Pramāṇa · Search · About · API

Mantrapada 30: athaikacatvāriṃśaḥ paṭalaḥ

Mantrapāda 30

Language
Sanskrit

Contents

athaikacatvāriṃśaḥ paṭalaḥ

30.1

atha grahacikitsātra likhyate nātivistṛtā
tatra bālacikitsāyāḥ prakārā bahudhā smṛtāḥ

30.2

teṣvādau matamāśritya khaḍgarāvaṇacoditam
nārāyaṇīyoditaṃ ca mārgadvayamihocyate

30.3

likhyate prathame vāhni māse tu prathame punaḥ
saṃvatsare tu prathame nandā gṛhṇāti mātṛkā

30.4

ceṣṭā tasya jvaraḥ kampo rodanāśanavarjanam
nadyāḥ kūladvayamṛdā śiśumānāt tu puttalīm

30.5

saṃveṣṭya pītasūtreṇa śuklāṃścaṃ prasthataṇḍulaiḥ
matsyamāṃsāsavaṃ puṣpairdadhikṣīratilānvitaiḥ

30.6

trayodaśa svastikāṃśca paiṣṭhāṃścāṣṭa pradīpikāḥ
vilipya bhūmiṃ rambhādyaiḥ kṛtvā pātraṃ sujāyatam

30.7

tanmadhye puttalīṃ nyasya dīpādyaṃ parito nyaset
tatrāparāṃyāṃ sandhyāyāṃ gandhādyairvighnanāyakam

30.8

iṣṭvā prāgyāmyavāruṇyasaumye brāhmādimātṛkāḥ
vārāhyādyāśca vahnyādikoṇeṣvaiśe tu caṇḍikām

30.9

aṃvāhyābhyarcya madhye tu vīrabhadraṃ gaṇeśvaram
yathoddiṣṭabalidravyacaturbhāgadvibhāgataḥ

30.10

vīrabhadrādimātṛbhyo bodhipatreṣu vai balim
pṛthak pṛthak tārapūrvaṃ namontaṃ svākhyayā kṣipet

30.11

vakṣyamāṇena mantreṇa tatreṣṭvā khaḍgarāvaṇam
nandāṃ ca svākhyayā śāntāṃ tayorapi baliṃ kṣipet

30.12

oṃ namo bhagavate khaḍgarāvaṇāya dīrghadarśanāya hana gṛhṇa muñca bālakaṃ ṭhaṭha
iti kṣepyo balistena śiśuṃ nīrājya nirharet
nandāyai tu svanāmnaiva praṇavādinamontakam

30.13

pūrvasyāṃ diśi paścāt tu śivanirmālyasarṣapaiḥ
nimbapatrājyamilitaṃ dhūpayecca śiśostanum

30.14

nyagrodhodumbarāśvatthabilvapālāśapallavaiḥ
kumbhodarasthitaistaistu snāpayet prokṣayīta vā

30.15

evaṃ dinatrayaṃ kṛtvā caturthe snāpayet tathā
dvitīyatritaye bālaṃ sunandā nāma bādhate

30.16

ceṣṭā tasyākṣirogaśca saṅkoco hastapādayoḥ
prāgvat puttalikādyaṃ tu kṛtvā dravyaiḥ puroditaiḥ

30.17

vīrabhadrādimātṛbhyaḥ khaḍgarāvaṇavighnayoḥ
dinādimātṛkāyai ca sarvatrāyaṃ balikramaḥ

30.18

sūryāstamayavelāyāmudīcyāṃ nirhared balim
oṃ namo bhagavate khaḍgarāvaṇāya dīrghadarśanāya hana gṛhṇa muñca bālakaṃ ṭhaṭha
tṛtīyatritaye bālaṃ grahī gṛhṇāti pūtanā

30.19

jvaraśca gātrabhaṅgaśca galabhaṅgordhvavīkṣaṇam
prāgvat puttalikāṃ kṛtvā tilacūrṇaudanau dadhi

