Mantrapada 27: athāṣṭātriṃśaḥ paṭalaḥ
Mantrapāda 27
- Language
- Sanskrit
athāṣṭātriṃśaḥ paṭalaḥ
27.1
athākhilārthasaṃsiddhyai vakṣye trailokyamohanam
mantraṃ sasādhanadhyānasnānapūjārcanādikam
27.2
tāraṃ hṛtpuruṣaśabdaśca sadantaḥ ṣoyugāṣaḍhī
saunantaśca mahākālau pratirūpapadaṃ dharām
27.3
kṣmī (ṇihālalacasvaḥ 1 nivāsa sakala) jagatkṣobhaṇa ! sarvastrīhṛdayadāraṇa !
tribhuvanamanonmādakara, surāsuramanujasundarījanamanāṃsi tāpaya dīpaya śoṣaya māraya
stambhaya bhrāmaya drāvaya ākarṣaya paramasukhasaubhāgyakara, sarvakāmaprada, amukaṃ hana
cakreṇa gadayā khaḍgena sarvān bhinda pāśena kaḍḍa aṅkuśena tāḍaya turu kiṃ
tiṣṭhasi tāvad yāvat samīhitaṃ me siddhaṃ bhavatu huṃ phaṭ | namaḥ puruṣottamāpratirūpa lakṣmīnikāsa, hṛdayāya namaḥ | sakalajagatkṣobhaṇa, sarvastrīhṛdayadāraṇa
śirase ṭhaṭha | tribhuvanamanonmādakara śikhāyai vaṣaṭ | surāsuramanujasundarījanamanāṃsi tāpaya dīpaya śoṣaya māraya stambhaya drāvaya ākarṣaya kavacāya
hum | paramasukhasarvasaubhāgyakara sarvakāmaprada amukaṃ hana cakreṇa gadayā khaḍgena sarvān bhinda pāśena kaḍḍa astrāya phaṭ | turu kiṃ tiṣṭhasi tāvad yāvat
samīhitaṃ siddhaṃ bhavati huṃ phaṭ netrābhyāṃ vauṣaṭ
svayamevetthamaṅgāni netrāntāni bhavanti ṣaṭ
namastrailokyamohana, hṛṣīkeśāpratirūpa, manmatha sarvastrīhṛdayākarṣaṇāgaccha
nama iti vyāpakasya mantraḥ | āvāhanamantraścāyam
vatso nāmāsya tu ṛṣiḥ kāma ityapi kecana
27.4
atyutkṛtirbhavecchando hṛṣīkeśaśca daivatam
mantramācāryato labdhvā snānānuṣṭhitanaityakaḥ
27.5
viṣṇumabhyarcya pañcāśatsahasraṃ prajapenmanum
nābhidaghne jale sthitvā jalairañjalipūritaiḥ
27.6
svamūrdhni japitairmantrī sahasramabhiṣecayet
tatastu vaiṣṇave vahnau juhuyāt pāyasaṃ ghṛtam
27.7
dadhi kṣīraṃ ca śuklānnaṃ dvādaśa dvādaśāhutīḥ
ekaikamaṅgamantrāṇāṃ palāśasamidhāṃ śatam
27.8
śukrākṣatāṃstilairmiśrān sahasraṃ ghṛtasecitān
tatastrimadhurāktāni puṣpāṇi ca phalāni ca
27.9
dadhīni brahmasamidho juhuyāt tu śataṃ śatam
pūrṇāṃ hutvā tato viprān śaktyā sampūjya bhojayet
27.10
tataḥ sidhyati mantro'yaṃ dhyānapūjāhutādibhiḥ
ādhāraśaktiṃ kūrmaṃ ca śeṣaṃ bhūyogapīṭhake
27.11
dharmādīn kandanālābjasūryasomāgnimaṇḍalaiḥ
patrādīṃstriguṇavyāptāvātmāditrayakarṇike
