Mantrapada 37: athāṣṭacatvāriṃśaḥ paṭalaḥ

Mantrapāda 37

Language: Sanskrit

37.105 — 1 part

athāṣṭacatvāriṃśaḥ paṭalaḥ

37.1

atha saṃvananākṛṣṭiviṣaye kiñciducyate
dīrghaṃ kūrmmaṃ karṇiṣaṃ soṣṭhomākāntadārukaḥ

37.2

amukaṃ dahavīpsāntaṃ pacaśabdo mameti ca
vaśamānaya cāme'ṣṭau vikṛtyarṇo manuḥ smṛtaḥ

37.3

trisaṃkhyaṃ gurusaṃkhyaṃ tu japed gurudināni tu
sandhyāyāṃ śuktalavaṇaṃ sakṣaudraṃ vaśakṛddhutam

37.4

kāphuṇḍeṇiṣiṇi kāphuṇḍāli amukaṃ daha paca śīghraṃ vaśamānaya ṭhaṭha
saṃkārpāsāsthilavaṇadantakāṣṭhāṅghripāṃsubhiḥ
anena sandhyāhomena saptarātrād vaśīkaram

37.5

namaḥ kṛṣṇāya yakṣāya ṇāviri ṇāviri cale vicale citte reto
mocaya ṭhaṭha
aśvārikusumaṃ raktaṃ saptavārejapāt puraiḥ
yasyāstu bhramayet sāsya vaśyā syāt kṣarati dhruvam

37.6

yakṣāṇāṃ namaḥ | asame kusume ṭhaṭha
etatsaptajapāt puṣpaṃ dattaṃ vaśyāya vā phalam
catuṣpatrāmbujaṃ bhūrje rocanācandanāṃrpitam

37.7

sanāmakarṇikaṃ patracatuṣkaṃlikhitāṅkuśam
ājyasthamarcayet puṃstrīvaśyamākarṣayedapi

37.8

sāgniḥ sāsūryordhanārīśaḥ sāṅghridaṇḍī tu vāsasī
citāṅgāreṇa likhitaṃ yonisyaḥ sādhyavaśyakṛt

37.9

vṛṣameṣau dṛśā yuktau dīrghasya brāhmaṇo'ntagau
manorañjani ṭhadvandvaṃ daśārṇo vaśyakṛnmanuḥ

37.10

likhed vāmatale lākṣārasenāṣṭadalāmbuje
patrasthamantraṃ vaśyāya darśayeddhṛdi vā nyaset

37.11

mantraṃ likhitvā vaśyādau japedāyāti kāṅkṣitā
japitvānena dadhijaṃ yonau vinyasya tajjapāt

37.12

tenājyena maṣī klṛptā netrasthā bharturañjinī
athātra sarvavaśyānāṃ mukhyo lavaṇasaṃjñitaḥ

37.13

mantro hvātharvaṇo'syārṣirvaruṇo lavaṇo'ṅgirāḥ
chando'nuṣṭubh mahārātrirbhadrakālī ca devatā

agnirityapare prāhurdhyānaṃ ca dvividhaṃ smṛtam
kāḷī kālaghanopamā triṇayanā śūlāsikhaṭvāṅgakān
nāgaṃ dakṣiṇato'nyato ḍamarukaṃ muṇḍaṃ ca kheṭaṃ karaiḥ
bibhrāṇāṃsakapālakaṃ ca vilasaddaṃṣṭrāhibhūṣojjvalā
dhyeyā piṅkakapardasaṅghaṭaśiromālā sunīlāmbarā

37.15

amiśca,
trilocano meṣagataḥ kapardī sruvaṃ ca śaktiṃ varadābhaye ca
bhujairradhat kuṅkumapiṅgavarṇo vibhūṣito'mirdhavasāmbarādyaiḥ

37.16

māṃsakumbhāvumākānto dadhiro'nusvārabhūṣitaḥ

37.17

bhasi tīkṣṇo'syugro'si hṛdayaṃ tava lavaṇasya pṛthivī mātā lavaṇasya
varuṇaḥ pitā
lavaṇe hūyamāne tu kuto nidrā kuto ratiḥ
lavaṇaṃ pacati pācayati lavaṇaṃ chindati bhindati
amukaṃ daha gātrāṇi daha māṃsaṃ daha tvacam

37.18

daha tvacāsthimajjāni asthibhyo majjakāṃ daha
yadi vasati yojanaśataṃ nadīnāṃ vasate'ntare

37.19

nagare lohaprākāre kṛṣṇasarpaśatārgale
sa dagdhvānayate śīghramagnerlavaṇasya tejasā

37.20

atraiva vaśamāyāti loṇamantrapuraskṛtam
yā rātriḥ śalyamuddhṛtya śūlāgrāropitasya ca

37.21

yā te rātrirmahārātriḥ sā te rātrirmahāniśā
ciṭi! caṇḍāḷi! mahācaṇḍāḷi! amukaṃ vaśamānaya ṭhaṭha
dhyāyan japet sahasraṃ yastasya viśvaṃ vaśe bhavet

