Mantrapada 26: atha saptatriṃśaḥ paṭalaḥ

Mantrapāda 26

Language: Sanskrit

atha saptatriṃśaḥ paṭalaḥ

26.1

bhṛgurvyoma cai sānantaṃ vahniḥ śuklaṃ tato'nalaḥ
kavacāstre ca ṣaḍvarṇastārādiḥ syāt sudarśanaḥ

26.2

ahirbudhnarmuniśchando gāyatraṃ viṣṇudaivatam
sudarśanaḥ svayaṃ vā syāt likhyante'ṅgāni ca kramāt

26.3

āvirbudhyaśca mahāsudarśanaśabdaśca cakrajātiyutā
jvālācakraṃ ca tathā mantrasyāṅgāni ca krameṇa syuḥ

26.4

hṛdayānte tu cakrāya vidmaheti padaṃ tataḥ
tataḥ sahasrajvālāya dhīmahe tanna ityapi

26.5

arivāritapraśabdo gāyatrī codayāditi
mantrākṣarāṇi ṣaṭ cāpi śakragopāruṇāni ca

26.6

śvetaṃ kṛṣṇaṃ piṅgalaṃ ca pītaṃ vidyutprabhāruṇe
hṛdayādiṣaḍaṅgāni varṇataḥ paribhāvayet

26.7

astraśuddhakaraḥ pāṇyorvarṇānyaṅguliṣu nyaset
aṅguṣṭhāditalāntaṃ ṣaḍ mūlena vyāpakaṃ tanau

26.8

kākṣighrāṇāsyahṛdguhyajānuṣu gulphayoḥ
tārādikāṃstu tārāntāndehe'rṇānrāṣṭasu nyaset

26.9

kaṇvaśca nārado brahmā kauśikavyāsagautamāḥ
pratyarṇamṛṣayo jñeyā indrāgnī daivate kramāt

26.10

anuṣṭup ca virāḍāryā gāyatryuṣṇiganuṣṭubhaḥ
chandāṃsi cātha tattvāni bhūmyādīnīśvaraśca ṣaṭ

26.11

aindrīṃ diśaṃ sucakreṇa badhnāmīti caturdiśam
ūrdhvāmapyadharāṃ tadvad badhnīyācchoṭikāstrataiḥ

26.12

kālacakrāya huṃ phaṭ
gamanāgamanādyante rakṣāyai sādhako japet
trailokyarakṣakacakrāya ṭhaṭha
imamāvaśyakādau ca śayanādyādike japet

26.13

tāraṃ hṛdbhagavacchabdaścaturthyarthā sudarśanaḥ
phaiṃ vā kroḍaiṃ mahābalāya dīptarūpāya sarvato māṃ rakṣa mahābalāya ṭhaṭha
imaṃ mantraṃ japitvā tu sakṛt kuryājjapādikam

26.14

durgāvighneśvaragurukṣetreśānanalādiṣu
vinyasya natvā pūjārthaṃ kurvan siddhimavāpnuyāt

26.15

caturthamakṣaraṃ bījaṃ śaktiriṣṭākṣarāntagā
puraścaraṇasiddhyarthamakṣāralavaṇāśanaḥ

26.16

viṣṇuṃ sudarśanaṃ ceṣṭvā dvilakṣaṃ viṣṇumandire
japettato jale sthitvā lakṣamekaṃ payovrataḥ

26.17

nadyāṃ samudragāminyāmudgvaktro ghṛtāśanaḥ
lakṣaṃ cātha haviṣyāśī lakṣaṃ vāśvatthamūlagaḥ

26.18

śākāśī parvatāgre tu lakṣaṃ prāgvadano japet
evaṃ kṛtvā puraścaryāmapāmārgasamiñcitaiḥ

26.19

ghṛtena caruṇā caiva juhuyādayutaṃ pṛthak
japedaśakto dviguṇaṃ śaktyā viprāṃśca bhojayet

26.20

pūjāṃ ca nityaṃ vidhivadareḥ kuryāddharerapi
naityakoktena vidhinā snānānuṣṭhitanaityakaḥ