27.12
abje'smin garuḍārūḍhaṃ sindūrāruṇavigraham
aṣṭabāhumudārāṅgaṃ sukumāraṃ smitānanam
27.13
sarvāṅgasundaraṃ kāntilāvaṇyāpūrṇayauvanam
madāghūrṇitatāmrākṣaṃ śṛṅgārarasavihvalam
27.14
divyamālyāmbarālepaṃ makuṭādivibhūṣaṇaiḥ
bhūṣitaṃ kaustubhoraskaṃ śrīvatsāṅkitavakṣasam
27.15
śaṅkhaṃ cakraṃ ca saśaraṃ śārṅgaṃ khaḍgaṃ gadāmapi
musalāṅkuśapāśāṃśca bibhrāṇaṃ kramaśo bhujaiḥ
27.16
lakṣmīṃ vāmorunihitāṃ hemavarṇāṃ vibhūṣitām
maulikuṇḍalahārādyairvāmahastadhṛtāmbujām
27.17
devaṃ dakṣiṇahastena śliṣyantīṃ kāmavihvalām
śrīvatsakaustubhau nāsrā vanamālāṃ ca vakṣasi
27.18
pītāmbarādikaṃ cānyanmauliṃ makarakuṇḍale
yajet svanāmnā tārādyaṃ hārādyābharaṇāni ca
27.19
janyāya ṭhaṭha | nandakakhaḍgāya namaḥ | śarāya ṭhaṭha | bhūtagrāmāya vidmahe caturvidhāya dhīmahe tanno brahma pracodayāt ṭhaṭha | saṃvartakamusalāya pothaya huṃ
phaṭ ṭhaṭha | pāśabandha ākarṣaya huṃ phaṭ ṭhaṭha | aṅkuśa kaḍḍha tarja ṭhaṭha
evamiṣṭvāyudhānyaṣṭau
oṃ pakṣirājāya ṭhaṭha
anena garuḍaṃ yajet
atha snātvā tu vidhivannityacoktaprakārataḥ
27.20
gatvā yāgālayadvāraṃ kṣālitāṅghrikaraḥ sudhīḥ
ācāntaḥ pūjayed dvārād bahiḥ pīṭhagatān gaṇān
27.21
vainateyādibhyaḥ samastaviṣṇuparivārebhyo namaḥ
prāgdvārapīṭhayormadhye kṣetreśaṃ svāruyayā yajet
dhātāraṃ ca vidhātāraṃ śuklakṛṣṇau caturbhujau
27.22
śaṅkhacakragadāhastau savismayakarau yajet
madhye gaṅgāṃ ca yamunāṃ nidhī dvārordhvapārśvayoḥ
27.23
śaṅkhapadmau dhanaṃ bhūri sravantau śuklalohitau
ūrdhvodumbaramadhyasthāṃ dvāralakṣmīṃ yajet tataḥ
27.24
oṃ śārṅgaya saśarāya namaḥ
nārācāstramiti kṣiptvā vighnān nissārya vāgyataḥ
prākāramastrataḥ kṛtvā samāsīno nijāsane
27.25
vidhāya bhūtaśuddhiṃ ca śoṣaṇāditrayaṃ tathā
guruṃ smṛtvā tridhāstreṇa karaśuddhiṃ vidhāya tu
27.26
sakṛnmūlena saṃmṛjya cāṅgānyaṅguliṣu nyaset
aṅguṣṭhādikaniṣṭhāntaṃ netraṃ ca tayostataḥ
27.27
mūlena vyāpakaṃ dehe vinyasyāṅgāni ṣaṭ kramāt
dhyātvā pradyumnamātmānaṃ raktaṃ raktāmbarādikam
27.28
śaṅkhacakradharaṃ śārṅgakāmapañceṣudhāriṇam
ārādhya gandhapuṣpādyairatha smṛtvā hṛdambuje
27.29
paraṃ jyotiranirdeśyamānandaṃ manasārcayet
astrakṣālitapātre'rghyamāpūrya hṛdayena tu
27.30
smarabījaṃ nyaset tasmin yajecca kusumādibhiḥ
