Pramāṇa · Search · About · API

Mantrapada 25: atha ṣaṭtriṃśaḥ paṭalaḥ

Mantrapāda 25

Language
Sanskrit

Contents

atha ṣaṭtriṃśaḥ paṭalaḥ

25.1

tāraṃ ca hṛdbhagavate kumbhadīrghānalo viyat
bhujaṅgo vāmakarṇāḍhyo dīrghaṃ pārśvaṃ tato marut

25.2

tisro vyāhṛtayaḥ pārśve taye bhūpatipūrvakam
ttvaṃ me de'tha viyaddakṣanetraṃ dāpaya ṭhadvayam

25.3

mahāvarāhamantro'yamaṣṭyādyaṃ pūrvavat smṛtam
vyāhṛtyādyakṣaraṃ bījaṃ tābhirevāṅgakalpanā

25.4

jātiyuktā vyāhṛtayastisrastu hṛdayādikāḥ
maharjanau syāt kavacaṃ tapaḥ satye'stramīritam

25.5

karāṅguḷiṣu cāpyevaṃ vyāhṛtīḥ sapta vinyaset
mūlena vyāpakaṃ cāṅgānyaṅgeṣu praṇavādikam

25.6

puraścaraṇasiddhayarthaṃ lakṣaṃ vratyāśano japet
kālāmbudacayaprakhyaṃ varāhavadanaṃ vibhum

25.7

caturbhujaṃ śaṅkhacakragadābhayavarapradam
trailokyapūrṇavapuṣaṃ susthitaṃ paṅkajāsane

25.8

kiñcidutthānapautrotthadaṃṣṭrāsīnavasundharam
śrīvatsakaustubhoraskaṃ makuṭādivibhūṣaṇaiḥ

25.9

bhūṣitaṃ pītavasanaṃ svaikyaṃ dhyātvā japādiṣu
pūjayenmānasadravyaiḥ pratimādiṣu cārcayet

25.10

yāṃ bhūmimicchet saṃprāptuṃ tāṃ mṛdaṃ madhuraistribhiḥ
bhaumavāre gṛhītvā tu juhotu manunāmunā

25.11

saptabhaumadineṣvevaṃ dviguṇaṃ triguṇaṃ tu vā
hutvā tāṃ labhate bhūmiṃ nityaṃ japẏārcanena ca

25.12

uktayogeṣu tāṃ mṛtsnāṃ gṛhṇīyād bhakṣayejjapan
ātmasāt sā bhaved bhūmiḥ kṣetradroho vinaśyati

25.13

kimatra bahunoktena granthagauravakāriṇā
yad yadiṣṭaṃ bhavet tasya tattaduddiśya juhvataḥ

25.14

japato dhyāyataścaivaṃ siddhyatyeva na saṃśayaḥ
mahāvarāhamantrādhikāraḥ
dviraṇḍo vāmakarṇāḍhyaḥ sargī vārāhako manuḥ

25.15

ṛṣiḥ sāṃśikanāmāsyacchando gāyatrameva hi
viṣṇurvai devatā dīrghaiḥ svarairaṅgāni ca svayam

25.16

śuklapratipadārabhya lakṣamājyaśano japet
daśāṃśaṃ juhuyādājyaṃ siddhamantrastato bhavet

25.17

ṛṣiścchando daivatāni dhyānācāṃ ca puroditam
mahāvarāhamantrokto viniyogo'sya coditaḥ