26.21

kṣālitāṅghriḥ samācamya śoṣaṇādyairvapuḥ svakam
saṃśodhya kṛtvātmayāgamiṣṭvā cakraṃ hṛdambuje

tatra dhyānaṃ -
raktaṃ raktāmbarāḍhyaṃ sphuradaruṇamaṇidyotitānekabhūṣaṃ
daṃṣṭrāṃśuśrādṛhāsotkaṭavikaṭagaladvahnijā logravaktram
śaṅkhaṃ cakraṃ gadābje musalamapi dhanuḥ seṣu pāśāṅkuśe dve
bibhrāṇaṃ sāṣṭabāhuṃ kapilakacadṛśaṃ viṣṇucakraṃ namāmi

26.23

hṛdi vā sthaṇḍile citre dhyātvaivaṃ pūjayedarim
dvāri caṇḍaṃ pracaṇḍaṃ ca gaṅgāṃ ca yamunāṃ tathā

26.24

dhātāraṃ ca vidhātāraṃ dvāralakṣmīṃ prapūjayet
puṣpamantaḥ kṣipedastraṃ nārācāṅgamanusmaran

26.25

antaḥ praviśya vāstvīśamiṣṭvāsīno nijāsane
arghyaṃ saṃsādhya mūlāṅgaiḥ pūjādravyāṇi kūrcataḥ

26.26

arghyādbhiḥ prokṣya tadbhūmimastravapraṃ vidhāya ca
ādhāraśaktiṃ kūrmaṃ cāpyanantaṃ pṛthivīmapi

26.27

yogapīṭhaṃ ca dharmādīn sūryasomāgnimaṇḍalaḥ
ātmānamantarātmānaṃ paramātmānamambuje

26.28

iṣṭvā saudarśanīṃ mūrtiṃ dhyātvāvāhya nidhāya ca
puṣpāñjalikaraḥ svasmāddhṛdabjājjyotirūdhvaṃgam

26.29

nītvā binduṃ ca tanmūrtī hṛtpadmāntaṃ niyojayet
praṇavena ca mūlena dvādaśāntāmṛtāplutam

26.30

nirudhya cāmṛtīkṛtya koṇeṣvaṅgāni vinyaset
astraṃ ca digdalāgreṣu netraṃ ca purato nyaset

26.31

pīṭhād bahiḥ paṅkajeṣu kramādaṣṭāyudhān nyaset
tadvāhye daśa lokeśān pūjayet sāyudhādikān

26.32

ṣaḍarasya tu cakrasya jvālāmālākulasya tu
madhyasthāṃ cakramūrtiṃ tāṃ yajenmukhyopacārakaiḥ

26.33

naimittikāsu pūjāsu pūrvaṃ cakrasya tūttare
viṣṇuṃ yathāvadabhyarcya paścāccakraṃ tu pūjayet

26.34

manasā vā yajed devaṃ nityapūjāṃ na hāpayet
puraścaryāṃ vināpyeṣa nityapūjājapādibhiḥ

26.35

bhaktasya sādhayatyarthān kiṃ punaḥ pūrvasevayā
viniyogāstu likhyante sādhakānāṃ hitāya vai

26.36

brahmaśriyaṃ tu labhate pālāśasamidho hutāt
parvatāgre japitvā ṣaṭsahasraṃ tu sitāmbujaiḥ

26.37

bailvaiḥ phalairvā patrairvāpyayutaṃ śriyamaśnute
rājāśriyaṃ vā rājyaṃ vā vindellakṣājyahomataḥ

26.38

brāhmaṇādīṃstu vaśayet samidbhistu palāśajaiḥ
aśvatthodumbarārkaiśca lavaṇādakhilānapi

26.39

lāvaṇīṃ tu pratikṛtiṃ sapramāṇāṃ kṣaudrasecitām
dakṣiṇāṅghryādi juhuyāt sahasraṃ sarvavaśyakṛt

26.40

dūrvābhirāyuśchinnābhirapamṛtyujayo hutaḥ
paurṇamāsyāṃ maghāyāṃ tu grahaṇe vendusūryayoḥ

26.41

upoṣya pūrvadivasaṃ bhasmoddhūlitavigrahaḥ
ahorātraṃ tu japitaṃ pibed bhasitamiśritam

26.42

sarpiḥ śrutadharo vāgmī kaviḥ prājñaśca jāyate
brāhme muhūrte vā lakṣadvayamabhyasya vākpatiḥ

26.43

añjalisthāmbhasā sekādāyulakṣmīṃ ca vindati
ājyakṣīrāhutād gomān vāsāṃsi kusumairhutāt