30.20

matsyamāṃsasurāpūpagandhadhūpadhvajādibhiḥ
vīrabhadrādimātṛbhyaḥ pūtanāyai ca pūrvavat

30.21

oṃ namo bhagavate khaḍgarāvaṇāyātiśauryāya hana gṛhṇa muñca bālakaṃ ṭhaṭha
anena tu baliṃ kṣiptvā paścimāyāṃ tu nirharet
siddhārthaśivanirmālyanimbapatraṃ ghṛtānvitam

30.22

ajaśṛṅgeṇa dhūpyainaṃ snapayecchāntivāribhiḥ
caturthatritaye bālaṃ gṛhṇāti mukhamaṇḍikā

30.23

gātrasvedo jvaraḥ śvāso muṣṭibandho'nnavarjanam
prāgvat puttalikādīni dravyāṇyatrāpi kalpayet

30.24

vīrabhadrādimātṛbhyaḥ pūrvavannikṣiped balim
oṃ namo bhagavate khaḍgarāvaṇāya dīrghabhujāya hana gṛhṇa muñca bālakaṃ ṭhaṭha
anena cāpi mantreṇa kṣiptvā yāmyāṃ baliṃ nayet

30.25

pañcame tu vilālākhyā grahī gṛhṇāti bālakam
jvarākṣirogau tacceṣṭā muṣṭibandhaśca pūrvavat

30.26

puttalyādīni sarvāṇi prāgvad balinivedanam
vīrabhadrādimātṛbhyaḥ pūrvavannikṣiped balim

30.27

oṃ namo bhagavate khaḍgarāvaṇāya pūrṇāya namaḥ ṭhaṭha
kṣiptvānena baliṃ taṃ cāpyaiśānyāṃ nirhared balim

30.28

dhūpayennimbapatraistu ghṛtaguggulumiśritaiḥ
ṣaṣṭhatraye śakunikā ceṣṭordhvālokanaṃ jvaraḥ

30.29

prāgvat puttalikādīni viśeṣo madhuśoṇite
mantrastu pañcamaḥ prokto dhūpaścāpi puroditaḥ

30.38

snapayecca
dvādaśatritaye tadvat pākadāhajvaro'pi ca

30.39

muṣṭibandho'tisāraśca ceṣṭā puttalikādibhiḥ
pāyasakṣīramudgānnairdadhibhaktaiḥ puroditaiḥ

30.40

oṃ namo bhagavate khaḍgarāvaṇāya baliṃ gṛhṇa muñca bālakaṃ ṭhaṭha
anena tu baliṃ dattvā dakṣiṇe nirharecca tam
nermālyādyaiśca saṃdhūpya snapayecchāntivāribhiḥ

30.41

evamā dvādaśād varṣād grahā gṛhṇanti bālakān
ā ṣoḍaśāt pare prāhurā saptadaśakāt tathā

30.42

iti khaḍgarāvaṇabālacikitsā
atha jātaṃ dine bālaṃ bādhate pāpinī grahī
grīvāvivartanaṃ ceṣṭā lālāsrāvaśca tatra tu

30.43

vaṃśādyairbalipīṭhaṃ ca saṃkalya caturaśrakam
tanmadhye vīrabhadraṃ ca mātṛḥ koṇeṣu dikṣvapi

30.44

vināyakaṃ ca cāmuṇḍāmaiśānyaṃ diśi pūjayet
apūpamatsyamāṃsānnatailacūrṇāsavādibhiḥ

30.45

praṇavādinnamontaiḥ svairnāmabhiḥ prakṣiped balim
tannaiśakoṇe tāmistrā dhvajadīpāṣṭakānvitam

30.46

ardhāstamayakāle taṃ śiśuṃ nīrājya mantrataḥ
vinyaseccatvare vātha diśāyāmamaraprabhoḥ

30.47

siddhārthapuranirmālyanimbapatrairghṛtāplutaiḥ
sandhūpyośīramārgāgrabodhipallavacandanaiḥ