37.22

jānumātrajale rātrau bhadrakāḷīṃ smaran japet
yamuddiśya sa vaśyaḥ syāt sahasramatha vā śatam

37.23

raktasraggandhakusumairdevīmagniṃ ca pūjayet
sādhyanāmavidarbhaṃ tu tālapatre likhejjapet

37.24

sahasraṃ tettu nikhaned bhadrakālīgṛhe yadi
sādhyo vaśyo bhavet tasya yāvajjīvamasaṃśayaḥ

37.25

sādhyarkṣavṛkṣaphalake samāsīnastu vāgyataḥ
kṛṣṇāṣṭamyāṃ niśāyāṃ tu yāmādūrdhvamudaṅmukhaḥ

37.26

raktagandhāmbaradharaḥ kuṇḍe vā sthaṇḍile'thavā
iṣṭvāgnimagneḥ prāgbhāge bhadrakālīṃ tu pūjayet

37.27

raktavastre'cchalavaṇanirmitāṃ sādhyaputtalīm
sajīvanāmahṛdayāṃ saprāṇendriyasannidhim

37.28

kṣaudrasiktāmabhimukhād vyāhṛtyā juhuyāt param
āvāhyāgnau bhadrakālīmārādhya dhyānamāsthitaḥ

37.29

vāmapādaṃ samārabhya yāvaddhāmakarāntakam
vibhajya tāṃ tu juhuyād yāvadāhutisaptakam

37.30

ājyaṃ vyāhṛtibhirhutvā bhūtakūreṇa vai balim
tilarājiniśāsaktudadhimiśraudanaṃ kṣipet

37.31

ṇapho ṇapho kālarātrigaṇebhyaḥ sarvavaśyakarebhyaḥ sarvaśāntikarebhyaḥ| pratigṛhṇantu sarvavaśyāya sarvaśāntaye balimimaṃ ṭhaṭha
paścāt sādhyasya hṛdayaṃ mantreṇa svahṛdi nyaset
sa evāhamiti smṛtvā japet saptatricārakam

37.32

agniṃ caiva mahārātrimudvāsya tu samāpayet
kṛṣṇāṣṭamīṃ samārabhya yāvat kṛṣṇacaturdaśī

37.33

tāvallavaṇahomaṃ tu kṛtvā sarvaṃ vaśaṃ nayet
sādhyo dadyācca sarvasvaṃ dāsatvannātra saṃśayaḥ

37.34

āsyadaghnajale sthitvā sahasrāvṛtti karṣaṇam
muktapuṣpasahasreṇa pratyekaṃ tatpade kṣipet

37.35

japtvā bhadrakālyāstu sādhyākṛṣṭikaraṃ param
tālapatre likhenmantraṃ sādhyanāmavidarbhitam

37.36

sājyakṣīrāmbhasi kvāthya japannākarṣayejjanam
nāsyāsti hi puraścaryā nopavāsādikāḥ kriyāḥ

37.37

gṛhīta eva phalati japadhyānādiyogataḥ
lavaṇamantrādhikāraḥ
meṣāṣaḍhī sahadṛgvalkau klinne bhānto'triṇā drave

37.38

hṛdayaṃ ca sadāklinnā japādyaiḥ sarvavaśyakṛt
nityai huṃphaṭ | nityāyai ṭhaṭha | nityaklinne hum | nityaklinne namaḥ
ṭhaṭha
dṛṣṭvālokya japed vidyāṃ sā kṣared vaśagā tathā

37.39

tajjāpajalapānena gandhādyālepanena ca
kusumādipradānena vaśayedakhilaṃ janam

37.40

devaśrīmukhaśrīyakṣi mahāyakṣi ! padmāvati ! amukaṃ me vaśamānaya ṭhaṭha
raśmikṣetraphalakāyugmaṃ māhendramanunāmayuk
martyaṃ paropari nyastaṃ guptaṃ samyag vaśīkaram

37.41

namo mātaṅgānām | namo mātaṅgīnām | namo mātaṅgakumārikāṇām
tadyathā kuru kuru ṭhaṭha
vālmīkaputtalīṃ sākhyāśirasaṃ prāṇasaṃyutām
japedākramya pādena trisandhyaṃ tadvaśīkaram

37.42

dakṣiṇetarapādābhyāṃ puṃstrīvaśakaraṃ kramāt
saptadinamiti yāvat
pāśaśaktyaṅkuśādyuktāṃ japet svaikyamumāṃ smaran

37.41-2

niyutaṃ sa vaśe viśvaṃ japādyaiḥ kurute sphuṭam
hṛddhīrghavedhā kaॉlaśca dhehā śalarva gaṇardha priyāya sarvajanasaṃmohanāya jvala
prajvala sarvajanasya hṛdayaṃ mama vaśaṃ kuru ṭhaṭha
atha manmathamantrastu svaikyaṃ dhyātvā tu manmatham