manmathāya vidmahe kāmadevāya dhīmahe, tanno gandharvaḥ pracodayāt
anayā smaragāyanyā spṛṣṭvā dravyāṇi śodhayet
27.31
dhenvāmṛtīkṛtaṃ tvarghyaṃ rakṣitaṃ cakramudrayā
tajjalaiḥ svaśiraḥ prokṣya pūjādravyaṃ tathā kṣitim
27.32
pātālamūlādārabhya śaktiṃ cādhārasaṃjñitām
caturbhujāṃ śaṃkhacakrakṛtāñjalipuṭāṃ smaret
27.33
pātālānāmadhaḥkūrmaṃ raktaṃ śeṣaṃ ca pāṇḍaram
kṛtāñjaliṃ bhūṣitāṅgaṃ cakralāṅgaladhāriṇam
27.34
halamusaladharaṃ vā
nīlābjābhāṃ bhūṣitāṅgīṃ nīlotpalakarāṃ bhuvam
tataḥ siṃhāsanaṃ haimaṃ dharmādīn sitavigrahān
27.35
kṛṣṇavarṇānadharmādīn madhye sattvādikān guṇān
śuklaṃ padmaṃ ca tanmūlakandanāleṣvanukramāt
27.36
māyāṃ vidyāṃ kalātattvaṃ śyāmaśuklaharidyuti
somasūryāgnibimbāni tārasvākhyānamo'ntakam
27.37
pūjayediti yāvat | oṃ paramasubhaga, saubhāgyakara, apratirūpa, keśava
smara huṃ phaṭ trailokyamohanāsanāya namaḥ —
vāyavyakoṇādīśantaṃ gaṇeśaṃ ca sarasvatīm
gurupaṅktau yajedetān nāradaṃ nalakūbaram
27.38
guruṃ parātmakaguruṃ parameṣṭhiguruṃ tathā
dvibhujān pūrvasiddhāṃśca dhyānaniṣṭhān samarcayet
27.51
prasāritasya vāmasya karasyāgraṃ śanaiḥ śanaiḥ
vāmaprakorparākrāntakorparasyetarasya ca
27.52
jyeṣṭhātarjanikāgrābhyāmagraṃ spṛṣṭvā prasārya tu
śārṅgamudrā bhavedeṣā śārṅgapāṇeḥ priyaṅkarī
27.53
vāmetarabhujadvandvamuṣṭyekīkaraṇānmatā
garbhitaprasṛtāṅguṣṭhā mudrā musalasaṃjñitā
27.54
vāmamuṣṭestu tarjyāgraṃ jyeṣṭhikāgre nidhāya tu
anyairmuṣṭinisṛṣṭena tarjanyanyegreṇaṃ saṃspṛśet
27.55
vāmāṅguṣṭhasya mūlaṃ tu pāśamudreyamīritā
tarjanīṃ vāmamuṣṭestāṃ prasṛtāṃ pañcaśākhinā
27.56
muṣṭirūpeṇa cānyena gṛhītvā tasya tarjanīm
ākuñcitāgrāṃ kṛtvā syānmudrā cāṅkuśarūpiṇī
27.57
madhyamānāmike madhyaujyeṣṭhikābhyāṃ nipīḍite
kanīyasīmalayugme vinidhāya pradeśinīm
27.58
śrīvatsamudrā nāmnaiṣā śrīvatsāṅkapriyaṅkarī
adhomukhasya vāmasya karasyāpi kanīyasīm
27.59
anāmāmanyatarjanyā kanīyasyā yathākramam
ābadhya dakṣiṇajyeṣṭhāmadhyamānāmikātrayam
27.60
ūrdhvāgraṃ vāmatarjanyā saṃyutaṃ pravidhāya ca
jyeṣṭhānyāṅgulimūleṣu vāmajyeṣṭhāṃ ca madhyamām
27.61
pravinyaśedatiśliṣṭā mudreyaṃ kaustubhātmikā
dvihastajyeṣṭhikākrāntatarjāgrābhyāṃ galāditaḥ
27.62
āpādaṃ saṃspṛśenmudrā vanamālābhidhā matā
