Mantrapada 3: atha saptadaśaḥ paṭalaḥ

Mantrapāda 3

Language: Sanskrit

atha saptadaśaḥ paṭalaḥ

3.1

vāgbhavaṃ tadanu manmathabījaṃ sargavān bhṛguranugrahayuktaḥ
traipuro manurayaṃ kila bālaḥ kāmadhenuriva kāmadhuguktaḥ

vidyāvāgbhavakāmarājakalitā hyeṣā savāgīśvarī
tretāgnitrijaganmūrttisavanairvedairguṇaiḥ kāraṇaiḥ
yadvānyat trividhaṃ bhavet tripurayā varṇatrayāviṣkṛtaṃ
tajjñeyaṃ tripuretināmaviṣayā śaktiḥ parākhyāyate

3.3

śrīrbrahmā munirasya coṣṇiguditā chandaḥ svayaṃ devatā
vāgīśītyapare śivaṃ ca kathayantyanye tathā bhairavam
pūrvendudyuti vāgbhavākhyamaparaṃ yad bandhujīvāruṇaṃ
protphullāruṇakarṇikāraruciraṃ bījaṃ tṛtīyaṃ viduḥ

3.4

tāraṃ vyoma tathā bhṛguśca sakalo mantrastrivarṇo hyayaṃ
śeṣārukhyatripurāmaneāstu racayedaṅgānyanene kramāt
svābhirjātibhiranvitānyatha punaḥ pāṇyoḥ śarīre nyaset
kṛtvāsnān karaśuddhimaṅguliṣu tadvarṇāni cāṅgāni ca

3.5

oṃ hsauṃ kaniṣṭhāṅgulaye namaḥ | oṃ hsauṃ anāmikāyai namaḥ | oṃ
hsauṃ madhyamāyai namaḥ | oṃ hsauṃ tarjan‍yai namaḥ | oṃ hsauṃ jyeṣṭhāṅgulaye namaḥ
vinyasyāṅguliṣu krameṇa karayorevaṃ triparvakramāt
oṃ hsauṃ ūrdhvavaktrāya namaḥ | oṃ hsauṃ pūrvavaktrāya namaḥ | oṃ hsauṃ
dakṣiṇavaktrāya namaḥ | oṃ hsauṃ uttaravaktrāya namaḥ | oṃ hsauṃ paścimavaktrāya
namaḥ
itthaṃ cāṅgulibhirmukheṣvabhisṛtairjyeṣṭhādibhirvinyaset
mūlāṇānvitaśeṣataścaraṇayorjānvorupasthe tathā
nābhau hṛdgalatāluvindupu pṛthaṅ mūrdhanyapītthaṃ nyaset

3.6

vilomataśca -
kāmarūpī kollagiriḥ sopāroḍyāṇake tathā
malayādriḥ kulāntaṃ ca jālandhraṃ devikoṭṭakam

3.7

ityaṣṭa yogapīṭhāni
brāhmayādyāścaṇḍikāntāḥ pṛthagiha kathitā mātarastatra pūrvaṃ
dīrghairyuktāḥ svaraistāḥ śaśadharakalairhrasvabindusvaraiste
yuktāḥ syuścāsitāṅgo rururatha kathitaścaṇḍakaḥ krodhanāhvaśconmattaḥ syāt kapālī tadanu nigadito bhīṣaṇaḥ saṃhṛtiśca

3.8

śeṣaśrīyutapīṭhanāma ca tataḥ pīṭheti śabdaḥ svaro
dīrghaḥ syādatha mātṛnāmasahitaṃ tattaccaturthyā tu hṛt
hrasvā binduyutāḥ svarāḥ syurasitāścānye tadādyakṣarairbindvantairatha bhairavāhvayamatha syāt pādukebhyo namaḥ

3.9

pṛthagevaṃ nyasennābhihṛtkaṇṭhāsyeṣvatho nasi
lalāṭe mūrdhani tathā dvādaśānte'pyanukramāt

3.10

pīṭhapādukanyāsaḥ
guhye ca hṛdaye tadvallalāṭe bindusaṃjñite
triṣu sthāneṣu śeṣārdhaṃ mūlārṇān vinyaset pṛthak

