Mantrapada 31: atha dvicatvāriṃśaḥ paṭalaḥ
Mantrapāda 31
- Language
- Sanskrit
Contents
- 31.363 — 1 part
atha dvicatvāriṃśaḥ paṭalaḥ
31.1
nistejadevā suranāgayakṣagandharvarakṣaḥpitṛheḍūmassāḥ
yonyudbhavāḥ kaśmalakāḥ pralāpā vighnāḥ kuśāntyāśca piśācabhūtāḥ
31.2
aṣṭādaśavidhāstvevaṃ grahā gṛhṇanti mānavān
unmādāścāpyapasmārāstathānye brahmarākṣasāḥ
31.3
sarve grahāste gṛhṇanti balikāmastu mānuṣān
ratikāmrā hantukāmāḥ saumyāgneyāśca te dvidhā
31.4
śūnyālayasarovāpīśailodyānanadīṣu ca
ekavṛkṣaśmaśāneṣu caityadevālayādiṣu
31.5
nivasanti grahāstvete pīḍayanti ca mānavān
kruddhaṃ dṛṣṭaṃ hāsinaṃ ca bhītamekākinaṃ niśi
31.6
ucchiṣṭaṃ bhūṣitaṃ rātrau naṣṭālabdhadhanaṃ tathā
viyoginaṃ mumūrṣu ca striyaṃ nagnāṃ ca garbhiṇīm
31.7
durācārāmṛtusnātāṃ navasūtāṃ rajasvalām
kāmārtā madyapāṃ muktāṃ rathyācatvarayoḥ sthitām
31.8
sandhyāsu prathamābhogyāmabhyaktāmavamānitām
devatāvipramahatāṃ nindayā pūrvavairataḥ
31.9
ṛṇāt karmavipākācca grahā gṛhṇanti nānyathā
durbalo nirnimīlākṣo nistejo bahubhāṣitā
31.10
snātaḥ sugandhasragvastraḥ saumyo hṛṣṭaḥ suragrahī
duṣṭātmā nirbhayo dṛpto dharmadevadvijān dviṣan
31.11
bahvāśī prahasan sarvān sakampāṅgo'suragrahī
gulapānīyadugdhādivāñchayā sṛkkiṇī lihan
31.12
bhūmau prasarpan raktākṣaḥ kroḍī nāgagrahāturaḥ
raktamālyādigandhecchuḥ saṃraktanayanāturaḥ
31.13
akrodhanastūrṇagāmī gambhīro yakṣapīḍitaḥ
sraggandhagītavādyecchuḥ krīḍan gandharvapīḍitaḥ
31.14
nirlajjo madyamāṃsāsṛkpriyo'śaucaśca rākṣasaḥ
piṇḍodakakriyāṃ kurvan māṃsecchuśca pitṛgrahau
31.15
jānusthādhomukhaḥ smeraḥ samuddiṣṭairhṛgo grahī
asaṅgataṃ bruvan vepan śītāṅgastiryagīkṣaṇaḥ
31.16
śuddhāṅgo bahubhuk śuddho bhasmagrahanipīḍitaḥ
svinnāṅgo meṣagandhī ca nirmaryādaścalekṣaṇaḥ
31.17
bahvāśī cintitaṃ jānan māṃsārthī yonijagrahī
niśśauco malapaṅkāḍhyo bhasmaśāyī hasan rudan
31.18
strīdviḍbhan sadaiva anyān bhīṣayan kaśmalagrahī
nṛtyan hasaṃśca śuṣkāṅgo bahvāśī svāṅgabhañjanaḥ
31.19
bahupralāpo vijñeyaḥ pralāpagrahapīḍitaḥ
śūtkāravān vaman dantān kaṣan vaināya kagrahī
31.20
viviktavāsī śuklāṅgo dhāvan dāruṇanisvanaḥ
ataptirbhojane pṛṣṭo na brūte yaḥ kuśagrahī
31.21
viṭpaṅkalepo raktākṣastarjayan raktalocanaḥ
bahvāśī dīnavāg lubdhaḥ sāṅgakampo'ntyajagrahī
31.22
durgandhaśvāśucirlolaḥ piśāco'tyantarūkṣavāk
sarvānukārī praharan janānuccaiḥ prabhāṣitā
31.23
ārohavikṛto vṛkṣān bhūtagrahanipīḍitaḥ
āsphoṭayan hasan gāyan rudaṃścāṅgāni vikṣipan
31.24
ātāmrakṛśadehaśca vātonmādī bhṛśāturaḥ
garjanaṃ dhāvanaṃ kopaḥ śītacchāyānnagṛdhnutā
31.25
pītoṣṇadehatā chardirunmādaiḥ śleṣmapittajaiḥ
vivṛttanetraḥ patito visaṃjñaḥ phenaṃ vaman saṅkucitāṅghrihastaḥ
krandan subhīmaṃ vidaśaṃśca dantān mattastvapasmārayutaḥ sukhī (?) ca
31.26
paṭhan vedān kuśān dhatte dvijānuṣṭhānakṛt sadā
devān yajati viprāṃśca grahaśca brahmarākṣasaḥ
31.27
dhāvan valgan hasan kṣaitraceṣṭitaḥ kṣatriyagrahī
31.28
ujjṛmbhaṃśca hasan krandan kaṣan krośan vaṇiggrahī
avācyaṃ pravadan nṛtyan krudhyan viṇmūtrabhakṣitaḥ
31.29
medrādispṛg hasan viprān pradviṣan vṛṣalagrahī
keśān vidhūnvan harṣeṇa vadan paśyati mantriṇam
31.30
vṛkṣādernipataṃstoyamagniṃ vā praviśan rudan
hantukāmastu mantrādyairasādhyaṃ taṃ vivarjayet
31.31
udvignaḥ sarvataḥ paśyan jvaraśūlādipīḍitaḥ
kṣuttṛṭparigato brūte dehīti balikāmukaḥ
31.32
strībhiḥ krīḍan samṛddhimraḥ susnātaḥ priyabhāṣitaḥ
gandhamālyapriyaḥ śuddho ratikāmastu sa smṛtaḥ
31.33
sādhyāvetau grahau vidyād balikāmaratipriyau
mahāpātakalaipaiśca strīgoguruvadhādibhiḥ
31.34
śrīnīlakaṇṭhapādābje śasaḥ satyaṃ vaded grahaḥ
grahaṃ grahepsitaṃ cāpi jñātvā tadanurūpataḥ
31.35
kṛtātmarakṣaṇo mantrī kuryād grahacikitsitam
pūrvaṃ grahāṇāmabhivāñchitārthairbalipradānaistanutāccikitsām
yadā na muñcenmṛdubhiḥ prayogaistatāścikitsāṃ vidadhātu raudrīm
31.363
ālepanairdhūpaviśeṣabaddhaiḥ krūraistathā bhartsanatāḍanaiśca
tatputtalīcchedanavedhahomaiḥ kuryād vimokṣaṃ kramaśro grahāṇām
31.363.p1
iti śrīmadīśānaśivagurudevapaddhatau tantrasāre mantrapāde
grahaceṣṭāpaṭalo dvicatvāriṃśaḥ
Linked texts (1)
- Īśānaśivagurudevapaddhati — Īśānaśivagurudeva, Sanskrit