26.44

hairaṇyaśataniṣkeṇa cakraṃ kuṇḍe nidhāya ca
ārādhyāṅkolatailena hutvā rāṣṭraṃ svasādbhavet

26.45

trirātropoṣitaḥ kṛṣṇadvādaśyādi ghṛtena ca
hutvā lakṣaṃ nidhiṃ paśyedathavā mahatīṃ śriyam

26.46

kṣīrāktairvetasairhutvā vṛṣṭirbhavati bhūyasī
biladvāre'ṣṭalakṣaṃ tu japitvākhilasiddhibhāk

26.47

parvatāgre'thavāraṇye vasulakṣaṃ japenmanum
aṣṭādhikasahasraṃ tu hutvāṅkolājyamādarāt

26.48

ākāśapatitaṃ vinded divyaṃ tu gulikādvayam
ekāṃ kaṭyāṃ nibadhnīyādekāṃ tu vadane kṣipet

26.49

khecaro vā manovego yuvā syāccirajīvanaḥ
vaṭādhaḥ kṛtisāhasrajapāccārkaidhasāṃ punaḥ

26.50

hutvā tu pañcasāhasraṃ yakṣiṇī vaśagā bhavet
cakraṃ hastatale dhyātvā ṣaḍvarṇān ṣaḍareṣvatha

26.51

tajjyālādahyamānaṃ tu daṣṭaṃ spṛṣṭvā viṣaṃ haret
purāṇadaṣṭamanyaṃ vā pañcamārgeṇa tāḍayet

26.52

stobho bhavati ca svasthamāveśayati ca dhruvam
maṇḍale caturaśre tu cakraṃ cūrṇairvilikhya tu

26.53

areṣu mantramaṅgāni sandhiṣvākhyāṃ tatodare
dṛṣṭvā tasmin grahagrastaṃ vinyasya prajapan manum

26.54

bhasmanā pañcamārgeṇa kṣepādāviśya naśyati
śaṅkhamudrādharo dhyātvā śaṅkhābhaṃ ca sudarśanam

26.55

tajjavālābhasmasādbhūtaṃ viṣaṃ dhyāyan japedapi
lāvayeccāmṛtenātha garalāni vināśayet

26.56

kṣudragrahādiśāntyarthamiṣṭvā viṣṇuṃ sudarśanam
ājyāpāmārgasamidhaḥ pañcagavyacaruṃ tilān

26.57

pratyekāṣṭasahasraṃ tu juhuyācca carau ghṛtam
sampātyāṣṭasahasraṃ tu japitvā prāśayeccarum

26.58

kṣudrabhūtagraharujo naśyantyanye'pyupadravāḥ
tadbhūtyā lepanaṃ rakṣaḥkṣudrarogādiśāntidam

26.59

apāmārgāgrasamidhaḥ pañcagavyacaruṃ ghṛtam
hutvāsitāruṇaiḥ sūtraiḥ paristīrya tu maṇḍale

26.60

agrasandhiṣu kumbhāṃstu madhye dikṣu nava nyaset
catuḥkṣīratvacāṃ toyaṃ navaratnāni kāñcanam

26.61

gandhapuṣpākṣatayutān vastrasragdāmaveṣṭitān
āsanādikramāt teṣu svāvāhitasudarśanān

26.62

iṣṭvā taiḥ snāpayet sādhyaṃ tatsūtragrathitaṃ tu vā
sādhyahaste śikhāyāṃ vā kaṇṭhe vā kalayejjapan

26.63

kṣudragrahāmayadhvaṃsi snapanaṃ śrīkaraṃ ca tat
atyuccaśukre'ṅgulīyaṃ śatamānasuvarṇakam

26.64

kṛtvāyutājyahomena sampātya japitaṃ punaḥ
taddhāraṇena rakṣā syādārogyāyuṣkaraṃ tu tat

26.65

meṣacāpairaharisthe'rke śuklāṣṭamyāṃ bhṛgordine
śilāṃ śuklāṃ tu japitāṃ nikhanedabhijitkṣaṇe

26.66

udaṅmukho japenmantraṃ kṣetradroho vinaśyati
meṣasthe'rke daśāhānte kīlamardhodaye raveḥ

26.67

āśvinaṃ nikhanenmantrī kṣetradrohādiśāntaye
yugmacāpodaye kīle bhaumāṃśe puṣyamaitrayoḥ

