Mantrapada 33: atha catuścatvāriṃśaḥ paṭalaḥ
Mantrapāda 33
- Language
- Sanskrit
Contents
- 33.23 — 1 part
atha catuścatvāriṃśaḥ paṭalaḥ
33.1
athonmādasya śamanamapasmārasya cocyate
śatāvarī ca madhukaṃ vidārī pippalī madhu
33.2
kharjūraśarkarāsarpiḥ sarvonmādaharaṃ pibet
unmattamūlacūrṇaṃ tu cukrataikānvitaṃ bhuvi
33.3
saptāhaṃ nyastamuddhṛtya liptamunmādaśāntikṛt
madhūkaṃ ca kaṇā yaṣṭimūrvākāmustaśārivāḥ
33.4
karpūracandanaṃ sarpiḥ stanyekṣurasaśarkarāḥ
piṣṭvā nasi kṛtā hanyurunmādāni navānyamī
33.5
kuṣṭhahiṅguvacāyaṣṭiśirīṣalaśunaina taiḥ
nasyāñjanaṃ sājamūtraiḥ pānaṃ ca bhrāntināśanam
33.6
śivaskandāryanirmātyanirmālya'jyaṃ ca guggulu
vacāromagopuccharomanimbāśviputrayuk
33.7
rājīhiṅguyutaṃ dhūpāttrisandhyaṃ grahanāśanāḥ
mayūrapittagośṛṅgakukkuṭāṇḍavilālaviṭ
33.8
vacārajonmattāni mātulāsthi kaṭutrayam
rājīnimbadalairhiṅguyuktairdhūpo grahāpahaḥ
33.9
gomūtroṣaṇasindhūtthakapitthaśiphayā kaṇā
grastākṣaṇorañjanādvanyādunmādāṃśca grahānapi
33.10
bandhyakārkoṭakīmūlaṃ hiṅgu ca nṛjalokṣitam
śuṣkaṃ gulīkṛtaṃ hanyādañjanād saviṣagrahān
33.11
rasonānembapatrāsthilepānmuñcati tadgrahaḥ
mātṛhābhūtavṛkṣābhyāṃ nasyālepau grahāpahau
33.12
śirīṣahiṅgalaśunamañjiṣṭhābakayaṣṭibhiḥ
vacākuṣṭhagulīnasyādañjanācca grahān haret
33.13
vyoṣahiṅguniśādāruśirīṣalaśunairvacā
karañjabījamañjiṣṭhākadalīmūlakalakataḥ
33.14
rambhāmbhasā ca gomūtrakathitājyaṃ grahāpaham
brahmadaṇḍīṃ ca muṇḍīṃ ca kumārīmindravāruṇīm
33.15
piṣṭvā nṛmūtre nasyena grahonmādavināśanam
bhārgīlavaṇakuṣṭhāni vṛścikālī ca pippalī
33.16
cūrṇīkṛtānyapasmāraṃ hanti nasyaprayogataḥ
puṣyāhṛtaṃ śunaḥ pittaṃ hantyapasmāramañjitam
33.17
tena goghṛtayuktena dhūpo'pasmāranāśanaḥ
śunā vaibhītaphalake khāditāstattvilāḥ punaḥ
33.18
yātāḥ śakṛttvaṃ tattailaṃ nasyāddhanyādapasmṛtim
vṛkaviḍḍhūsanasyaṃ ca dhūpaṃ cāpasmṛtiṃ haret
33.19
vṛkairbhakṣitamāṃsāsthi pānanasyācca taddharet
bhūnimbāmṛtapūtīkā niryāso vanaśigrujaḥ
33.20
vandhyakārkoṭakīyoṣāṃ (?) kolakvāthaṃ pibed yadi
dinatrayaṃ vā saptāhapamapasmāramahāpahaḥ
33.21
vacāśvagandhākuṣṭhāni niśe dve śaṅkhapuṣpikā
kaṭūni dhātrī sindhūtthaṃ kalkameṣāṃ tu nityaśaḥ
33.22
eṣāṃ pṛthakpalakvāthaḥ prasthadvayamito bhavet
brāhmīrasasya prasthe dve ghṛtaprasthe tu pācayet
33.23
tatpānāddhantyapasmāramunmādāṃśca grahānapi
pratyekaṃ kuḍubaṃ tu yaṣṭimadhukaṃ hiṅgośca sindhoḥ pṛthag
viṃśatyā kuḍubairgajendrasalilaṃ pañcāṃśakaṃ goghṛtam
kūṣmāṇḍasya raso bhaved dviguṇito mūtrājyayoḥ pācitaṃ
tat pītaṃ ca ghṛtaṃ tathā nasikṛtaṃ hanyādapasmārakān
33.23.p1
śatapalakaśaṅkhakusume droṇadvayavāriyojite kathite
tailājyakuḍubaṣaṭke siddhaṃ pītaṃ jayedapasmāram || 243/2
iti śrīmadīśānaśivagurudevapaddhatau tantrasāre mantrapāde
apasmāronmādapaṭalaścatuścatvāriṃśaḥ
Linked texts (1)
- Īśānaśivagurudevapaddhati — Īśānaśivagurudeva, Sanskrit