3.11

mūlamantranyāsaḥ
nyāsaḥ purastāt karayostataḥ syād vaktreṣvatho pīṭhakapādukānām
padādimūrdhāntavilomataḥ syānmūlena cāṅgairiti ṣaṭprakāraḥ

3.12

praviśya dīkṣāṃ guruṇābhiṣecitastadiṣṭakṛt tena viśeṣaśikṣitaḥ
anujñayā tasya vidhāya nityakaṃ kṛtātmaśuddhirmanubaddhavigrahaḥ

3.13

sitāṃśukālepanamālyabhūṣaṇo gaṇeśamabhyarcya guruṃ ca bhaktitaḥ
upopaviśyocita āsane śubhe samāhṛtejyāvidhisodhanādikaḥ

3.14

brahmāṇḍodararatnasaudhajaladhermadhye kadambojjvalaṃ
codyānaṃ maṇimaṇḍapaṃ ca vilasanmāṇikyaśoṇadyuti
divyaṃ dvāracatuṣṭayasthavaṭukaistāvadbhirevāruṇaiḥ
sarvajñairaruṇāmbarādivilasaddveṣairyutaṃ cintayet

3.15

kulapūrvastu vaṭukastathaivākulapūrvakaḥ
samayākhyastṛtīyaḥ syāccaturthaḥ sādhakāhvayaḥ

3.16

caturdvāropitvame pūjyāstadvat kṣetragaṇeśvarau
svalaṅkṛtau tau̍ nityaṃ tāvudagdakṣiṇataḥ sthitau

3.17

tanmadhyakārtasvarasiṃhapīṭhe śaktiṃ pravālāṅkurabhaṅgaśoṇām
tāmaṣṭadhāveṣṭya guṇairananto dhyeyastaditthaṃ sitamambujaṃ ca

3.18

dharmādayaḥ syuścaturo'sya pādāḥ siṃhānanāḥ sattvatamorajāṃsi
kaindaṃ ca nālaṃ kamalaṃ krameṇa dhyeyaṃ tritattvaṃ trijagattripūrtiḥ

3.19

puryaṣṭakordhvacchadamambujaṃ tadadhaśchadākāracaturyugaṃ ca
parisphuratkesarajālakīrṇāṃ tatkarṇikāṃ copari mūlaśaktim

3.20

dhyeyaṃ tathā vāgbhavamātrabījaṃ bandhūkaraktaṃ ruciraṃ trikoṇam
hiraṇyagarbhaṃ ca hariṃ ca rudraṃ tatheśvaraṃ caiva sadāśivaṃ ca

3.21

tatastu tanmadhyasukhopaviṣṭāṃ devīṃ japāyāvakaraktakāntim
nibaddhapadmāsanasaumyamūrtiṃ netratrayālaṅkṛtavaktrapadmām

3.22

jaṭākirīṭāhitaśītarociṣaṃ piśaṅgaraktābharaResourceṇāmbarasrajam
dhṛtākṣamālāṃ varadāṃ ca dakṣiṇe sapustakaṃābhītikarāṃ ca vāmataḥ

3.23

samagratāroṃdhipamaṇḍalānanāṃ prataptajāmbūnadaratnakuṇḍalām
galaprabhārañjitaniṣkamūṣaṇāṃ sujātavṛttonnatapīvarastanīm

3.24

vicitrahārollasitastanāṃśukāṃ tathāṅgulīyeḥ kaṭakaiśca bhūṣitām
piśaṅgakauśeyarucāruṇatviṣaṃ hiraṇyakāñcīṃ dadhatīṃ tadāspade

3.25

yathocitākāraviśeṣasundaraṃ manoramorvorapi jaṅghayoryugam
krameṇa vṛttaṃ dadhatīṃ padābjayorvicitraratnasphurite ca nū̍

3.26

samastaśobhāvibhavaikasundarīṃ vibhāvasaundaryasudhārasātmikām
nijaikyatastraipuradevatāṃ śubhāṃ vicintya bhāvāhitasādhanairyajet

3.27

tatastu svāmbhoruhacandramaṇḍale śivātmikāṃ niṣkalasūkṣmacetanām
vicintayet tārakasaṅkramatviṣaṃ śataihradādāmaruciṃ tanīyasīm