30.48

saṃsnāpya yuktasalilaiḥ kumbhasthaiḥ prokṣayecca vā
lodhracandanamañjiṣṭhādhātakībhiḥ pralepayet

30.49

evaṃ dinatrayaṃ kṛtvā caturthe vāsare punaḥ
bilvakṣīrāgamārgāṇāṃ patrādyaiḥ śāntivāribhiḥ

30.50

saṃsnāpya śaktyā viprendrān vastrādyairabhipūjayet
āsaptadaśavarṣāntamārabhya prathamaṃ dinam

30.51

samāno'yaṃ vidhiḥ prokto bhinnāstaddevatāḥ kramāt
dvitīye divase tatra bhīṣaṇī sā grahī matā

30.52

gātrasaṅkocanaṃ kāsaśvāsau ceṣṭā pralakṣyate
candanośīramāyūrairajāmūtrābhipeṣitaiḥ

30.53

śiśumālipya godantaśṛṅgaromaiḥ pradhūpayet
jhaṇṭālī divase proktā tṛtīye jṛmbhaṇādikam

30.54

ceṣṭā gohastidantādyairajākṣīreṇa lepanam
rājinimbadalairdhūpaścaturthe vāsare grahī

30.55

kākolī phenavamanaṃ prakṣobho nayanasya ca
rājimātaṅgadantaistu lepanaṃ nimbapatrakaiḥ

30.56

ahinirmokasaṃyuktairdhūpaḥ pañcamavāsare
siṃhikā muṣṭibandhādyaṃ ceṣṭā lodhravacādibhiḥ

30.57

ālepanaṃ syād dhūpo'pi tannirhmalyādibhirmataḥ
phaṭkārī ṣaṣṭhadivase tacceṣṭā rodanādikā

30.58

purakuṣṭhaghṛtairlepo dhūpastaireva sammataḥ
saptame muktakeśī tu vāsare jāyate tadā

30.59

ceṣṭā rodanadurgandhakāsajṛmbhaṇapūrvikā
sājamūtravacākuṣṭhairlepo vyāghranakhairapi

30.60

dhūpo'ṣṭame hi kathitā daṇḍinī kāsapūrvikā
ceṣṭā rasonakavacāhiṅgusiddhārthakairrmatau

30.61

lepadhūpau ca navame mahāmahiṣisaṃjñitā
muṣṭikhādanakāsādyā ceṣṭā tagaracandanaiḥ

30.62

kuṣṭhasarṣapasaṃyuktairlepastatra praśasyate
kapiromanakhairdhūpo daśame rodanī grahī

30.63

gṛhṇāti bālakaṃ tatra tacceṣṭā nīlavarṇatā
nimbapatradalairdhūpalepau prāgvad balirmataḥ

30.64

pūtanā nāma gṛhṇāti māsikaṃ bālakaṃ gra hī
granthiśca ceṣṭā tatra syāt kākavad rodanaṃ tathā

30.65

dvitīye māsi makuṭā śītalvātvādikaṃ tanoḥ
ceṣṭā dhūpo'pi naimbaiḥ syāt patrairlaśunasaṃyutaiḥ

30.66

tṛtīye gomukhī māse tacceṣṭā rodanādikam
kṣīrāgābilvapatrādbhiḥ saṃsnāpyātha pradhūpayet

30.67

siddhārthaighṛtasaṃyuktaiścaturthe māsi piṅgalā
tacceṣṭā gātraśoṣārthaṃ snānadhūpau ca pūrvavat

30.68

sarājigajabantena lepo dhūpaśca tatparaḥ
nimbacchadāhinirmokaiḥ sājyanirmātyakairapi

30.69

haṃsikā pañcame muṣṭibandhordhvālokanādikam
śvāsaśca jṛmbhaṇaṃ ceti ceṣṭā lepe'pi tat punaḥ