26.68

nairguṇḍike khanitvā tu mṛdgrāhyā sā svabhūrbhavet
āhirbudhnye budhāṃśe vā grāhyā siṃhodaye tu mṛt

26.69

kṣudrābhicāraśāntyarthaṃ pañcagavyokṣitairnavaiḥ
apāmārgaistu juhuyāt tadbhasmyā lepayecca tam

26.70

kṣīravṛkṣacatuṣkṛtvagvagavyakvāthena secayet
cakramadhyasthamātmānaṃ rakṣāyai vā paraṃ smaret

26.71

cakrodarasthaṃ grastaṃ tu dahyamānaṃ tadagninā
bhrāmayeccāpi manasā muñcatyāviśya taṃ grahaḥ

26.72

atha ramye śucau deśe ṣaḍaraṃ cakramālikhet
madhye pītamarā raktāḥ śyāmāḥ syurarasandhayaḥ

26.73

nemiḥ śvetā bahiḥ kṛṣṇakoṇaṃ bhūmaṇḍalaṃ tataḥ
madhye tāraṃ ca tannāma mantrāṇarṇāḥ syurareṣu ṣaṭ

26.74

dakṣiṇottarayoścakradvayamevaṃ vilikhya tu
uttare kumbhamāpūrya sahemakusumādikam

26.75

tasmin sudarśanaṃ samyagāvāhyeṣṭā japedapi
yāmye cakre'gnimādhāya tatrāvāhya sudarśanam

26.76

atha mārgasamitsarpistilasarṣapataṇḍulān
pāyasaṃ pañcagavyaṃ ca pratyekāṣṭasahasrakam

26.77

hutvā kumbhe kṣipeccheṣaṃ pratidravyaṃ samantrakam
ardhaprasthacaroḥ piṇḍaṃ kumbhavakre nidhāya tu

26.78

sādhyaṃ nīrājya kumbhena rāśāvasthāṣṭame ghaṭam
kumbhād dakṣiṇato vahniṃ paridhyādyaṃ ca vinyaset

26.79

hutaśeṣāndhasānena daśadikṣu baliṃ haret
kṣīravṛkṣamaye pātre gavyapūrṇe nidhāya tam

26.80

cakreṣvagnau caturdikṣu hutvā kṣudro vinaśyati
vedāṅgalairapāmārgasamidbhirgavyasekataḥ

26.81

hutvā kṣudrādināśaḥ syād viṣṇusañcamirāniṣu
raudraprājeśapitryarkṣe jambūkarṇivaṭodbhavāḥ

26.82

yaṣṭiḥ sīmāntare sthāpyā bhūḥ svīyā syād vidhūdaye
dvitālamāśvinaṃ kīlaṃ kṣetrārūyākarmasaṃyutam

26.83

siṃhasthe'ṅgārake viṣṭyāṃ kṣetre tadudaye khanet
indrorekāṃśagatayormṛd grāhyā bhūḥ svasād bhavet

26.84

sudarśanena sarvatra japitvā karma sādhayet
aśvatthodumbaraplakṣakhadirāṇāṃ tu sārataḥ

26.85

jambvāmalakanimbānāmaśvatthasya ca kārayet
vṛṣabhaśvagajāhīṃśca kharasiṃhadvikānapi

26.86

cakraṃ ca viṣṭayāṃ taddikṣu grāmādeḥ paritaḥ khanet
sudarśanena saṃmantrya sarvarakṣākaraṃ bhavet

26.87

śukle caturthyāmaṣṭamyāmekādaśyāṃ ca parvaṇi
iṣvakṣimūnidevānāṃ viṣṭyām̐me'ṣṭadikṣu ca

26.88

kṛṣṇe tṛtīyāsaptamyordaśamyāṃ bhautike dine
ṛtuvedāhicandrāṇāṃ yame dikṣūdayaḥ smṛtaḥ

26.89

punarnayo naro nāgo nṛpo nārirnagāt punaḥ
tatkālaviṣṭrināḍī syād varjyāḥ śuklāditaḥ kramāt

26.90

vaṭaśca kiṃśuko veṇuraśvivṛkṣo vikaṅkataḥ
ghātakī ca snuhiḥ karṇī viṣṭivṛkṣāḥ kramādime