3.28

tataḥ samādāya kṛtāṃ suṣumnayā nijaikyadevyā hṛdayāmbujaṃ nayet
sacetanāṃ tāṃ pravibhāvya tu kṣaṇaṃ manaḥ sthiraṃ tatpravaṇaṃ vidhāya tu

3.29

khapaṅkajendoramṛtasya dhārayā parisravantyā sitadugdharociṣā
suṣumnayā brahmapathāmṛtāmbubhirnijaikyadevīmabhiṣicya harṣayet

3.30

yathopacārairmanasābhipūjya tāṃ sudhābhirāplāvyū punastu cintayet
ṣaḍantarādhārasamaṇḍalāmbujaiḥ śarīramūrdhvaṅgamayā suṣumnayā

3.31

mūlādhāre cāpi pāyāvupasthe nābhau hṛdye tālumūle ca mūrdhina
vedatvarśākārttidyugmacchadāni tānyabjāni hyantarā brahmanāḍyāḥ

3.32

athātra mūle navakoṭiyojanaṃ pravistṛtaṃ cāndramasaṃ tu maṇḍalam
tamīṣadākuñcya nibadhya cintayet tadutthamabjaṃ dhavalaṃ kalādalam

3.33

adhomukhaṃ vakratanau tadambujaṃ bhavedajoranmukhamāyataṃ smitam
vibhāvya madhye'sya tu kāmamandiraṃ kadambagolākṛtiliṅgamindubham

3.34

taṃ kuṇḍalilyatha bisāṅkuratantugaurā suptā tridhā samabhiveṣṭya tathā prabodham
yāti prabuddhamadanālayasaṃbhrameṇa liṅgaṃ tu vāgbhavamayaṃ prathamaṃ taduktam

3.36

āgneyabimbamaruṇaṃ hṛdaye'tra padmaṃ bandhūkakānti daśapatramathāsya madhye
yat padmarāgaruci mānmathabījaliṅgaṃ dhyāyet tu viśvajanarañjanamohanaṃ tat
bindusthānaṃ lalāṭe divasakaramayaṃ maṇḍalaṃ pītavarṇaṃ
tatrābjaṃ dvādaśāraṃ dinakararuciraṃ pītavarṇaṃ tu liṅgam
bījaṃ sārasvataṃ tat prabhavati paramaṃ vāṅmayaṃ yatprabhāvāditthaṃ proktaṃ purāṇaṃ trayamidamiha yat traipurākhyā hi vidyā

3.37

suṣumnāpathāsmāt tu kāmarūpaliṅgaṃ samārabhya vidyutprabhāsūkṣmarociḥ
dvitīyaṃ tṛtīyaṃ ca madhyena liṅgaṃ gatā śaktirūrdhvaṃ puraṃ dvādaśāntam

3.38

ahaṃ jīvabhūtaḥ krameṇeha liṅgatvayornirvidāryā svapadmaṃ sametaiḥ
sahasracchadaṃ tat kalāmadhyapatraṃ sudhāsāraviṣyandi saccidghanavyoma

3.40

punaḥ saiva śaktiḥ sudhādhārayāsmānnivṛttā suṣumnāpathā brahmarandhrāt
praviṣṭā purovat triliṅgāni cāntaḥ kramāt plāvayantīha mūlābjamīyāt
vibhāvyetthamūrdhvādadhaścordhvayānaṃ tathā śaṅkhakundendugokṣīragauraiḥ
prapūrṇaṃ śarīraṃ tvatho romakūpāt sravaccāmṛtāmbhaḥ samāplāvyamānau

3.41

kramādaṣṭapīṭhasthitā devatāścāṅgasiddhivṛttisthā + + + - + +
guruṃ dvārapālānatho lokapālāṃstathā maṇḍapaṃ cāmbudhiṃ cintayīta

3.42

vibhāvyeti mantraṃ sadāmyāsayogānmanoṃvāñchitārthīṃstrilokeṣu vindet
vijityeha mṛtyuṃ guṇaiśvaryavācāmadhīśo bhaveddurlabhyāṃ ca muktim