30.70

meṣaśṛṅgaśilātālalodhreṇa vacayā punaḥ
nirmālyādyaiśca saṃghūpya rakṣecchiśumatandritaḥ

30.71

ṣaṣṭhe māsi ca gṛhṇāti paṅkajā kukṣitodanam
ceṣṭā nimbacchadairdhūpo bhavet sarṣapasaṃyutaiḥ

30.72

śītalā saptame māsi śītalatvādi ceṣṭitam
aṣṭame māsi yamunā mukhaśoṣaṇapūrvikā

30.73

ceṣṭā cikitsā naivātra navame māsi bālakam
bādhate kumbhakarṇī ca tacceṣṭā mū(rti ? rchi)kā vamiḥ

30.74

kulamāṣamatsyamāṃsānnagandhādyairīśato baliḥ
tāpasī daśame māsi nirāhāro'kṣimīlanam

30.75

ceṣṭā ca pītaraktānnamatsyamāṃsairudagbaliḥ
atha caikādaśe māse rākṣasī nāma bālakam

30.76

gṛhṇāti netrayorāndhyaṃ nāsti tatra pratikriyā
dvādaśe māsi capalā tacceṣṭā śvāsapūrvikā

30.77

dvitīye vatsare tadvad yātanā paitanādikam
ceṣṭitaṃ keśagodantadhūpaḥ pañcadalāmbubhiḥ

30.78

snānaṃ tṛtīyavarṣe tu rodinī rodanādikam
ceṣṭā caturthe varṣe tu caṭakā vedanādikam

30.79

ceṣṭitaṃ piñcharomādyairdhūpastatra vidhīyate
pañcame cañcalā varṣe gātrabhaṅgādirūpiṇī

30.80

ceṣṭātra dhāvanī varṣe ṣaṣṭhe ceṣṭātimūtratā
rājīlaśunakairdhūpaḥ snānaṃ pañcadalāmbubhiḥ

30.81

yamunā saptame varṣe nirāhāratvakāriṇī
aṣṭame hāyane bālaṃ bādhate jātavedasī

30.82

navame kālinī varṣe karasphoṭādikāriṇī
oṃ muñca paca daha āgaccha bālike ṭhaṭha
tilairanena mantreṇa hutvā tad dhūpayedapi

30.83

kalahaṃsī ca daśame vatsare jvarakāriṇī
siddhārthakuṣṭhalaśunairlepo goromasaṃyutaiḥ

30.84

picumandadalairdhūpaḥ syādekādaśavarṣake
devadūtī sadā bhūrikṣutpipāsādikāriṇī

30.85

palitā dvādaśe varṣe netrarogādikārikā
tathā trayodaśe varṣe vāyavī tatra ceṣṭitam

30.86

aṅgasādādikaṃ tatra yakṣiṇī bādhate śiśum
grahī caturdaśe varṣe jvaraśūlādikāriṇī

30.87

grahī ca muñjakamukhī varṣe pañcadaśe matā
cikitsā nāsti varṣe tu ṣoḍaśe vānarī smṛtā

30.88

tathā saptadaśe varṣe grahī bandhavatī sadā
gātratodamanomohapralāpādikarī matā

30.89

varṣe cāṣṭādaśe bālaṃ kumārī nāma bādhate
evaṃ bālagrahāḥ proktāḥ sarvā devyastu mātaraḥ

30.90

kumārīśabdapūrvaṃ tu namontaṃ svasvanāmabhiḥ
sarvāsāṃ ca baliḥ kṣepyo mantrāṃścaitān japedapi

30.91

brahmā viṣṇuśca rudraśca skando vaiśravaṇastathā
rakṣantu tvaritā bālaṃ muñcantu ca kumārakam

30.92

prakṣiptabalinānena tridhā nīrājayecchiśum
balipradānasyānte tu japenmantraṃ spṛśan śiśum

30.93

balipradānasyānte tu mantramenamudīrayet
tilarājighṛtairhomaṃ kuryāt tadgrahamuktaye