25.18

varāhraikākṣaravidhiḥ
tāraśvāṣṭākṣaraścādidevāyati padaṃ tataḥ
(bhuṣurottaphāśaiṃ?) mahate sarvatejasāṃ nidhaye triguṇāya guṇabāhyāya sarvaliṅgine sarvavarṇāya tribhuvanotpattisthitipralayakartre surāsurapūjitāya vyaktāvyaktāya sarvapraharaṇāyudhāya sarvārivināśanāya sarvavarapradāya sarvānugatavatsalāya
sarvapāpapraṇāśanāya sarvamantravicchedanāya sarvamantrasphoṭanāya sarvamudrāprabhañjanāya garuḍavāhanāya śaṅkhacakragadādharāya mahāśārṅgadhanuṣe devādideva nārāyaṇa
jvala prajvala hana daha paca chindhi māraya utsādaya śoṣaya stambhaya drāvaya
ākarṣaya vidveṣaya uccāṭaya sarvaśatrūn vidhvaṃsaya vināyakān nāśaya grahāṃścūrṇaya yātudhānān vitrāsaya nāgān mohaya sarvaviṣaṃ daha sarvarogān paca
alakṣmīmapamārjaya lakṣmīmāvāhaya saubhāgyaṃ prayaccha trailokyaṃ vaśamānaya
sarvakāmān sampādaya surāsurānāhraya bhuvanāni saṃhara parvatāṃścūrṇaya samudrān
śoṣaya pṛthvīṃ dhāraya śāntipuṣṭiklara ! amoghaśakte devādideva ! nārāyaṇa ! māṃ
rakṣa oṃ namo namaḥ huṃ phaṭ ṭhaṭha | asya karanyāsamantraḥ | oṃ namo bhagavate
mahāvarāhāya huṃ phaṭ ṭhaṭha | oṃ namo bhagavate vāmanāya huṃ phaṭ ṭhaṭha | oṃ namo
bhagavate trivikramāya huṃ phaṭ ṭhaṭha | oṃ namo bhagavate vāsudevāya huṃ phaṭ ṭhaṭha
oṃ namo bhagavate nārasiṃhāya huṃ phaṭ ṭhaṭha | iti pañcāṅgāni | oṃ namo bhagavate
mahāvarāhāya śaśikoṭikuṭiladhavaladaṃṣṭroddhṛtavasundharāya mahāghoṣanāya ghananibhanihatahiraṇyākṣāya brahmāṇḍavyāpine surāsuramāyāya puruṣa garja mahākroḍa !
nārāyaṇa ! huṃ phaṭ ṭhaṭha | hṛdayam | oṃ namo bhagavate vāmanāya sahasraśarīrāya
vañcitadaityādhipāya sarvamāyādhipataye bhaktavatsala ! bandha rakṣa māyānārāyaṇa !
huṃ phaṭ ṭhaṭha | śiraḥ | oṃ namo bhagavate trivikramāya kramatrayākrāntatribhuvanāya
pādāmradhāritabrahmāṇḍāya baliniyāma(yā ? kā)ya santrastasurāsuravīkṣitāyādṛṣṭaparyaṅkāya gaṅgā(pinā?patā)kojvalacaraṇāya jaya vijaya mahānārāyaṇa ! huṃ
phaṭ ṭhaṭha | śikhā | oṃ namo bhagavate vāsudevāya śaṅkhacakragadādharāya daityāntakāya pītavāsase garuḍavāhanāya yadupravīrāya candraprabhāya bāṇāsurabāhuvanadāvāgnaye mahājaladaśyāmāya lakṣmīdayita ! viśvarūpa ! nārāyaṇa ! kuru rakṣa vajrādyudvedya huṃ phaṭ ṭhaṭha | kavacam | oṃ namo bhagavate nārasiṃhāya pradīptasūryakoṭisahasrasamatejase duṣprekṣyāya mahākalpābhirūpāya jvālāmāline piṅgalasaṭāya kṣubhitataḍitsahasrasaṃpātitabhīmarūpiṇe dinakaramaṇḍalasadṛkṣāya svakaranakhavidāritadaityādhipativakṣaḥsthalāya kṣubhitasamudrameghanādabhīmabṛṃhitatribhuvanāya hulu garja
garja | amoghaśakte ! nṛsiṃha ! nārāyaṇa ! huṃ phaṭ ṭhaṭha | astram
ṛṣistu nāradaśchando hyatyutkṛtirudāhṛtā

25.19

devatā ca hṛṣīkeśaḥ puraścaryākṛte japet
sahasrapañcakaṃ mūlamaṅgānyasmād daśāṃśataḥ

25.20

ghṛtāktāśvatthasamidhāṃ sahasraṃ juhuyādapi
aṅgānāṃ taddaśāṃśena kṛtapūrvavrato bhavat

25.21

tataḥ pratyakṣato devaṃ paśyet svapne'thavā harim
arcanā -
snātvā mūlāṅgamantraiśca kṣālitāṅghrikaradvayaḥ

25.22

ācamyārccāgṛhadvāri kṣetrapaṃ parivartakān
caṇḍapracaṇḍadvāraśrīvāstvīśān pūrvavad yajet

25.23

śuddhātmā mantranyastātmā | oṃ namo bhagavate| nārāyaṇāya vidmahe vāsudevāya dhīmahi, tanno viṣṇuḥ pracodayāditi gāyatryā dravyaśodhanam
ardhyādīnyanayāpūrya dravyādyaṃ prokṣya tajjalaiḥ
ādhāraśaktiṃ kūrmaṃ cāpyanantaṃ pṛthivīmapi

25.24

yogapīṭhaṃ ca dharmādīn sattvādīn maṇḍalāni ca
padmaṃ cātmādikāḥ śaktīrvimalādyāśca pūjayet