3.43

itthaṃ nijaikyena vibhāvya devīmiṣṭvā yathāvanmanasopacāraiḥ
bāhye purovad yajanāya samyag lekhyaṃ tu cakraṃ vidhineva devyāḥ

3.44

kāśmīragorocanacandenenduspṛkkuṣṭharukpatrakagomayādbhiḥ
cakraṃ likheddhāṭaka rūpyatāmraiḥ kṛte tale'ratnimite'tiramye

3.45

sakarṇikaṃ sāṣṭadalaṃ tu padmaṃ madhye bahirdvādaśakaṃ dalānām
tadbāhyataḥ ṣoḍaśapatramabjaṃ bāhye tathā rāgadalāni ca syuḥ

3.46

tadbāhyavṛttaṃ caturaśramasmin koṇāstu pārśve kalaśorpamānāḥ
lekhyauḥ sapāśāṅkuśaśaṅkhasvastaiścihnairupetāstu yathākrameṇa

3.47

madhye trikoṇākṛti vāgbhavaṃ syāt tanmadhyage ca smaraśaktibīje
lekhye'ṣṭaidikapatragatāḥ svarāḥ syurbāhye dalaidvādaśakeṣu kāmam

3.48

śaktīṃlikhenvatha ṣoḍaśāsmin patreṣvatha dvādaśakeṣu kāmam
sāntān sakāryādīn saha haṃsabindūn dvātriṃśadabjacchadaneṣu mantrī

3.49

bāhye'tha mālāmiva śeṣamantraṃ vṛttād bahiścaturaśramantaḥ
tadvallikhet koṇacatuṣṭayasthe pāśāṅkuśe ramyatare yathāvat

3.50

etaddhi cakraṃ tripurābhidheyaṃ saṃlikhya tasmin yajanaṃ vidadhyāt
taccāpi pīṭhe vinidhāya mantrī saṃpūjayet tairvihitopacāraiḥ

3.51

śastaṃ nijaikyena tathaiva cakre citre'pi devyā yajanaṃ na bhūmau
mohādasau sthaṇḍilagāṃ yajecced bhraśyet trivargādapi mantrasiddheḥ

3.52

pūrvaṃ triliṅgātmakabījayuktyā saddvādaśāntāmṛtaśaktiyogam
vibhāvya gandhākṣatapuṣpatoyaiḥ svamūrdhani svaikyatanuṃ yajet tām

3.53

vyomendupaṅkeruhataḥ purovat tejaścidānandamayīṃ giraṃ tām
āvāhya cakrodarakarṇikāyāṃ vyomendusūtairamṛtairniṣiñcet

3.54

śeṣāṅgamūlairmanubhiḥ krameṇa prāgvat samārādhya mahopacāraiḥ
vyomāvṛtāmbhaḥpṛṣataiḥ purovadāplāvya tūktāvaraṇāni cedvā

3.55

aṅgairyajedāvaraṇaṃ dalānāṃ madhye yathāvat prathamaṃ tataśca
śaktīrdvitīye'tha dalāgragāstāḥ sallekhinīpustakahastayugmāḥ

3.56

yogā ca satyā vimalā ca medhā śraddhā ca buddhiśca tathā samṛddhiḥ
jñānā ca pūrvādiṣu raktavarṇā divyāmbarādyairapi bhūṣitāṅgyaḥ

3.57

tatastṛtīyāvaraṇe'ṣṭapīṭhe mātṛḥ kramād bhairavapādukāśca
aiśe gurūn pañca yajeccaturthe kṣetraṃ savighnaṃ vaṭukāṃśca dikṣu

3.58

lokādhipān sāyudhavāhanādīṃstān pañcame tvāvaraṇe yathāvat
saṃpūjya taistairupacārabhāvaiḥ punaśca devīṃ sumanobhiriṣṭvā

3.59

ātmatattvādhipāyai devyai namaḥ | vidyātattvādhipāyai devyai namaḥ
śavatattvādhipāyai devyai namaḥ
pṛthagebhiḥ kramānmantrairdattvā puṣpāñjalitrayam
bhāvāṣṭapuṣpairapi tāmarcayed bhāvasādhanaiḥ

3.60

ahiṃsā prathamaṃ puṣpaṃ tataścendriyasaṃyamaḥ
kṣamā bhaktirdayā dhyānamalobho jñānamaṣṭamam

