ
nṛsiṃhaikākṣaro mantro brahmā śvetāgnyanugrahaḥ
daṇḍī syājjagatīcchando muniratriśca daivatam

24.145

mahāviṣṇustadaṅgāni svayaṃ dīrghasvarairyutaḥ
jvaladagniśikhājālatriśikhāveṣṭitaṃ hṛdi

24.146

nyastaṃ hṛdi dahet pāpamapi janmāntarārjitam
praṇavāntaritaṃ mantraṃ japed vipraḥ suyantritaḥ

24.147

nadyāṃ samudragāminyāṃ śikhare parvatasya ca
japed ghṛtāśano lakṣadaśakaṃ tvatha vai kramāt

24.148

bhaikṣāhāraḥ paṅkilakṣaṃ puraścaraṇasiddhaye
dhyāyet tuṣāraśailābhaṃ kuṅkumābhasaṭocchaṭam

24.149

bālacandrārdhadaṃṣṭrāgraṃ siṃhavaktraṃ trilocanam
bhrukuṭīkuṭilābhogalalāṭamakuṭojjvalam

24.150

caturbhujaṃ śaṅkhacakragadābhayakaraṃ vibhum
sarvābharaṇacitrāṅgaṃ pītāmbaravibhūṣitam

24.151

hiraṇyavadhasaṃkruddhaṃ dahantamiva dṛṣṭibhiḥ
svaikyaṃ dhyātvā narahariṃ manasaiva tamarcayet

24.152

paṭe vā prītamāyāṃ vā bhaktyā śaktastu pūjayet
daśamātrajapenāpi rogātpañcyo vimucyate

24.153

mantrasyāsya sakāśe tu mantrāḥ pratihatāḥ pare
bhasmasād yānti bhūtāni piśācādyā na saṃśayaḥ

24.154

puraścaryāṃ vināpyeṣa sidhyed bhaktasya vai japāt
viṣarogagrahāribhyaḥ pīḍā sadyo vinaśyati

24.155

lakṣamātrajapāt sarve śamanaṃ yāntyupadravāḥ
anuṣṭupproktamārgeṇa viniyogāśca kīrtitāḥ

24.156

vārāhasya tu ye proktā viniyogāḥ paratra tu
ta evāsyāpi nṛhareḥ kopaśāntyai ca taṃ japet

24.157

tāraṃ + hvadbhagavate meṣontāyapadaṃ tathā
sahasraśīrṣāya kṣīrodārṇavaśāyine śeṣabhogaparyaṅkāya garuḍavāhanāya
vāsudevāya namaḥ | pītavāsase vāsudevāya saṃkrānta pradyumnāniruddha hayaśirovarāha nārasiṃha vāmana trivikrama rāmarāma kṛṣṇa varaprada namo'stu te
asuradaityadānavayakṣarākṣasabhūtapretapiśācakūṣmāṇḍāpasmārasiddhayoginīḍākinī -
riṭighṛṇibrahmarākṣasavināyaka pūtanārevatīskandapurogānugrahānāryagrahanakṣatragrahānetānanyāṃśca mahāgrahān hana daha paca matha pramatha gṛha āveśaya vidhvaṃsaya
vitrāsaya vidrāvaya sarva frameāyudha cakreṇa gadayā vajreṇa śūlena bhasmīkuru sahasrabāho sarvapraharaṇāyudhoṃ namaḥ | oṃ jaya vijaya anantāparājitāpratihata
sahasranetra jvala prajvala viśvarūpa madhusūdana mahāpuruṣa vaikuṇṭha nārāyaṇa govinda
padmanābha hṛṣīkeśa keśava dāmodara sarvabhūtavaśaṅkara śaṅkhacakragadādhara sarvabhūta namo'stu te | sarvanāgapramardana sarvāsurotsādana sarvadeva maheśvara sarvagrahanivāraṇa sarvayantraprabhañjana sarvamudrāprabhedana sarvajvaravināśana sarvabandhavimokṣada sarvakāryārthasādhana sarvopadravanāśana sarvavyādhivināśanaṃ sarvaśatruvināśana nāśana sarvaduṣṭanivāraṇa sarvāriṣṭapraśamana sarvaduḥsvapnanāśana sarvadeva namo'stu te | sarvabhūtāpakarṣaṇa
janārdana devadeva namo'stu te | tathā padmodbhavasaṃhitāyāmasyāṅgāni darśitāni -bhūteśvara jaya jīvan huṃ phaṭ ṭhaṭha hṛdayam | tejomaya jīvan huṃ phaṭ ṭhaṭha
śiraḥ | amṛtodbhavamakuṭāya jaya jīvan huṃ phaṭ ṭhaṭha śikhā | amṛte kṛṣṇarūpārtha jīvan huṃ phaṭ ṭhaṭha kavacam | dampate jīvan huṃ phaṭ ṭhaṭha astram | sarvatejasāmutkṛṣṭatejase vauṣaṭ netram | darśanamantreṇa digbandhanam
ṛṣistu vāmadevo'sya virāṭchando'sya daivatam

Linked texts (1)

Īśānaśivagurudevapaddhati — Īśānaśivagurudeva, Sanskrit

Mantrapada 24: atha pañcatriṃśaḥ paṭalaḥ

Contents

atha pañcatriṃśaḥ paṭalaḥ