25.25

padmamadhye suparṇaṃ ca tasya skandhe tathāmbujam
oṃ namo devādidevāya nārāyaṇāya viśvarūpāẏānantaśaktaye lakṣmīdayita
surāsurapūjitāgaccha sānnidhyaṃ kuru ṭhaṭha
dhyāyedaṣṭabhujaṃ devaṃ garuḍe hemasuprabham

25.26

śaṅkhacakragadāśāṅgrkhaḍgaṃ ca musalaṃ kramāt
pāśāṅkuśau cobhayato dadhataṃ pītavāsasam

25.27

śrīvatsakaustubhoraskaṃ makuṭādyairvibhūṣitam
vanamālādharaṃ cārusphuranmakarakuṇḍalam

25.28

tāreṇa svahṛdambhojād paraṃ jyotiścidātmakam
āvāhayed yathāpūrvam
oṃ namo nārāyaṇāya supratiṣṭhito bhava ṭhaṭha
anena sthāpayedapi

25.29

pīṭhāṣṭadikṣu pūrvādyaṃ gaṇeśaṃ ca sarasvatīm
guruṃ ca nāradaṃ ceṭā vidikṣvaṅgānyanukramāt

25.30

tadvāhyāvaraṇe dūtauraṣṭadikṣu kramāt sthitāḥ !
padmāṃ vācaṃ ratiṃ prītiṃ tuṣṭiṃ puṣṭiṃ yaśasvinīm

25.31

śāntiṃ ca puṣṭiṃ mukuracāmarāgryakarāṃ yajet
tadvāhye cāpi śaṅkhādīnaṣṭāvaṣṭadiśaṃ bahiḥ

25.32

lokeśān sāyudhagaṇān viṣvaksenaṃ ca pūjayet
oṃ namaḥ puṇḍarīkākṣāya trailokyādhipataye gṛhṇa ṭhaṭha
anenārghyaṃ ca puṣpādīn dadyādaṣṭākṣareṇa tu

25.33

oṃ namaḥ kṣīrodārṇavasthāya namaḥ ṭhaṭha
anena snāpayed vastraṃ bhūṣaṇādyaṃ samarpayet
oṃ namo devādidevāya ma̱dhusūdanāya surabhigandhavilepanapriyāya
gṛhṇa ṭhaṭha
gandhaṃ dadyādanenātha
oṃ namo devādidevāya gṛhṇa ṭhaṭha
puṣpaiścānena pūjayet

25.34

oṃ namo hṛṣīkeśāya bhaktavatsalāya gṛhṇa ṭhaṭha
dadyādanena vai dhūpaṃ
oṃ namaḥ paraṃ jyotiṣe ṭhaṭha
ārātrikamanena ca
oṃ namaḥ paramavāsudevāya gṛhṇa ṭhaṭha
dadyādanena naivedyaṃ tathaivācamanīyakam

25.35

svākhyābhiḥ parivārāṃśca pūjayecca manuṃ japet
āvāhya devaṃ hutvāgnau
oṃ namo devādidevāya śvetadvīpapriyāya garuḍavāhana āgaccha ṭhaṭha
ityanena kṣamāpayet

25.36

vaṭe japtvā hutvā ca yakṣiṇīṃ vaśayed dhruvam
pātāle kṛtisāhasrairamarānapi lakṣitaḥ

25.37

dviguṇaṃ tu kalau homajapyādyaṃ siddhidaṃ smṛtam
apamṛtyuṃ jayedāmraparṇagavyājyahomataḥ

25.38

sudhāpūrṇe hrade devaṃ sthitaṃ dhyātvāmṛtāmbubhiḥ
siñcantaṃ sādhyaśirasi dhyātvā hanyād viṣādikam

25.39

gandhapuṣpādikaṃ yasmai dadyāt saptābhimantritam
sa sa vaśyo bhavedasya śayyājāpyena cāṅganā

25.40

mantrālabdhaṃ tu nirmālyaṃ hareḥ śirasi dhārayan
rakṣobhūtapiśācādyaiḥ sarpādyairvā na bādhyate

25.41

tenālabdhāñjanenākṣṇoḥ paśyed bhūtādikānidhīn
śṛtaṃ kṣīraṃ vacāṃ cāpi saptavārābhimantritam

25.42

prāśya śrutadharo vāgmī kaviḥ prājñaśca jāyate
svaikyaṃ dhyāyan japeddevaṃ bhayebhyo'pi pramucyate

25.43

kalpān vicārya bahudhā haritantrasiddhān
vārāhamantraviṣayo'pi ca mantrarājaḥ
sandarśito havanasādhanayāgayukto
dharmārthakāmaphalavāñchitakalpavṛkṣaḥ

25.43.p1

iti śrīmadīśānaśivagurudevapaddhatau tantrasāre śrīvarāharājo nāma ṣaṭtriṃśaḥ paṭalaḥ

Linked texts (2)