3.61

ātmavidyāśivaistattvaiḥ pṛthag prāgvannamontakam
japādyante japaṃ kuryājjaparakṣākaro vidhiḥ

3.62

sphaṭikākṣāvalī śastā japyeṣu traipureṣu vai
japaṃ cāpyamṛtāmbhobhirmanasāsyai samarpayet

3.63

tataḥ stavamimaṃ dhyeyamantrasāramudīrayet
śatahṛdākadambavallasaddyutiṃ tanīyasīṃ
mṛṇālantantukomalāṃ triliṅgabimbanirgatām
sasargabindunādakān kramādatītya tatpadād
dravatsudhārasāplutāṃ suniṣkalāṃ numo giram

3.64

sudhāmbudhau sitāvanau ca candrakāntamaṇḍape
śaśāṅkabimbapaṅkaje tu gauravarṇavālikām
sabodhamudrapustakāṃ sakumbhajapyamālikāṃ
sitāmbarādibhūṣitāṃ sitāvṛttiṃ numo giram

3.65

himāśrame'ṣṭamātṛbhiśca mātṛkāmbujāsenāṃ
śaśiprabhāṃ varābhayāṃ tathā dhṛtābjapustakām
savighnarājaṣaṇmukhāṃ sadakṣiṇeśadeśikāṃ
sabhairavāṃ trilocanāṃ kapardinīṃ numo giram

3.66

nijaikyato'ruṇatviṣaṃ prataptahemakuṇḍalāṃ
vicitrabhūṣāmbarāṃ sthitāṃ sakalpakāmbuje
sapāśamaṅkuśaṃ karairvarābhaye ca bibhratīṃ
saśaṅkhapadmaśevadhiṃ vibhūtaye numo giram

3.67

lalāṭapadmavāgbhave surendracāpadīdhitiṃ
śirasyathendumaṇḍale samanmathāṃ sitadyutim
raviprabhāṃ hṛdambuje hi saurabimbamadhyagāṃ
pṛthag vibhāvya bhuktaye ca muktaye numo giram

3.68

svakāntiyāvakāmbubhirvilohite ca rodasī
sapuṣpabāṇakārmukāṃ ca sāṅkuśāṃ tu pāśinīm
vilohitāmbarādikāṃ nijaikyato vibhūṣitāṃ
smṛtāṃ jagadvimohinīṃ vikarṣiṇīṃ numo giram

3.69

samastavedaśāstravāgvibhūtijanmabhūryatastataśca saṃskṛtādivāgvilāsadaṃ hi vāgbhavam
sphurat smaraisya mandire smṛtaṃ hi tārakaprabhaṃ
yadātmakaṃ pravṛttaye girāṃ ca tāṃ numo giram

3.70

yataḥ prapañcasaṃbhavasthitikṣayapravartanaṃ
trivigrahaprabhedatastrimūrtiko vibhāvyate
guṇatrayījagattrayītritattvakālapūrvikāṃ
tatastripūrvikā purā tvamamba! tāṃ numo giram

3.71

kimaṅgapūjanāvidhāvajānatāthavā mayā
tadaṅgamantrasādhanakriyāvihīnamarcitā
tvadaṅghriyugmapadmayostu bhakticoditena tat
tvamamba ! kheditādhunāsi durnayaṃ kṣamasva me

3.72

bhaktihīnaṃ kriyāhīnaṃ śraddhāhīnaṃ yadarcanam
tadastu paripūrṇaṃ me tava devi ! prasādataḥ

3.73

ityātmāditritattvāntamadhipāyai namo'ntakam
devyai pūjājapaphalamarpayecculukāmbhasā

3.74

anāmike dve tarjābhyāṃ mithaḥ pāṇyornibadhya tu
uttānapāṇitalayormadhyame sakaniṣṭhike

3.75

pārśvābhyāṃ sahitāgre stāmṛjvāyatamupasthite
kṛtvāṅguṣṭhāgrayugmena kaniṣṭhāmūlayoḥ spṛśet

3.76

mudreyaṃ yonisaṃjñā syācchākteyī mantrasiddhidā
tāṃ baddhvā darśayed devyai sadyaḥprītikaraṃ bhavet