37.44

raktākalpaṃ suraktāṅgaṃ manaseṣṭā japenmanum
sarvasaṃvanano hyeṣa japahomādisādhitaḥ

37.45

sagandhapuṣpairaparedyurāyasaṃ nidhāya cālohitatantuveṣṭitam
sitārkamarkābhyudaye tu tacchiphā hṛtā tayā syāt tilakaṃ vaśīkaram

37.46

hemapañcāṅgacūrṇāḍhyavarttyā sādhitakajjalam
netrābhiyuktaṃ vaśayet puruṣānapi yoṣitaḥ

37.47

candanāgarukarpūrakāśmīrotpalakesarāḥ
māṃsīlavaṅgebhamadayaṣṭibhiḥ samabhāgikaiḥ

37.48

ālaktake kṛṣṇapaśormiṣyādyairakhilavaśyadā (?)
rocanātālakaśilāpadmādyaruṇacandanam

37.49

karṇikārasya niryāsaṃ krauñcapārāvatī śakṛt
kirātatiktabhṛṅgendrabhītā vaṭaśiphāṅkurāḥ

37.50

dugdhasnuhitvak śaśāvid purāṇaṃ tintriṇīphalam
karañjabījaṃ laśunaṃ samānyetāni cūrṇayet

37.51

alaktake viśvavṛkṣaphalatoyavibhājite
pañcagavyena taccūrṇaṃ siktaṃ mūrdhni vinikṣipet

37.52

kṛtvā vartiṃ tu madhvājyanimbaṃtaile kṛtā maṣī
madenebhasya saṃlipte śarāve lokarañjanī

37.53

ātmapañcāṅgasammiśraṃ pañcāṅgaṃ kanakasya tu
madhunā peṣitaṃ dadyādupayuktaṃ vaśīkaram

37.54

saindhavaṃ mātuluṅgāmle kṣiptvā kāyāmbusecitam
saptāhaṃ tanniśāyāṃ tu saṃpuṭe tu śarāvayoḥ

37.55

catuṣpathe digvasanaḥ kāṣṭhairdhustūrakaiḥ pacet
yebhyastad dīyate loṇaṃ te vaśyā yāvadāyuṣam

37.56

kuṣṭhaṃ punnāganiryāsaṃ siṃhīmūlaṃ madhuplutam
piṣṭvālipya vrajed yoṣāṃ bhārgavastambhanaṃ smṛtam

37.57

gavyājasnuhidugdhānāṃ tatstambhaḥ pādalepanāt
śvetapuṅkhekṣumūle tu mukhe vinyasya kāñcike

37.58

tat piṣṭvā meḍhramālipya kāvyastambhanamuttamam
lambitadhvajayoraśvagajayormukharomabhiḥ

37.59

tathā vṛṣasya lāṅgūlaṃ mukharomāṇi cāharet
rajjuṃ tairvalayākārāṃ kṛtvā mantreṇa mantritam

37.60

prakoṣṭhe dakṣiṇe kṣiptvā ratiḥ kāvyanivāraṇau
dantīmūlaṃ snuhikṣīre piṣṭvā pādau pralepayet

37.61

pādalepena kāvyasya stambhaḥ syāt kṣālane patet
matsyapittaṃ turaṅgasya kesaraḥ kariṇo madaḥ

37.62

madhunā dhvajamālipya yoṣāsaṃvananaṃ param
vilaṅgaṃ tilapuṣpāṇi gulaṃ karpūracandane

37.63

svabhāgarveṇa lepo'yaṃ yoṣāsaṃvananaṃ param
māṃsī vacāśvagandhā ca kundaṃ ca vakulaṃ tathā

37.64

ambhaḥpiṣṭaṃ tadudvartya sthaulyaṃ prajananau vrajet
jātipuṣpaiḥ pacet tailaṃ tallepāt subhago bhavet

37.65

dhurtūrabṛhatīpatre gātramudvartya vaśyadam
dhurtūrapatrarātribhyāṃ vaśyamudvartanaṃ tathā

37.66

niryāsa karṇikārasya karpūraṃ ketakīrajaḥ
sindhūtthakṣaudrayuglepo dhvajasya mararṇāntikaḥ

37.68

bailavaṃ ca puṣpaṃ saghṛtaṃ ca padmaṃ jātibhiyaṅguṃ paśurocanābhiḥ
tadvartigavyājyamaṣīṃ dṛśo'ñjad yaṃ yaṃ janaṃ paśyati so'sya dāsaḥ
kuṣṭhaṃ kuraṇḍaṃ madhukāgarū dve kastūrikācandanaminduyuktam
ālepitaṃ gomayavāripiṣṭaṃ spṛṣṭaṃ karābhyāṃ vaśayet samastam

Linked texts (1)

Īśānaśivagurudevapaddhati — Īśānaśivagurudeva, Sanskrit

Mantrapada 37: athāṣṭacatvāriṃśaḥ paṭalaḥ

Contents

athāṣṭacatvāriṃśaḥ paṭalaḥ

Linked texts (1)