26.91

kramād viṣṭyudayeṣvetān svāśāsu paritaḥ khanet
parāṅmukhaṃ smaran viṣṭiṃ sasyarakṣā kṛtām̐ bhavet

26.92

siṃho vyāghro varāhaśca gardabho'tha gajo vṛṣaḥ
śvāna ceti karaṇāni syusteṣu śvā viṣṭirucyate

26.93

sajalajaladamūrtiḥ piṇḍitasthūlajaṅghā
kapilanayanakeśī cakradaṃṣṭroccaghoṇā
mukhakuharaviniryadvahipiṇḍaiḥ samastaṃ
bhuvanamiha dahantī tūrṇamāyāti viṣṭiḥ

26.94

ṣaṭkoṇamadhyagatatāragasādhyanāma mantrārṇakoṇamatha sandhigatāṅgaṣaṭkam
bāhyāmbujāṣṭadalakesaragasvarāḍhyaṃ sāṣṭākṣaraṃ tadatha ṣoḍaśapatramabjam

26.97

tatkādivarṇayugakesarakaṃ daleṣu saddhādaśārṇakavacāstraṭhayugma ++
bāhye sabinduśivakopavidarbhitārakhyaṃ triḥ pāśaveṣṭitamathāṅkuśakena tadvat
bhūmaṇḍalaṃ tvatha bahirvidhinā likhitvā bhūrje'thavā kanakapatrasitāṃśukādau
hutvābhipūjya kanakena gulīkṛtaṃ tad rakṣākaraṃ sakalabhītiharaṃ dhṛtaṃ syāt
vṛtte madhye likhet tāraṃ ṣaḍarāṇi ca tadvahiḥ
mantrākṣarāṇi ṣaṭkeṣu sandhiṣvaṅgāni ca kramāt

26.98

sampūjya sājyaṃ kumbhena ghṛtaṃ śvāsajvarāpaham
bilvapaṅkajayoḥ pañca pṛthagaṅgāni yatnataḥ

26.99

dagdhvā tanmantritaṃ bhasma kṣudrarogagrahāpaham
catuḥkṣīratvaco brāhmīṃ lakṣmīcandanarocanāḥ

26.100

surasābilvadūrvāśca kuśāpāmārgarājikam
gugguluṃ padmakāṃ kuṣṭhaṃ kāntaṃ sratkuṅkumaṃ niśām

26.101

gomayena tu miśritya gavyairanyaiśca saṃyutam
dagdhvā sudarśanenāgnau tadbhasmānena mantritam

26.102

kṣudraghnamapamṛtyughnaṃ śrīmadārogyadaṃ param
mahāsudarśano mantro likhyate vai yathāsthiti

26.103

uddhāro vyatyayo vāsya kartavyo neti darśanāt
oṃ namo bhagavate mahāsudarśanāya mahācakrarājāya rakṣa mama śatrūn
nāśaya dara dāraya bhindhi jvala jvālaya śatasahasrakiraṇaprajvalitaśikhāduṣprekṣya dāruṇa duṣṭadehanātmaka daha paca laga pātaya bharja trāsaya suduṣṭe puruyantrāṃścūrṇaya paraprayuktairmantrāṇāmaṣṭādaśakaṃ sphoṭaya pam̐rasiddhiṃ vo gṛhṇa paramantrān
saṃhara rara madyamāṃsāmiṣarudhirabhojanapriya tīkṣṇatridivasurāsurendrasaṅgrāmayātrācaimathana śaṅkhacakracāpodyatakara naranārāyaṇa varāṅga lihi pili mili bili mala
marda yakṣarākṣasabhūtapiśācakūṣmāṇḍaśakunīyuvatīvināyaka jvarasarvalūtaviṣaviṣkambhakān hara māraya lalaghu trivikrama balina varapurāṇa viṣvaksena karavarāya
samrahān moṭaya bhañja āviśa kaḍu viṣṇukavacamanusmara ṭhaṭha | asyāstrabījam
ācakrāya ṭhaṭha hṛdayam | vicakrāya ṭhaṭha śiraḥ | sucakrāya ṭhaṭha śikhā | saṃcakrāya ṭhaṭha kavacam | mahācakrāya ṭhaṭha astram
ṛṣirasya ahirrbudhnaḥ dhṛtiśchando'sya daivatam

Linked texts (1)

Īśānaśivagurudevapaddhati — Īśānaśivagurudeva, Sanskrit