3.77

athārghyaṃ tu hṛdā dattvā namaskṛtya prasādya ca
nirañjane! layaṃ gaccha ṭhaṭha
anena puṣpāñjalinā devīṃ saparivārakām

3.78

ādāyāmamṛtaniḥṣyandaiḥ svābjamadhye niyojayet
arghyaṃ hṛdā visṛjyātha bhojayecca kumārikāḥ

3.79

baṭūnapi yathāśakti pāyasājyamadhūttaram
sūtakādiṣu bāhyārcāṃ japaṃ vā na samācaret

3.80

pavitrāropaṇādīni kuryāccaiva vidhānataḥ
viśeṣāt paṭṭasūtreṇa pavitrāṇyatra kalpayet

3.81

gaṅgāvatāraṇaṃ cāpi kuryāt kaṅkaṇikāmapi
na śastā caṇḍapūjātra vidhirhomasya kathyate

3.82

tilājyaśarkarāhomaḥ sarvavaśyaprado bhavet
bilvaiḥ patraiḥ phalaiḥ śuklaiḥ puṣpaiḥ patrairatha śriye

3.83

juhoti rājikāloṇairmadhunā tuṣṭiruttamā
śuklāṃ śuklaistu kusumairhutvā vidyāṃ labhedasau

3.84

śrīvaśyākṛṣṭikṛtyeṣu raktāṃ raktaistu sādhanaiḥ
dūrvāgrairlabhate kanyāṃ sājyānnenānnamuttamam

3.85

śirīṣakusumairvaiśyāṃ vaśayet kṣaudramiśritaiḥ
śuklādipuṣpairhomena śuklādivasanāgamaḥ

3.86

apāmārgaistathāśvatthairnyagrodhodumbarairapi
viprādīṃścaturo varṇān vaśayenmadhuraiḥ kramāt

3.87

dhurtūrakāṣṭhaistaddhomādunmattāḥ syurarātayaḥ
vidveṣo nimbakārpāsairmārayet saviṣairviṣaiḥ

3.88

kākakākāripatrābhyāṃ homāduccāṭayet parān
kṣudreṣu kṛṣṇāṃ dhyāyet tāṃ kṛṣṇānyāvaraṇāni ca

3.89

madhvājyakṣīrahomena samṛddhirmahatī bhavet
vaṭādho gomayālipte darbhānāstīrya sādhakaḥ

3.90

puṣpaṃlājākṣataiḥ śubhraiḥ pūjayed brahmayakṣiṇīm
nityamaṣṭasahasraṃ tu japitvā niśi tanmanāḥ

3.91

māsena yakṣiṇīṃ paśyediṣṭārthāṃścāpi vindate
tanmantritāmbu pītaṃ tu nityaṃ medhākaraṃ smṛtam

3.92

aṣṭottaraśataṃ spṛṣṭamambhaḥ pītvā divāniśam
nirīkṣya baddhamudrastu tadvācaṃ stambhayedasau

3.93

aśrutānyeva śāstrāṇi darśanādeva dhārayet
bahunā kiṃ pralāpena vāgvilāsavibhūtidaṃḥ

3.94

na mantrastraipurādanyaiḥ śrīkaro'pi viśeṣataḥ
śeṣamantravihīnastu manuryaḥ prathamoditaḥ

3.95

bālābhidhāno japyaḥ syād bālairevaiṣa netaraiḥ
etairaśeṣaśeṣasthairmūlārṇaistu vibhāgaśaḥ

3.96

kūṭasthastraipuro mantraḥ sarvasiddhiprado hi saḥ
svarādibhiḥ kramāt kādyaiḥ kṣāntagairdvitayakramāt

3.97

antaḥsthitasvaraistaiśca sparśavāmākṣapallavaiḥ
krameṇa traipurā eva mantrāste prabhavanti hi

3.98

samyagitthamuditā tripureyaṃ kāmadhenuriva kāmadavidyā
yāmupāsya suraguhyakasiddhāḥ siddhimṛddhimapi cāpurabhīṣṭām

Linked texts (1)

Īśānaśivagurudevapaddhati — Īśānaśivagurudeva, Sanskrit