viparyastau karau kṛtvā mitho grathitabālakau
27.63
suśliṣṭāyatatarjanyau lambitāṅguṣṭhayugmakau
kuṭilānāmikāmadhyākalpitobhayapakṣakau
27.64
mudreyaṃ pakṣirājasya vipakṣāāhivināśinī
pūrvoktā yonimudraiva kāmamudreti kathyate
27.65
muṣṭīkṛtakaradvandvaprasṛtābhyāṃ svamūrdhani
nidhāya jyeṣṭhikāgrābhyāṃ mudrā trailokyamohinī
27.66
prāgādikesarāgreṣu koṇeṣvagnyādiṣu kramāt
hṛcchiraścūlikāvarmahetīn devākṛtīn yajet
27.67
devāṅgebhyastadaṅgāni dīpebhyo dīpakā iva
lakṣmīṃ vāṇīṃ ratiṃ prītiṃ kīrtiṃ śāntiṃ vibhūṣitām
27.68
tuṣṭiṃ puṣṭiṃ ca pūrvādidalāgreṣvarcayedimāḥ
āpītaraktagaurābhyāṃ śyāmā sitaśaśiprabhā
27.69
padmavarṇā piśaṅgā ca cāmarābjakarāstu tāḥ
prāgādidikṣu tadbāhye sitaraktāruṇaprabhān
27.70
śyāmaṃ ca śaṅkhārigadāmusalān svāstramastakān
koṇeṣu pītagaganasitakṛṣṇanibhān kramāt
27.71
śārṅgāsyaṅkuśapāśāṃstu dhyātvā svasvākhyayā yajet
tadbāhyāvaraṇe svāśāsthitān sāyudhavāhanān
27.72
parivāraiḥ svakairyuktān daśa śakrādikān yajet
kumudaṃ kumudākṣaṃ ca puṇḍarīkaṃ ca vāmanam
27.73
śaṅkukarṇaṃ sarvanetraṃ sumukhaṃ supratiṣṭhitam
koṭikoṭigaṇādhīśānsakheṭakarānimāṃn
27.74
bhūṣitān makuṭādyaiśca divyamālyāmbarān yajet
piṅgalaśmaśrukeśāntaṃ śyāmavarṇaṃ caturbhujam
27.75
śaṅkhacakragadāhastaṃ nāsānte tarjanīkaram
viṣvaksenaṃ ca saṃpūjya devaṃ saṃpūjayet tataḥ
27.76
omadhye kalpayāmīti śirasyarghyaṃ pradāya tu
tathā pādyaṃ caraṇayorevaṃ cācamanādikam
27.77
arghyādiṣoḍaśoddiṣṭairupacārairastamarcayet
vibhave sati pūrvoktairdvātriṃśadupacārakaiḥ
27.78
mūlamantrasya tu padaistārādyaistu namo'ntakaiḥ
puṣpaiḥ sragbhiralaṅkṛtya tārapūrvaṃ śriyai namaḥ
27.79
ityutsaṅge samāsīnāṃ lakṣmīṃ devasya pūjayet
naivedyāntaṃ ca balyantaṃ homāntaṃ vāpi śaktitaḥ
27.80
sarvatra smaragādomaintryā saṃpūjyoktopacārakaiḥ
yathāśakti japenmantraṃ hastasthaculukodakam
27.81
gandhapuṣpānvitaṃ kṛtvā jānubhyāmavaniṃ gataḥ
devasya dakṣiṇe haste japādiphalamarpayet
27.82
evaṃ nityārcanaṃ kṛtvā śaktyā viprāṃśca bhojayet
svayaṃ ca bhuktvā śeṣeṇa kṛtakṛtyo bhavennaraḥ
27.83
hṛṣīkeśaḥ svayaṃ sākṣāt puruṣottama ucyate
tasya mānmathabījaṃ tu mantrastvekākṣaraḥ smṛtaḥ
27.84
smarabījaṃ tato vyoma saptamasvarasaṃyutam !