30.94

anena rājikālepo dhūpaścaiva grahāpahaḥ
āruyāvidarbhite bhūrje bandho bālagrahārtijit

30.95

hasto mākrāntakau sākṣau vīpsitau tārapūrvakau
rudrasya hṛdaye jātā rudrasya hṛdaye sthitā
rudre raudreṇa rūpeṇa tvaṃ devi ! ehi rakṣa mām

30.96

huṃ phaṭ ṭhaṭha
śikhāyāṃ vā gale kaṭyāṃ dhārayet skandamekhalām
bālo bālagrahairvāpi sarpādyairvā na bādhyate

30.97

viṣṇuste pūrvataḥ pātu rudro rakṣatu dakṣiṇam
brahmā tu paścime pāyāt skando rakṣatvathottaram

30.98

upariṣṭāt tathā sūryaḥ pātu tvādhaśca vāsukiḥ
pāyācca tvāmadho vatsa ! śiṣṭāḥ kāṣṭhāḥ samīraṇaḥ

30.99

svasti karotu bhagavān pinākī vṛṣabhadhvajaḥ
gāvo rakṣantu sarvatra bhūmiḥ pātu sadā śivā

30.100

rakṣatu tvāmaśeṣāṇāṃ bhūtānāṃ prabhavo hariḥ
yasya nābhisamudbhūtapaṅkajādabhavajjagat

30.101

ekadaṃṣṭrāgravidhṛtā dhārayatyavanī jagat
varāharūpadhṛg devaḥ sa tvāṃ rakṣatu keśavaḥ

30.102

nakhāṅkuravinirbhinnavairivakṣaḥsthalo vibhuḥ
nṛsiṃharūpī sarvatra rakṣatu tvāṃ janārdanaḥ

30.103

vāmano rakṣatu sadā bhavantaṃ yaḥ kṣaṇādabhūt
trivikramaḥ kramakrāntatrailokyaḥ sphuradāyudhaḥ

30.104

śiraste pātu govindaḥ kaṇṭhaṃ rakṣatu keśavaḥ
guhyaṃ sajaṭharaṃ viṣṇurjaṅghe pādau janārdanaḥ

30.105

mukhaṃ bāhū prabāhū ca manaḥ sarvendriyāṇi ca
rakṣatvavyāhataiśvaryastava nārāyaṇo'vyayaḥ

30.106

śaṅkhacakragadākhaḍgaśārṅganādahatāḥ kṣayam
gacchantu pretakūṣmāṇḍā rākṣasā ye tavāhitāḥ

30.107

tvāṃ pātu dikṣu vaikuṇṭho vidikṣu madhusūdanaḥ
hṛṣīkeśo'mbare bhūmau rakṣatu tvāṃ mahīdharaḥ

30.108

anena tu sadā rakṣāṃ nandagopastadākarot
kṛṣṇasyaitajjapan sparśād rakṣāṃ syādakṣatā śiśoḥ

30.109

śaktimadhye śiśornāma tāraṃ l‍yuyugalaṃ jalam
svāhānto'nena parito veṣṭayed bāhyataḥ śaśī

30.110

khaṇḍendubhiradhovaktrairbahiḥ saṃveṣṭayet punaḥ
śiśurodanahṛccakraṃ saṃpūjya kalitaṃ tvidam

30.111

ājyaṃ nimbadalaṃ rasonakajatūvaṃśatvacā saṃyutaṃ
siddhārthājyabhujaṅgacarmanṛkacairnirmāl‍yayuktaṃ tathā
veṇutvagjatunimbapallava(kṛ ? ghṛ)taiḥ siddhārthayuktaṃ tvime
dhūpā bālahitāhvayo'pi kathitā bālagraharticchidaḥ

30.111.p1

iti śrīmadīśānaśivagurudevapaddhatau tantrasāre mantrapāde
bālacikitsāpaṭalaḥ ekacatvāriṃśaḥ

Linked texts (3)