Mantrapada 39: atha pañcāśaḥpaṭalaḥ
Mantrapāda 39
- Language
- Sanskrit
atha pañcāśaḥpaṭalaḥ
39.1
corakuṣṭhamurāgranthimāṃsīpūtīṃśca te samāḥ
dhātrīphalaṃ tantriguṇaṃ gandhatoyena peṣayet
39.2
gandhena dhūpitaṃ puṣpaiḥ sugandhairapi vāsitam
gandhāmalakametattu rājayogyamudīritam
39.3
elātagarapatrābjagranthirukpūticorakāḥ
samāstadviguṇā dhātrī supiṣṭā gandhavāriṇā
39.4
gulāgarubhyāṃ sarjena bhūyo bhūyaśca dhūpitam
puṣpādhivāsitaṃ tvetat sugandhāmalakaṃ bhavet
39.5
granthirmāṃsī maruvakaṃ śaileyaṃ dāmanaṃ dalam
coragaṃ tagaraṃ sarvaṃ samaṃ tebhyo dvibhāgakam
39.6
prāgvadāmalakaṃ proktaṃ saṃskāro'pi ca pūrvavat
ṭaṅkaṇaṃ hastikusumaṃ devadālīmṛṇālake
39.7
cūrṇīkṛtaiḥ samagrukaiḥ kiñcinmadhusamanvitaiḥ
ākuṇṭhitāni puṣpāṇi drutiṃ muñcanti yuktitaḥ
39.8
madhunālipya paraśuṃ tacchidratarucūrṇakaiḥ
churitāni dravantyeva mallikācampakāni vai
39.9
śaṅkhacūrṇarasālepāt ketakīdyutisambhavaḥ
mañjiṣṭhānavapattaṅgakusumbhāraktacandanaiḥ
39.10
kramavṛddhaistu lākṣāmbholulitairvastragālitaiḥ
saṃplakṣāttaṇḍulakṣaudrayuktaiḥ samyag vibhāvitaiḥ
39.11
piṇḍīkṛtaistu bhavati jātiliṅgaṃ suśobhanam
viśvaikabhāgā gulanimbahinubījadvibhāgairatha gugguloḥ ṣaṭ
eraṇḍabījasya tathā'jadugdhe piṣṭvā purovad bhavatīha hiṅguḥ
39.12
bilvaphalanimbaviśvāmāṣā laśunaṃ ca hiṅgurete syuḥ
ṛtvabdhinetrabhāgadvayavedamilā yathāpuraṃ hiṅguḥ
39.13
vikāranāgaśrutinetranetraiścandrendunāgairmitabilvamāṣāḥ
naimbairguḍājāhvayahiṅguviśvāraso nakāḥ pūrvavadeṣa hiṅguḥ
39.14
kvāthasya śigrumūlasyacchāgasūtraṃ tathā madhu
39.15
pṛthak catuṣpalaṃ grāhyaṃ tat tribhāgāvaśeṣitam
jātītakola kastūrī candra kāśmīracandanāḥ
39.16
pṛthak phalāni karṣaṃ cāpyagaroḥ ślakṣṇapeṣitam
gandhabhāṇḍe suvihitaṃ maṇḍalaṃ vrīhirāśibhiḥ
39.17
uddhṛtya nikarīkṛtyacchāyāśuṣkaṃ nidhāya tu
nikarādekamekaṃ vā yojitaṃ tulyamṛtsnayā
39.18
jalaklinnaṃ tu tat sākṣād bhavet kastūrikā śubhā
kumūlaṃ śakramocāyāśchittvā kiñcittu vaiṇavīm
39.19
nālikāṃ yojayed dvitriniśāṃ tattadrasasya tu
prasthadvayamitaṃ tasya kaṇośīrakacorakān
39.20
karṣamātraṃ tu sañcūrṇya palārdhaṃ ghanasārakam
cūrṇitaṃ yojayet sarvaṃ nālikākadalījale
39.21
andhīkṛtya samāveṣṭya rajjvālipya mṛdā bahiḥ
dagdhvā tuṣakarīṣāgnau śītamuddhṛtya tat punaḥ
39.22
saptāhaṃ dhānyarāśisthaṃ karpūraṃ jāyate sphuṭam
prarohatoye ketakyāścoṣṇāmbhaḥśālimaṇḍayoḥ
39.23
kṣīre ca ṭaṅkaṇaṃ dhautaṃ yāmamātraṃ sthitaṃ pṛthak
cūrṇayitvā caturthāṃśaṃ ghanasāreṇa yojitam
39.24
kṣīre niṣkvādhya kadalīpatre nikṣipya śoṣayet
taccāru ghanasāraṃ bhavati
pakvabilvaphalāntaḥsthamardhatailena yojitam
39.25
viśoṣya gharme saṃkṣudya svacchadbhiḥ kathitaṃ punaḥ
niṣpīḍya tailaṃ saṅgṛhya karṣakarpūrayojitam
39.26
karpūrtailaṃ bhavati
sikthaicchāditavṛntāni ghṛtakṣaudrasthitāni tu