śveto vāmākṣiyuktaśca brahmā rudraḥ svarānvitaḥ
27.85
dīrgho bakaśca hṛdayaṃ mantro'ṣṭāṇaॱ prakīrtitaḥ
trailokyamohanaścaiṣa sādhanādyaṃ puroditam
27.86
smarabījayutairdīrghaiḥ svarairaṅgāni jātibhiḥ
japataḥ sarvakāmāni bhavanti nacirādiva
27.87
tāraṃ hṛt sākṣikumbhaṃ ca śvetaśvomāpatistvataḥ
soṣṭhāmbhaḥ karṇagaṃ śuklaṃ raktaṃ pārśvamathāṣaḍhī
27.88
soṣṭhaṃ tvak ca mahākālaiḥ khaṃ dīrghaṃ chagalaṇḍakaḥ
dīrghaḥ pinākī vālī ca svāhānto'ṣṭādaśākṣaraḥ
27.89
mantro niraṅgāvaraṇo hyannādhisaṃjñitaḥ
ṛṣistu gautamaścchando dhṛtirviṣṇuśca daivatam
27.90
dāridryaśamanaḥ puṣṭiśrīsaubhāgyasukhapradaḥ
27.91
dhyānaṃ ca—
kṣīrodendusṛṇālakundadhavalaḥ paṅkendubimbānano
hastābhyāṃ dadhibhaktapūrṇacaṣakaṃ kumbhaṃ ca pūrṇāmṛtam
bibhranmaulivicitrahārakaṭakādyābhūṣitaḥ kaustubhī
dhyeyo'nnādhipatiḥ prasannavadanaḥ pītāmbaro vāmanaḥ
27.92
sādhakāyānnapānādyaṃ prayacchantamanusmaran
ayutaṃ tu japenmantraṃ puraścaraṇasiddhaye
27.93
dadhyodanaṃ tu saghṛtamaṣṭottarasahasrakam
juhotvasmin kaliyuge japahomau caturguṇau
27.94
siddhamantrastato'nnādyaṃ śriyaṃ cāpnoti puṣkalām
annaṃ hutvānnavān vrīhiśālyādyaistu samṛddhimān
27.95
maṇḍakaiḥ śatapuṣpāṇāṃ bījairītirvinaśyati
paracakrabhayaṃ rājā śatrucorabhayādikam
27.96
yad dāridryabhayaṃ cānyat kṣudrarogabhayaṃ tathā
śatapuṣpasya bījānāṃ homāt saṃśamayed dhruvam
27.97
durge vā viṣame mārge bhaye jāte tathā grahe
devaṃ smaran japan mantraṃ dāridryācca vimucyate
27.98
trailokyākramaṇākāraṃ trāyantaṃ mahato bhayāt
dhyātvātmānaṃ paraṃ vāpi tattacchāntyai japenmanum
27.99
bhittau vātha paṭe vāpi śaktaḥ saṃpūjayeddharim
sānnenājyena vānnena sājyadadhyodanena vā
27.100
nityahomaṃ yathāśakti kurvataḥ śrīranuttamā
yadyaddiśya juhuyād dadhyannaṃ ghṛtasaṃyuktam
27.1013
ttattadasya bhavatyeva bhaktasyeha paratra ca
itthaṃ vicārya bahudhā bahutantrasiddhaṃ trailokyamohanamanorvipulaṃ vidhānam
saṅkṣipya sādhakajanasya hitāya gītamantrādhipasya ca hareriha kalpadṛṣṭam
Linked texts (4)
- Īśānaśivagurudevapaddhati — Īśānaśivagurudeva, Sanskrit
- Agnipurāṇa (Nag Publishers edition, Delhi) — Sanskrit
- Vidyārṇavatantra — Sanskrit
- Prapañca — Sanskrit