bījapūrāṇi tiṣṭhanti rasavarṇayutāni hi
39.27
āmrāṇi svavatīrṇāni kiñcidvṛntayutāni tu
taile kṣiptāni sagule ciraṃ tiṣṭhantyasaṃśayam
39.28
anyānyapi phalāni tathā ciraṃ tiṣṭhanti
salavaṇavajrikṣīrābhyāṃ tāmrapatrāṇi lepayet
agnau pratāpya nirguṇḍīrase nirvāpya yatnataḥ
39.29
triḥsaptakṛtvo rūpyādikaraṇe viniyojayet
gandhakena hataṃ tāmraṃ ṭaṅkaṇenotthitaṃ punaḥ
39.30
saptakṛtvo jahātyeva svagandhaṃ kālikāmapi
evaṃ viśuddhaśulbasya patrāṇyacchāni kārayet
39.31
śuddhanāgaśilāsūtān sarpākṣītoyapeṣitān
ālipyālitya gharme tu śuṣkān prakṛtivāsaram
39.32
tataḥ prakāśe vidrāvya gomayonmiśrakāñcike
niṣiñcet saptavāraṃ vā tāraṃ bhavati yojitam
39.33
māsamātraṃ nṛtoyasthaṃ sūtaṃ bhallātatailataḥ
gṛhadhūmena tailena gulenāpi ca khalvake
39.34
peṣayet tena tārasya patrāṇyacchāni lepayet
dattvā puṭatrayaṃ hemnā samaṃ syāt kāñcanaṃ drutam
39.35
munipuṣpasalilapiṣṭaḥ sūraṇakandodarasthito goṣṭhe
khāto māsād dravati śvetaḥ kṛṣṇo'thavā'bhrako hemnā
39.36
dhānyakṛtābhraṃ vajrakṣīre piṣṭaṃ ca bhāvitaṃ tasmin
saptāhādatigharme pātre tāmre'thavāpi mṛtkalpe
39.37
raktotpalasya nālādbhiḥ ślakṣṇapiṣṭaḥ payodharaḥ
paścāt kusumabhatailena piṣṭo yuktyā dravalyasau
39.38
kṣīrakāśmīrase piṣṭo dravalyabhraḥ supeṣitaḥ
lohajātaṃ tathā sarvaṃ dravalyevātape sthitam
39.39
drāk pakvaḥ khaṇḍahālyāstu rase cūrṇīkṛtāni tu
dravanti sarvalohāni yuktyā gharmasthitāni tu
39.40
hematārāratīkṣṇāni dvi(kugu)ñjasārdharaktitaḥ
tadardhapādamānāstu drutā vaṅge niyojayet
39.41
munipuṣparase vaṅgaṃ drutaṃ prakṛtivārakam
niṣiñcet tu śilācūrṇaṃ prativāpaṃ viśuddhaye
39.42
hemādikānuktabhāgān śuddhavaṅgopale kṣipet
sūryanandāśvibhāgāḥ syustāratāmratrapūṃṣi ca
39.43
ārasya ṭaṅkaṇasyāpi prakāśe dravayet saha
nikṣipya gomayāpsu syāt tāraṃ prakṛtivārakam
39.44
kṣoṇībadarikāmūlaṃ lavaṇaṃ laghusikathakam
tilakṣīriṇikākṛṣṇavalayaṃ ca pṛthak pṛthak
39.45
kiṃśukāmbhaḥkuḍuvake goghṛtārdhavimiśrite
saṅkocabandhagulikāṃ sahemāṃ mūrkaitāgatām
39.46
andhīkṛtya kramārdhā tāmuddhṛtyoktarase kṣipet
evaṃ nirvāpya bahuśo jīrṇaṃ bhavati vai yadā
39.47
gulikāsamamuktaṃ tu tato rātrirase drutam
nāgaṃ niṣicya triṣkṛtvo gulikāmānamātrakam
39.48
aṣṭaniṣke tu tannāge kṣiptaṃ tāmraṃ tu vedhayet
karṇikāraprasūnānāṃ rasaprasthe tu nūtane
39.49
kāṃsākhyaṃ vimalācūrṇaṃ niṣkamātraṃ tu nikṣipet
mṛdbhirvinā tadamiśraṃ viśoṣya ghanatāṃ gate
39.50
tattulyaṃ tu śilācūrṇaṃ miśrīkṛtya tu mardayet
tadavasthāpya pātre tu saptaraṅgādihemasu
39.513
niṣkasya guñjamānena krāmaṇasahitaṃ dhamet
tad drāvyamāṇaṃ tvatha kṛṣṇalārdhāt sañcālayecchītalamuddharecca
tadekavarṇādhikatāṃ prayāti prayatnahīnaṃ kanakaṃ sukhena
Linked texts (1)
- Īśānaśivagurudevapaddhati — Īśānaśivagurudeva, Sanskrit